خايف من الفشل في الشغل ومش عارف اكمل

Question

عندي رهاب دايما اني انزل شغل وابقي فاشل او الناس متحبنيش او معرفش اتعامل 
ببقي خايف النقطه دي دايما 
و بزهق من الشغل و بقعد فيه كام يوم و امشي عمري ما كملت سنه في شغل كله شهرس شهرين وساعات بروح شغل يوم و اروح اليوم ده مجيش تاني اخد فلوس ومجيش تاني 
فا مش عارف اعمل ايه بصراحه

Strawberry_58497 🇪🇬 · Accepted Answer

اولا لازم يكون عندك وعي وتتقبل ان مش كل الناس هتتقبلك زي ما انت طبيعي في ناس بتتقبلها وفي ناس لا .. حاول ما تركزش مع رهابك الاجتماعي وركز انك ف شغل ولازم تلتزم وتعمل اللي عليك وتعامل الناس بالحسنى واللي يتقبلك اهلا وسهلا واللي تحس انه مش متقبلك ما تتعاملي معاه وخلي في حدود وحاول تختلط بالبشر واللي تحسه انه شخص كويس اتكلم معاه وحاول تبقى اجتماعي شوية وربنا معاك ويعينك يارب

Corn_26909 🇪🇬 · Answer

واجه ده وخليك في الشغل أطول مده ممكنه وانزل جيم اختلط بالناس ف الشفل وفي الشارع متخافش من الفشل او الناس متحبكش الناس ميحبوش الفاشل وعمرك ما هتتعلم العوم لو منزلتش الميه....

Pear_55629 🇪🇬 · Answer

مفيش حل غير المواجه وحط نفسك بلغصب مره في مره هتكسر الشعور ده جواك

Strawberry_25620 🇪🇬 · Answer

بصراحه؟ اللي عايز يشتغل بيشتغل وبيشد حيله ومبيخافش من الفشل لان الفشل شئ طبيعي .. لكن اللي عايز يبرر لنفسه بيقول الكلام ده

Peanut_52565 🇪🇬 · Answer

مبنقولش كدا متعرفيش الظروف الي مر بيها عندك كلمة كويسة قوليها معندكيش متقطعيش فيه، هو ممكن كان متقفل عليه بزيادة من اهله ومتحكمين فكل حاجا فطبيعي يبقي كدا

Hazelnut_52786 🇪🇬 · Answer

الخوف ده طبيعي وبيجي من قلة الثقة وكتر التفكير، بس الحل مش في الهروب، الحل إنك تجرب وتثبت لنفسك العكس.
ابدأ بشغل بسيط ومريح نفسياً، خده خطوة خطوة، ومتقارنش نفسك بحد، كلنا بنغلط ونتعلم.
كل مرة تمشي فيها، بتحفر لنفسك حفرة أكبر، فخليك قوي وجرب تكمل حتى لو خايف

Hazelnut_52786 🇪🇬 · Answer

كل مرة تهرب من الشغل بتأكد لنفسك إنك فاشل، وده وهم مش حقيقة، إنت محتاج تثبت العكس بالفعل مش بالكلام.
اختار شغل بسيط ومش مرهق، وخلّي هدفك في الأول مش الفلوس، الهدف إنك تكمل بس.
خدها معركة صغيرة، كل يوم تنزل فيه الشغل تكسب نقطة، ومع الوقت الخوف هيختفي