مسؤولية

Cookies_65569 🇪🇬

منذ يوم واحد

شعور مكتئب

يمكن انا جيت هنا عشان حاسة ان اأنا لوحدي بس انا صغيرة يعني شوفت وانا صغيرة تلت سنين اللي مرضاش حد يشوفي ضرب من بابا ليا وللمامتي على كل حاجة لغات متميت ست سنين جت اختي ووقف الضرب بس بدأ الخناق ما بيم ماماو بابا تحملت كل حاجة مطلوب مني اوقف مبينهم كبرت وعندي اعتقاد ان كل الحاجو مسؤليتي حتي اختي حاس

Banana_65413 🇪🇬

منذ يوم واحد

شعور محبط

موضوع:

لما اللي حواليك يقللوا من تعبك

Biscuit_60212 🇪🇬 بصي دي كلها تجاري صعبة بتقوي شخصيتك لمواقف قدام ولا يهم ابذلي بس مجهودك في الدراسة ومتشغليش دماغك بحد واوصلي وتحققي نفسك

عرض الكل 6 نصيحة

عبّر عن شعورك بشكل مجهول

اكتر فترة حسيت اني مضغوطه فيها كانت ثانويه عامة بتاعة اختي اخر اربع شهور سلموني مسؤولية تنضيف البيت كله ومسيبش عفرايه ومعترضتش بس الحمل زاد على واحده عندها ١٦ سنه ومبتعرفش تعمل حاجه ومهما قولتلهم يغسلو اكلهم وراهم بهدوء كانو يتعصبو ويزعقو ويقارنوني باختي وساعات توصل لضرب بابا ليا رغم ان اختي كانت تزعقلهم ويسمعو الكلام وياويلهم لو وسخو حاجه كانت اكتر فترة حسيت بيها بالتفرقه وكانو بيقولو اني مبعملش حاجه ومكانوش يذكرو مجهودي لاي حد كانو دايما يذكرو مجهود اختي وبس وجه رمضان وبرضو كل حاجه عليا ولو كنت قلت لاختي الاصغر مني بسنه تغسل الاكل اانه دورها ف غسيل مواعين رمضان ومترضاش وازعقلها كانت بتبقا ليله سواد ونكد عليا وفاكره ف مره قبل ليلة الوقفه كان بابا ضاربني مش فاكره بسبب ايه وحلف عليا لانضف ترويقة العيد كلها لوحدي ولو شاف حد بيساعدني هيموته واصلا الايام دي بتيجي خالتي من العاشر وبنضطر نروح عند ستي منجيش غير بليل اضطريت اقوم من الفجر اروق علشان اعرف اروح المغرب نفطر عند ستي بس للاسف مكنتش خلصت البيت قبل المغرب فاضطريت افطر واجي اكمل ترويق الشقه؛ طبعا دا يعتبر مجرد ملخص للي حصل وفي مره عمري ما هنساها ايام امتحانات اختي اختي الكبيره عصبتني وقولتلها ابقي قابليني لو جبت مجموع وطبعا راحت قالت لبابا وجه اداني علقة موت بحجة ايذاء نفسية اختي المهم انا حاليا ثانويه عامة واختي من قبل ما ابدأ وهي شغاله احباط فيا وكل يوم تحبط فيا وتخليني اعيط ولما ارن على بابا"سافر" اشتكيله يقولي معلش اختك وهي بتقول كدا قدامك بس انما هي بتحبك ودي اكتر فتره حسيت بيها بتفرقه

Coffee_64972 🇪🇬

منذ يومين

شعور متعب

مساء الخير انا 21 سنة في آخر سنة كلية كنت شغال تيم ليدر سيلز في شركة محترمة و مشيت علشان ورقي مش كامل علشان لسه طالب ووالدي متوفي و زهقت بجد من التدوير على شغل لو حد عارف تريقة اعمل بيها فلوس علشان اساعد اخواتي في المصاريف خصوصا انا الكبير و كمان اعرف بنت معايا في الجامعه و عايز أقرأ فاتحة بس بسبب

Banana_63510 🇪🇬

منذ 5 أيام

شعور وحيد

موضوع:

تخطيت وفاة شخص عزيز عليك ازاي ؟وهل دا غير فيك حاجه ولا لا؟

ابويا مات النهارده حاسس اني بق مليش ظهر ومليش سند عاوز اموت نفسي واللهي بس ممكن تدعولو ونبي ودعولي عشان بقيت وحيدا وشيل مسولي امي انا وهي دلوقتي والمفروض اني اشتغل واصرف ع البيت ادعولي اني اقد اسد مكان ابويا

Sugar_64452 🇪🇬

منذ 5 أيام

شعور مريض

بقول نفسيتي تعبانه . بلاقي ناس كتير تقولي صلي وادعي . ازي اصلي وادعي وانا كسول وانا مش قادر اقوم من علي السرير ورجلي تقيله وعايز ديما افضل فارد ضهري ولو اتحطيط في مسؤولية ببقا مخنوق وبفضل طول اليوم متعكر .

Mango_63110 🇪🇬 اكتئاب وأكيد له أسباب داخلية الاكتئاب ملوش علاقه بالإيمان هو مرض زي المرض العضوي له أدوية

عرض الكل 6 نصيحة

Coconut_64383 🇴🇲

منذ 6 أيام

شعور مذنب

عبّر عن شعورك بشكل مجهول

انا بس هفضفض شوية مش عارفة ممكن حد ينصحني ب حاجة اصلا ولا لا ولا النصيحة هتعمل ايه وهل اللي هحكيه ده مشكلة اصلا ولا أنا بدلع معنديش اي فكرة
انا اكبر من اخواتي ب 12 سنة ودايما شايلة مسؤوليتهم وحتى المسؤولية دي ماما مش شايفاني قدها
أما ف طفولتي مكنش عندي حد ياخد باله مني زي ما بعمل مع اخواتي أو زي ما بابا وماما حتى بيعملوا معاهم دلوقتي رغم أنه معروف عن الطفل الأول أنه مدلع بس انا مش كده خالص انا اتربيت لوحدي وكنت بقعد كتير لوحدي أو مع نانا ومكنتش بتحبني وإهانة كتير ومكنتش فاهمة بتعمل كده ليه و ده غير برضو أنها كانت مهملة 
انا مش هنسى لما كنت سخنة وانا مرمية ع الأرض مستنية ماما ترجع وهي بتتفرج ع المسرحية وبتضحك
وشلت مسؤولية اخواتي كتير سهرت بيهم كتير واهتميت بيهم كتير وضغط ع نفسي كتير والاختين اللي انا اكبر منهم بدأو يكبروا والتربية بقت مش بس اني أسهر بيهم انيمهم والديهم الدوا واعمل لهم السريلاك 
الموضوع بقى اكبر مني وبس يا ماما اسكتي انا مصدعة وياحبيبتي اقعدي والكلمة دي عيب وبس وهس
وانا اصلا من وأنا طفلة عندي اكتئاب ودايما كنت الطفلة المنبوذة من كل الناس
الطفلة الاولى هي اللي صعبة كتييير جدا عن التانية
وبجد مش بتسمع لي كلمة ف تحولت من طفلة ل مش عارفة بس انا دايما محطوطة ف خانة المفترية وبعدين بدأت اضرب بس ضرب ع اليد عادي من اللي يخلي اليد تحمر خمس ثواني ويروح مش بلسعها بالشمع يعني
وبعدين حبيت حد من طرف واحد هو بس كان عندي فريند ع فيس بوك انا مكنتش بكلمه والله بس بالكثير كان بيبعت لي ريبلاي ستوري نضحك ع الميم اللي شريته وبس جينا ف يوم كان يوم اربع انا فاكرة كان رحلة رجعت بوري ل ماما صور الرحلة فجاءة فتحت ماسنچر لقيته بعت لي يوم الاثنين وبنتكلم عادي وهما كم رسالة اصلا يتعدوا ع صوابع اليد الواحدة 
اتخانقت معايا وخدت الموبايل قالت قولي باسورد  الموبايل 
قلت لها انا افتحواك واقرأ لك الشات كله انا مش بعمل حاجة غلط وانا هفتحواك بنفسي و اوريكي اي حاجة واي شات عايزة تشوفيه قالت لي لا 
وفي الاخر فتحت اللاب توب كنت فاتحة عليه واتس وكذا حاجة وفتحت شات المدرسة بتاعتي كنت بفضفض لها وبتكلم معاها وكده 
وأثناء الخناق هي اتخضت مني... طبعا جه ف بالكوا بنت مراهقة متمردة بتزعق ل امها صح 
لا .... انا كنت بصرخ وبعيط وبقول انا تعبت 
عملت ايه هي ... ودتني ل دكتور نفسي رحت عشر مرات بظبط وبجد نفسيتي ادمرت اكتر لأن طول العشر مرات انا بفتكر حاجات مش عايزة افتكرها ومكنتش بتعالج اتشخصت اكتئاب وقلق .... وماما فهمت الدكتورة اني مجنونة حرفيا واني بضرب اخواتي واني واني واني وأثناء ما ماما بتتخانق معايا كانت بتحاول تضربني أو تقتلني والله ما اعرف كانت فوقية حرفيا وانا بس بزقها من عليا وقتها كانت ضوافري طويلة ف عملت خدوش أو خربشة من عند رقبتها ( وده دليل اني كنت بزقها من عليا مش بضربها) لا هي قالت غير كده قالت اني تطاولت عليها وضربتها 
والدكتورة النفسية قررت تتكلم مع ماما ... جت تاني يوم اتكلمت معايا ف كافيه فاكرين بتصالحني صح لا ... بتتكلم عن ابويا وان هي اصلا ندمانة ع جوازها ودايما عايزة تخلي منظره وحش قدامي وان هو كمان مجنون 
وكل ما تروح مشوار تقولي خلي بالك منهم متقعديهمش مع ابوكي دي ساعات بتصحيني من النوم تقولي خلي بالك منهم اقولها هما فين تقولي نايمين طب بتصحيني لييييييههههه‍ههههههههههههه اعمل لهم ايه انا 
ده غير برضو أنها مفهمة صحابها نفس الكلام ده وبشوف والله ف نظرتهم الكلام ده بس انا مش زعلانة هي لو بتحكي ده لحد ف هي بتشوه صورتها هي مش صورتي 
الفكرة أنه مش كلام حقيقي 
انا تعبت وزهقت الكلام ده عمري ماقلتوا لحد بس يمكن لاني مستخبية ف شخصية جوز هند 
ياريت لو حد هيرد عليا تكون ام أو بنت من سني 
شكرا لو اصلا وصلتوا لهنا انا كتبت كتير

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_30286 🇪🇬

منذ 6 أيام

شعور فخور

موضوع:

كيف هتربو اولادكم ؟

هديهم حنيه كتير هخليهم ميحتاجوش لحد هعلمهم يصلوا و يخلوا ربنا رقم واحد عندهم و مايخافوش يحكولي اي حاجة بالعكس يبقوا متاكدين ان لو في مشكلة أنا هحلها و اني مصدر الأمان ليهم اللي مش هيلاقوه برا و مش هخليهم يدوروا عليه في حتة أصلا طول مانا موجودة

Mango_64226 🇪🇬

منذ أسبوع واحد

شعور مكسور القلب

بعد معاناة ١٢ سنة غربة وسايبلى كل المسؤلية وكل التعب والغم وانا الاب وانا الام وعدم الاحترام وقلة التقدير راح يحل مشاكلنا بالتفكير بالزواج وهياخدها بعد ما سابنا انا واولاده احنا فى بلد وهو فى بلد قلبى بينفطر واتكسر .. لله المشتكى

Watermelon_58570 🇪🇬

منذ أسبوع واحد

شعور منزعج

هو بجد الزوجة او الحياة الزوجية مش بتعالج شخص من حاجات كتير كان نفسو ياخدها من اهله اهمهم الحنية ولا لا انا عارف ان الجواز مسؤولية وانا قد اي مسؤولية ياريت حد يفيدني عشان انا تعبت من كتر التفكير 💔

Peanut_63801 🇪🇬 لو كان الجواج مع الشخص الصح فأاه هتعالج حاجات كتيرة هتلاقيها بتسمعك و بتهتم بيك و تهزر معاك و انت مش هتحتاج تكون كامل قدامها لانها هتشوفك كده ... طبعا من الافضل تحاول تعالج نفسك عشان ده بيخليك تتطور على النحو الشخصي و النفسي أسرع

عرض الكل 7 نصيحة

Coffee_62965 🇪🇬

منذ أسبوع واحد

شعور مليء بالحياة

موضوع:

كل حاجة بتضغط عليك

الظروف إلي حواليا مقفله عليا نمط معين فلوس أهل دراسة مرتبط بي مسؤولية معين متوقع إني أعملها حاجه خارجه عن أراده بتعتي اشيل حاجه مش بتعتي بس ده أمر واقع لا مفر منو وهعمل كده بلس إني هشوف نفسي ومش هنساها

Blueberry_54620 🇪🇬

منذ أسبوع واحد

شعور ضائع

انا مطلقه عندي ولد متقدملي واحد ارمل عنده ولدين المشكله اني نفسيا بعد مشاكل الطلاق حاسه اني مش قادره اقدم حاجه لحد و ده غير موضوع الولاد انا بحاول ابصلها من ناحيه ان ولاده ايتام و ده ثواب بس انا فعلا مش عارفه هبقي قد المسؤليه دي ولا لا انا من كتر ما انا نفسيا مش كويسه كل ما بيكلمني بفضل افكر ميه

Pear_51536 🇪🇬

منذ أسبوعين

شعور متوتر

حاسه ب اليتم اووي حرفياااا بعيط بقهره كل يوم تقريبا تعبت و بقعد اقول ليه بابا اتوفي طيب كنت سيبه معانا شويه احنا بنتين بس و الحوار صعب جداااا فوق ما حد يتخيل الحمد لله على كل حال بس الحوار ده مؤذي جدا و نفسيتي انا واختي وحشه اوي بسبب كده و يمكن انا اكتر تعبت من شيل المسؤوليه بدري بدعي ربنا كل يوم أ

Chocolate_55228 🇸🇦

منذ أسبوعين

شعور متعب

سلام عليكم أنا شاب عمري ٢٢سنة ادرس و اشتغل في نفس الوقت،أبوي متوفي و أعيش مع امي في بيت ملك و أفكر اتزوج باقي لي على التخرج تقريباً سنتين سنة ونص لاحد يقول الزواج مسؤولية ومدري ايش أنا والله الحمد متكفل بنفسي و امي يعني باذن الله أنا قدها بس تعبت مآبي اطيح في الحرام

Orange_58328 🇪🇬 طب ما تتوكل على الله وتتجوز

عرض الكل 5 نصيحة

Mango_52961 🇪🇬

منذ أسبوعين

شعور محبط

حاسس اني تعبان جداً واني في علاقة بزوق فيها لوحدي المفروض اني خاطب بقالي سنة و كنا مرتبطتين قبلها سنة بعني انا مع البنت دي من سنتين او اكتر عشان قبلها كنا صحاب عادي دلوقتي بقالها من اول السنة دي وانا عمال فاشخ نفسي و بجهز و بعمل و بدفع دم قلبي ف الشقة و هي علي لسانها كلمة واحدة مش جاهزة للجواز مش ع

Apple_62060 🇪🇬

منذ أسبوعين

شعور مرهق

الواحد بعد ما كسر سن ال ٢٥ وبقي حياته معظمها شغل بقيت ابص كل يوم الصبح ف السقف قبل ما انزل واقول خلاص هعيش باقي حياتي كدا ؟ معندناش رفاهيه اننا نفكس للشغل ؟ علي اد ما الاحساس بالمسؤولية حلو وانك بتسعي وبتعافر بس برضه الواحد طاقته بتوصل اوقات تحت الصفر كمان ونفسه يرتاح فتره وياخد بريك

Sugar_62574 🇪🇬 محتاج تغير روتين حياتك يعني ما يكونش حياتك عباره عن شغل وبس أخلق لنفسك جو الراحه ال انت شايفه هيفرحك ويسعدك اتعرف على ناس جديده اخرج مع صحابك جيب لنفسك حاجه انت بتحبها دور على سعادة نفسك ب ايدك ما تستناش الايام تتغير وتجيب ليك الفرحه وانت قاعد مكانك فكر تفرح نفسك وانت هتلاقيك مرتاح

عرض الكل 5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع