جوزي بيكلم زميلته وأنا بموت بالبطئ

Question

جوزي اللي كان حب عمري متحوزين من ٣ سنين وحياتنا كانت مستقرة وحلوة جدا يعتبر مكوناش بنتخانق فجأة مامته اتوفت فجأة وانفصل عن شغله لمدة شهر ونص بعدها بعد عني انا قلت بسبب اللي حصل دة كله عشان كدة مشكتش اكتشفت انه بيكلم زميلته في الشغل تليفون وشات قايلين احنا صحاب بس قالها بقيت بنبسط لما بشوفك واتعلقت بالكلام معاكي وبالضحك والهزار وعاوز نفضل نتكلم علي طول ومش عاوزك تكلمي حد غيري وهي قالتله الشركة ملهاش طعم من غيرك كلمته في مرة وهو نايم جنبي قالها الحمد الله مراتي نايمه قتيلة بضحك ومسمعتش دة احلي يوم في عمري لما كلمتيني انا لما شوفت الكلام دة كله واقسم بالله أكن خنجر اتحط في قلبي وكل دة معرفته بيها ٢٥ يوم بس ! ولما واجهته قالي ع فكرة احنا صحاب عادي ومفيش بينا اي حاجه احنا بنضحك ونهزر وخلاص بس انا خلاص مش عاوزاه بس كل اللي حواليا شايفين اني مكبرة الموضوع ولازم أعدي وانا كل يوم بموت بالبطئ ومش عارفه اعمل اية

Apple_71528 🇪🇬 · Answer

ميستاهلش

Strawberry_78143 🇪🇬 · Answer

لا أنتي مش مكبره الموضوع في حاجات لازم تحطيها في بالك لو قررتي تسامحيه لو قررتي تسامحيه هتفضلي عايشه معاه علطول في شك وهتفقدي احساسك بالامان معاه ومتحاوليش توجدي ليه مبرر نهائي هتلاقي انك بتخسري نفسك تدريجيًا ، ده غير هل هو ندمان فعلا وواخد القرار انه ميكلمهاش ده غير انها معاه في الشغل يعني كده كده هيتعاملو مع بعض فكري كذا مره

Apple_57323 🇪🇬 · Answer

من خبرتي المتواضعة اقولك ان الخيانة خنجر مسموم في العلاقة وكمان بتغيير كيمياء المخ بالنسبة للانسان يعني ساعتها كل التفكير في الشهوة فقط 
انتي صلحي العلاقة بينك وبينه وشوفي هو عاوز ايه انا مش بقول انتي مقصره انت عاوز ايه مني كزوجة وانا اعملهولك لو ينفع الاصلاح

Chilli_74225 🇸🇦 · Answer

متقبليش بكدا

Banana_66129 🇪🇬 · Answer

عدي شويه نزوة وهاينيى

Coffee_57414 🇪🇬 · Answer

الاول لازم نعرف هو غرضه ايه منها مرقعه وهزار وضحك وده ميصحش وعيب وحرام طبعا لكن لو غرضه الجواز منها علي سنة الله ورسوله خلاص محدش يقدر يتكلم طلما حلال

Banana_68754 🇪🇬 · Answer

مفيش صحاب بين راجل وست لازم تحطى النقط على الحروف لا أقول انفصلى فورا إنما هناك طرق كثيره الست تعرف تعاقب بها الرجل وإن لم ينصلح هاتى كباره العيله من عنده وعندك يشوفوا حل وربنا يهديه