.png)
Mango_64484 🇪🇬
منذ يوم واحد
.
شعور متوتر
انا مش بدور على حل، لأن عارف ان ملهاش حل ، ف اعتبروها مجرد فضفضه مش اكثر. انا عندي ٣٧ سنه، عندي وسواس قهري من وانا طفل، مريت بكل انواع الوسواس، علطول فى صوت جوا مخي بيتكلم وبيشككني ف كل حاجه حواليا، الصوت مش بيسكت غير وانا نايم بس عشان كدا باخد منوم عشان أنام كتير، حاولت اتعالج واستمريت سنتين على العلاج والوسواس قل جدا، بس العلاج كان بيسببلي هلاوس بصريه واحتباس فى البول ورعشه ف الايد. دا غير سعر الجلسات والادوية عشان كدا بطلت ادوية. نوع الوسواس الى عندي حاليا هو Pure O بتبقى الافعال القهرية فيه مش متشافة زى وسواس النضافه مثلا اغسل ايدي كتير عشان الوسواس يقل، دا لا كل الافعال القهريه بتبقى ذهنيه جوا مخي ف شكل حوارات داخليه ببيني وبين الصوت الى بيتكلم ف مخي ودا بيخليني علطول أبان اني سرحان او مش مركز للى قدامي. انا مش بخرج من البيت بالاسابيع، لأن شغلي اونلاين، حاسس اني مكتئب وبفكر انهي كل حاجة، بس برضو مينفعش لأن فى ناس محتاجالي.
2
11