انا بحب القرأة اوي، وخصوصاً الروايات الكوميديه و الفانتازيا و الخيال و المغامرة وساعات بتعجبني اعمال رومانسيه، كنت بدأه قراءة من حوالي خمس سنين وحرفياً كنت مدمنه عليها، وكنت بقرأ في كذا حاجه مش جاحه معينه يعني روايات او كتب علميه ونفسيه ومجتمعيه كوميديا ساخرة او سوداء، بس الاكتر كان روايات، وفي اول تلت سنين كنت شغوفه جداً وبقرأ كتير عشان كان عندي وقت ومليش اصحاب غير تلاته وكنت بشوفهم في الدروس بس ولا كنت بروح ولا باجي ويعتبر انطوائيه فكنت بسلي وبشغل نفسي بأي حاجه، بعد كدا بدأت افقد الشغف تدريجياً، وانتقلت بعدها بفتره المسلسلات بس مطولتش وزهقت، وبعدها بدأت اتابع افلام الانميشن وبرضو زهقت بسرعه وبعدها بدأت المانهوا وكنت بسمع الملخصات على اليوتيوب بس كنت بلاقي معظم القصص غير مكتمله ومطره اني ادور عليها واكملها قرأة واللي مش بتبقى مكتمله أصلاً 🥲، وكنت بقرأ برضو بس بسعلى فترات متباعده، المهم اليومين اللي فاتو كنت زهقانه جداً ومش طايقه حد ولا طايقه نفسي فبدأت أقرأ تاني، في روايات نزل منها اجزاء جديده، وكتاب قرأته في يوم واحد، والتاني لسا بدأه فيه (انا بقرأ PDF)، المهم كنت فاتحه ملف الكتاب ومخرجتش منه ف ماما شافته قالتلي انتي رجعتي تقرأي تاني قولتلها اه راحت قيلالي اتاريكي عندك اكتأب قولتلها دا انا لسا بدأه من يومين بس قالتلي ما من ساعتها وانتي مش مكتئبه ومتعصبه طول الوقت فانا قولتلها مش ده السبب وعادي وسكت ، انا بجد زهقت كل ما اعمل حاجه افك بيها عن نفسي متجبهمش دا اللي مغيرك دا اللي شغلك دا اللي مخليكي مكتئبه دا اللي دا اللي......... محدش عايز يستوعب اني بستريح وانا بعمل كده ولا ان دي الحاجه اللي بتنسيني اني وحيده ومفيش حد بسألي عليا لا صحاب ولا قرايب ولا اي حد ، ناس كتير نصحتني اني اروح جيم واخرج واتعرف علي ناس جديده، وفعلاً بدأت جيم من اسبوعين واتعرفت على بنات بس تعارف سطحي وكلام قليل و وش لوش واحنا في الجيم بس محستش بفرق ونفس الروتين بتاعي،وانا زهقت بجد ومش عارفه اعمل اي....

3

5