انا شاب عندي ٢٢ سنه ف كليه الهندسه وانا الابن الكبير شايل المسؤوليه من وانا صغير وبحاول اكون قدها دايمآ بس كل ما بكبر بحس ان الحمل بيزيد وان الناس فاكره اني جبل ما بيتهزش بس الحقيقه اني كنت بتهد من جوايا كل فتره شويه بس بلبس وش الضحك واللي يشوفني يقول عايش ومبسوط بس محدش كان حاسس اللي ف قلبي ولا اللي مريت بيه ولا اللي شلته لوحدي كنت بضحك وبهزر بس وانا راجع البيت كنت بنام مفيش فيا روح كان ف حاجات جوايا بتوجعني وكنت ساكت علشان مفيش حد هيفهمني وكنت ف وقت بتعالج نفسيآ وبحاول اقوم من تاني وبفهم دماغي وقلبي لحد ما دخلت حياتي بنت حرف اسمها ج دخلت ف وقت انا مكنتش ف حد قادر يدخلني وفتحتلها كل ابوابي وصدقتها وارتحتلها وقلت هي دي اللي هتكمل معايا وانا اللي هعيش علشانها بس هي اختارت تبعد فجأه من غير ما تشرح ولا تقول انا ماشيه ليه سابتني وانا ف اسوء حالاتي فوقعت وقعت قاسيه اوي وانا لوحدي بقيت شخص تاني بقيت قاسي بقيت مش فارق معايا حاجه بقيت بجحد ف اللي بيحبني وبزق اي حد يقربلي علشان بقيت شايف ان كل حد بيقرب بيوجع بقيت بشك ف الكل وبص على كل حاجه بريبه مش عارف انا مين ولا عاوز اي ولا قادر اكون اللي كنت عليه زمان فيا حاجات كتير اتكسرت وف قلبي حته مابقتش بتتصلح بقيت ساعات بقعد ساكت وسط الناس بس جوايا صوت بيزعق وانا مش قادر اسمعه كنت زمان طيب وبحب ودايمآ بدي اكتر ما باخد بس دلوقتي لا لا انا مابقتش كده انا فقدت حته مني ومش عارف ارجعها ولا عارف اعيش من غيرها ومش عارف اصلا ابتدي منين انا تايه بجد وتعبت ومش عارف اعمل اي محتاج كلمه تفوقني محتاج نصيحه من حد حقيقي مش بيجاملني يقولي اعمل اي ويبدأ معايا من اول خطوه علشان انا مش قادر اكمل كده اكتر من كده

1

5