مشاكل الخطوبة

Chilli_19172 🇪🇬

منذ يومين

شعور مزعوج

هقرفكم شوية الفترة دي لأن معنديش حد اخد رأيه ف قولولي ازاي اخلي خطيبتي تبطل تتكسف مني علشان هي لغايت دلوقتي وبتتكسف مني خالص وفرحنا خلاص قرب وهي خجولة وأقل حاجة لو عاكستها بتتكسف مني دايما بحاول اقنعها ان هي كمان شهرين وهتبقي مراتي وهي تقولي ماشي ان شاء الله وبتتكسف مني كسوف مش طبيعي

Chilli_19172 🇪🇬

منذ يومين

شعور عاطفي

انصحوني نصيحة لأني شخص داخل علي جواز وحاسس اني مضغوط وفي مشاكل كتير بيني وبين خطيبتي الفترة دي ومشاكل فالشغل وحاسس مش عارف انظم اي حاجة في حياتي وحاسس اني بدأت ادخل فالجد ومضغوط وكنا هنسيب بعض اكتر من ٤ مرات خلال اليومين دول بس بنرجع تاني من وقت ماحددنا المعاد واحنا كدا كل شوية ف خناقات مبتخلصش وخاي

Pineapple_71068 🇪🇬

منذ أسبوع واحد

شعور متعب

انا 26 سنة معندش خبرة خالص فى موضوع الارتباط والخطوبات ولا بعرف اتعرف علي بنات اصلآ خجول بخاف من الارتباط وتضيع الوقت لو رينا مارضش وسبنا بعض لاي سبب كان الموضوع يعملي ترموا واتعقد خالص ... لو حد عنده نصيحة او عنده نفس المشكلة ممكن يقولي بيتعامل مع الاشعور ده ازاى

Watermelon_72504 🇪🇬 متعلقش نفسك بحاجة أن بشخص علق نفسك بربنا بس لان الأشخاص ممكن يسيبوك او الحاجة ممكن تروح منك بس ربنا عمرو م هيسيبك طبيعي متتتوفقش في علاقات في حياتك أو متتفقش مع الشريك وده مش معناه انك وحش أو أنه وحش بس معناه أن شخصياتكوا مع عارفة تتفاهم مع بعض حاول تاخد الموضوع ابسط شويتين وان طبيعي متتتوفقش مع ناس وده مش نهاية العالم

عرض الكل 3 نصيحة

Biscuit_60779 🇪🇬

منذ أسبوع واحد

شعور شاعر بالملل

🙋‍♂️🙋‍♂️🙋‍♂️🙋‍♂️💔حاليا انا خاطب من 3 شهور فعلا فعلا بنحاول ان يبقي فيه مشاعر بنا بس مفيش خااالص بعاد اوي عن بعض مش عارفين نقرب اعمل ايه عاوز علي الاقل لو فيه خناقه بنا يبقي فيه سبب نعدي و نبقي علي بعض لحد دلوقتي فعلا بنعدي و بنتخانق و بنحل و الدنيا بتبقي زي الفل لكن بردو مفيش مشاعر بنا ايه المش

Hazelnut_52786 🇪🇬 اهم حاجه القبول بينكم وانكم تكونوا مرتاحين سواف الكلام والتعامل وفاهمين بعض انما لو مش فاهمين بعض او شايفين فرق كبير بين عقولكم يبقى لازم تتراجع ياصديقي وده نصيب لأنه للاسف انك ترغم نفسك على حاجه مش صح ليك ده غلط وانتوا لسه ع البر يعني ده نصيب ومكتوب 🫵

عرض الكل 8 نصيحة

Biscuit_60779 🇪🇬

منذ أسبوع واحد

شعور مرتبك

حاليا انا خاطب من 3 شهور فعلا فعلا بنحاول ان يبقي فيه مشاعر بنا بس مفيش خااالص بعاد اوي عن بعض مش عارفين نقرب اعمل ايه عاوز علي الاقل لو فيه خناقه بنا يبقي فيه سبب نعدي و نبقي علي بعض لحد دلوقتي فعلا بنعدي و بنتخانق و بنحل و الدنيا بتبقي زي الفل لكن بردو مفيش مشاعر بنا ايه المشكلة طيب

Mango_64475 🇪🇬

منذ أسبوع واحد

شعور وحيد

اتقدملي عريس صالونات وتاني يوم الصبح بابا طلب رأيي قولتله مش مرتاحه قالي خلاص بس في نفس اليوم قالي وافقي وانا عارفه ومتأكده ان مراته زقته انه يضغط عليا علشان اوافق مع اني صليت استخاره بس قالي الاستخاره مش بتبين حاجه وان عدم راحتي ده وهم من الشيطان واتخطبت ومكنتش عارفه اتقبله خالص وطول الفتره دي نفسي

Sugar_71625 🇪🇬 كلمى امه او اخته لان شكله معندوش احساس

عرض الكل 6 نصيحة

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_66883 🇪🇬

منذ أسبوع واحد

شعور مستنزف

عبّر عن شعورك بشكل مجهول

انا يعتبر المرتين الرسمي اللي كانو ف حياتي كل واحده فيهم عملولي فوبيا من حاجه او من حاجات ب أسبابها 
يعني اول رسمي كان فوبيا من جوز الاخت والاب 
اولا كده الاب ملوش رأي وكان بيجري علي جوز اخت مراته بحيث انو هو مجوز بناتو الاتنين وعامل فيها فاهم وعارف كل حاجه ومن اول اعده كان جايبلي فيها جوز اخت مراته انا قفشتو عشان كان بيتكلم ف اتفاقات علي مزاجه وأبوها ساكت
أما بقا جوز اختها كان عامل فيها شبيح العيله واللي مجاش منو اتنين
أما العلاقه الرسمي التانيه طلعلي خازوق وعملي فوبيا اسمو امها وكانت من النوع بتاع المظاهر والمناظر اللي علي الفاضي وطبعا (اقلب القدره علي فمها تطلع البت ل امها) حرفيا بقا ف البنت من امها ب ليفل اعلي وده كان سبب من اسباب الفشكله
فوبيا تاني كان ف العلاقه دي بردو ابوها كان مهمشين شخصيته اوووي كانو معملينو معامله البنت المتنقل 
وفوبيا تالته العيله كلها كان علي طول اعدين عندهم وسهر وخروجات ف اوقات غريبه لدرجه اننا مكناش بنتكلم اصلا كان آخرها روحت نزلت رجعت وشكرا
طبعا كل ده ف العلاقتين جزء من أجزاء المشكله
وده عملي فوبيا في حتت الخطوبه عمتا والحواز بقيت شبه عندي خوف وبشيل الحوار من دماغي الحمدلله على كل حال وكل حاجه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_68639 🇪🇬

منذ 3 أسابيع

شعور مستنزف

انا مخطوبة من ١٠شهور خطوبة صالونات وحبينا بعض حصلت مشكلة من شهر ونص هي مش كبيرة بس كانت بسبب الغيرة وفضل مخاصمني ٢٠يوم ومكنتش اعرف انه زعلان غير من اخواته وبعد ال٢٠ يوم اتكلمنا وبعدها قطع تاني بيرد كل فين وفين وارن عليه ميردش وبعد ١٠ ايام اتصل عليا وفضل يتكلم انه مسحول ومضغوط ومن وقت المكالمة ديه مك

Mango_65045 🇪🇬

منذ 3 أسابيع

شعور مكسور القلب

انا متشتت وخايف انا حبيت وحدة من احنا صغيرين بس يعتبر حب من طرف واحد هي عرفاني بس تقريبا عمرنا ما اتكلمنا عدى الوقت و عرفت بنات كتير بين صحاب وقرايب وكدا في منهم علاقات حب بس بمجرد ما ببقى قاعد لوحد او اي علاة من دول تتقطع ارجع افكر فيها تاني كلمت اهلي كذا مرة اني نفسي اخطبها بس هم رافضين مش بسبب ان

Mango_64475 🇪🇬

منذ 3 أسابيع

شعور وحيد

حالياً مخطوبه صالونات عن ضغط وقالولي اديله فرصه وشوفيه وعملت استخاره 4 مرات واكتر وكل ما بحاول اتقبله مش عارفه احسه خالص وبكون كويسه وانا مش بكلمه وبحس بممل وانا بكلمه ده غير اني بتضطر اشرح وابرر قصدي علشان دايما بيفهم كلامي غلط وحتى لو هزرت بياخد هزاري جد ومكناش لسه كملنا اسبوع وقالي بحبك ومقدرش اس

Sugar_49832 🇪🇬 بيت عيلة لااااااا ارفضى مهما كان كويس لو ايييه هييجى يوم وهتلاقى نفسك مجبره ان حياتك كلهاا تكون مع اهله

عرض الكل 21 نصيحة

Cherry_65877 🇪🇬

منذ 3 أسابيع

شعور محبط

انا بدأت اتكلم مع خاطيبي من شهرين من اول متكليمنا وانا بشتكي دايما من قله اهتمامه بيا قليل اوي لما بنتكلم وقت طويل بحكم شغله ويوم اجازته برضو مش بلاقيه بيكليمني بس قليل دايما مشغول انا بحبه وهقدر اسيبه عشان هو في ممزات كتير هو عيبه الوحيد قله الاهتمام لما بزعل مش بيعرف يعمل حاجه غير لما يصال

Coffee_61227 🇪🇬 حاولي تقللي انتي طلب الاهتمام يعني زي مبيقولو كده اتقلي عليه شوية بس فالاول وفالاخر برضو لازم تعذري انه مضغوط ف شغله وحاولي يكون ف يومك حاجة بتعمليها سواء كانت شغل او دراسة حاجة تملي بيها يومك

عرض الكل 19 نصيحة

Watermelon_67015 🇪🇬

منذ 3 أسابيع

شعور مرهق

مساء الخير مشكلتي بأختصار شديد اني مخطوبه لشخص كويس بطريقه محدش يتوقعها راجل في زمن أن مفيش منه كتيرو بيحبني و كرم الدنيا و حنين و بيحتويني و يفهمني و كله بجد و هو كله مزايا بس بالنسبالي مش مقبول شكليا اعمل ايه ؟؟؟ هل أتنازل لان محدش بياخد كل حاجه حتي لو ع سبيل راحتي ولا أتنازل عن كل المزايا دي و ا

Strawberry_64200 🇪🇬

منذ شهر واحد

شعور ضائع

عبّر عن شعورك بشكل مجهول

ممكن تنصحوني اعمل اي......... 
معلش هطول عليكم شويه، 
في واحد متقدملي، هو كويس ومحترم ومرتاح مادياًّ، بس هو قصير ( وانا رافضه نهائياً اني اتجوز واحد قصير،+ انا مش طويله انا 160سم بالكتير وعايزه اطول تاني) يمكن هو  اطول مني بـ 5سم على حسب ما انا فكراه ( انا عرفاه من زمان بس مكنش في بينا اي تعامل  غير لما كان شغال في سوبر ماركت، بس الكلام دا بقالو سنتين تلاته) وكمان انا مش جاهزه خالص لفكره الجواز، اذا كان نفسياً او حتى شغل بيت مش بعرف، وكمان عايزه اكمل دراسه، وكله بيقولي  اكيد هيوافقوا  بس انتي اللي هتتعبي، هو اسرته بسيطه جداً (  يعني عدد الافراد تلاته بس، هو و والدته واخوه و والده متوفي لما كان صغير)  انا اعرفه هو واخوه عشان اكبر مني بسنه وكنت بلعب معاه وانا صغيره  لكن معرفش والدته ولا هي تعرفني. 
وهو اللي قالها عليا، وهي طلبت تشوفي الاول. وانا زي ما قولت رافضه الجواز حاليا وكله بيقولي لو رفضتيه الله اعلم هيجي واحد زيه تاني ولا لاء، واسرة صغيره مش بيت عيله زي ما انتي عايز ه و والدته طيبه وفي حالها ومش بيت فلاحين ولا تقليدي اكلهم طبيخ وبهدله وانا مليش في الطبيخ ممكن مره او مرتين في الشهر.  
 هما قرايب جوز عمتي، و والدته كلمت عمتي وجوزها قالهم على طبعنا واننا دوناً عن باقي العيله مدلعين بزياده ومش بتوع بهدله( دا حتى مسمينا احفاد دلع عشان😂 جدي كان وحيد لمده 15 سنه فكان مدلع وهو الكل في الكل وانا بذات، حتى جوز عمتي من وانا صغيره بيقول عليا دلوعه) وماما مريحانا انا واختي ومش مخليانا نعمل شغل في البيت وهي،  وهي قالت ان شغلهم مش كتير وانها بتحب تعمل الاكل والطبخ عمتاً وهي عايزه واحده تكون فرفوشه وتونسها بس واذا كان على شغل البيت متعملش حاجه غير برضاها هي بس الحاجه اللي هتكون ملزمه بيها انها تجيب طلبات البيت من السوق (دي الحاجه الوحيده اللي بعلمها على اكمل وجه عندنا أصلاً 😂) وقالها ان والدي حالياً مش جاهز انه يجوز يا إما هيضغط نفسه وان احنا حالياً بنبني بيت وبنجهزه ف مش مستعديين دلوقتي خالص، وهي قالت عادي لو في قبول  ممكن نستنى لحد ما ينقلو ويستقرو وبعدها نيجي نتقدم رسمي ونتفق (ابقى محجوزه يعني) والخطوبه بدل ما هي سنه تبقى سنتين . 
بعيداً عن شغل البيت و والدته، العريس نفسه مفيهوش المواصفات الشكليه اللي انا عيزاها خالص، انا عايزه واحد طويل واسمراني وشعره اسود وعيونه خضراء او عسلي وشكله يكون مقبول مش عايزه ملك جمال يعني، بس هو قصير وشعره بني و قمحاوي وعيونه بني. فا انا متردده ومش عايزه اظلمه معايا مستقبلاً وخصوصاً انه محترم وشاريني ويعتبر مفيهوش غلطه (نسيت اقول انه صاحب اخويا بس مش صحاب قوي، ولما ماما سألت اخويا عنه قالها هو كويس بس بيشرب سجاير، وبابا لما عرف رافض فكره انه اي عريس عمتاً يكون مدخن ولا بيشرب اي حاجه) ف ممكن تقولولي اعمل اي، ارفض ولا اديله فرصه؟؟؟؟!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_64429 🇪🇬

منذ شهر واحد

شعور منزعج

جماعة انا مرتبطة بولد عنده 19 سنة وداخل فال 20 يعني مش صغير وفي حاجه كدا بصراحه اتخنقت منها اوي باباه ومامته كل شوية ياخدوا منه الموبايل وبيعاملوا اكنو لسة صغير، مع ان هو مبيعملش حاجة بس لما بيلاقوا ماسكوا كتير يروحوا واخدينوا و اوقات ياخدوا منغير سبب وبياخدوا بليل عشان ينام ف بصراحه كنت متأقلمة م

Donut_63791 🇪🇬

منذ شهر واحد

شعور محبط

عبّر عن شعورك بشكل مجهول

الموضوع غريب شويه بس بدون مبالغة بقيت بحس أن الأيام دي و الزمن ده مبقاش فيه رجاله يعتمد عليها و يقدروا يشيلوا المسؤلية كلهم عيال حتى لو المفروض انهم كبار و ناضجين و معديين سن المراهقه لدرجة اني بقيت متعقدة من فكرة الجواز من كتر المشاكل و التعقيدات اللي بشوفها ف العلاقات اللي حواليا بحس أن الولاد كلها بقت بتتسلى عندي خوف دايما اني ادخل اي علاقه بحس أن الرجاله كلهم كدابين و بيتغيروا بمرور الوقت ( بعيدا عن أن الارتباط بدون شئ رسمي حرام طبعا و الموضوع ده مرفوض بالنسبالي بس بتكلم أنه حتى لو الموضوع رسمي و الواحد جاي يخطبني هبقى خايفه بردو ) بحس أن الواحد حتى مع خطيبته ممكن يكون كداب أو حتى مراته يعني وصلت بيا احس أن الواحد ممكن يبقى بيتسلى حتى بعد ما يخطب أو يتجوز معرفش ازاي بس من اللي بشوفه والله يعني ايه يبقى واحد خاطب أو متجوز و يروح يكلم واحده تانيه أو يتجوز ع مراته مثلا حتى لو خطيبته أو مراته مش مقصره معاه ف حاجه يعني بيعمل كده كأنه إرضاء لغريزته مش اكتر و ملهاش مبرر غير أنه شخص مريض ، كل اللي بحس بيه ده مش من اللاشئ ده من اللي يشوفه و بيحصل قدامي مع اصحابي مثلا بعيدا عن اللي بشوفه ع السوشيال ميديا العلاقات تبقى ف الاول الكل شايفها مثالية اوي خصوصا وقت لما يكون الارتباط مش بشكل رسمي  و بمرور الوقت او بعد ما تحصل خطوبة تصرفات الراجل خصوصا بتبقى غريبة و غير مبررة ( اه احيانا ممكن التغير يبقى من البنت بردو بس انا بتكلم ع اللي بشوفه قدامي واللي وصلني ل كده ) و بعد كل ده طبعا الموضوع بينتهي بالأنفصال بجد بتصعب عليا اوي العلاقات اللي بتنتهي بالمنظر ده وأنهم ازاي هان عليهم يفرطوا ف كل ده بالسهوله دي و ايه سبب التغير الغريب ده اصلا و ازاي نبقى واخدين عنه فكره أنه راجل و ناضج و داخل جد و بالفعل يتقدم للبنت بس بعدها يتغير تغير جذري لدرجة أننا نحس ان الفكره اللي كنا واخدينها عنه ف الاول كان بيضحك علينا بيها أو عشان يقدر يقنعنا و نصدقه ف ليه بجد كل ده و ايه اللي يخلي راجل يتغير بالطريقه دي بلا مقدمات و فجأة كده ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_73956 🇪🇬

عش مع نفسك في صفح وتسامح واغسل قلبك من عتاب الأمس

عِشْ مع نفسك في صفحٍ وتسامح، واغسل قلبك من عتاب الأمس وثِقلِه. وأسلِم أمرك لله، فالمستقبل غيبٌ لا يُمسك زمامه إلا هو. أما الحاضر، فهو هديّة بين يديك، إن وجدت فيه سبيلًا لإصلاح أو تغيير فامضِ إليه، وإن ضاق عليك الأمر، فاطمئن؛ فما كتبه الله لك لن يحمله عنك سواك. فربّ الخير لا يُرسل إلى قلبك إلا ما فيه خير، ولو بدا لك في ثوبٍ اخر ...عرض المزيد

1 الدعم

1 نصيحة

Sugar_65738 🇪🇬

ازاي أخلي الشخص العنيد يكلمني بعد ما بلّكتوه؟

ازاي تخلي حد عنيد بعد ما بلكته في كل حته ورفعت البلوكات، يكلمك تاني!؟ هو حاول يكلمني في ساعتها واتصل وانا ما ردتش الحل تمسح رقمه وتختفي تماماً؟ هيتكلم هبيبيد اكتر ما تمسحش رقمه ويفضل يتابع في صمت وهيتكلم، ملحوظه عدا 3 اسابيع ورافعه البلوكات من اسبوع🫣 ملحوظه تاني بسأل فضول؟ طيب هو ما اتكلمش مستني انا اللي اكلمه؟ قفشاه بيتكلم في الفون في اوقات متأخره وما زال. هيرجعلي يكمل كدبه ولا ايه؟ ما ادتلوش فرصه يرد علي رسالتي عاوزه اتفرج عليه وهو بيحور تاني هيقول ايه المره دي! هو نرجسي اصلاً وبلاير وعلاقاته كتير وكداب وفرحان بلمة النسوان خواليه وياريتهم عدلين كلهم اندر ايدچ. بعد ما كنت بيست فريند مقربه جه في مره طلب مني اجبله واحده صاحبته كافيه بطريقه غير مباشره عشان كانت هي كمان مبلكاه في كل حته من غير سبب بيقول وكان عاوزني اقولها شغل وانتر ڤيو عشان تقابلني ويجي هو يشوفها ويسألها عملتي بلوك ليه ورفضت من ساعتها ما جناش يوم قدام وحاسه انها كانت الاكس ورجعلها الكلام ده من شهور... طب ليه ماصارحنيش وبيحور وبيقولي بكلم ثصاحبي بليل وبطلب اصناف ادويه وحوارات الساعه ٢ بليل و٣ و٤... طب لو هو صادق بيحول الفون ليه قبل ما يتكلم! ...عرض المزيد

1 الدعم

2 نصيحة

Cherry_52035 🇪🇬

تعبت قد إيه ومفيش نتيجة... بتعملوا إيه؟

بتعملوا اي لما تفضل تتعب على حاجه محصلتش عليه اكيد خير بس لاما اشوف انا تعبت قد اي عشان اعمل دا و قد اي ضغط علي نفسي و اتحملت و وقت و قومت و وقعت و في الاخر مفيش حاجه اوصلها كأنك معملتش حاجه انا عارفه ان دا خير ليا لان ربنا مش بيعمل غير الخير لينا بس الفكره ...عرض المزيد

1 الدعم

4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع