مش عارف أتكلم عن لحظات ضعفي وخوفي من الحكي

Question

مبعرفش اتكلم عن الحظات الي بكون فيها ضعيف 
بخاف احكي للناس القريبين مني يفتكروني ضعيف او بشتكي .
كان دايما عندي ناس كتير اوى بحكيلهم بس كل واحد راح لطريقه بظروف ما.. 
دلوقتي بعد ما شيلت مسؤليات بقى صعب عليا افضفض واحكي لحد ومعنديش حد احكي معاه بدون ما يصدر منه احكام او يكلمني فى الموضوع دا بعدين

Cherry_70051 🇪🇬 · Accepted Answer

نصيحة مني لك لوجه الرب سواء شاب او فتاة حاول تكون كتوم وتشكي همك لربك فهو احن عليك من ابيك وامك

Ice Cream_65327 🇪🇬 · Answer

معلش انا اسف لازم تتكلم وتفضي اي سلبيات موجودة حتي لو علي البرنامج عشان تاخد نصيحة من حد عدا بنفس ظروفك بس انت عندك احكام وتوقعات لازم تشتغل عليها وعندك مخاوف كتيرة وعزلة واحراج وعدم ثقة وفقدان سيطرة

Cookies_68867 🇪🇬 · Answer

صعب عليا اقولك كده لكن للاسف الافضل انك متحكيش فعلا عشان حتى لو الموضوع اتنسى بعدين بالنسبالك الناس اللي حكيتلها هيفضلوا فاكرين و هيفضلوا يفكروك وخصوصا ان الحياه بايظه على كل الناس الايام دي ومحدش قادر يستحمل حد عشان كده عن تجربة الاحسن انك متحكيش لحد خصوصا القريبين منك اكتب في ورقه وقطعها او اكتب في الشات بتاعك وامسحه او اكتب هنا لكن متحكيش لحد قريب منك

Coffee_70072 🇪🇬 · Answer

فعلا ودا حصل معايا حقيقي ان بعدين اتهموني بالضعف واني مش قد الشيله

Coffee_70072 🇪🇬 · Answer

ونعم بالله

Coffee_70072 🇪🇬 · Answer

فعلا البرنامج دا حاسس انه هيكون الملاذ الامن بتاعي هاجي افضفض فيه