لما امي سافرت وسابتني عرفت قد اي هي شايلة عني يعني انا مثلا لو نزلت اشتري حاجة لنفسي من السوبر ماركت،ولا روحت مشوار ولا جامعة ولا چيم بعتبره انجاز لان عندي رهاب اجتماعي ومبحبش اظهر ف الشارع الا للضرورة القصوى وساعات بلغي مشاوير كتير بسبب كدا، ف لما امي غابت اكتشفت اني مبعرفش اتصرف خالص ولا بعرف انزل السوق اشتري اللي عاوزاه ولا عمري عملتها خالص، بجد انا كويسة اه ف البيت والترويق وكل دا بس مبعرفش اتصرف ف الحاجات اللي برا البيت بحس اني ملَيسة كدا، مش عارفة كل اللي ف سني كدا ولا دي مشكلة عندي انا بس، عاوزة اتهيأ لاني ف سن جواز وممكن ف اي وقت الاقي نفسي شايلة مسؤولية كل حاجة واطلع مش قدها رغم اني شاطرة ف كل حاجة ف البيت بس اكتشفت انه مش كفاية واللي مدايقني اكتر اني انطوائية بشكل مبالغ فيه، طول الوقت قافلة اوضتي وقاعدة مع نفسي وبحس التعامل مع البشر صعب واني مش واخدة ع جو التجمعات ولو فيه زحمة ف اي مكان بتخنق، اهلي بيعانوا معايا اني اتعامل واخرج وانزل ويا فرحة قلبهم لو قولت اني عاوزة اروح عند حد قريبنا ولا حاجة لانها نادراً لما تحصل وبيوافقوا، بس انا مش فاهمة ليه آسرة نفسي بين 4 حيطان ومش بتعامل مع حد، نفسي اغير دا فيا بس مش عارفة ازاي لاني طول عمري كدا مش من يوم وليلة، والحياة لازمها تعامل وتوسيع دايرة المعارف والصحاب بس انا كل دا بعيدة عنه، مش عارفة اتغيّر غصب عني، وف الاخر بشتكي من الوِحدة والفراغ اللي انا فيهم وانا اللي حاطة نفسي فيهم اصلا! ياريت حد يفيدني بدون كتر كلام او لوم لان محدش عارف ظروفي اي واللي مريت بيه مخليني كدا

0

5