بقالى فترة طويلة جدًا وأنا مش فاهمة إزاي وصلت للمرحلة دي. حاسة إن مفيش مشاعر ولا اهتمام بأي حاجة. تعبانة، ومكسلة حتى أعمل أبسط الأشياء اللي كانت بتفرحني. مش قادرة أعبر عن أي حاجة، مع إنني كنت دايمًا كاتبة، لكن دلوقتي مش قادرة أتكلم ولا أشرح ولا أعبر عن نفسي. عندي نوع من الجمود والبرود الغير طبيعي. مش قادرة أتحرك من السرير، ولا حتى أقرأ، وهي هوايتي المفضلة. بعاني من حاجات مش قادرة أفهمها، والإحساس ده مأثر على حياتي بشكل كبير. كنت دايمًا عندي شخصيات مختلفة في حياتي، وكل واحدة كنت بوازن بينها، لكن دلوقتي مش قادرة أصف الكوارث اللي جوا دماغي. حاليًا حاسة إنني واقفة قدام جمهور كبير، كلنا بنشاهد حياتي وهي بتنزل في سقوط حر من غير مظلات

10

7