معاناة من تحرش والدي وأثرها على ثقتي بالآخرين

Question

انا بابا كان بيتحرش بيا وانا صغيره..من عمر عشر سنين تقريبا ..دلوقتى انا ٢٥ سنه ومتجوزه ومخلفه..بس عمرى ما عرفت اتخطى ال كان بيحصل ..كون جوايا عقد. .عدم الاحساس بالامان تماما حتى مع جوزى ..دايما خايفه ومش مطمنه ..رغم انه بيعمل كل حاجه كويسه معايا ..بخاف جدا على بنتى بطريقه مرضيه.حتى من باباها .رغم انى واثقه انه بيحبها وبيخاف عليها جدا ..بس قلبى بيتقبض لما ابعد عنها واسبها مع حد ..اما بقا علاقتى مع بابا ..فا مفيش علاقه اصلا ..ازيك عامل اى وخلاص..بعد السنين دى كلها ..يمكن هو متخيل انى كنت طفله ومش فاهمه ..او فاكر انى نسيت ..انا مبعرفش اقعد معاه فى مكان لوحدنا قلبى بيتقبض وبخاف واقوم على طول...ربنا يسامحه..للاسف الحوار ده مأثر على علاقتى بجوزى جدا..بيعمل كل حاجه عشان يطمنى ويخلينى اثق فيه ..وانا مش عارفه ..دايما جوايا شك وقلق مش طبيعى .وخوف على بنتى منه هو ملاحظ ده جدا ....عمرى ما هقدر اقوله السبب

Banana_29268 🇪🇬 · Accepted Answer

بإذن الله ربنا يعوضك ويجازيه على الي عمله. 
ضروري تروحي لطبيب نفسي عشانك أولًا وعشان بيتك ثانيًا.
عشان تقدري تستقبلي حبهم ليكي وتقدري تقدمي لهم الحب والاهتمام الي يستحقوه.
ومع الوقت بإذن الله ربنا هيعافيكي ويعوضك عن الي مريتي بيه سواءً في الدنيا أو الآخرة أو الاتنين

Mango_28700 🇪🇬 · Answer

خوفك دا طبيعي من اللي حصلك 
وطبيعي هيأثر عليكي وع علاقتك بزوجك
بس نصيحه بلاش تظلمي زوجك بسبب شئ هو مش عارفه ولا لية دخل بيه
ارمي الماضي ولو حكمت اقطعي كلام او تواصل مع والدك وركزي ف بيتك وزوجك وتخطي كل دا ولازم يكون قرار التخطي دا من جواكي وبنفسك محدش هيطلعك من اللي فيه غير نفسك وحبي نفسك وحياتك وعيشيها مع زوجك وارمي كل حاجه وحشة ورا ظهرك

Croissant_29533 🇪🇬 · Answer

منه لله بجد حسبي الله ونعم الوكيل بصي مش هقولك غير ان مش كل الرجالة مرضى زيه مش انتي اللي عايزة علاج نفسي هو اللي محتاج حطي في دماغك ان ربنا عوضك بجوزك و ان دة عوضك في الدنيا حاولي تديله الامان صوابع ايدك نفسها مش زي بعضها ابوكي مريض و مش الكل مرضى او مجانين زيه ربنا الحمدلله عوضك بعوض حلو اوي استمتعي بيه متضيعيهوش من ايدك ربنا بيحبك

Mushroom_28884 🇪🇬 · Answer

حاولي تلجاي لدكتور يساعدك تتخطي الصدمه دي .. و يمكن هو كان بيعبر عن حبه بالاحضان مثلا و انتي كنتي حاسه غلط ربنا يعينك و يقويكي يا رب

Coffee_29600 🇯🇴 · Answer

حسبي الله ونعم الوكيل فيه

Marshmallow_31578 🇪🇬 · Answer

يا الله بجد هو ازاااااى في اب كده ده يستاهل انك تتفي في وشه وبس سبحان اللي مصبرك عليه