تعبت نفسيا وعايزة أخلص من حياتى

Question

أنا عايزة أخلص من حياتى كلها شفت حاجات كتير من صغرى وتعبت نفسيا ......أنا تايهة ومش عارفة أعمل إيه...دايما ساكتة ومش بضحك وبتغير للأسوأ وانا مكنتش كدا خالص ومش عارفة أعمل ايه
كنت بحب الحياة جدا دلوقتى نفسى اخلص من حياتى ...

Potato_66678 🇪🇬 · Answer

لو عاوزه تحكي ممكن اسمع

Watermelon_72949 🇪🇬 · Answer

طب ايه المواقف اللي صلتك لكده

Banana_56851 🇪🇬 · Answer

بعد الشر عليكي مفيش حاجه مش بتعدي الي انتي في ده فتره مؤقته و حتروح اكيد

Waffle_65620 🇸🇦 · Answer

لو حابه تحكي ابعتي

Chilli_48447 🇪🇬 · Answer

المشكله انك لوحدك ومفيش حد جنبك ولا معاكى يتابع معاكى يومك ويسمعك عشان تتخلصى من كل الدوشه والزحمه إلى فى دماغك

Avocado_72213 🇪🇬 · Answer

ليه بس كدة

Almond_67083 🇪🇬 · Answer

متوصليش للمرحلة دي ، انا كنت في الزون دي و بدأت اروح ل ثيرابيست على الاقل افضفض

Marshmallow_73195 🇪🇬 · Answer

ده بيكون لأسباب كتير ممكن يكون من ضمنها حصلك بسبب انك الخذلان الكتير …انك بتتعشمي  …انك بتتعلقي  بسهولة …او ان سهل كدة يتم التأثير عليكي بالكلام بمعني اصح حساسة جدا لكن كلمة ..
والحل ل ده … اولاً إصلاح نفسك داخليا اولاً بأنك يكون ليكي حياة ،الحياة دي بتكون نفسك اولولية قبل كل شخص وكل شئ .. وأول حاجة في إصلاح النفس هي إصلاح ما بينك وما بين ربنا بالصلاة حتي لو تقيلة تعالي علي نفسك وصليها ..يتبع 1

Marshmallow_73195 🇪🇬 · Answer

2مع الصلاة القراءن اي سورة يوميا و الأذكار اختاري اي ذكر  كل ما تكون فاضية استغفري واذكري الله وفكري في فوايد ده انو هيكون ليه مكآفات كتيرة عند ربنا …عارف ان الكلام ممكن يبان رتيب بس معلش جربي وحاولي …
٣ انا قولت فوق لازم يكون عندك حياة الحياة دي اول حاجة حاولي متكونيش فاضية وده هيكون اول دور ليكي في الحياة معرفش سنك كام بس أتوقع انتي في بداية العشرينات حاولي تلعبي اكتر رياضة بتحبيها يتبع ٢

Marshmallow_73195 🇪🇬 · Answer

او تمارسي اكتر هواية بتحبيها بإنتظام اي كانت هي عنا.. رقص.. لعبة معينة ..رسم ..ولازم يكون ليكي حد بتثقي فيه جدا تحكي معاه صديقة او لو حد من اهلك …يمكن ميكونش عندهم الحل بس الكلام معاهم هيخفف عنك شوية ….ولو مفيش ومفيش ثقة في حد ابتدي اكتبي في اجندة خاصة بيكي وسجلي كل اللي بتمري بيه او اعملي journaling هيفرق معاكي …يتبع ٣

Marshmallow_73195 🇪🇬 · Answer

دوري علي ناس بيمرو ب اي مشاكل وحاولي تساعديهم حتي لو فيكي كل هموم الدنيا ده هيفرق معاكي جدا …اعملي صدقة يومية بجنيه حتي تحوشيه وصدقات شهرية بسيطة لو رز وزيت لاسرة فقيرة هيفرق معاكي جدا …. طوري نفسك في دراستك وشغلك حتي لو مش هينفعوكي الوقتي ممكن ينفعوكي بعدين حتي لو انتي قاعدة او مش هتشتغلي او مش بتشتغلي ..حاولي تخرجي من البيت تشوفي الناس حتي لو ملهاش فايدة امشي حتي لوحدك في الشارع.. يتبع ٤

Marshmallow_73195 🇪🇬 · Answer

او لو الخروج صعب افتحي حتي الشباك اطلعي علي الروف …شوفيلك زرعة ازرعيها او قطة او حيوان أليف تحبيه وتعتني بيه الحاجات دي بتفرق جدا مهما تبان مش مهمة …بس حاولت اجمعلك اكتر حاجات ممكن تساعدك ..ولو حسيتي ان الموضوع انطور معاكي لعدم النوم او انك رايحة جديا تأذي نفسك لازم تتابعي مع  دكتور 
وانا بكلمك بوجهة نظر دينية طبية واقعية لأني دكتور  برضه بس مش نفسي 😊

Nutella_73186 🇪🇬 · Answer

فعلا كله ضغط على اعصابي ومش عارفة اتغلب على دا حساسة وبتعب جدا لدرجة مش بقدر اتحرك

Nutella_73186 🇪🇬 · Answer

بخرج لما بقدر بس مهما ان كان مفيش حاجة يتفرحنى ومبقتش احب اخرج ودايما تعبانة ونفسيتى زيرو مبقتش اعرف أفرح خالص

Nutella_73186 🇪🇬 · Answer

شكرا ويحفظك يارب ...اتمنا انها تعدى يارب

Nutella_73186 🇪🇬 · Answer

فعلا ولو حد اتكلم كلام كله بيهونو وخلاص ولازم اكون تعبت او وقعت ورحت مستشفى الاقى كل حب وخوف عليا بس خلاص مكسورة من جوايا فعلا انا دايما بسمع وبساعد الكل إنما أنا محدش بيحس بيا او حلول بعيد عن اللى انا فيه

Nutella_73186 🇪🇬 · Answer

لا بقيت لوحدى خالص ومبفتش اعمل اى هوايات خالص ولا اى حاجة بتفرحنى خالص لا عندى ٣٥ سنة وكان كلى فرحة وحب ونشاط وحيوية دلوقتى بقيت مطفية لدرجة مش بعرف اخد نفسى من زعل وبدأ تعب يكون جسدى كمان الحمد لله على كل شئ

Nutella_73186 🇪🇬 · Answer

بعمل كل حاجة الحمد لله وبساعد الكل وطول عمرى كدا بس انا بتكلم انا مفيش حد جنبى لحد مابعدت عن الكل وبقيت لوحدى ولما بخرج مبقتش بفرح دايما يخرج وبسافر علطول وليا هوايات بس خلاص نفسى اتقفلت من كل حاجة تعبت نفسيا وجسديا جدا

Chilli_48447 🇪🇬 · Answer

وده اكبر سبب انتى فيه محتاجه للى يسمعك كويس ويكون معاكى اليوم بيومه وطول ما انتى لوحدك كده التفكير والدوشه إلى فى دماغك مخلياكى مش طايقه حياتك وتائهه جدا

Chilli_48447 🇪🇬 · Answer

لو حبه ان اكون معاكى واتابع معاكى يومك واسمعك أنا معاكى ومتقلقيش مش هزهق منك 😊
ده لو حبه