مش بستنى أسمع مواساة أو رد على كلامي، يهمني بس أكتب، وحد يقرأ بدون ما يحس بالضغط مني، أو إنه مضطر يسمعني، علشان كدا قررت أكتب هنا. بعد سنة كاملة من الضغط الدراسي في ٣ث، الإنسان فاقد هُويته وتايه، كأنه فقد نفسه بين كل يوم عدى وهو بيحاول يتجاهل صوته الداخلي عشان يعرف يستمر، بيتجنب أهله وصحابه عشان يوفر وقته، مش مهتم بصحته ورغباته ومشاعره، وفجأة تحرر من الكبت دا على عالم واسع، محتاج فيه يلاقي نفسه ويرجع لأهله وصحابه وهواياته. محتاج يرجع لحياته الطبيعية، يبص يلاقي صحابه مشيوا خلال السنة، علاقته بأصدقائه بايظة بسبب لغبطته، مش قادر يسمع أهله ويكلمهم، محبوس جوة نفسه وتايه براها! إحساسي بالوحدة بيتزايد، مش عارفة أقول أنا مش كويسة، إني بحنّ لكل لحظة فاتت من حياتي قبل ٣ث، وحشني صحابي، وحشتني هواياتي.. وحشتني نفسي! ياريت أقدر أعود لذاتي.

5

6