فقدت الشغف في ثانوي وخايف من المستقبل

Question

انا حاليا في٣  ثانوي ومن اول السنه مذاكرتش وفاقد الشغف وعندي اكتئاب مع احباط وتعبت ومش عارف اعمل ايه وخايف السنه تجري ومجمعش مجموع كبير وكماان خايف عشان اهلي والمصاريف الي بيصرفوها خايف تروح علي الفاضي اقتراحاتكم

Avocado_33882 🇪🇬 · Accepted Answer

لو كتبت الف رساله من دي في الف جروب ف هو الحل الوحيد إنك تبدأ من جديد و تذاكر وتحط نفسك في الأمر الواقع اللي المفروض دا يحصل وهي إنك تذاكر وتشد بقا جامد 
انت مستني إقتراح أي؟ 
عاوز حد مثلا يقولك حط فلاشه أو كارت في مخك أكيد لأ 
ابدا من دلوقتي و توكل على الله

Avocado_33763 🇪🇬 · Answer

تفائل وسيبها علي الله بس اعمل اللي عليك وصدقني ربنا مش هيضيع تعبك

Cookies_29297 🇪🇬 · Answer

أبدأ من دلوقتي ومتكسلش تقدر تلم اللي فات علفكرة بس دوس على نفسك شوية

Guava_31245 🇪🇬 · Answer

اولا ربنا معاك ويوفقك ويقويك هي سنة مش سهله خالص ، اول حاجه حاول تعمل حاجه انت بتحبها تتطلعك من المود اللي انت فيه وتبدا تشحنك تاني 
ولازم تذاكر لازم هتندم بعدين انت ف ايديك الفرصه دلوقتي 
عاوزه اقولك ساعه النتيجة لو لقدر الله مجبتش المجموع اللي انت عاوزه هيجيلك اكتئاب اكتر وهتفضل تلوم نفسك علي كل الوقت الفاضي اللي عدى ومذاكرتش فيه 
فكر دايما ف النتيجة وفكر ف فرحتك انت واهلك

Mango_27135 🇪🇬 · Answer

اول خطوه انك تحل المشكله أنها تعرف المشكله وا تفوق منها بص الفتره ديت بتعدي علي الكل مش انتا بس 
بس لازم تفوق وا تراجع ال فاتك وا تبدأ تهتم بي المذاكره تاني كويس اوي أنه خدت بالك قبل ما الايام تعدي وا تسرح

Chilli_28248 🇪🇬 · Answer

اقفل التليفون واقعد زاكر يسطا. انت مش في وقت اكتئاب. انت بتحدد مستقبلك. انت الوحيد اللي هتخسر لو معملتش اللي عليك خدها نصيحة واعمل اللي عليك.

Marshmallow_33873 🇧🇬 · Answer

اقري سورة القدر 11 مرة قبل النوم، انا هم جنت فاقدة الشغف ونصحتني بيها بنت الله يذكرها بالخير ورجعلي الشغف ورجعت للساحة بكل قوة 
واذا ردتي ورد لعدم النسيان 
الاية {سنقرئك فلا تنسى} يوميا 114 مرة اقريها على ماء واشربيه صرتت اقدر احفظ اي شي وبسهولة وبفضل هذا الورد طلعت درجات كاملة وباقل معدل دراسة بين الطالبات.

Marshmallow_33883 🇪🇬 · Answer

بص لو فضلت تفكر بالتفكير ده مش هتلحق خالص انت قدامك120 يوم علي الامتحانات شوف علي المنصات وجيب المراجاعات وانزل دروس وذاكر في البيت الي فاتك مع مدرس اونلاين والجديد في الدرس عادي وعلشان مش تتأخر حاول انك تجيب درس من الي فاتك مع الجديد وقسم ال120 يوم علي عدد الدروس وان شاءالله هتلحق تلم كل حاجه

Guava_31245 🇪🇬 · Answer

عن تجربة فرحتك انت واهلك  تستاهل انك تتعب

Mango_31643 🇪🇬 · Answer

المجموع كدا كدا هيجى لانو مكتوب بس انت اسعى ولو مش عارف تذاكر حاول تعمل حاجة لله تطلع فلوس وتتبرع لحاجة فى المسجد حاول تشغل بالك فى وقت فراغك بالخير

Cherry_33789 🇪🇬 · Answer

حاول انك تبعد اي مصدر للالهاء بعيد عنك يعني سيب الموبايل مع اهلك ومتاخدهوش غير في الحلات المهمه هتحس ان اليوم مبارك فيه ومعاك وقت تذاكر

Carrot_33651 🇪🇬 · Answer

طول ما هتستني ان الشغف يرجع هتستني كتير وبالذات لو بحالات، حاول تبدأ تذاكر وجزئها أجزاء بحيث متملش وشوف اي سبب الإكتئاب ده وحاول تحل المشكلة، متضيعش أهم سنة اللي مستقبلك هيتبني عليها

Strawberry_31508 🇪🇬 · Answer

ابدء دلوقتي 
شوف نفسك هل نافع معاك اون لاين؟ ولا تنزل سنتر؟ولا مجموعة صغيرة برايفت
ع حسب مقدرتك ممكن لو في حاجه تايةة خالص تاخد برايفت 
ولم جديد مع قديم
حاول متضيعش وقت ف مواصلات و حاول متلفش كتير بعد الدرس اتعود تخلص درسك تروح علطول مترحش مكان الا للضرورة
لو اتعسر عليك شئ اطلب مساعدة من زمايلك او مدرس يشرحلك 
حاول تظبط مواعيد نوم وصحيان
ادعي كتير ان ربك ييسر عليك الامور ادعي بكل شئ حتى لو انت

Avocado_30567 🇪🇬 · Answer

سبها علي ربنا بس زاكر كويس

Strawberry_31508 🇪🇬 · Answer

حتى لو انت متتوقعش او تقولك دا لا يمكن انا مستحقش
خلي عندك يقين بالله

Potato_31970 🇪🇬 · Answer

يسطا بيقولك حاسس انه مكتئب ومش عارف يذاكر تيجي انت تقوله اقفل الفون واقعد ذاكر لازم نكون رحمين بالناس شويه كل واحد وليه قدره تحمل وهو جاب اخره نديله نصايح بس بطريقه كويسه ان هو يعمل بيها مش نقفله من الدنيا

Coffee_30058 🇪🇬 · Answer

قبل اي حاجه انا تالته زيي زيك 
بص متحطش نفسك في توتر النتيجه و تعب اهلك انت تنيجتك ليك من قبل م تتولد فكر في الجمله دي و دخلها ف دماغ المطلوب منك صلاه و تقرب من ربنا و تستغل تالته انك تتعلم تنظم وقتك في حياتك عموما و تقرب من ربنا اكتر مكسبك من السنه مش مجموعك مكسبك متتطور قد ايه من ناحيه قرب من ربنا و تنظيم حياتك عموما تالته ثانوي مجرد نموزك مصغر للحياه الحياه بعد تالته مش اسهل من فيها صدقني 1

Potato_31970 🇪🇬 · Answer

يعني ممكن تقولهاله بطريقه احسن من كده 
كل الناس بيجيلها اكتئاب وبتعدي بفترات صعبه انت نفسك اكيد جه عليك الوقت ده

Coffee_30058 🇪🇬 · Answer

الدنيا بعد تالته توتر اكتر و ضغط اكتر اتعلم من السنه دي تنظم دنيتك و كل العليك ذاكر بضمير الكلمتين الاخدتهم و تكرف لدرجات الشوامل لجد اكرفلها انا تالته زيك و ربنا عارف انا كنت ازاي السنين الفاتت و بذاكر ازاي و مستوايا ازاي و مقبلش اقل من تقفيل في الامتحان و دلوقتي يجيب 1/10 عادي مش عشان انا مش بذاكر مثلا ربنا يعلم يعني عشان المدرسين مكبرين الموضوع في وقت صدقني ابدا براحه تاني على نضافه الذاكرته1

Coffee_30058 🇪🇬 · Answer

الذاكرته و حاسس انك كويس فيه راجعه و اعمله ملخص ف ورقه ولا حاجه و اشتغل براحه كدة و في وقت والله و الكلام الانت مش فاهمه هيتراجع و يتحل عليه 4548455مره ربنا معانا

Chilli_33003 🇪🇬 · Answer

انا زيي زيك والله بس قررت النهارده الم الكلام الي فاتني مع كل محاضرة جديده ارجع اذاكرها و اخد محاضرة من القديم بعدها على طول برضه اذاكرها عشان الم الي فاتني و في نفس الوقت مراكمش

Coffee_33023 🇪🇬 · Answer

انا كنت دفعه 2024 لو حابب نتواصل مع بعض برايڤت يكون احسن عشان حرفيا السنه كلها انا كنت كده مش عايزك تغلط غلطتى  انا علمى رياضه و كليه هندسه حاليا

Blueberry_33916 🇪🇬 · Answer

اول حاجة حاول تروح لأخصائي او دكتور نفسي علشان الاكتئاب اللي عندك ده هو هيساعدك كتير ولو كتبلك ادوية هتساعدك برضو وهتحسن نفسيتك،تاني حاجة اعمل جدول وحاول تلزم نفسك بيه على قد ماتقدر وابدأ مذاكرة ومتخوفش نفسك انت لسة قدامك فرصة ووقت كويس تلم فيه اللي فاتك انت بس محتاج تلزم نفسك بالمذاكرة،  انا كمان كنت بمر بإكتئاب في 3ث وكنت مخوفة نفسي منها بس لما روحت لدكتور وبدأت اعالج اكتئابي اتحسنت وظبطت دنيتي