اه عندي مشكله انا بقالي 5 سنين تقريبا بكتم في نفسي و دلوقتي عندي 15 سنه و بقيت شخصيه بارده بس الحمد لله بقيت بعرف اتحكم في برودي بس بقي صفه من صفاتي للاسف يعتبر السنه اللي فاتت اول سنه ابدا احكي لحد (صحبتي)بس مش بعرف اعبر عن مشاعري زي مثلا لو حاجه مضيقاني مش بعرف اجمع الجمله كلها او اقولها بشكل مظبوط و مش بعرف اتكلم قدام الناس و بقعد اتلغبط في الكلام مع اني ممكن ابقي عارفاه بجد منصحش اي حد يكتم في نفسه و يقول لاي حد زي مامته او باباه او الصاحب/ة او حتي لو مفيش دول يبقي تكتب/ي في ورقه الملاحظات او تتكلم/ي قدام المرايا او حتي علي الموبايل

شكرًا إنك حسستينى إنى مش لوحدى وعايز اقولك واقول لأى حد بيكتم مشاعره، ان انا حسيت براحة نسبية لما عبرت عن اللى جوايا فى الابليكيشن هنا ! ف لو ملكش حد اكتب هنا واحنا هنسمعك ونحس بيك فأى وقت

مش عارفه انا بس اللي بخاف من المدخنين؟

Q: بحس نفسي تقيل علي الناس ومش قادر أثق في حد

هو انا لي ديما بحس نفسي اني تقيل حني لما بعرف ناس جديده بحس نفسي اني تقيل عليهم او ممكن الناس دي تخوني او بيكرهوني عمري ما تقبلت فكره ان في حد كويس لما حد بيدخل حياتي ببقي مستنيه منه اي غدر او اي حاجه ومش عارفه ابطل كده

Q: بخاف من الانتقاد والتفكير الزائد وده مضايقاني

بخاف من الفل أو من أن حد ينتقضنى أو يعلقلى على حاجة غلط و بخاف من مواجهة الناس ليا فى اى موقف و اى كلمة ممكن تتقالى بتفضل فى دماغى كتير و أفضل افكر فى الكلمة دى حتى لو بهزار و الموقف عدا خلاص بفضل افكر كتير فيها و مش عارفة ايه السبب و بجد الحتة دى مضايقانى اوى انا بجد دماغى بتبقى هتنفجر من كتر التفكير و بخاف انى اخسر حد عزيز عليا فى اى وقت و اى مكان