يا جماعة انا حبيت بنت معايا وهي حبتني وعشنا ايام جميلة سوا كنا بنكلم بعض شات بس عمرنا ما اتقابلنا ، الفترة اللي هي كانت معايا فيها دي صحتي النفسية اتحسنت و بقيت بهتم بصلاتي وعبداتي اكتر و بقيت مركز اكتر في المذاكرة ولما دخلنا فترة الامتحانات وبسبب دعمها ليا وتشجيعها ليا كنت حاسس اني اقوى الف مرة وقادر اذاكر اكتر والحمدلله جبت درجات اعلى ، المهم جت الاجازة وفجأة لقيتها بتقول احنا مش هينفع نتكلم عشان ماما مش حابة دا و اسفة ولو في نصيب هنتجمع بعدين مع العلم ان هي في ارياف وعندهم بيتجوزو بدري في سن صغير وحرفيا انا مش هلحقها ابدا ، يا جماعة انا فجأة لقيت نفسي لوحدي تايه مش عارف اعمل ايه لقيت نفسي السبب اللي كنت بتعب واعافر عشانه مش موجود ، لقيت حب حياتي اختفى فجأة من قدامي ، انا الاكتئاب اللي كنت اتخلصت منه بسببها رجعلي تاني واسوأ وشعور السعادة العارمة اللي كنت حاسه طول الوقت فجأة راح وبقيت متخبط تاني و مش قادر اعمل حاجة في حياتي ، ومع العلم انا وهي في ثالث سنة لينا في كلية الطب وانا وهي ٢٠ سنة . انا اصلا عايش لوحدي وكنت مش عاوز اكمل حياتي اصلا ومش طايق نفسي وهي اللي جت كأنها ادتني سبب للحياة وآنست وحدتي ، انا رجعت لوحدي تاني زي الاول💔

5

2