قلة ثقة في النفس

Mango_45204 🇪🇬

منذ 3 أشهر

شعور متعب

Sugar_44866 🇪🇬 وانا مسبتهاش لاي حد انا سبتها للي خلقها وانشاء الله تكون من نصيبي بص انت لو بتحبها هتخاف عليها من كل شئ و هتخاف تخليها تعمل حاجه غلط صح بص متفكرش انها ممكن تضيع منك لا فكر انك تبني مستقبل كويس علشام تروح تتقدملها ♥

عرض الكل 12 نصيحة

عبّر عن شعورك بشكل مجهول

انا 17
 ملخص الموضوع كدة ان انا بحب واحدة في المدرسة و مش عارف اروح اكلمها خالص او اقولها ازاي ،انا حتي مكلمتهاش ولا مرة 
هي البنت جت علي المدرسة من اول السنة الدراسية دي
و أنا حبتها من بعد مجت المدرسة بأسبوع كدة يعني بقالي ست شهور في الموضوع دة انا زهقت اوي و طول اوي و معنديش كمان حد اكلم معاه براحتي وحيد اوي بردو بحس ان محدش بيحبني او ان انا تقيل علي الناس 
أنا متأكد ١٠٠٪؜ إنها عارفة ان انا بحبها عشان باين عليا اوي من نظراتي ليها و كمان المشكلة ان انا خايف اوي اكون نظاراتي دي تكون تقيلة عليها اكون بضيقها و هي مش عارفة تقولي ان هي مضيقة يعني
الصراحة انا ببصلها كتير 
ف الاول انا كنت بصصلها بس بعد كده بلقيها كل شوية بتبصلي هي كمان بس من غير اي حاجة 
يعني بقنا نبص لبعض كتير اخر فترة و انا اصلاً بكسف اوي اوي 
اصلاً وانا بكتب الكلام دة كلوا انا مكسوف
و بعدين اللي مخليني كمان ان انا مش عارف اروح اكلمها 
انا مش جامد خالص بصراحة و في ناس كتيرة اجمد مني بكتير بصراحة و خلينا متفقين ان البنات في السن دة بيحبوا الولاد الصيعه وانا مش كدة بصراحة انا هدي اوي ومليش فالهبل يعني بس مش نيرد بردو 
و انا المفروض اعمل حاجه يا الا اسبني منها و مش عارف اعمل كدة يا الا اروح اكلمها و مش عارف كدة بردو 
بس مينفعش افضل ابصلها كدة كتير دة اسموا هبل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_21018 🇪🇬

منذ 5 أشهر

شعور محبط

انا بتعرض لظلم من امى أنا عندى اخت اكبر منى بتشتغل وبتدرس تمريض لما كانت بتشتغل امى ما كانت تخليها تعمل حاجه بحجه أنها جايه تعبانه من الشغل ولزم نشيلها علشان هى تعبانه ، جيت انا نزلت شغل بردو ويدرس حقوق امى بقت تضربنى وتقولى انتى مش بتغسلى المواعين ليه انتى مروقتيش ليه بقولها جايه تعبانه من الشغل بت

Marshmallow_39859 🇪🇬

منذ 7 أشهر

شعور وحيد

لو سمحتو يريت لو حد يعرف ازاي اقلل التوتر الزايد و التفكير المستمر وقله ثقتي بنفسي و الخوف الدائم انا عندي 21 سنه وملتزمه بصلاتي نا اتخذلت من ناس كتير ومعنديش صحاب ولوحدي ومش عارفه اثق فحد

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Apple_30413 🇪🇬

منذ 7 أشهر

شعور محبط

موضوع محدش هيفهمو كتير بس حاسس اني قليل في عيون الناس اوي ومش عارف اعمل اي فس الحوار ده مع اني تعاملي مع الناس كتير اوي اوي ومعروف بس ديما بحسهم بيقللو مني وده مخليني مخنوق اوي ومش عارف حتى اثق في نفسي اصعب شعور بحس بيه

Avocado_30430 🇪🇬 محدش في الدنيا يقدر يقرر انت مين وحجمك قد اي ..انت لازم تكون كبير في عين نفسك ودايما تقدر نفسك والمكان اللي تحس فيه انك مش متقدر امشي علطول حتي لو هتعيش لوحدك المهم بس انك تكون مرتاح وانك ترضي باللي ربنا كتبو ليك دايما لان الرضا دا اهم حاجه فبالتالي انت لما ترضي عن نفسك كل الناس هترضي عنك واللي واثق في نفسه الناس كلها بتشوفو ناجح حتي لو نسبه النجاح مش ١٠٠% ودايما حاول تنجح ولما تقع تقوم

عرض الكل 18 نصيحة

Cookies_28483 🇪🇬

منذ 7 أشهر

شعور مكسور القلب

انا تعرضت لتنمر كتير اوي وانا صغيره اثر على حاجات كتيره اوي لما كبرت بالذات اسلوبي بقي وحشه وكمان انا ما بقيتش اعرف ميز بين الكبير والصغير بقى اي حد يقول لي كلمه ما تعجبنيش ازعق فيه حتى لو الشخص ده كبير بقيت خايفه اتعامل مع الناس عشان حسهم كلهم بجد وحشين وبقي اي حد يقول لي انتي مش محترمه انتي مش مؤد

Chilli_28482 🇪🇬

منذ 7 أشهر

شعور مستنزف

أغلب عيوبي حبيت أنزلها من باب التوعية مش مجاهرة نهائي وربنا يتوب علينا قلة ثقة في النفس تفكير مفرط حساس من أتفه الحاجات مستني القبول من الآخرين إحساس بالنقص و الدونية إحساس بتأنيب ضمير دائم تقصير في العبادة شهواني في كل الجوانب

Chilli_28520 🇪🇬 انك قادر تحدد مشاكلك ده اول الطريق لحلها

عرض الكل 3 نصيحة

Biscuit_23212 🇪🇬

منذ 8 أشهر

شعور محبط

موضوع:

ازاي تتخلص من إحساسك بالوحده؟

دايما حاسه اني لوحدي حتي لو حد جمبي بحس انه دايما هيمشي ودايما اكون زعلانه لما افكر ان اي شخص بحبه يمشي ويسبني لوحدي ودايما حاسه اني مكاني مش مع اهلي وداينا بقلل من نفسي وبقول ان دا يستحق اكترمني مش عارف ليه وانا بكره. اني اكون لوحدي بس في نفس الوقت بتخنق من التجمعات اوي مش عارفه اي

Avocado_12959 🇪🇬

منذ سنة واحدة

شعور رائع

عبّر عن شعورك بشكل مجهول

كان بقالي فترة كبيرة بتاع سنتين ولا حاجة معنديش ثقة في نفسي ودايما خايف من شكلي قدام الناس ومش عارف اكون طبيعي ولا اكون انا لدرجة اني زي ما اكون حلقت شخصية تانية ومواصفاتها طبعا عكس اي حاجة انا عايزها ، يعني بيتكسف مش واثق من نفسوا دماغوا صغيرة مثلا بيعمل حاجات عبيطة وكان دايما ده بيحصل والشخصية دي بتظهر مع الناس اللي برا او اي حد عموما مش برتاحلوا اوي والمواضيع كانت بتتطور لدرجه انها دخلت حياتي مع اهلي ومع اي حد اعرفوا لما بدات اطلع نفسي من الفريم ده واحاول اكون الشخص اللي انا عايزه بقيت حاسس اني مش عارف انا مين او حاسس اني دماغي بتقولي ايه اللي يثبتلي انك مش كده ايه اللي يثبتلي انك واثق في نفسك ؟ وطبعا مقدرش ارد عليها باي حاجة لان كل المواقف اللي فاكرها بتبوظ مني الدنيا وحتى دلوقتي لما بحاول اتعامل بشخصيتي تاثير الشخصية القديمة لسه موجود فبيديني قلة ثقة لما مثلا حاجة بتبوظ مني بسبب كده فمش بعرف ابدا امثل اني بتعامل بشخصيتي لان الموقف هزني فبرجع تاني لنفس الشخص اللي مش واثق في نفسوا والمشكلة ان فعلا مفيش حاجة اقنع بيها مخي اني مش كده وان ده بسبب قلة الثقة اللي خلت كل ده يحصل ..المفروض اعمل ايه ..جربت رحت لكذا ثيرابيست وكلهم محدش كان فاهمني ومستريحتش المفروض اعمل ايه ( بالمناسبة انا مراهق)

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Watermelon_15659 🇪🇬

منذ سنة واحدة

شعور Not great 😕

ازاي اكلم حد لو انا بحس نفسي سخيفة احيانا؟ يعني معنديش مواضيع ولا بتكون عندي تعليقات حلوة و ممكن حد يقعد يحكيلي وانا حتى مردش على نهاية الحوار لاني مش عارفة اقول ايه و اقعد ساكتة بس.

Apple_12072 🇪🇬 حاولي تختلطي بالناس اكتر او لو بتتكسفي وكده الابلكشين ده هيساعدك حاولي تدي نصايح للناس سواء عرفتي توصلي نصيحتك صح او لا بس تكوني اتكلمتي وواحده واحده هتتعودي تتكلمي وتعرفي تردي ع صحابك وهكذا وده مش كلام عن الابلكيشن والله انه حلو وكده بس انا حابه فكره ان محدش يعرف التاني دي والواحد بيتكلم براحته من غير م حد يقوله انت كاتب اي او ازاي تقول كده والعبط ده

عرض الكل 2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع