أنا بفكر كتير و بقلق بزيادة بجد.. إزاي أخلي دماغي تهدى؟

Question

أنا بفكر و بأوفر ثينك كل حاجة بزيادة بزيادة وبقلق جداً و علطول شايلة هم كل حاجة
حتى لما باجي انام، مهما كنت تعبانة جدا مش بقدر أنام ولازم أفضل أفكر كتير بجد وبخا ف أصلا أقعد لوحدي مع دماغي عشان بفضل أفكر وأفتكر كل حاجة وحشة وتعباني بجد
أعمل ايه بجد ازاي أخلي دماغي تهدى؟؟

Ice Cream_56279 🇪🇬 · Answer

علي حسب الأفكار اللي بتجيلك 
كل حاجه وليها حل
يعني مثلا لو بقعدي تلومي نفسك علي حاجات مثلا 
او لو بتقعدي تفتكري حاجات دايقتك 
فا ايه اللي بتفكري فيه بظبط؟

Coffee_57918 🇪🇬 · Answer

بلوم نفسي كتيير على حاجات اه و بفكر في حاجات دايقتني 
ومثلاً لو حاجة خايفة تحصل بفضل شايلة همها وكده

Apple_61150 🇪🇬 · Answer

افضل طرق لل overthinking  هي العد من 30الي 0 و دي طريقه الاسرع و لو عاوز طريقه لحل مشكله نهائي قسمي تفكير بتاعك جزئين جزء مشكله حلها في ايدك و جزء حلها مش في ايدك و لمه توصلي لي جميع الاجزاء دي سيبي الجزء الي متقدريش تحليي بي ايدك و امسكي في الي تقدري عليه بس كد 👍🏻

Strawberry_58077 🇪🇬 · Answer

افتكري ديما ان الحاجه اللي عدت مش هترجع تاني وان اللي جاي بايد ربنا وبس  ومتعقبيش نفسك كلنا بشر و كلنا بنغلط المهم نتعلم من الغلط و بعدها ارميه كفايه انك اتعلمتي منه

French Fries_61190 🇪🇬 · Answer

بصي علشان نكون واقعين الأوفر ثينك مش وحش بس قدام انت مدايقه منه يبقا بسبب أشخاص في حياتك ف حله أن يكون في شخص حلو في حياتك بيحبك ومريحك

Pineapple_40254 🇪🇬 · Answer

تروحى لدكتوره نفسيه تساعدك 
ليه مش بتفكروا فى الحل ده 
حالتك متسمحش روحى مستشفى الجامعه قسم النفسيه والعصبيه

Coffee_57918 🇪🇬 · Answer

عشان الحل ده مش متاح معايا للأسف أهلي مش هيوافقوا، هتقولي روحي من غير ما تقوليلهم للأسف هما عارفين أنا ببقى فين وبروح فين وكده ومش هعرف أروح من وراهم، ف أوبشن الدكتور النفسي مش متاح للأسف بالنسبالي

Coffee_57918 🇪🇬 · Answer

لا مش بس بسبب أشخاص، أنا بفضل ألوم نفسي على كل حاجة وأفكر في اللي ممكن يحصل وبفكر في كل حاجة واشيل هم كل حاجة حرفياً

Coffee_57918 🇪🇬 · Answer

مش بعرف أعمل كده بجد، بسبب أن أهلي بيلوموني كتير على أي غلط ف أنا كمان مبقتش أعرف أبقى رحيمة بنفسي
مش عارفة أعمل ايه والله

Pineapple_40254 🇪🇬 · Answer

ليه ميوافقوش قوليلهم انا مش بعرف انام من التفكير انا بعانى

French Fries_61190 🇪🇬 · Answer

صدقيني انت محتاجه حد جمبك بس مش اكتر وكل حاجا هتتحل لما تحسي بالطمأنينه

Chilli_48447 🇪🇬 · Answer

محتاجه للى يكون جنبك ويسمعك عشان تخرجى كل ده عشان ترتاحى من التفكير ده كله