خايف من مضاعفات السكر وعمري 17 سنه - أعمل إيه؟

Question

سلام عليكم عندي سكر عندي 17 سنه متشخص من وانا عندي 10 سنين دلوقتي دايما امي بتفضل تخوفني من المضاعفات الي كلكو عرفنا زي فشل كلوي والحجات دي عفاكم الله والموضوع ده عملي زي تروما اعمل اي؟

Chocolate_61951 🇪🇬 · Answer

بعد الشر عليك و السكر اه خطر بس طالما انت محافظ علي أكلك و بتاخد ادويتك بالنتظام فا مش هيحصلك حاجة ممكن للامان تمارس رياضة و كتر شرب ميه بس متخفش معظم الشعب عنده سكر و مجاش مضاعفات غير عند ناس قليلة

Olive_61904 🇪🇬 · Answer

23 وعندي سكر متشخص من سنة بس الحمد لله كل شئ بيد الله والساعدني اكتر قراءة القرآن وم تصدق كلام الناس كلامهم ليس غيب ولا يعني بالضرورة أن يتحقق في اشخاص بعرفهم عايشين بالمرض ده طول العمر والسكر خطر بس إذا كان التراكمي عالي  بس كل شئ بالاهتمام والصبر بيروح ، وانصحك اقرأ كتاب اسرار سورة البقرة  بعدها ح تعشق سورة البقرة وهي دواء لكل داء إن شاء الله

Corn_56442 🇪🇬 · Answer

صحبتى عندها سكر من و هى عمر سنتين. بتنظيم اكلها و حياتها ماشية عادى. السكر مش عايز غير تنظيم اكل وبس. ماتخليش الموضوع يكبر بزيادة والدتك عايزاك تحافظ على نظامك الغذائى عشان كده بتهول و بتفكرك بالمضاعفات.

Carrot_60385 🇪🇬 · Answer

أولآ ألف سلامة عليك يبطل ، وإن شاء الله تخف وترجع أحسن من الأول ، ثانيآ السيدة الوالدة بتخوفك وبتقولك كده عشان خايف عليك وبتحبك ، وبتقولك أنك تهتم بصحتك وتحافظ على نفسك ، ثالثا مش تأكل سكريات كتيير ،وظبط نفسك كده وربنا معانا ومعاك🤲🏼❤️👍🏻