مشاكل أسرية

Broccoli_77429 🇪🇬

منذ أسبوع واحد

شعور مرتبك

عبّر عن شعورك بشكل مجهول

السلام عليكم 
عاملين اي عساكم بخير
هبدا ادخل في المشكله علي طول 
انا بنت عندي ١٦ سنه لسه بتعلم المهم بابا وماما متجوزين بعض عن حب بس بقي في اختلافات كبيره اوي بينهم لما انا واخواتي كبرنا احنا علي قد حالنا قوي وطبعا الحمد لله على كل حاجه انا بنجيب الأساسيات فقط وطبعا الحمد لله كمان مره المهم الخلافات بين ماما وبابا نصها علي الفلوس اللي مش بتكفي بس دا مش موضوعنا نص الخناقات التانيه بينهم بسبب أن بابا بيكلم ستات وماما علي علم بالموضوع دا بس هيا طبعا مش موافقه علي اللي بيحصل بس هيا زهقت من كتر الكلام حرفيا قالتله كذا مره بس هوا مش بيجي معاه نتيجه المهم انا عارفه بالموضوع ده ودائما بمسك تليفونه وبشوف الرسائل اللي بينهم وكده وبالاقيها بعتاله صور فظيعه استغفر الله العظيم اكيد انتو فاهمني المهم وبينهم كلام وحش اوي بس ماكنتش برضي اقول لماما حاجه بس في حاجات كنت بقولها ليها بس من حوالي سنه كده كنت ماسكه فون بابا عادي لقيت فيديو فظيع لقيته هوا والست مع بعض في سرير واحد وطبعا انتو فاهمين مش عارفه هما بيصوروا حاجه زي دي لي بس ممكن علشان القدر يورهالي المهم انا من ساعت الفيديو دا وانا خلاص بقا عندي لامبلاه فظيعه المهم ماما من شهر كدا كانت بتتفرج علي الفون بتاعه عادي ففجاه لاقت بعتاليه صور وهيا بقميص النوم وصور استغفر الله العظيم وصوره تانيه كده مش هينفع اوضحها المهم ماما عملت مشكله كبيره وبابا قال ليها يكلمها علشان بتجيب ليا شغل ومش عارفه ايه بس الكلام دا كله طبعا هجص المهم بعد ما ماما عرفت وشافت الصور دي اقولها علي موضوع الفيديو اللي انا شوفته دا ولا اي تنصحوني بايه 
والله العظيم دي مشكلتي حقيقة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_61324 🇪🇬

منذ أسبوع واحد

شعور مستنزف

مساء الخير انا عندي مشكلة كبيرة وعايز حل ليها انا عندي 35 لسه متجوز السنة اللي فاتت والدي الله يرحمه السنة اللي فاتت ووالدتي الحمد لله موجودة بس صعبة جدا ف المعالمة من زمان هي طيبة بس معاملتها دايما صعبة واوامر ولو مسمعناش الكلام أو اعترضنا او خالفناها الرأي حتى ف الكلام العادي القيامة تقوم ،زعيق وخ

Watermelon_56286 🇪🇬 والدتك بتحبك حب مرضي للاسف وبتغير عليك بدرجة زيادة جدا وشايفة ان مراتك سرقاك منها ف الحل الوحيد انك تسيب بيت العيلة وتسكنوا لوحدكوا وإياك تقطع علاقتك بيها او تقللها لان ممكن يحصلها حاجة او الحل التاني انك تجيبلها دكتور نفسي ويشوف المشكلة فين ويحلها

عرض الكل 8 نصيحة

عبّر عن شعورك بشكل مجهول

مساء الخير
انا عندي مشكلة كبيرة وعايز حل ليها
انا عندي 35 لسه متجوز السنة اللي فاتت
والدي الله يرحمه السنة اللي فاتت ووالدتي الحمد لله موجودة بس صعبة جدا ف المعالمة من زمان
هي طيبة بس معاملتها دايما صعبة واوامر ولو مسمعناش الكلام أو اعترضنا او خالفناها الرأي حتى ف الكلام العادي القيامة تقوم ،زعيق وخناق واوقات شتيمة

انا من زمان بحاول اتجوز بس دايما اي واحده اقولهم عليها امي تعترض عليها وتقعد تطلع كل المشاكل والعيوب وتخليها مشكلة او عيوب كبيرة اوووووي وترفض وتمشي رأيها عافية

المهم حاليا الوضع بقى صعب جدا معاها
هي عايشة ف الدور اللي فوقي بيت ملك لينا
وانا ف الشقة الدور الثاني
المهم دايما والدتي كانت بتشتكي ان مراتي مبتطلعش عندها فوق كتير مبتتصلش عليها كتير مع ان مراتي بتبعت واتس فويسات او كتابة شبه يوميا الطلوع فوق على حسب وانها بتعاملها لله وخلاص مع ان ده مش صح

ومرة اتهمت مراتي انها بترش أعمال عندها ف الشقة، مراتي معرفتش بالكلام ده وانا خبيت عنها بس قطعت مراتي عن والدتي فترة وبعد كدا
وبعدها اتكلمنا عادي في رمضان والمعاملة كويسة
مرة واحد لقيت امي بتتهم مراتي انها سرقت كام طبق وكام فنجال
في تفاصيل كتير
بس هي بقت بتتكلم عنها بشكل وحش وتشتم واتهامات  وعمالة تحاول تكرهني فيها ومش عايزة تبطل، من الاخر بتحاول تخرب بيتي وتخليني أطلقها
وانا كلامها مش مصدقه انا مراتي كويسة جدا ومتدينة ومواظبة على صلاة وأذكار ومشوفتش منها حاجه وحشه
بس للاسف الكلام بيخليني انزل عند مراتي مقفول ومتعصب ومخنوق ومعاملتي للأسف بتبقى جافة شوية معاها واتسبب في كذا مشكلة من الهوا مبقتش قادر استحمل
مش عارف اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_75498 🇪🇬

منذ شهر واحد

شعور مكسور القلب

أولا انا مستعدة ارد على كل الأسئلة اللي ممكن تسألوها بكل صراحة عشان احاول اوصل لحل عشان بجد جربت كل حاجة و تعبت أنا عندي مشكلة كبيرة في حياتي ومش عارفة أتعامل معاها. أنا عايشة مع مرات أبويا بقالي سنين طويلة، ومن وأنا صغيرة وهي متحكمة في كل تفاصيل حياتي. أي حركة صغيرة مني تتحسب عليا. مرة اتعاقبت عشا

عبّر عن شعورك بشكل مجهول

أولا انا مستعدة ارد على كل الأسئلة اللي ممكن تسألوها بكل صراحة عشان احاول اوصل لحل عشان بجد جربت كل حاجة و تعبت 
أنا عندي مشكلة كبيرة في حياتي ومش عارفة أتعامل معاها. أنا عايشة مع مرات أبويا بقالي سنين طويلة، ومن وأنا صغيرة وهي متحكمة في كل تفاصيل حياتي. أي حركة صغيرة مني تتحسب عليا. مرة اتعاقبت عشان عملت ماسك لبشرتي، ومرة اتعاقبت عشان اشتريت كيس شبسي، ومرة اتعاقبت عشان حلقت شعري الزايد. أي حاجة بعملها لنفسي تتحول لجريمة

غير كده، هي طول الوقت بتقلب أبويا والعيلة عليا. تقول كلام عني محصلش، تفبرك قصص وتكررها لحد ما يصدقوها، وتخليني دايمًا قدامهم "المشكلة" أو "اللي مش متربية". حتى لما بحاول أتكلم وأدافع عن نفسي أو أرد على كلمة بتزعقلي بيها، تلاقيني متصنفة إني "ردادة" و"قليلة الأدب". ولو سكتت خالص ومردتش، تبقى دي برضه مشكلة وتقول إني "بتجاهلها" و"مش محترماها". يعني في كل الحالات أنا غلطانة

هي كمان بتقول إن كل الناس شايفاني مش محترمة ومش كويسة، وإن كلهم بيكرهوني وبينتقدوني. وتقول إن إخواتي كمان شايفيني كده. ساعات تدخل في المقارنات بجيراننا وتقول: "بصّي على بنات الجيران، كلهم متربيين عنك". مع إن ده كله مجرد كلام منها، يعني بجد بنات الجيران هما بنفسهم اللي بيقولولي انهم مش بيعملوا اي حاجة في بيوتهم و أمهاتهم شايلين كل حاجة، أنا مش  غيرانة منهم أنا عارفة أن البنت لازم تشيل مسؤلية و تتعلم عشان بيتها بس أنا بعمل اكتر من ده بكتير وكلامها مش منطقي بس بيوجعني وبيديني إحساس إني أقل من الكل

اللي بيوجعني أكتر إنها قدام الناس بتمثل إنها بتحبني وبتخاف عليا، وتبان إنها ست حنينة. لكن في البيت أنا بشوف الوش التاني: صراخ، تحكم، تقليب، وكلام بيهدّني من جوا. حتى كلمة "معاكي حق" لو قلتها، تلاقيها بتتقلب ضدي بعدين. بقيت ساكتة معظم الوقت، خايفة أفتح بوقي، خايفة من أي كلمة تتحسب عليا

أنا بجد مش عارفة أتعامل. أنا عايزة أعيش بسلام، عايزة أعرف إزاي ممكن أرضيهم. إيه اللي ممكن أعمله عشان يبطلوا يشوفوني إني المشكلة؟ هل في طريقة أخليهم يغيروا نظرتهم ليا؟ ولا مهما عملت عمري ما هرضيهم؟

أنا تعبت من إني أعيش عشان أرضيهم، بس مش لاقية غير السؤال ده: أعمل إيه؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_74773 🇪🇬

منذ شهر واحد

شعور لا مبالٍ

موضوع:

أكتر موقف حسسك أنك غير مرغوب؟

أهلى دايما بيقارنوني بأختي امي بتفضل تقولي اختك عرفت تثبت في وظيفة وانتي لا اختك عرفت تتجوز وانتي لا كان وقت جوازها دا مشكلة كبيرة هي وبابا ازاي نجوز الصغيرة قبل الكبيرة حتى في المذاكرة زمان اختك اشطر وبابا كان دايما نفسه اكون زيها في اتخاذ قراراتي بالعقل بدأت احس انه هي الجولدن تشايلد انه لو ماكنوش

Toast_73409 🇪🇬

منذ شهر واحد

شعور مستنزف

عبّر عن شعورك بشكل مجهول

ازيكم يا حلوين 
حابب اني اشارك معاكم واحدة من مشاكلي الأزلية 
طول عمري متربي ف بيت فيه مشاكل أسرية ، من اصغرها لأكبرها، مش هاتكلم عن اثره النفسي فيا لإن ده مش موضوعي دلوقتي 
نا كل مشكلتي اني عمري ماحسيت ان بيتم تقديري ف البيت و بتتم تهميش اي حاجه بعملها و تتحقر عادي سواء من والدي الله يرحمه ، او لحد الأن من امي 
مع ان امي لو فتحت باب الشقة بتقعد تذل اللي خلفونا 
وبتقعد  تحسب بجد انا صحيت عملت ايه و ماعملتش  ايه و ازاي انا صاحي من ساعة و ماقومتش هديت البيت و بنيته تاني 
و طول عمري بيتم التحقير من اي حاجه انا بعملها 
دراسيا فضلوا يعايروني بصحابي و انهم هايجيبوا درجات اعلى و ان انا مش هابقى حاجة و هامسح العيادة ل ابن خالتي 
ودلوقتي انا الحمدلله ف تالتة طب بشري بمجموعي مش خاص ولا أهلية 
بعد كده بقوا يعايروني ان انا دخلت بعيد عن محافظتي ساعتين و باقي صحابي بيروحوا ف ساعة واحدة ، بعدها بقوا يقولوا عليا اني مبذاكرش عشان جبت جيد جدا اول ترم ف حين ان كل زمايلي الاكبر مني ف الجامعة وكمان معايا م البلد لما كانوا ف سني كانوا شايلين بسبب صعوبة الجامعة الل نا فيها ، دلوقتي جبت امتياز يقولولي بجد ان صحابي امتيازهم احسن من امتيازي !  
و كمان اختي ف ثانوية عامة دلوقتي و بجد بيشيّلوني ذنبها بالطريقة و بيقارنوني بولاد خالتي الل بيساعدوا بعض 
مع اني لما بحاول اساعد اختي بلاقي عندها كبر شديد و مستنية مني اني اكون طالع السما اجيب منها معلومات 
فضلا عن استنزاف وقتي ف البيت من اول ماصحى لحد مانام 
خصوصا ف الاجازة عشان نا واخد سكن جنب الكلية ف الدراسة و بنزل كل اسبوعين عشان اقدر اذاكر بدون ضغط 
و من اول ماصحي لحد مانام يفضلوا يندهوا عليا طول اليوم 
اعمل كذا، سوي كذا 
و طول مانا شغال يقعدوا يتكلموا عن الل عملوه طول اليوم رغم انه اي ام او اي اب بيعملوا كده عادي .. ماطلعوش الفضاء  يعني
بس لازم يذيعوا  انجازاتهم و يقللوا مننا وخلاص
يعني نا انهاردة من ساعة م صحيت أكلت الطيور و نقلت الخضار و نقلت المرتبة الكبيرة بتاعت السرير من البلكونة للسرير تاني و نزلت حاجات للمخزن عشان المساحة ف الشقة و شيلت شكاير كتب قديمة بعد ما فرزتها عشان اشوف لو فيها حاجة تنفع اختي ، وغسلت هدومى ، و كل ده ف ظرف ساعتين او تلاتة من صحياني يعني لسه اليوم طويل ، لما رميت ليها كلمة بهزار فضلت امي تتخانق معايا و تقولي انت ماعملتش اي حاجه انهاردة و انا الل فضلت اعمل طول اليوم ، بالمناسبة هي راحت السوق و عملت الغدا بس ، وكمان نا كنت معاها ف السوق امبارح و جابت معظم الحاجات و رحت اشيل معاها ، 
بجد نا بتوه جدا من الزعيق و الصوت العالي بتاع المشاكل 
و من كتر الخناق و المشاكل الل نا فيها بسرح ونا بتكلم و مش عارف حتى اقول للي مضايقني انه مضايقني ف ايه و مش عارف اعمل حاجة و تايه ، لسه للموضوع تفاصيل كتير و مشاكل تانية ، بس انا بجد مش طايق و كان لازم اكتب ، اتمنى اني اعرف الاقي المساعدة ، شكرا و عذرا على الإطالة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_28732 🇪🇬

منذ شهر واحد

شعور مرهق

عبّر عن شعورك بشكل مجهول

انا  دلوقتي منهار جدا ومش عارف اعمل ايه. انا عايش مع عيلة نرجسية سامة بيذلوني بكل الطرق. انا في تالته ثانوي ازهر، وبسبب المشاكل وظروفي النفسية اللي بسببهم اجلت السنه. دلوقتي ابويا رجع من سفره وطردني، وانا قاعد عند اهل امي اللي كلهم نرجسيين ومنهم السادي وهما بيكرهو حتى نفسهم وكلهم بيكرهوني بدون اي سبب ابدا وبيستقصودوني وبيعلقو علي لو شربت مايه حتى ،ودلوقتي المشاكل  بين امي وابويا كبيرة وهتوصل للطلاق ، والغلط الاكبر من امي النرجسية، وابويا برضو مخطئ واشد نرجسية منها واسوء منها . اهل امي وامي كلهم اجتمعوا عليا، طردوني وشتموني وافتروا عليا بالكذب وشوهوا سمعتي.
انا دلوقتي مش عارف اعمل ايه ولا اروح فين، خصوصا اني في تالته ثانوي ومعنديش اصحاب ولا حد اروحلُه. عندي اضطرابات نفسية بسببهم: C– PTSDوصدمات نفسيه عنيفه من الضرب والاهانه والتحرش والتنمر كل دا من اهلي واصحابي والمدرسين وغيره وانا منعزل تماما دلوقتي ، وعندي رهاب اجتماعي حاد، اضطراب تواصل، وإدمان متعدد. وبرغم كده انا عايز اذاكر وأنجح عشان اخرج من كل دا، لكن الظروف كلها ضدي، ومش عارف اعمل حاجة ولا اذاكر، انا وحدي من غير أي دعم.
الكل اتخلى عني من وانا صغير. دلوقتي امي طردتني وعملت معايا حاجات تانية اكبر من كدا مش قادر أذكرها لأني مرهق جدًا ومكسور ومش قادر أكتب أكتر. انا بكتب هنا يمكن ألاقي حد يوجّهني ويقولي اعمل ايه أو أروح فين. انا حرفيًا تايه ومش عارف أبدأ منين او اروح فين اذاكر ازاي اطلع من الوضع دا ازاي مفيش اي حل دلوقتي قدامي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_52298 🇪🇬

منذ شهر واحد

شعور مرهق

انا عندي ٢٠ سنة و انا صغير خالص حصلت مشاكل بين ابويا و امي ادت لطلاقهم في ٢٠٠٧ بعد الطلاق بفترة ابويا رفع قضية رؤية عشان يشوفني و كدا المهم كنت بروحله كل اسبوع مرة و كدا مع انه بخيل جدا و مكنش بيدفع نفقة تستاهل و لحد دلوقتي المهم هو كان بيعاملني بقسوة لدرجة اني لما نجحت في رابعة ابتدائي اداني جني

Watermelon_72972 🇪🇬 انت ممكن تكلمه حتى لو هتيجي على نفسك وحاول تعاتبه وتقوله اللي مزعلك منه ويمكن ربنا يهديكم على بعض

عرض الكل 7 نصيحة

Tofu_51955 🇪🇬

منذ شهر واحد

شعور مستنزف

عبّر عن شعورك بشكل مجهول

في سنه عدت عليا إحساسي وأفكاري وأنا كل حاجه إتغيرت كنت محتاجه حد جنبي يفهمني أتصرف إزاي مع الشخصيه الجديده دي أهلي وقتها كانوا شبه منفصلين وكنت لوحدي طول الوقت كان بينهم مشاكل وخناقات و بيدخلوني بينهم بدأت أكون أفكار سلبيه كتير في دماغي وبقيت إنطوائية وزعلانه طول الوقت وكرهت الحياة كان جوايا كلام كتير نفسي أقوله بس ملقتش حد يسمع دلوقتي إتحول لوجع إتخذلت من أقرب مكان ليا في الدنيا وبقيت لوحدي بجد بعديها أهلي رجعوا لبعض بس مكنتش حاسه إني كويسه كان بالنسبالي عادي أنتوا براحتكم الدنيا جات عليا كتير وإتبهدلت كتير في سن صغير جدًا بقيت ناضجة كل إللي بتكلم معايا يقولي مش عايشه حياتك ليه، تفكيرك أكبر من سنك، وحاجات من دي كتير.. دلوقت إكتشفت إن أنا جوايا وجع متراكم غدر وخذلان ووحده ومواقف عنف مش عايزه تخرج من دماغي، ماما بتتخانق معايا كتير على إللي أنا فيه ده بتقولي إنتي السبب في ده بإيدك تغيري تفكيرك أنا عمري م عرفت أحكيلها علشان لما بحكي مش بتصبر أخلص كلامي وبحسها بتنصح بطريقه تزعلني معرفتش أقولها إن سبب دا كله الوقت إللي كنت محتاجاهم فيه وملقتهمش وإن أنا لوحدي من سنين أنا بحبهم جدًا وعمري م كرهتهم بس مش قادره أنسى ومش عارفه أبقى كويسه جوايا وجع كتير مش بيخرج وعندي Overthingin هيموتني انا مش فاهمه ليه؟ ليه مش عارفه أعيش بشكل طبيعي؟ أزاي أتخطى كل إللي حصلي ده علشان أكمل؟ إمتى هلاقي حد شبهي ميسبنيش لدماغي؟ 
آسفه إني طولت عليكم.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Cookies_68867 🇪🇬

منذ شهر واحد

شعور لا مبالٍ

Coffee_67699 🇪🇬 بصي يا بنتي و اسمعي اللي هقوله ده كويس لان محدش هيقولهولك انتي لازم تقعدي و تتكلمي معاها و تواجهيها قوليهالها بكل وضوح اتطلقي يا ماما و اتجوزي تاني حد يستاهلك و لو علينا فا وجودكم مع بعض باللي انتي بتعمليه ده بيضرنا اكتر من طلاقكم لازم تواجهيها بما انك الكبيره لان لو باباكي عرف هيقتلها و ساعتها هتلومي نفسك لانك ما اتدخلتيش في الوقت المناسب

عرض الكل 7 نصيحة

عبّر عن شعورك بشكل مجهول

انا هتكلم هنا ف الموضوع دا لاول مرة ف حياتي عشان انا حتي مش قادرة اعترف بيه قدام نفسي ... انا بابا و ماما بينهم مشاكل كتير من و انا صغيرة و انا حاليا عندي 19 سنة  و بابا من النوع القاسي اوى اللى مش حنين خالص و اوقات من كتر الانتقادات على شكل و وزن و كل تفاصيلنا بنكتئب بس من سنين و انا شوفت ف تليفون ماما انها بتكلم واحد كنت وقتها ف تالته إعدادى و بعد بحث قصير عرفت ان دا الاكس بتاعها قبل ما تتجوز بابا مع العلم ان جوازتهم اصلا كانت صالونات و من غير اى مشاعر و بعدها تجاهلت الموضوع بس حقيقي هى نزلت من نظرى جدا لأن الخيانة و القرف دا حرام و عيب و شيئ مقزز جدا ، المشكلة ان بعدها و انا ف ثانوي بالصدفة بردو لقيتها بتكلم واحد غيره من منطقتنا بردو و لسه لحد دلوقتي بتكلمه و انا بجد من وقتها مش عارفه اتعاطف معاها مع اني عارفة ان اللى بابا بيعمله فيها و فينا مش قليل وحتى مش قادره احط نفسي مكانها بس في نفس الوقت مش عارفه اتقبل الذنب فكرهتها اكتر ما كرهته ولما الناس بتقولي ازاي مش متعاطفه مع امك مع انك شايفه تصرفات ابوكي مش بعرف ارد بس قلبي بيوجعني اي نعم بابا يكره اي حد في حياته وانا لو منها كنت اتطلقت بقالى سنين ، بيوهموا نفسهم انهم مكملين عشان خاطرنا و انا و اخواتى اكتر ناس اتأذت نفسيا من العلاقة دى وانا اكترهم لاني الكبيرة و انا اللى شوفت القهر بعيني سنين حياتي كلها اعمل ايه و اسفة لو طولت 🙏🏻

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_40590 🇮🇶

منذ شهر واحد

شعور متوتر

Tomato_62425 🇪🇬 ﴿أمن يجيب المضطر إذا دعاه ويكشف السوء ويجعلكم خلفاء الأرض أإله مع الله قليلا ما تذكرون﴾ [النمل: 62] اظنك تحتاجين ركعتين بنية الحاجه وتدعي له بكل ما يؤرقك ويشغل عقلك يعني حتى الرزق والمال ﴿فقلت استغفروا ربكم إنه كان غفارا۝يرسل السماء عليكم مدرارا۝ويمددكم بأموال وبنين ويجعل لكم جنات ويجعل لكم أنهارا﴾ [نوح: 10-12] وممكن انصحك بتعلم لغة إنجليزية أو المانيه متوفر مجانا ومن البيت بيفيدك

عرض الكل 5 نصيحة

عبّر عن شعورك بشكل مجهول

الموضوع طويل بقوله عربي فصحى حتى الكل يقدر يساعد الله يجبر بخاطركم 
بيتنا عبارة عن فوضى فوضى مطلقة حرفيا
 لا أدري حتى افكاري مبعثرة لا أدري من أين بدأ الأمر حقا دعني اشرح بشكل افضل 
أنا الآن طالبة جامعية عمري 21 سنة قضيت حياتي كلها بارة بوالدي و ذات سمعة جيدة لكن والدي لا يعاملانني على هذا الاساس لم تسبب في حياتي مشاكل في المدرسة او حتى خارجها لم ارسب في أي اختبار و كانت درجاتي جيدة لدي سمعة طيبة عند اقاربنا و دائما يتلقيان المديح لتربيتي بشكل جيد لكن رغم ذلك أنا الاقل تفضيلا عن باقي اخوتي و يزداد الأمر سوء مع مرور الوقت لا أستطيع أن أكون كباقي الفتيات لا يمكنني الحصول على مصروف منتظم أو كاف حتى ولا ملابس جديدة لا للعيد او لغيره ولا حتى تلبية لاحتياجاتي الأساسية لكن هذا ينطبق علي فقط اخي يطلب المال من امي لشراء السجائر و هي توافق اخي الاخر يطلب المال لاي شيء و يحصل عليه اختي الصغرى نفس حالي تقريبا لكنها لا تهتم لرضاهما اذا كان ذلك لا يخدم مصلحتها هي تقوم بطلب أي شيء و تضعهما أمام الأمر الواقع فقط لكنها تحصل على ما احتاجه احيانا 
أسناني بدأت تتلف بشرتي تدمرت منذ أيام المراهقة و حب الشباب بدون الحصول على علاج صحيح ( كنت استخدم معجون الاسنان على الحبوب فقط لكي لا أذهب لاستشارة طبيب) غير الضغط النفسي من إعادة المرحلة الأخيرة من الاعدادية في سبيل الحصول على مجموع عال لدخول جامعة حكومية لكي لا اكلف عليهما باقساط الجامعات الاهلية او الخاصة ( انتهى بي الأمر بالدخول إلى جامعة اهلية بناء على رغبة والدي ) أرى الفتيات في مثل عمري يبرقن من جمالهن بينما أنا ارتدي نفس الملابس كل اسبوع منذ عامين أو ثلاثة ولا اطلب الكثير بما أن طلباتي الأساسية لا تجاب لا يمكنني الحصول على وظيفة ولا طلب المال ولا يمكنني اقتراض المال من اخوتي كونهم سيمنون علي و يعايرونني به ولا يمكنني الزواج كوني غير جميلة ولا أخطط للزواج لكي لا تكون حياتي كحياة امي حصلت على جدال معها و دعوات علي رغم اني الوحيدة من اطفالها التي وقفت معها في وقت شدتها فقط لاني طلبت منها أن تعدل بيني و بين اخوتي ما العمل العمر يسبقني و أنا لا أفعل شيء الآن ولا انجز أي شيء مهما فعلت لن يرضيا علي و صلاتي منقطعة و لا أملك مال او وظيفة لسد حاجتي غير شكلي الذي أنا غير راضية عليه و دراستي التي بالكاد تنجو عائلتنا في حالة مريعة ابي يتهم امي اتهامات باطلة و يريد اجبارها على طلب الطلاق امي ترفض الطلاق حتى بعد اهانتها بكل الوسائل الممكنة في العشرين عام الماضية اخي الأكبر لا يتدخل في أي شيء و يتصرف كطفل مدلل دام الطعام موجودا و اخي الاخر منشغل بحب حياته في الجامعة و يريد الزواج منها بينما لا يملك حتى مال سجائره و اختي الآن في المرحلة الأخيرة من الاعدادية و مقبلة على الجامعة و أنا في وسط كل هذا كيف انظم الأمر و كيف أخرج من هذا الوضع 
فوق كل هذا جرتني نفسي لتعلق بشخص من دولة أخرى دام اسبوعين فقط حتى حصلت على صفعة ( مجازياً) و ادركت ما نوع الهراء الذي أفعله و انسحبت مباشرة و هذا الفتى مصر على الزواج مشكلة أكبر من مشكلة ( لا أحد يعلم عن هذا الجزء بعد ) غير مشاكل أخرى جمة ما العمل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_58863 🇪🇬

منذ شهرين

شعور مريض

عبّر عن شعورك بشكل مجهول

بجد بدات احسن اوصل لاصى مراحل الزعل والاكتئاب  وكل اقول يضحكو او يقولولى انتى صغيرة هو اما لازم اعيط و اشد فشعرى علشان يصدقو انى محتاجة دكتور انا كل حاجة بتوجعنى مش جسم بس ضعف لا بل دماغى وقلبى حاسه بكل جزء فجسمى بتوجع  وليه وجع مختلف عن اى وجع وقت من الاوقات اهلى مكنوش بهتمو بيا وان عندى محدش واخد بالو منى فا انزل اكلم ولاد مش مشكله اخد فلوس منهم واصرفها ع سجاير وشيشه وهدوم وجت ع سنه ف حياتى انا فعلا مكنتش بشوفهم مبفضوش ف البيت مش بعملو ليا حاجة غير الفلوس ف كذا او كذا الوقت دة بقيت انام اقوم لوحدى كل حاجة اعملها لوحدى ودى السنه الى مفروض اهتم بيها علشان اجيب مجموع بس هما مش عارفين حتى انا ف سنه كام قلبى كان بيوجعنى اوى لما حد يقولى دة مامتى هناك او بابيا اهو بحس بنقص رهيب و اتعرفت ع واحد يمكن دة بجد الى شبع الفراغ الى جويا الى مكنتش عارفة هو احساس ايه حتى علمنى اعتمد ع نفسى ازاى  وكل يوم كنت بخرج معاه تقريبا وكنت بدات احس خلاص بداء حد يحبنى بقا وفجاء بعد عنى كنت كل شويه ف المستشفي ولما بخرج كانو اصحابى بقولو خدى دة اشربيه وخدى دة كلميه  لحد وانا عايزة وسط اهلى ومش حاسه انى حد اخد بالو منى حتى لو ماكلتش مشاكل الدنيا كانت ف بيتنا  اتعودت انى متكلمش ومقولش علشان مشاعرى مجرد احساس هيروح جبت درجه ف المعقول بدات طلاق امى وابويا يتمنى ويترطنى ولا كانى كنت بنتو  ولا عمرى حسيت انو كان موجود اهتمت بياشويه  بس مش كافى اصحاب بدمرنى واهل كل واحد انانى فيهم  وانا تعبت بجد معنتش عايزة احس بخوف  عايزة اتكلم واقول واحس كويس ولو مرة قبل ميحصل حاجة  كل يوم كل يوم بحس انى غريبه ف بتنا قربت من ربنا وحالى مبتغيرش اعمل ايه تانى .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_32968 🇪🇬

منذ شهرين

شعور مكسور القلب

لما بتقعد تفكر مع نفسك وتلاقي أن علاقتك بأهلك مش افضل حاجه وصاحبك مانع فكره انك تصاحب اصلا لدرجه ان الوحده بقت حاجه اساسيه بالعكس بتحبها اوي ساعتها بتعمل استوووب الي هو ازاي معلش انا هفضل كده ولا اي من غير صحاب من غير اي حاجه كل مشاكلي محدش يعرف عنها حاجه محدش يعرف انا تعبانه ولا لاء لدرجه انهم شايف

Cherry_65107 🇪🇬

منذ شهرين

شعور مرهق

انا بقيت اكره كل النااس من تعاملهم معايا وبكره طريقة اهلي معايا واسلوبهم معايا ومبقتش اثق فيهم ولا ف حد خالص ودايما بحب اقعد لوحدي ف اوضتي ومش بحب اخرج خالص ومش بحب حد يكلمني ومحدش فاهمني وامي تيجي تكلم اي حد من اخواتي يقومو يقفو معاها ومفيش حد بيسمع مني ولا حد عارف اي الي بيحصل معايا او بفكر ف اي ا

Carrot_67210 🇪🇬

منذ شهرين

شعور مكسور القلب

موضوع:

امتى حسيت إنك كنت محتاج حد يسمعك وملاقيتش؟

دلوقتى، انا 3ثانوي نتيجتي طلعت وجبت 64%وملحق كميا حياتى واقفه وقلبى متقطع وبنام بعيط انا مغشتش وكنت بذاكر ف مش هعرف اوكى ل زمايلى امى شايفه انى كدا كدا مكنتش بذاكر وانا كنت مقطعه نفسي مذاكره اخواتى اذوني عمرى ما اقدر اشتكيلهم صحابى متعودين انى انا ال بقول معلش واكبب لدرجة ان من مئات الناس ال اعرفهم

Chocolate_63394 🇪🇬 والله والله والله آخر حاجه ممكن توقف خياة بني آدم هي نتيجة الثانويه العامه واسألو الناس اللي كبرت وشافت في الحياه دي كأنك بتقطع تذكرة قطر درجه اولى مثلا كده علشان توصلك المحطه اللي بعدها

عرض الكل 6 نصيحة

Biscuit_26457 🇦🇪

قلبي وجعني من العلاقات اللي بتتكرر

كل شويه اتعرف علي واحد من ابلكيشان حواز وبعد كده فجأه يختفي معرفش ليه انا تعبت اخر واحد قعد يقولي انه معجب بيا وبشخصيتي وكان بيدور علي حد شبهي وفجأه بطل يكلمني ومش عوزهي مع ان محصلش حاجه انا حقيقي قلبي وجعني كل العوزه واحد اكمل معاه ويكون كويس انا مش بنت وحشه لا شكل ولا شخصيه بس فعلا ثقتي في نفسي بتتدمر كل شويه اكتر من القبلها معرفش عملت ايه ولا اذيت مين ولا ايه الحصل لكل ده ولا ايه اليخليني ديما اقبل ناس تأذيني كده بس انا مخنوقه اوي مقهوره قلبي وجعني امبارح قعدت اعيط كتير اوي والنهارده هموت واعيط بس قعده مع ناس فبحول امسك نفسي بس انا مش قادره ومقهوره وقلبي وجعني جدا بشكل مش طبيعي ...عرض المزيد

2 الدعم

31 نصيحة

Sugar_58980 🇪🇬

خايفة أبقى تقيلة على حد ويوم التخرج لوحدي

السلام عليكم انا حببت افضفض شوية اولا انا تقريبا طول عمري هادية بس مش انطوائيه و مش عندي صحاب كتير بس للاسف الاتنين اللي كانوا صحابي كان صحاب و سابوني بدون سبب مقنع يعني، أنا دلوقتي ٢٢ سنة و المفروض هتخرج السنه دي و كلهم عندهم صحاب ف الكلية و اتصوروا صور التخرج و انا حقيقي مش عارفه هحضر الحفلة ازاي انا بتكلم و بهزر معاهم عادي بس مش بحب افرض نفسي عليهم و اقولهم هخرج معاكم لاني دايما عندي شعور اني خايفه ابقي تقيلة علي حد و النتيجة اهو اني هكون لوحدي ف اليوم دا مش عارفه انا بكتب دا لي بس حبيت افضفض ...عرض المزيد

2 الدعم

19 نصيحة

Mango_22117 🇪🇬

دماغي عطلانه من التعامل وجها لوجه

التعامل وجها لوجهه غيرر بجد و حاسه منكتر مناا اتعودت علي شات مع كل معارفي بقت دماغي عطلانه بفكر ابطأ و باخد ردود افعال ابطأ و بفكر بمثاليه و بأوفر ثينك اجتماعياتي ادمرت و بجد بحاول انزل و اتعامل بس مش عارفه ارجع كويسه ...عرض المزيد

3 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع