مش عارف أتكلم

Ice Cream_70072 🇪🇬

منذ أسبوعين

شعور ضائع

مبعرفش اتكلم عن الحظات الي بكون فيها ضعيف بخاف احكي للناس القريبين مني يفتكروني ضعيف او بشتكي . كان دايما عندي ناس كتير اوى بحكيلهم بس كل واحد راح لطريقه بظروف ما.. دلوقتي بعد ما شيلت مسؤليات بقى صعب عليا افضفض واحكي لحد ومعنديش حد احكي معاه بدون ما يصدر منه احكام او يكلمني فى الموضوع دا بعدين

Cherry_70051 🇪🇬 نصيحة مني لك لوجه الرب سواء شاب او فتاة حاول تكون كتوم وتشكي همك لربك فهو احن عليك من ابيك وامك

عرض الكل 6 نصيحة

Strawberry_59953 🇪🇬

منذ 4 أسابيع

شعور مرتبك

عندي واحده صحبتي كنا قريبين من بعض وانا بحبها جدا عمري ما حبيت حد زي كده من صحابي علشان هي حد حنين وطيبه ومش شبه الباقس خالص هي فعلا زي الملاك المهم هي نزلت شغل وبقينا نتقابل قليل جدا حرفيا كل شهرين او كل شهر ع حسب شغلها هي بقى ليها صاحبه تانيه ف الشغل انا عادي مش عندي مشكله ان يكون ليها صحاب تاني

Chocolate_65230 🇪🇬

منذ 4 أسابيع

شعور وحيد

انا حاسس بالوحده ومش عندي حد اتكلم معاه و بجد فقدت الامل انا حاسس اني محدش عايزني ولا بيحبني كانت امنيتي الوحيده من 8 سنين لحد دلوقتي اني الاقي حد اكلمه ونفضل مع بعض وميبعدش بس انا عارف ان محدش عايز يكلمني عشان انا وحش💔

Avocado_46262 🇪🇬

منذ شهر واحد

شعور غاضب

ازاي اعرف اتعامل مع الناس افتح كلام اتعامل عادي اللي هو مبيبقاش في كلام يقال اصلا اتكلم في ايه علي عكس كل الناس بلاقي الناس بتتكلم و تفتح مواضيع و حاجات كتيره جدا بس انا مبعرفش اتكلم خاااااالص اعمل ايييييييييييه

Strawberry_62783 🇪🇬

منذ شهر واحد

شعور ضائع

نفسي اعرف اعمل صحاب تاني زي زمان وانا صغير حرفيا كل اصحابي بلا استثناء بعدت عنهم لمشاكل نفسيه بالنسبالي معنديش حد قريب ليا احكيله الي جوايا قولت يمكن لما ادخل الكليه اعرف اعمل صحاب بس معرفتش اكلم حد ولا اقرب منه زي زمان المشكله تقريبا فيا

Peanut_56462 🇪🇬 مش هقول دا رهاب اجتماعى ولكن دا ممكن راجع لاسباب حصلتلك او مواقف اتعرضتلها علشان كده حاول تقفل الدفاتر المتوحه

عرض الكل 4 نصيحة

Donut_60803 🇪🇬

منذ شهر واحد

شعور وحيد

انا بحب بنت معرفتش اتكلم معاها حاولت كتير وكنت بستناها فى مكان كانت بتعدى عليه كل يوم وبردوا معرفتش افتح كلام معاها بس بحبها جدا انا معرفش عنها حاجه غير اسمها الثنائى وأنها من حدائق القبة دورت عليها كتير مش لاقيلها طريق خاصة هى بطلت تعدى من المكان ده ومعرفش هى حتى فين فى حدائق القبة وبقالى فترة بدور

Pear_53729 🇪🇬

منذ شهرين

شعور وحيد

حاسس اني وحيد بقالي اكتر من سنتين عندي صحاب وعلاقتي بيهم كويسة بس دايما مخنوق ودايما مزاجي وحش برفض اني اخرج مع حد ولو خرجت بكون مش مبسوط ولو قاعد في البيت بردو بكون مش مبسوط حاسس اني عاوز اتكلم مع حد بس في نفس الوقت مش عارف اتكلم مع مين ومين اللي هيفهمني اصلا وهل هعرف اشرح اللي انا حاسس بيه ولا لا

Coffee_53333 🇪🇬

منذ 3 أشهر

شعور شاعر بالملل

احساس اني مش عارف اقول الي جوايا + فكره ان محدش فاهم انك لوحدك بجد بتخليك متتكلمش أصلا او تقول أسباب غير الي مديقاك علشان تنهي النقاش + اني تعبت بجد من كتر الوحده الي أنا فيها دي بس مش عارف ترتب كلامك أنا دماغي متشتته جامد و مش عارف اتكلم أصلا أنا هسكت احسن

Tomato_47034 🇪🇬

منذ 4 أشهر

شعور مكسور القلب

أنا اكتر شخص كتوم ممكن تقابله ف حياتك ودا شئ حاسه حلو ووحش ف نفس الوقت حلو لإن انت مبتتكلمش ف حاجات ممكن حد يمسكها ذله عليك ووحش لأن لو بموت كده من جوايا مببقاش عارف اتكلم انا بقا من الناس دى ببقا حرفيا بتقطع من جوايا بس ماشى ولا أكِن في حاجه بس برضو مينفعش انا كولد اروح اتكلم مع حد من صحابى او اين

Avocado_46262 🇪🇬

منذ 4 أشهر

شعور عاطفي

ازاااااااااااااااي افتح موااااااااضيع أو ابدأ كلام مع الناس علشان حرفيا كل الناس اللي اعرفهم مبقتش بتعامل معاهم بسبب اني مبكلمهمش مش بلاقي كلامي افتح بيه أو ابعت اقول ايه ف اعمل اييييييييييه افتح كلام ازااااااااااي

Tomato_47034 🇪🇬

منذ 8 أشهر

شعور مكسور القلب

موضوع:

عندك مشكلة في التعبير عن مشاعرك؟

Strawberry_49986 🇪🇬 احسن من اننا نفضفض بحاجه نتذل او نتضايق بيها بعدين

عرض الكل 6 نصيحة

Coffee_34391 🇪🇬

منذ 8 أشهر

شعور مهتم

السلام عليكم يا جماعه دلوقتي في بنت معايا في الدرس بتعمل مواقف انا هحكي واحد منهم يعني مثلا كنت بقول لمستر بتاعي الحاجه قامت هي ضحكه عليها بصوت عالي وانا عاوز اخش لها وخايف اخش لها لا تحرجني وحتى لو هي مش هتحرجني انا مش لاقي موضوع اخش بيه فبالله عليكم حد يقول لي اعمل ايه

Orange_40977 🇪🇬

منذ 9 أشهر

شعور آسف

معلش محتاج حد يرد عليا أنا في جامعه وفي بنت معجب بيها وعايز اكلمها وهي علي فكره معجبه برضه وبينت كدا ليا بس مش عارف أوصلها وانا طبعي خجول شوي لازم اخد صاحبي واروح علشان اكلمها واخد رقم بس مش عايز حد يعرف اني بكلمها اعمل اي كل يوم نفضل نبص لبعض ونشوف بعض 🙃🙃🫠

Popcorn_40682 🇪🇬

منذ 9 أشهر

شعور محبط

انا عايز اروح ل طبيب نفسي بس انا مش عارف افاتح اهلي ازاي انا اختي الصغيرة بتعملني وحش و ابويا عملي مرض نفسي بسبب اختي بردو انا الصراحة مش عارف اعمل ايه

Coffee_27700 🇪🇬 لو فيه حد حاسس انه هيفهمك سواء والدك أو والدتك قوله انك حاسس انك مش كويس ومحتاج تتكلم مع دكتور. لو مقتنعوش وقدرت تحوش أو تشتغل في الإجازة اعمل ده.

عرض الكل 9 نصيحة

Toast_33361 🇪🇬

منذ 9 أشهر

شعور مرتبك

موضوع:

عندك مشكلة في التعبير عن مشاعرك؟

انا فعلا مبعرفش اعبر عن مشاعري وببقي عايزه بجد افضفض او اقول حاسه ب ايه بس مفيش خالص مش عارفه مش عارفه دا تعود ولا ايه بس هو حرفيا كدا ونفس اتغير بس مش عارفه عشان بجد بتعب اوي حتي مع اهلي وصحابي والناس اللي حواليا

Banana_38454 🇪🇬 ربنا يروق بالك ويهديكى الى سبيل الرشاد وينور بصيرتك ان شاء الله

عرض الكل 27 نصيحة

Carrot_74050 🇪🇬

مش عارفه انسى.. حبيت وعشتله وسبني

قصتي طويله شويه.. هو انسان مغامر وانا تقليديه جداً.. انا عرفته من ١٤ سنه ، من اديان مختلفه..كنا في بدايه مشوارنا المهني..اول ما شوفته اتخطفت وهو كذلك..ابوه كان متوفي من وهو صغير ومامته كانت مريضه.. مره ف مره حبينا بعض واتعلقت بيه جداً.. كان اول مره احب ف حياتي.. هو كان طبعاً غيري.. بيصاحب من ابتدائي تقريباً وانا شخصيه مجربتش اي حاجه ف حياتي خارجه عن المألوف،كنت منبهره بيه وبشخصيته ومغامراته، وهو كان منبهر بالبراءه والتخلف اللي عندي.كان بيمر بظروف انسانيه و ماليه كتير زي ان كان عليه ديون ومصاريف البيت وهكذا،قررت اقف جنبه واساعده معنوياً و مادياً.. وقالي بحبك. قضيت معاه احلي سنتين..بس كنا عارفين ان انا مش لبعض ..وكان طبعاً بيعرف بنات عليا عادي ويسيبني ويرجع عادي..فضلنا كده فتره كبيره يسيب ويرجع يلاقيني زي ما انا منبهره، كل مره كنت بنهار واكتئب،قعدنا مع بعض قالي لازم حل.. خوفت وقتها امشي واسيب اهلي قلتله شوف حياتك.. لحد ما استقر ف وظيفه كويسه راح خطب وقالي بس ٦ شهور وفسخ الخطوبه وساب شغله قعد ف البيت فتره وانا اللي شايله وبعدين راح شغل تاني استقر فيه الي حداً ما.. كنا بنتكلم عادي يعني كل فتره كأصحاب. قالي انه هيخطب مره تانيه.. قعد سنه ونص معاها و قالي افضل بلاش نتكلم بطلب منه بس المشكله ان اهلها رفضوه لما اتقدملها، وبعدها فضل مكمل مع البنت بدون علم ابوها . بس للأسف عمل حاجه غلط واترفد.. ومن هنا ابتدي يضيع ويدخل ف ازمات وخطيبته سابته وسافرت ورجع يكلمني وانا اللي جيت ادعم واسند..تقريباً من ٢٠١٧ العلاقه اخدت منحني مختلف خالص، مكانش حد معاه غيري.. ولا حتي اخته ولا اصحابه مفييش.. ابتدينا نقرب جداً من بعض بعدها جت كورونا وهو اتعدي وانا كنت برعاه..وانا اتعديت كان هيتجنن. ٧ سنين تقريباً كنا اقرب اتنين لبعض، حبيبي وصديقي.. كنت مبخليهوش عايز حاجه.. بهتم بيه جداً و اشيله ف عنيا..يحب يعمل مشاريع اساهم فيها.. يحب يسافر اساعد باللي اقدر عليه.. قالي كتير انا مش ممكن هسيبك واحنا مع بعض.. طلب مني اسيب اهلي هنا ف مصر بس كان صعب عليا اعمل كده وانا هنا و عشان كمان وضعنا المادي، كذا مره محاولاته في الشغل تفشل .. طبعاً كان فيه خناقات كتير ف الاخر لاني ابتديت انضغط من الوضع ككل (معنوياً ومادياً) وكتير نتخانق ونسيب ونرجع.. خصوصاً اخر سنتين…وهو كان عصبي وبيغلط.. لما يغير عليا يغلط فيا وابتدي حتي ميحبش يخرج وممكن يقعد شهرين منشوفش بعض..لحد من فتره بسيطه جداً سافر بره بس حسيته انه اتغير هناك..كلامه ابتدي يقل شويه بشويه .. ابتدي يبقي بعيد…اتخانقنا كالعاده.. قالي عايز اركز واعمل مستقبل.. ولما اكون جاهز للجواز هكلمك.. بس انا مقدرتش استني خوفت ينساني فرفضت…وطبعاً ف الوقت ده اخته كانت ابتدت تظهر، قالي يبقي لازم اهلك يعرفوا عشان مينفعش اخدك منهم ولو حصل حاجه بينا هوديكي فين؟! لازم يوافقوا…ولازم يشوفوني راجل…اتفقنا انه يكلمهم وبالفعل حصل بعد مكالمه مدتها ٣٠ ثانيه بس، طبعاً اترفض بس يعني بأدب من غير اي تجريح منهم..بعدها قالي انا شايف ان كده كفايه ولازم نمشي كل واحد من سكه..فضلنا نتكلم بعدها كام يوم بس كنت حاسه انه مش مرتاح او بيتكلم غصب وكل شويه يقولي زهقت من الوضع ده وهو "حقه يعني مأنكرتش" انا يعني معرفتش اعمل ايه وقتها..قولتله خلاص امشي وركز علي حياتك ومستقبلك بس كان نفسي يحاول شويه عشاني يعني مش مجرد مكالمه تليفون.. حتي لما سبنا بعض كان علي الشات. بعدها بيومين بس وبعد ما الدنيا عندي هديت لان اهلي كانوا متدايقين مني جداً مع ذلك قالولي اعملي اللي انتي عايزاه بس موافقتنا مش هتاخديها. بعتله كتير وحاولت ارجعه واقوله اني هسيب اهلي هنا واروحله ونتجوز مدني، مرضيش قالي مينفعش دي مسئوليه انا مش قدها… انا مش عايز التضحيات دي.. قولتله انا كبيره وهتحمل تبعات قراري قالي لا انا عايز واحده طبيعيه معندهاش كل المشاكل والتعقيدات دي.. قالي انه خايف عليا يجراله حاجه واني ابقي لوحدي خالص..مع ان انا كده كده بسافر وبروح واجي واشتغل وبعتمد علي نفسي حقيقي كنت هلاقي سكه لو حصل حاجه يعني..قالي عايز عياله يبقوا ليهم اهل ويتربوا علي الصلاه رغم ان انا اللي كنت بتخانق معاه لما يفطر ف رمضان او يفوّت فرض. قال ان هو مكانش عايز يكمل بقاله ٣ سنين.. بس كان خايف علي زعلي وقتها..،وان هو ما صدق يحكم عقله..طبعاً طريقه كلامه معايا مكانش احسن حاجه ولا كانت طيبه زي ما متعوده منه..اكيد هو كمان كان مكسور زيي بظبط وانا مقدره، بس انا يعني معرفتش غيره عمري كله و محبتش غيره.. وحاسه اني ملامحي كبرت من بعده وكل حاجه بقيت حزينه..محدش مقدر ولا عارف ازاي انا مكسوره.. روحت لدكتور من كتر الزعل قالي لازم تنسيه وانا مش عارفه.. حقيقي الموضوع صعب..وانا متلخبطه يعني مش عارفه هو ليه موافقش هل هو فعلاً خايف من المسئوليه ولا هو مش جاهز يتجوز ولا هو مش عايزني انا؟!!. مجرد التفكير ف الموضوع مهلك وبينا زكريااااات كتير صعب تتنسي وف نفس الوقت انا مش صغيره والتوقيت مش افضل حاجه،،وحاسه اني هعيش كده خلاص. ...عرض المزيد

0 الدعم

0 نصيحة

Donut_63299 🇪🇬

مش عارف ارجع لاهلي بعد ما قالولي "بنمن عليك"

كان عندي مشكلة اخر مرة ارتبط فيها ان بقي عندي ازمة ثقة في كل الناس اللي حوليا ، الا اهلي ، لحد ما حصل موقف و خناقة تفهه صغيرة و قعدت تكبره حبه حبه لحد ما جيه اخويا الكبير يقولي " احنا بنمن عليك" يعني بيتصدقوا عليا. و من وقتها مش عارف ارجع كويس لاني فقد الثقة كامله حتي ف اهلي. كرهتهم؟ لا لكن مش هعرف اتعامل معاهم ك فرد من العيلة من تاني. و لسه بحاول انجح و افرحهم برده. ...عرض المزيد

0 الدعم

0 نصيحة

Apple_74016 🇪🇬

عندي 21 سنة ومحدش بيقدم عليا، أنا تايهة

مش عارفه ابدا منين بس الحوار بدا لما كنت في تانيه ثانوي ولاقي صحايي شباب بيحبهم و انا لا وانا مش وحشه بل عكس شكلي وجسم واسلوبي كويس جيت قاعدت قتره لحد. ما بقي ليا صحاب ولاد وشويه في الحوار وصل لي ارتباط بس هو بيربط. بي عشان حوار شهوه وبيحصب استغلال رهيب سوا فلوس او شهوه وانا بقي عندي ناقص اهتمام بيدور علي اي حد يديني اهتمام وخلاص المهم حد. يحبني ودلوقتي انا بقيت عندي 21 سنه ولسه في نفس المشكله محدش ييتقدم ليا ودايما لوحدي ماليش صحاب ولا ليا حد يبقي بيست بيجي علي نفسي كتيرر عشان الشخص اللي في حياتي مش يمشي انا تايهه اوي ومش عارفه اعمل ايه ...عرض المزيد

3 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع