حياتي بقت روتينية وقلبي مقبوض مش عارف أخرتها إيه

Question

انا شاب 27 سنه متجوز وربنا رزقني ببنوته الحمد لله بشتغل فوظيفه الحمد لله كويسه وربنا مدينى نعم كتيره الحمد لله 
بس مش مبسوط من اى حاجه فحياتى حتى مع مراتى وفبيتى على طول قاعد لوحدى حياتى بقت روتنيه جدا ومريض بالتفكير الزائد فكر حاجه على طول قلبى مقبوض ومش مرتاح 
بقيت بكسل عن كل حاجه مبعملش حاجه فحياتى غير أنى اروح الشغل بس ممكن من وقت للتانى انزل لوحدى اقعد فعربيه فاى مكان هادى بالساعات ومبقتش عارف اخرتها اى

Strawberry_77771 🇪🇬 · Accepted Answer

جرب تاخد مراتك وبنوتك وتقضوا وقت مع بعض فى جاردن لذيذة أو فالبيت حتى 
فى صلصال فوم كده بتجيبه تشكله وبعد ما تخلص بينشف ويعمل اشكال جميلة ممكن تجيبه واقعد معاهم فالبيت واعملوه
اتفرج معاهم على كارتون وحضرلهم سناكس 
قرب من عيلتك شويه واديهم شوية وقت واكيد فى حاجه هتتغير

Pistachio_64861 🇪🇬 · Answer

ياعم انت محسود فشخ شغل قرآن و طلع صدقة لحسن ده شيطان اكيد

Coffee_73142 🇪🇬 · Answer

اللي انت شايفه حياة روتينية مملة دا نعمة كبيرة من ربنا ناس كتيرة بتتمناها
الحل انك تستشعر نعمة ربنا عليك وتحمده عليها
وكسر الروتين بيكون عن طريق سعينا للكمال
مفيش انسان كامل
بس كل يوم بنحاول نغير ونطور من نفسنا
اتحدي نفسك
واتعلم حاجات جديدة
وقضي وقتك مع مراتك وبنتك واستمتع بحياتك
لان العمر بيعدي في لحظة

Sugar_77769 🇪🇬 · Answer

عايز اقولك القران مش بيتقفل من البيت والحمد لله بطلع إلى ربنا بيقدرنى عليه كل شهر

Strawberry_76036 🇪🇬 · Answer

حاول تقرب من عيلتك ومن مراتك وممكن يكون فعلا محسود حاول تقرب من ربنا وتقرأ قرءان وصلي وادعي كتير وربنا هينور الدنيا تاني قدامك

Sugar_77769 🇪🇬 · Answer

انا مقولتش انى مدايق من الحياه الروتنيه وكل يوم بحمد ربنا عل نعمة عليا والى كتير بيتمناها
بس انا قصدى أنى مش مبسوط من اى حاجه

Sugar_77769 🇪🇬 · Answer

بحاول على قد ماقدر انى التزم فصلاتى وقربى من ربنا

Sugar_77769 🇪🇬 · Answer

اوقات بعمل كدا بصراحه مش دايما بس بردو وانا معاهم انا دماغى فحته تانيه ومش معاهم بس حتى فالشغل مع صحابى كدا 
سرحان مش موجود. اصلا لدرجه ان حد واقف قدامى بيتكلم انا مش سامعه اصلا

Sugar_76563 🇪🇬 · Answer

فعلا احتمال تكون محسود وعادي القرآن يبقي شغال في البيت وتكون بتطلع صدقه انا بيتي وأهلي كده كنا طول الوقت خناقات البيت مكنش بيها لحظه بس بجد عليك بسورة البقرة واذكارك وقيامك او ع الاقل ركعه وتر وخلي حد يرقيك وانت ارقي اهلك وبخرو البيت وانت اطلع من زون الاكتئاب شويه بلاش تفكر في الشغل وانت بتقضي وقت معاهم حاول تستمتع بكل لحظة سواء حلوة او وحشه عشان مش هترجع تاني

Lemon_52157 🇮🇶 · Answer

انا كذلك شكيت ان هذا حسد رغم ان القصة مثل قصتي وعارفة العلاج يكون بكثرة قراءة القران والله اعلم لكن لدرجة حتى القراءة صعبت علي واموت على ما اخلص صفحة صفحتين منه ..

Orange_52348 🇪🇬 · Answer

انا زيك بالظبط
لو انت فعلا متشخص بالتفكير المفرط ف إذا دة بيعمل ضغط كبير على دماغك واللي بيخليك فاقد الشغف من كل حاجة حرفيا
لازم تعالج دة

Sugar_77769 🇪🇬 · Answer

بخاف اقول لأى حد أن حد قراءه القران والصلاه حاسسها تقيله استغفر الله العظيم ربنا عالم بنيتى اى

Sugar_76563 🇪🇬 · Answer

خلاص اقرأ صفحه واحده كل يوم يعم اقرأ آية واحده بس كل يوم مش مهم الكم المهم المداومه والاستمرار

Sugar_77769 🇪🇬 · Answer

ازاى اعالجه

Sugar_76563 🇪🇬 · Answer

وارد ودي لحظات انتكاسة وفتور وكلنا بنمر بيها بس بس بنجاهد وعموما بدايه الفتور انك بتبقي متعود تعمل حاجه او تقول ذكر معين وتبطله وتقول اصل مجتش من مره انا بقوله علي طول

Coffee_73142 🇪🇬 · Answer

اقرا اللي انا كتبته كويس
انا بقولك حاول تستشعر النعم
دا هيغير تفكيرك
واتحدي نفسك
وحاول تعمل تغيير في افكارك وروتينك اليومي

Sugar_77769 🇪🇬 · Answer

الى انا خايف منه أنى بقالى سنتين كدا ومفيش تغير بالعكس ده بيتطور الاسوء 
لدرجه ان بقا عندى بردو تجاه اى حاجه

Sugar_77769 🇪🇬 · Answer

انا بحاول اصطنع انى مبسوط عشان مبحبش اكون تقيل على حد أو يتقال انى كئيب وبكتم فنفسى حتى مش بتكلم مع حد اعرفه خالص 
انا كنت دايما بقول أن عايز اكلم حد احكيله كل حاجه وافضفضله وبعد كدا ولا يشوفنى ولا اشوفه تانى محتاج اتكلم بس

Lemon_52157 🇮🇶 · Answer

الله المستعان وانا كذلك ... لكن لابد من المجاهدة تمر اوقات اريد اقرأ مجرد ما افتح المصحف نفسيتي تسوء ومزاجي يتعكر قبل لا اقرأ اية وحدة حتى والله المستعان لكن ضغطت على نفسي وحاولت اقرأ وللان اجاهد واستصعب الامر لكن يمكن القول اني تحسنت شوي وصرت اخلص صفحة لا اكثر طبعا مع ذلك اكو تغيير لا يكاد يكون ملحوظ لكنه محسوس...

Sugar_76563 🇪🇬 · Answer

فهمتك عموما روح لثيرابيست او في حاجه اسمها سادو بورد مشهوره عشان تطلع المشاعر المتخزنه جواك مش اكتر ولما ده يحصل هتعرف ترجع تاني بصعوبه اه بس هترجع (المشاعر المكبوته بتخلي الانسان بارد ومش حاسس بحاجه ومتخدر مع الوقت وانا مجربه يعني)

Orange_73585 🇪🇬 · Answer

أتصدق كتير كل يوم لو حتي كل يوم بجنيه ❤️

Sugar_77769 🇪🇬 · Answer

ممكن يكون نتيجه ؟

Orange_73585 🇪🇬 · Answer

هتلاقي نتيجه طبعاً أتصدق بس واتفرج علي الي هيحصلك بس أتصدق بنيه صافيه هتروق خالص

Sugar_77769 🇪🇬 · Answer

ربنا يفرجها من عنده

Ice Cream_76740 🇪🇬 · Answer

طيب ذنب ولادك و مراتك ايه تعيشهم فى الاجواء السلبية دي 
انت بتضيع حياتك و حياتهم 
يمكن لما تركز انك تسعدهم هتحس انت كمان بالسعادة و ممكن تكون محتاج اخصائي نفسي يساعدك

Sugar_77769 🇪🇬 · Answer

انا بستغرب اوى من طريقه التفكير ده يعنى اى زنبهم اى مش فاهم انا بقول أن عندى مشكله مأثره على حياتى وعايز اعالجها عشانهم قبل عشانى وعايز ارجع لحياتى الطبيعيه  
مانا بنى ادم مش روبوت