حياتي كلها صدمات ولا مبالاه - بقيت ميتة من جوا

Question

انا يعتبر الناس العشت معاهم كلهم سامين😂 يعني حبيب و فشخني في حياتي و جبلي تروما حرفيا و خلاني واحده معقده. صحاب و قرفوني في عيشتي و تعبوني في حياتي و فشخوني. اهلي و تقريبا بيتعاب فيا اكتر ما بيتقالي صباح الخير. كل ده طبعا اثر عليا سلبيا بقيت واحده ميته . شغور و شغف و كل حاجه ميته لا تبالي و لا هتبالي بالحواليها فقدت احاسيسي الحلوه كلها يعتبر بقيت واحده معقده بتفكر في السلبيات . انا كرهت شكلي و جسمي و شخصيتي . مخدش حسسني اني محبوبه. صحابي و كل كلمه بقولها بيتريقو عليها. اهلي عابوو في جسمي كتير اوي و ضغطو عليا و مزالو. و الكان حبيبي كنت انا البديه اب نعم مان بيحسسني انو بيبحني بس ع طول كنت حاسه انو لا. انا واحده عاشت حياتها بتتفشخ و بتاخد صدمات لدرجه اني مبقأتش اتفاجئ بالصدمات البتيجيلي و بقيت لا ابالي. و قصاد كل ده في واحده جوابه عايزه تطلع مش عاجبها انا و حالي عناله تعيط اني وصلت للمرحله دي من زعل و اكتأب و لا مبلاه انا مبقتش بحس اتجننت. عايزه تطلع توريهم انا الحقيقيه توريهم ان في واحدع طيبه و حنينه و بتدي كل حاجه من غير مقابل اتقتلت بخنجر مسموم. اتخذلت من الكل و من اقرب الناس لبعا كانت ديما متاخده ستيبن. و مزالت كده. بس مبقاش فرقلي صراحه.

Lemon_30733 🇯🇴 · Accepted Answer

نجاتك بالدنيا واعرفي انه فعلاً ممكن مش كل مرحلة بحياتنا تكون سهلة وحلوة لا ممكن نتعثر باسوء المواقف ومش كل المحطات الي بتمر بحياتنا بتكون محطات مناسبة والصح ممكن نتوه بيوم ونلاقينا بيوم تاني بس المهم نلاقينا بكل محطةوما نوقفش عند اول ضربة بتصيبنا لا بالعكس نتعلم ونكمل ونكون على ثقة بأنه هيجي الحلو والعوض ربنا يريح قلبك ويعوضك بناس تحبك وتقدرك وتشوف حزنك مش حاجه بسيطة ❤️‍🩹

Apple_29311 🇪🇬 · Answer

معلش يروحي

Blueberry_30359 🇪🇬 · Answer

انتي اهو الي بتقولي بنفسك جواكي شخصيه تانيه عايزه تطلع للدنيا يعني انتي عارفه قدر نفسك كويس متخليش كلامهم هو الي يمشيكي اشغلي نفسك بمستقبلك كورسات وطوري نفسك واشتغلي وهتقابلي ناس احسن مليون مره و ربنا هيعوضك وخليكي مع ربنا والله هتكسبي كتير

Lemon_30733 🇯🇴 · Answer

بلشي تحبي حالك وتعتبري نفسك قيمة وتحسي بقيمة نفسك بغض النظر عن كل التجارب السابقة الي مرت بحياتك لما تحبي نفسك هتتغير حياتك اعتبريها تجارب سيئة مرت عشان تعلمك درس حلو تعلمك ازاي تقدري نفسك وما تستنيش حد يحبك او يقدرك بلشي تغيري بروتين حياتك وبصحتك الواحدة الي جواكي اسمعيلها وخليها هي الي تبين طيبتك ادي الحاجات الي متأكدة منها وتفكريش بالمقابل اختاري الناس الي تدخل حياتك بحكمة طوري نفسك ربنا هيعوضك

Lemon_30733 🇯🇴 · Answer

ربنا لما يحط الصعب والحزن قدام حياتنا بيعوضنا على صبرنا وعلى حمدنا له قوي علاقتك مع ربنا خليه هو الصاحب الك احكيله عن كل الي بيفرحك وبيزعلك هتعرفي انه هو الوحيد الي ما بينساش عبده وبيسمعلك وبيعوضك بالاحسن من كل النواحي اسعي انك تجددي شغفك بالحياه وتكتشفي انتي مين انسيهم وابعديهم عن تفكيرك عيشي لنفسك وبيوم الشخص المناسب هيدخل حياتك والصاحب المناسب ربنا هيعوضك بيه يا حبيبتي خلي الصبر والحمد هم مفتاح

Coffee_27700 🇪🇬 · Answer

اقرأي كتير وطوري نفسك لأنك تستاهلي تعيشي حياة مبسوطه وراضية عنها. وكل اللي فات تجارب هتخليكي اقوي

Marshmallow_30817 🇪🇬 · Answer

متخليش علاقات الاهل والصحاب السامة تنسيكى قيمتك ونفسك جايز كمية الرفض نستك شخصك الحقيقى لكن مش معناه ابدا ان اللى بيتقالك او بيتعمل معاكى هو الحقيقى ولكن ده مجرد انعكاس ل اللى جواهم مش انعكاس ليكى وحاولى تقربى من نفسك وتفهميها وتفهمى مشاعرك وتخلى شخصيتك الحقيقية بجد هى اللى تظهر وعيشى فى تفاصيل حلوة فى الحياة تستاهل انها تتعاش🫂

Kiwi_30124 🇵🇸 · Answer

الحل الوحيد انك تشتغلي عحالك وتصيري انسانة ناجحة كلهم رح يصيرو بدهم رضاكي