تجربتي مع الصدمه والثقه في الصحاب

Question

انا جي اول مره اتكلم عن حاجه زي كده في حياتي

انا كان ليا تلاته صحابي قريبين مني اوي و كل واحد في فتره زمنيه مختلفه و كانت صداقتنا بتنتهي بصدمه هما بيعملهوالي و اخر صاحب ليا كان يعتبر اخويا و صاحب و عيلتي لدرجه اني كنت بكدب اي حاجه وحشه عنه و حصل الي حصل و صدمني صدمه عمري و دلوقتي انا بعد تلت سنين تروما اني اثق في حد و اني اخلي حد قريب مني فجاه في حد من صحابي بقي قريب مني و انا للاسف لما ببقي قريب من حد بهتم بيه جدا حرفيا ولا كاني امه او ابوه فا انا كل الي في دماغي اني اهتمامي الزياده و حساسيتي اتجاه اي حاجه دي ممكن تخلي الشخص يمل مني فا انا محتاج حل و ابسط مثال ان 
اوقتي من شويه كنت قايله ننزل و قالي انه لا مش قادر و تفاجات انه نزل و مكلمنيش حتي

Hazelnut_52786 🇪🇬 · Accepted Answer

طبيعي بعد اللي مريت بيه تكون حساس وبتدي من قلبك، بس مش كل حد يستاهل ده منك.
اهتمامك مش غلط، بس لازم تسيب مساحه لنفسك عشان ما تتعلقش بحد أكتر من اللازم.
اللي هيستقل بيك أو يكسرك، خليه يروح وانت واقف، مش مكسور

Croissant_59473 🇪🇬 · Answer

لازم تتعلم تكرف لما تكرف هما بيتربوا صح و لو كرفت و لقيتهم مهتموش و لا عملوا اي رد فعل ساعتها انهي العلاقه فورا لانه معتبرك كماله عدد بس مش بيسال غير وقت الحاجه

Hazelnut_52786 🇪🇬 · Answer

خليك حنين بس بعقلك، مش كل حد هيفهم طيبتك ولا يقدّرها زَيّك.
حافظ على قلبك من التعلّق اللي بيوجع، وخلي دايمًا كرامتك قبله بخطوة.
اللي عايزك هيفضل، واللي يتهرب ما يستاهلش وجعك ولا سؤالك

Waffle_59213 🇪🇬 · Answer

اهتمامك بصدق دي حاجه كويسه وحسب الكلام اللي بتقوله هطلع زوج كويس جدا يمعلم انت عمله نادره بس مشكلتك انه مينفعش الاهتمام ده كله يروح لصحابك ماشي اسأل على صاحبي كل كام يوم اطمن عليه وهو يطمن عليا لكن الاهتمام الزياده ده مش هتقدروا غير شريكة الحياة