انا مشكلتي اني من ٢٠١٨ بدور علي عروسة و كل لما بلاقي عروسة و اتقدملها و كدا بيبقي في قبول في الاول و بعد كدا الدنيا تبوظ قبل الخطوبة علي حاجات تافهة جدا جدا ، مرة لون الانتريه و مرة لون الحيطان و كدا يعني ، اخرهم واحدة بتقولي يا تجبلي جيبسون بورد يا نفركش كل حاجة ، او واحدة ابوها يقولي امضي قائمة كيلو دهب ، مع العلم اني هجهز كل حاجة و هجيب كل حاجة و الحاجة العروسة هتنقيها هجبهالها ، و انا حاليا عندي ٣٢ سنة و طبيب . انا حاليا جالي اكتئاب ولا عايز اخرج من البيت ولا عايز اشوف ولا اكلم حد و حتي صحابي بعدت عنهم و انعزلت ولا بقي عندي طاقة اشتغل ولا عندي طاقة اعمل اي حاجة خالص ، حاسس اني ميت من جوة رغم ان جسمي حي لسا ، الدنيا كلها بقت ضلمة في وشي ، صليت كتير و دعيت كتير و تعبت. كل النفسي فيه اني الاقي حد يشاركني حياتي و نبقي مع بعض في الحلوة و المرة و المرة قبل الحلوة ، حد يحبني لشخصي مش لاي سبب تاني و نكون عيلة و نخلف ولاد و بنات و اهتم بيهم و اراعيهم و اجبلهم كل النفسهم فيه . حاليا انا مش عارف اعمل ايه و مؤخرا فكرت كتير في الانتحار بس مش عايز اموت كافر الصراحة و اخسر دنيا و اخرة ، و كل حد يقولي نصيب او اسعي ، و انا مش عارف النصيب دا هيجي امتي و اسعي ازاي يعني انزل اوزع كروت . انا شفت من ٢٠١٨ تقريبا ١١٦ عروسة تقريبا .

4

17