شفت فيديو مخليش عندي لامبالاه..أنصحوني

Question

السلام عليكم 
عاملين اي عساكم بخير
هبدا ادخل في المشكله علي طول 
انا بنت عندي ١٦ سنه لسه بتعلم المهم بابا وماما متجوزين بعض عن حب بس بقي في اختلافات كبيره اوي بينهم لما انا واخواتي كبرنا احنا علي قد حالنا قوي وطبعا الحمد لله على كل حاجه انا بنجيب الأساسيات فقط وطبعا الحمد لله كمان مره المهم الخلافات بين ماما وبابا نصها علي الفلوس اللي مش بتكفي بس دا مش موضوعنا نص الخناقات التانيه بينهم بسبب أن بابا بيكلم ستات وماما علي علم بالموضوع دا بس هيا طبعا مش موافقه علي اللي بيحصل بس هيا زهقت من كتر الكلام حرفيا قالتله كذا مره بس هوا مش بيجي معاه نتيجه المهم انا عارفه بالموضوع ده ودائما بمسك تليفونه وبشوف الرسائل اللي بينهم وكده وبالاقيها بعتاله صور فظيعه استغفر الله العظيم اكيد انتو فاهمني المهم وبينهم كلام وحش اوي بس ماكنتش برضي اقول لماما حاجه بس في حاجات كنت بقولها ليها بس من حوالي سنه كده كنت ماسكه فون بابا عادي لقيت فيديو فظيع لقيته هوا والست مع بعض في سرير واحد وطبعا انتو فاهمين مش عارفه هما بيصوروا حاجه زي دي لي بس ممكن علشان القدر يورهالي المهم انا من ساعت الفيديو دا وانا خلاص بقا عندي لامبلاه فظيعه المهم ماما من شهر كدا كانت بتتفرج علي الفون بتاعه عادي ففجاه لاقت بعتاليه صور وهيا بقميص النوم وصور استغفر الله العظيم وصوره تانيه كده مش هينفع اوضحها المهم ماما عملت مشكله كبيره وبابا قال ليها يكلمها علشان بتجيب ليا شغل ومش عارفه ايه بس الكلام دا كله طبعا هجص المهم بعد ما ماما عرفت وشافت الصور دي اقولها علي موضوع الفيديو اللي انا شوفته دا ولا اي تنصحوني بايه 
والله العظيم دي مشكلتي حقيقة

Kiwi_77404 🇪🇬 · Answer

انا حاسه ان لازم تعرفيها لان كده هو عمل ذنب كبير مينفعش تكمل معاه عليه وانا اسفه ليكي بجد بس هو شخص ميؤتمنش عليكم

Coffee_77321 🇸🇦 · Answer

شكلها قصة فيك اصلا

Chilli_68848 🇪🇬 · Answer

اولا : حتى لو والدك راجل غير سوى اخلاقيا او دينيا المفروض انك تحافظى عليه وتقولى له قول معروف بدل ما تفضحيه 
ثانيا: المفروض انت او والدتك ما تشوفوش تليفون بابا اطلاقا 
ثالثا: انت دورك تهدى بين الاتنين على ما ربنا يكرمهم ويربوكم ويجوزوكم وتبقى صورتكم كويسة قدام الناس 
البديل هو مشاكل وطلاق والكل هيخسر وانتم كاولاد هتخسروا كلكم

Kiwi_77404 🇪🇬 · Answer

مش عارفه من قوة وصعوبة الموقف مش مصدقه فعلا بس يعني مبقاش حاجه في الزمن ده مش بتحصل

Carrot_77445 🇪🇬 · Answer

حاسه مش هيفرق مامتك already عارفه ومفيش حد abdult و mature هيبقي مقتنع ان الي داير ما بينهم شات بس اكيد في علاقه برا

عموما ربنا يهديه ليكم نصيحه من أخ كبير بلاش تمسكي موبايل باباكي تاني مهما كان السبب
عامله زي الي عارف ان النار هتلسعه ومصمم يمسكها

Broccoli_77429 🇪🇬 · Answer

ماهو انا مش عارفه اقول لها ازاي

Broccoli_77429 🇪🇬 · Answer

تبان أنها فيك بس اقسم بالله دي حياتي

Broccoli_77429 🇪🇬 · Answer

حاضر انا فعلا مش هامسك فونه تاني واكيد هوا عارف أنه اللي بيعمله دا غلط ويعمل اللي هوا عايزه بقا