مسؤولية

Popcorn_76040 🇯🇴

منذ 19 ساعة

شعور متوتر

انا مش صغيرة عمري ٢٧ سنة، بس انا تعودت عالدلال واكبر ضغط بحياتي كان الدراسة.. لكن ضغط الدراسة ولا شي جنب الي بعيشه يعني هذاك الضغط كنت احسه نتيجته بس بتأثر فيي انا، لكن الي فترة بشتغل وبحس بمسؤولية كبيرة علي وانه الموضوع كبير اكبر مني 💔 وللاسف في ضغط من نوع ثاني من المجتمع انه هيني كبيرة ولحد الان

Mango_75519 🇪🇬

منذ 3 أيام

شعور متوتر

عبّر عن شعورك بشكل مجهول

انا بقيت احس اني شخص غريب تايه علطول مهما اخطط واعمل و اظبط الدنيا كل حاجه بتبوظ وفضل تايهه يعني انا مش عارف حتي اوصل الاحساس ده لي حد مش عارف اعمل ايه في حياتي وكل لما اخد خطوه حرفيا كل حاجه بتبوظ هو كله من عند ربنا وربنا عمره ما بيجبلنا حاجه وحشه وده احسن اختيار لينا بس الواحد تعب و دماغي بقت تسوحني لي سكك مش كويسه اشرب حاجه وكده و انا مش عايز ده انا ليا احلام نفسي احققها بس مش عارف كل لما ابداء يحصل حاجات تعطلني و بتبقا حاجات كبيره هتاخد وقت و مجهود علشان اعرف ابداء و مينفعش الحاجات دي اسيبها يعني مثلا انا المفروض مبرمج واشرتيت كورس والتزمت وبتاع كرت الشاشه اتحرق بعدها قولت هشتغل وعادي والنتيجه بتاعت اخر تيرم هتطلع وانا حالل كله ومقفل وبتاع شلت تلت مواد ظلم ولله بسبب الداكتره المعقده نفسيا بقيت ولا عارف اشتغل علشان اساعد اهلي زي ما كنت بعمل علشان التلت مواد اتقل من بعض وانا مش عايز احس اني قصرت وفي نفس الوقت اهلي صعبانين عليا لما شحط قدي بيقا حمل عليهم هو كلامي مش مترتب بس لاني بكتب من قلبي وخلاص بس بجد انا مبقتش عارف اعمل ايه حتي المنحه اللي كنت عايز اخدها لما الكرت اتحرق بقيت عايز فلوس لي الكرت وفلوس لي المنحه و دول اهلي مش هيقدرو عليهم بس عارفين لما تحسنو انكو عبئ علي ناس اصلا انت المفروض تكون سند ليهم وحشه اوي دي فا انا قولت افضفض معاكو يمكن حد يقولي حاجه فعلا غايبه عن تفكيري مثلا بسبب الدولمه والتوتر اللي انا عايش فيه بقالي 4 سنين
ومتنسوش تدعولي من قلبكم اني اعدي واخلص من الكليه دي علشان ميحصلش مشاكل مع اهلي لأني مش حمل كلمه حاليا من حد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_56345 🇪🇬

منذ 3 أيام

شعور محبط

هو ليه ممكن نحس فجأه بالبرود ناحية اي حد ليه ممكن احس ببرود ناحية عيلتي ومعدتش اهتم بأي شأن ليهم ليه ممكن احس ببرود ناحية اي بنت في الحياه ليه ممكن احس ببرود ناحية الحياه منكرش ان في مشاكل زياده شويه وكبيره شويه جت ورا بعض فجأه بس دا عمره مكان جديد عليا انا طول عمري متحمل المسووليه ليه ابقي بالانطفا

Waffle_75439 🇪🇬

منذ 5 أيام

شعور مكسور القلب

حاسس إني في المكان الصح حاجة كنت عايز أعملها بس أنا من نوع إلي هو مش عايز أبين ضعفي للناس علشان هويتي وكده أنا بحس إني محتاج وجود بنت في حياتي اهرب معاها من مشاكلي من البيت من الدراسة من الضغوط حياتي صعبة من زمان شايل مسؤولية البيت من وأنا عندي ١٠ سنين ( انا حاليا 20) بس مش مسؤولية مادية لا كا قرار

Tofu_70825 🇪🇬 بص هو انا بنت وحاسه جدا بيك وفيه حاجات كتير عايزه اقولها لك بس الابليكشن دا رخمم ف هل ينفع اكلمك علي التليجرام ؟

عرض الكل 7 نصيحة

عبّر عن شعورك بشكل مجهول

حاسس إني في المكان الصح حاجة كنت عايز أعملها بس أنا من نوع إلي هو مش عايز أبين ضعفي للناس علشان هويتي وكده

أنا بحس إني محتاج وجود بنت في حياتي اهرب معاها من مشاكلي من البيت من الدراسة من الضغوط
حياتي صعبة من زمان شايل مسؤولية البيت من وأنا عندي ١٠ سنين ( انا حاليا 20) بس مش مسؤولية مادية لا كا قرارت إلي هو من الاخر الشخص إلي بيحل المشاكل إلي بين الأهل أهو الشخص إلي بيسمع من الام علي طول مشاكل الاب بقي و مشاكل شغلها وكده عايش دايما دور الزوج أنا إلي رايح وأنا إلي جي في كل حاجة مع إن بابا موجود عادي بس بيجي يومين في الاسبوع العلاقة كويسة و الدنيا تمام معانا وحاليا مفيش مشاكل بس أنا عندي مشكلة حاسس إني مريض نفسي عندي تروما عايز إطلع كمية المشاعر إلي عندي لحد

جربت اتربط ب بنت حرفيا كانت متدمرة في حياتها علاقات فشلة سابقة واهلها نفس الكلام يعني يعتبر أسوء مني بس لا طول عمري مقتنع بجملة فاقد الشي يعطيه وعملت كده فعلا معاها وكنا كويسين كانت حب الطفولة البنت بقت كويسة يعتبر بس مع أول مشكلة ليا مع أهلي كا العادة يعني. هي مشيت وسابتني وسابتني متعلق بيها وروحي معاها الكل وقتها يشهد إني كنت واحد تآني أحسن نسخة مني كانت معاها بس زي ما بيقولوا كده الشي لو زاد عن حده أنقلب عليك حبتها جامد آوي وكنت بقول ده كتير بس هي ولا مرة حبتني كنت ليها الدكتور إلي بيعالج مش آكتر
مرت الايام و الدنيا بقت أحسن بسبب صحابي الحقيقه بقيت كويس ظهرت بنت جديدة قريبتي اتكلمنا وبينا سوا كا صحاب مووت بيست فريند مش قادر احدد هل هي خلتني أعمل موڤ اون من الاكس ولا لاء بس إحنا كويسين بس حسيت إنه لازم نأخد خطوة قولتلها إني معجب بيها وده فعلا كان موجود بحب وجودها كلامها أخد رائيها في كل حاجة حرفيا حياتي وكل شي بحب أقعد ابص ليها بس
مرت الايام وأنا وهي مبقناش زي الأول ليه بقي ؟
علشان هي قالتلي لاء و اترفضت خلينا أصحاب يعني علشان نتجنب المشاكل وكده مع الاهل مع إني كنت وأخد الخطوة إني أعرف وقتها أهلي و أهلها اننا بنحب بعض وربنا يكرم نبقي سوا مع أقرب فرصة ( يعني البنت محتاجة أي غير كده كنا هنبقي حرفيا مخطوبين بس من غير خطوبة) بس هنا بقي هي كانت عادي بتحب وتدخل في علاقة وتخرج منها وعادي جدا أنا وقتها قررت أشوف حياتي بس قدام هنرجع تآني للقصة دي خليكوا فكرينها بس
لقيت بنت عملتلي فولو انستا قولت عادي
آنتي مين ؟ أنا قريبتك بس من بعيد....واو 
اتعرفنا اتكلمنا حبينا بعض في فترة صغيرة آوي أسبوعين حرفيا يمكن هتيجي تقولي دلوقتي أي شعورك تجاه العلاقة دي اقولك كنت غلط أصلا إزاي نحب بعض في شهر ؟؟ المهم كنا سوا بنتكلم شات و الدنيا لذيذة يعني جت في مرة قالتلي هتتقدم أمتي قولتلها صعب حاليا لأني فعلا مش ب أيدي حاجة ولا أنا الشب إلي عنده رافهيه ان بابا إلي يجيب و يخطبني وانا لسه بدرس مهندس قد الدنيا يعني بس فهمتها ظروفي قالتلي صعبة آوي ده أنا فاكرة إنك هتتقدم السنة إلي جايه وكده ( السنة إلي جايه دي أنا لسه طالب برضوو) سبتها مفيش حل الحقيقه حتي لو قدرت أجمع حق شبكة مكنتش هقدر أخد الخطوة أنا أسف يعني بس بحسب علي قدام أنا لسه تحت الصفر لسه موصلتش الصفر اصلا
بقيت سنجل 🫠 طب والعمل ؟
ما تيجي نرجع لبنت رقم ٢
يلا بينا إزيك عاملة اي سوري كنت مختفي وحكيت ليها القصة و كده ورجعنا صحاب و هي طبعا كانت دخلت في علاقات وفشلت منها
رجعت أنا فتحت الموضوع تآني تيجي نبقي سوا ونعرف اهلينا اننا بنحب بعض ؟ اديني فرصة أفكر..... طيب
بس عندي شرط أي هو أنا عندي إستعداد أقطع علاقتي ب أي واحدة أصلا و مستقبلا مفيش أنثي تتدخل حياتي وإنتي بس إلي تبقي موجودة فيها وكذالك آنتي كمان تعملي كده علشان نبقي لبعض لحد ما ربنا يكرم حتي لو هنفضل صحاب بس مش مرتبطين يعني
امممممم......... مفيش رد
قولت لأهلي أمي رحبت أبويا رفض أصلا بس محدش يعرف ده غيري يعني
المهم يعني
أنا كنت ناوي زي أي شب يرمي ماضي البنت في أقرب زبالة وتكون معايا في مستقبل جديد و أي علاقة قديمة ليها هنساها مع إني عارف كل التفاصيل و تفاصيل توجع الحقيقه بس قولت علشانها هعمل المستحيل
بس الفترة إلي فاتت دي عرفت عن طريق أمي إنها أصلا عارفة إن البنت دي كانت علي علاقة بشب بتكلمه يعني وخلاص عادي
تفتكر ساعتها انا هقدر هنسي أي حاجة ليها واكمل معاها عادي ؟ يعني أنا كنت هنسي أي حاجة علشانك تروحي عاملة فيا كده حطاني ستبن مفيش أي حاجة لمشعري ؟ الفكرة كلها ان مع البنت دي كنت ببعد ساعات بس كانت هي كل مرة تعيش دور الضحية وتقولي إنت و إنت.............
مع ان أنا متأكد إن في شب جديد ظهر أر القديم موجود وكلام كتير بقي

أنا عايش في قرف حرفيا مفيش واحدة في حياتي أصلا
وعارف إن أصلا الارتباطه غلط بس جهاد النفس ده صعب جدا وسط مشاكل حياتي محتاج إلي يقولي شد حيلك علشاني و يشجعني ليه صحابي والناس كلها كانت بتقولي إني مع أول بنت كنت في حالة تانية كنت واحد تآني اقوي واحسن ونشيط علشان لقيت دافع ليه بس محدش فيهم قدر أي حب ليهم ولا واحدة قدرت ده أول واحدة لما فاقت فاقت عليا وقالتلي بأي
التانية مقدرتش حياتي وقالتلي هستني مثلا 
التالتة حطاني ستبن أصلا وعايشة عادي ومكملة في دور الضحية

طب وانا ؟
يعني انا عارف ان كل ده يتعمل فيلم بس اقسم بالله دي قصتي الحقيقة بجد كلها عبث في عبث
ومازالت إلي الان ابحث عن دافع
عن صديقة بجد حقيقة مش مزيفة مش عايز ارتباط علشان غلط بس حد يشجعك حد يقولك يلا عاش شد حيلك وسط كل ظروفك المتنيلة و المشاكل كلهااا
تايه وسط ده انا
بس الحمد لله مركز في دراستي و كورساتي وبضغط نفسي علشان المستقبل بس برضو في حاجة نقصاني لسه

محتاج رايكوا بجد عايز افهمني وطبعا لو في حاجة محتاجة توضيح بتفاصيل معنديش مانع أكيد
سوري علي الاطالة ❤
3717☠️️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_72728 🇪🇬

منذ 5 أيام

شعور محبط

عبّر عن شعورك بشكل مجهول

الواحد بيحسد حيوانات ع حياتهم ولا بيفكرو ف هموم ولا ف مسئوليه ولا في حاجه تفضل توجعك انا عيشت حياه انا وامي من اكثر وأوجع حياه وعيشه امي تعبت مع ابويا كثير منه لله اتمني أنه يموت ابويا مهندس بترول عام كان بياخد مبلغ كويس وكان يرمي مبلغ قليل جدا لامي وكنا سيبنا كان بيرمي كل شهر 500 جنيه وامي كانت عايزه تعلمني وتخليني حد كويس كانت بتسافر وتجيب لبس وتبيعه لحد ما جه ف مره وهي راجعه من مصر عربيه اتقلبت بيها وكانت هتموت بعد الشر عنها كل ده متخيلين بسبب اي فلوس كلام ده وانا صغير كنت لسه ف اعدادي ولما كبرت بقيت ف ثانوي بقي بيرمي الف جنيه كل شهر ولا حته بشوفه ولا بيجي ف رمضان ولا اي عيد حسبي الله ونعم الوكيل فيه ش مسامحه نزلت اشتغلت لاقيت شغل متعب ع فاضي اشتغل 8 ساعات عشان 50 وكان بيروح منها 20 مواصلات عشان ارجع بيت ف سبت شغل غير انهم كانو بيضغطو عليا جامد دورت ع شغل كويس عشان فلوسه ع اقل تكفي ملاقتش عشان انا عايش ف بني سويف لاقيت شغل تاني كان 12 ساعه وكنت باخد 100 ورجل اتفق أن ف وجبه بره فلوس مراته حطيتني ف دماغها وكانت عايزه تمشيني عشان تخلي اخوه الحرامي بدلي ف الكاشير وكان كل شويه يتخصملي بدون سبب جيت ف يوم خدت ازازه مياه عشان كنت عطشان ب 5 جنيه ف ومخدتش وجبه اتخصملي 15 بدون اي سبب وقولت اني مفروض ليا وجبه وانا مخدتش وجبتي قالي لا انت بتاخد 100 منغير وجبه رجع ف كلامه كنت برجع من شغل 12 ساعه رجلي وجعني اوي والله وكنت بربطها عشان اكمل عشان امي انا تعبت يلعن ابو دي عيشه ومش بس كده عندي اخ كبير اخ ملهوش لازمه ف حياه كل شويه يتعب امي ولا يعجبه الاكل وكل يوم ينكد لحد ما امي تعبت نفسيا اخ مش بيفرق معه ولا اخوه ولا امه ف يوم احتاجته عشان يقف جمبي وقف مع غريب ضد اخوه ربنا ياخده هو كمان أنا بحاول استحمل بس تعبت وامي تعبت وكل ده اثر ع صحته طيب اعمل اي يلعن ابو دي عيشه انا كرهت نفسي وحياتي انا عارف اني امل امي الوحيد مفيش حاجه في حياتها تفرحله خالص انا بقيت خلاص مستعد اني اقتلهم  واخلص بس للاسف حرام  عشان هي ترتاح انا ادمرت انا مخنوق اوي وعايز اعيط اوي والله مفيش اي عائله ولا اخ ولا اب عدل ولا اي حاجه أنا وأمي كل يوم بنتاذي نفسيا لا بسبب اب لا بسبب اخ ده دي مش عيشه والله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_4481 🇪🇬

منذ 5 أيام

شعور متعب

السلام عليكم عايزا حد يفيدني ازاي اطور من نفسي بعد التخرج وازاي اشيل مسؤلية واساعد معاهم في مصاريف البيت خصوصا اني البنت الكبيرة ازاي اتعايش واتقبل غياب بابا عننا اغلب الوقت بسبب شغله واكون حد يسد ف ضهره وعايزا أأمن له شغل قريب مننا عشان تعبنا من غيابه ازاي اكون راجل البيت وهو مش موجود واحافظ على

Peanut_51983 🇪🇬

منذ أسبوع واحد

شعور منزعج

كنت قاعدة في مكان كده بحتفل نوعا ما بمرور شهر من الثانوية العامة 😂 أنا تافهة وهحتفل كل نهاية شهر 😂😂 فمر من قدامي تلت صبيان صغيرين شكلهم في اعدادي و كان معاهم فيب وكل واحد ياخد نفس و يمرر الجهاز لصاحبه فا كان معايا صاحبتي سألتها اللي عيني شايفه ده بجد قالتلي آه هو انا مش كبيرة في السن بس هو الموض

Strawberry_71160 🇪🇬 اه بظبط النوضوع بقى سهل جدا لو اي عيل حوش مبلغ مش كبير هيقدر يجيب عادي للاسف

عرض الكل 6 نصيحة

Strawberry_66101 🇪🇬

منذ أسبوع واحد

شعور متعب

Strawberry_70795 🇪🇬 طيب مامتك على عيني وعلى راسي بس متجربي انتِ تبعدي وتشغلي نفسك مره واحده اقصد تحطيهم قدام الامر الواقع مش رخامه ولا قله ادب بس عشان انت لازم فعلا تشوفي حياتك وتركزي ف دراستك خصوصا لو هتشتغلي سواء دلوقتي او بعدين ف انت فعلا مش نيتك حاجه وحشه بس برضو مش هتفضلي رابطة نفسك بعيال صغيره وده طبعا مش معناه تهمليهم خالص لما تقدري تساعدي ساعدي بس متجيش على نفسك يعني وفقي بين الحاجتين بس!

عرض الكل 6 نصيحة

عبّر عن شعورك بشكل مجهول

يا جماعة أنا أزمة حياتي من ٩ سنين هي اخواتي الصغيرين واحد عنده ٩ سنين والتاني عنده ٤ وبجد أنا من ساعة ما اتولدلوا وأنا بأكلهم وأشربهم وأنيمهم وأنضفهم وضاع عمري ووقتي لخدمتهم ورعايتهم ودلوقتي عايزة أعيش لنفسي بقا عندي ٢٠ سنة ونفسي أركز في حياتي واشتغل على نفسي ويكون وقتي لنفسي ولما بدأت من سنة تقريبا  أتذمر أو يبان عليا الزعل والهم والقرف من اخواتي الصغيرين امي بقت تقعد تزعقلي وتشيلني الهم زيادة وتفضل تقولي الكبير يشيل الصغير وانتي مبتعمليش حاجة زيادة وانتي وانتي لدرجة إن لو أخويا الصغير جالي يقولي إنه بيحبني مثلا أو يكلمني بحنية كدا تفضل تقوله دي مقرفة دي مبتحبكش ومش عايزة تعملك حاجة.. ولو جيت أشتيكلهامن أي حاجة تكشر في وشي وتلف الموضوع كله عشان تبقا هي المظلومة والحزينة وبدل ما كنت شايلة هم واحد يبقوا همين وكل دا عشان فكرت أحكيلها حاجة زيي زي باقي الأمهات اللي المفروض تسمع بناتهم.. لحد ما اتقفلت منها هي كمان مشيلاني همهم طول عمري ويوم ما اتدايق تزعل مني وتحسسني إني غلطانة ومبقتش شايفة أزمة في حياتي غيرهم (امي واخواتي ) دا غير الدوشة والزعيق والخناق والقرف وكله بسببهم قولولي حل بالله عشان أنا خلاص

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Broccoli_74653 🇪🇬

منذ أسبوع واحد

شعور متعب

Sugar_64732 🇪🇬 هسألك سؤال ورد بصراحه انت بتقرأ قرآن طب بتصلى بتشغلوا القرآن فى البيت حافظ كام جزء علاقتك مع ربتا عامله ايه والأخت نفس الكلام طبعا هتقول ايه العلاقه جاوب وهقولك ايه العلاقه وكمان متنساش انه الأطفال ملهمش ذنب فى الى حصل جاوب وهقولك بإذن الله الحل

عرض الكل 20 نصيحة

عبّر عن شعورك بشكل مجهول

ازيكم. انا سني من ٣٠ ل ٣٥
متجوز من ٨ سنين وعن قصه حب قبلها ٤ سنين. ومعايا ولد وبنت
القصه ابتدت من ايام ما كنا لسه بنحب بعض كانت مش بتهتم بيا وسلبيه في التعامل رغم أنها كانت بتحبني. وتقريبا كانت بتعتمد عليا بشكل مبالغ فيه. بس كنت ديما بقول أنها مكسوفه ومحترمه ومكنش عندي مشكله وكنت متخيل أن اعتمدها عليا نوع من أنواع الدلع والحب.
لما اتجوزنا كل حاجه كانت زي ما هي كأني اتجوزت طفله صغيره مش عارف اتكلم معاها أو احكي معاها ولا حتي باخد منها الاهتمام والحب الي طبيعي اخده من مراتي وحببتي. وابتديت احاول اعلمها وحده واحده وخطوه خطوه ولكن كانت شايفه اني بعمل دا عشان انا مش شايفها كفايا وشايفه اني كده بحسسها بالنقص. ووسط كل دا اهتمامي باني اعمل لنفسي حياه كويسه خلاني ابعد عن صحابي ولاقيت بعد سنه اني لوحدي وكمان فشلت اني افهم الشخص الي معايا أن الحياه مشاركه وحب واهتمام. ومش هينفع يبقا طرف واحد الي بينجح العلاقه واستحاله المركب هامشي بيا انا لوحدي اني تعبت.
المهم اني بعد سنه قررت اننا هننفصل لاني مبقتش قادر.
وجاءت اول صدمه.. أنها حامل
هنا كل حاجه اتغيرت وقررت اني لازم اكمل عشان مش هينفع طفل ياربي من غير ابوه خصوصا أن انا مش مقتنع أن أمه هتعرف تربيه وكملت فعلا وعافرت سنه ودخلت في حاله اكتئاب حاد لدرجه ان اتوصفلي علاج ليه ومخدتوش.
آه نسيت اقولكم ان خلال السنه دي هي كانت شايفه أن اكتئابي وانعزالي عشان انا مش عاوز اكلمها واني السبب في الحياه الزفت دي.
والمره دي جات منها لانها شايفه اني معني انعزالي عنها اني بخونها.. ودا طبعا محصلش. وصدقوني كان نفسي اكون بخونها فعلا.
المهم طلبت الطلاق عشان مش مرتاحه معايا واتخنقنا واكتشفنا أنها حامل للمره التانيه وطبعا عشان احساسي الأوفر بالمسئوليه صالحتها. وكلنا حياتنا يومين حلوين وشهرين وحشين.
لحد ما قررت اننا نروح لحد متخصص. والحد دا فهم المشكله وفهم أن مراتي عنها تعلق مرضي وتواكل علي الآخرين ( يعني مش بتشكيل مسئوليه )
واكتشف ان عندي اكتئاب حاد وانعدام القدره علي تفسير والتعبير عن مشاعري.
وقلنا سنه وانا حاسس اني مقفول من الحياه. مش عارف انفصل عشان بحب عيالي اوي ومش عاوزهم يتربوا بعيد عن أهلهم. وفي نفس الوقت انا بخسر اخر جزء في نفسي كابني ادم. دا إذا مكنتش خسرتوا.

انا شخص نفسي حد يهتم بيا  ويتكلم معايا ويشاكرني اهتماماتي وشاركه اهتماماته
شخص احس أن وجودي في حياته مهم عشان بيحبني مش عشان أشيل مسئوليته بس.
انا فاهم أن طبيعي أشيل المسئوليه. عشان الناس المريضه  الي هتقول انت مش عاوز تشغيلها.
عاوز حد يحبني الحب يقدر وجودي وانا اقدر وجوده.

شكرا انك كملت قرائه لحد هنا.. لو عندك رأي تشاركه انا سامعك ولو عندك نصيحه اتفضل.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_73963 🇪🇬

منذ أسبوعين

شعور مستنزف

انا معنديش ثقه بنفسي كلهم شايفيني حد ضعيف ومش بتاع مسؤليه ومحدش بردوا ممكن ياخد رئي ف حاجه شخصيتي ضعيفه جدا ودايما بيتنمرو بس بيجبوها ف الهزار من بعد وفاه امي وانا مش قادره ارجع مع اني من جويا حد قوي جدا ودايما يقولولي انتي قلبك جامد انا مش عارفه انا اي لغبطه ودوشه جوه دماغي

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Popcorn_52020 🇪🇬

منذ أسبوعين

شعور مكتئب

مشكلة الأخ الكبير اللي عمره ما خد دعم من صغره.. اللي كان بيسكت لأنه خايف، واللي كل ما يحاول يبان يتشال منه ثقته بنفسه بالسخرية والتقليل. وفجأة العمر جري، لقى نفسه كبير ومطلوب منه يبقى الحكيم، والسند، والضهر، والمثالي في كل حاجة. طب منين يا جماعة؟ منين؟ عارف الناس اللي هتقول: "خلاص كبرت، دي مسؤوليتك

عبّر عن شعورك بشكل مجهول

مشكلة الأخ الكبير اللي عمره ما خد دعم من صغره..
اللي كان بيسكت لأنه خايف، واللي كل ما يحاول يبان يتشال منه ثقته بنفسه بالسخرية والتقليل. وفجأة العمر جري، لقى نفسه كبير ومطلوب منه يبقى الحكيم، والسند، والضهر، والمثالي في كل حاجة. طب منين يا جماعة؟ منين؟

عارف الناس اللي هتقول: "خلاص كبرت، دي مسؤوليتك، متعش في دور الضحية.." أحب أقولهم يركنوا على جنب، لأنكم أتفه من إني أرد عليكم. أنا بكلم الناس اللي هتفهم وتحس.

أنا مش بصرف على البيت والحمد لله مستورة، بس طول الوقت حاسس إنهم مستنيني أكون شخص تاني مش أنا، عشان أقدر ألبّي اللي عايزينه. وأنا أصلاً محتاج حد يساعدني، مش بامثل ولا باوهم نفسي.. أنا فعلاً تايه.

والدي مات وأنا في أولى ابتدائي، محدش وجهني من يومها. اتمرمطت فـ فترة  معينه وكانت كافية تكسرني. والدتي اتجوزت تاني وعايش معاها انا واخويا وقتها كنا صغيرين وملناش غيرها وكان فيه مشكل كبيره مع اهل ابويا بعد مامات وطردونا م الشقه فا دا كان السبب اننا نعيش معاها ، لكن بدل ما المشاكل تقل، زادت. أي حاجة تحصل بتشتكيلي وتحط همها على كتافي. هي مش بتطلب فلوس، هي عايزة حنية.. بس منين أجيبها؟ أنا أصلاً ما شفتش منها ولا من غيرها حنية حقيقية غير قليل، ويمكن مصطنعة.

يمكن بتعاطف معاها، بس بطريقتي، مش بالطريقة اللي هي عايزاها. وده مش بإيدي. فوق ده كله، أنا مكتئب بقالي خمس سنين، وبصراحة جزء كبير من اكتئابي بسببها. أنا اتطفيت بدري.. عندي 23 سنة وبحس إني عجزت ووصلت لـ 80.

أيوة، أمي عملت اللي عليها وربتني زي ما اتربت، لكن ما عرفتنيش إزاي أبقى سوي. الكتمان والخوف من عقابها وأنا صغير خلوني معقد من جوه وكاره الناس والحياة.

أنا مش سوبر مان، ولا خارق. أنا بني آدم بلحم ودم. مش عايز حد يقولي: "دي مشكلتك، لازم تحلها، أنقذ نفسك." أنا عارف ده كويس. لكن بدل ما تقطع فيا، قول كلمة طيبة يا أخي 
أنا مش روبوت، أنا إنسان محتاج يتفهم.
لدرجة إني وصلت إني قررت مش هتجوز. متخيلين إن الموضوع معايا وصل للدرجة دي؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_72439 🇪🇬

منذ 3 أسابيع

شعور ضائع

أنا شخصية اتكالية جدا ومعنديش أدنى درجات تحمل المسؤولية، خطيئة الكسل أكبر خطاياي اتخرجت من 5 سنين ومشتغلتش مع أني مهندسة وظروفنا مش أحسن حاجة وأمي اللي بتصرف عليا طول عمري اوفر ويت لحد من 3 سنين قررت أخس واكتشفت أني كان ممكن أخس عادي بس مكنتش بحاول بجدية عندي صلع وراثي ظهر من بدري جدا يمكن وأنا 14 س

Jackfruit_62917 🇪🇬 نصيحه حاولي تتعافي نفسيا قبل جسديا ع الاقل علشان مامتك وعلشان تبني حياه تسندك لقدام لانك لو اخدتي حد وشافك كدا هيهد فيكي اكتر ما هيبني

عرض الكل 23 نصيحة

Strawberry_71540 🇪🇬

منذ 3 أسابيع

شعور مستنزف

عبّر عن شعورك بشكل مجهول

قصه حياتي لو اتعملت فيلم الفيلم هيتهاجم هجوم شديد جدا بسبب انو هيتقال عليه خيالي علمي زياده عن اللذوم او بيستخفو بعقل المشاهد هحكيلكم من علي وش القفص
انا والدي ووالدتي انفصلو ووالدي راح عاش بعيد جدا واتجوز الكلام ده من ٩ سنين لحد الان اقسم بالله انا معرفش عنه اي حاجه في 2021 انا والدتي اتوفت (اسألكم الدعاء فضلا)وبقيت عايشه مع اختي اكبر  مني واخ اكبر واحد (واخت اصغر مني دي اجمل وألطف حاجه في حياتي)بس عندها مشاكل من الاخر من ذوي الهمم 
نبدأ الخيال بقا اخواتي مع بعض او معايا عايشين بمبدأ اللهم نفسي يعني مثلا انا لو تعبانه ونايمه ف السرير مبتحركش محدش هيجي يتف ف وشي لو جعانه وبموت من الجوع والقبض اتاخر ومعيش فلوس مينفعش اروح اخد منهم حاجه او اطلب منهم حاجه مش بقول اني ملاك انا كمان بقيت بتعامل معاهم بنفس معاملتهم . اختي الصغيره زي ماقولت فوق هي من ذوي الهمم متقدرش تعمل حاجه لنفسها هي تعتبر كبيره شويه بس لحد الان بتلبس بامبرز عاوزه اقول انهم بيقولوها في وشها انهم بيقرفو منها ومبيحبوش انها تقرب من حاجتهم او تقعد ع سرايرهم ومحدش بيسأل فيها حرفيا غيري انا الي شيلاها ومسؤله منها بشكل تام (لتاني مره مش بقول اني ملاك انا كمان وحشه في حاجات كتيره) ف انا عندي ٢٢ سنه لحد الان في سنه ٣ كليه متخرجتش بسبب اني مش عارفه اكمل في الكليه ولا اركز في شغلي الي ضهري اتقطم جواه مع ان اي بنت في سني عايشه حياتها عاوزه اقول حاجه كمان اه😂 انا والله بيجي عليا اوقات بمشي ب اعزكم الله كوتشي مقطع ومبعرفش اجيب غيره عشان اصرف علي نفسي وعلي اختي بدفي اللحظه الي بتكلم فيها دي معنديش حرفياً غير بنطلون واحد بروح بيه كل مشاويري بس ميغركوش بلبس اي حاجه وبطلع اخر شياكه😎 من فتره حد اتقدملي وكلم اخويا عشان يتقدم رفضو بدون اي سبب وقلهالي في وشي انو مش عارف يجوز نفسه عشان يجوزني وانو ملهوش دعوه. طبعا مش هكلمك علي الضرب والإهانة والشتيمه عمال علي بطال بس هو برضو هو حقه اصل هو يعني لما يعمل كده مين هيقفلو او يقولو ان كده حرام وبتاع 
( للتوضيح انا ولا بتستعطف حد ولا اقصد اكون اتنشن او مثلا بشحت عشان قولت الكلام ده كلو الفكره بس كنت عاوزه اتكلم واقول حاجه جوايه وفكره الابلكيشن عجبتني ف ربنا يريح بالي وبالكم كلكم وياريت محدش ينساني من دعواته واسفه اني طولت)❤️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_69803 🇪🇬

منذ 3 أسابيع

شعور منزعج

بحس ان انا قاعده في مجتمع غريب جدا معرفش هو انا اللي عايزه حاجه خارقه عن الطبيعه ولا هو فعلا المفروض ان الواحد يركز في اللي معاه ويسعى لحياه افضل مع الاشخاص اللي معه سوى زوجته او ولاده او اهله ، هو ليه الواحد يروح يخون ويبهدل في العلاقه بدل ما يحاول مع الطرف الثاني انه يسعى لحياه افضل و هدوء و استقر

Strawberry_75802 🇪🇬

أنا محتاجه أبويّا وانا مش لواحدي

طريقه يكون عندي بيها اب؟....انا عندي مشكله اني طول الوقت بدور على حد يعيشلي دور الأب ويحسسني أنه زي بابا حتى ف اختياري للناس ال يكونو معايا دا بياثر عليا ....علفكرا بابا موجود بس هو موجود لنفسه وبس ...رغم اني مبقيتش صغيره الا اني فعلااا مفتقده لكل حاجه ممكن اي اب بيعملها لبنته انا ادفع عمري كلو واحس مره واحده بس اني عندي اب واني مش لواحدي وكذلك ام بس انا مفتقده لبابا اكترررر ...لو في اب عاوز يتبني بنت انا موجوده ...عرض المزيد

3 الدعم

27 نصيحة

Sugar_75619 🇪🇬

مش عارفة أقول "لا" من غير ما أحس بالذنب

ساعات بلاقي نفسي بمشي ورا طلبات الناس من غير ما أفكر، وبوافق على حاجات مش عاوزاها علشان ما أحرجش اللي قدامي أو أزعله، حتى لو ده بيكون على حساب نفسي. ولو جيت أقول "لا" في مرة، بحس إني أنانية أو مقصرة. المشكلة إني مش عارفة إمتى يكون من حقي أقول "لا" من غير ما أحس بالذنب؟ وهل في طريقة أقدر أوازن بيها بين إني أرضي اللي قدامي وفي نفس الوقت ما أظلمش نفسي؟ ...عرض المزيد

6 الدعم

23 نصيحة

Coconut_73870 🇪🇬

طاقتي خلصانه وبجبر نفسي أشتغل عليا ضغوطات

حاسه ان طاقتي خلصانه ومش قادره اشتغل بس بجبر نفسي و بشتغل عشان مضطرة و عليا ضغوطات شغل جامد اوي و مش بتكلم عن ده مع حد بشتغل زي الحمار في ساقية و ده يجيبلي اكتئاب و كل يوم بيزيد عن التاني بس برضو مش بستسلمله وبشتغل بس منهكه اوي و تعبانه اني مش عارفه اعبر عن اللي تاعبني و معنديش طاقة للناس بس مضطرة برضو اتعامل فحاسه اني مش انا طول الوقت ...عرض المزيد

1 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع