ازاي أحب نفسي وأنا مش عارفة؟ عايزة أجرّب الإحساس ده!

Question

ازاي احب نفسي how t love myself انا نفسي احب نفسي. نفسي اجرب الاحساس ده سمعت و اتفرجت علي فيديوهات كتير و برضه مش فاهمه و مش عارفة ازاي احب نفسي. ممكن تساعدوني و تقولولي ازاي احبها عايزة احبها و اخاف عليه و مأذيهاش ابدا ناس كتير بينصحوني احب نفسي بس بحاول مش بعرف.

Cherry_39881 🇪🇬 · Accepted Answer

شوفي دايمًأ إنك أجمل حد.. ودي حاجة معروفة أكيد. حبي ملامحك وتفاصيلك استكشفي نفسك 
اقنعي نفسك بالحقيقة اللي هي انتي غالية وحاجة حلوة أوي 
أذكري الله كتير أوي صدقيني قلبك هيتغير 
احنا قلبنا بيصدأ بسبب البعد عن الإستغفار والتسبيح وذكر الله بأي شكل.
وخليكي دايما عارفة إنك حد رائع و مذهل
 نفسك ليها حق تحبيها

Sugar_40468 🇪🇬 · Answer

حاولي تكتشفي مواهبك والحجات اللي بتحبي تعمليها وطوريها اكتر، هاتي لنفسك حاجه بتحبيها، كل ماتبصي لنفسك في المراية ابتسميلها وقوليلها كلام حلو وقد ايه هي جميلة وانك فخورة فيها انها بتحاول على الاقل(هتحسي الموضوع تافهه بس مع الوقت هتشوفي الفرق)، اعملي لنفسك اكلها بتحبيها، هاتيلك هدية، اعملي skin care لبشرتك ولجسمك ودي من احلى الحجات، دلعي نفسك يعني، قولي كلام حلو لنفسك دايما وبلاش افكار سلبية

Sugar_40468 🇪🇬 · Answer

في بودكاست اسمه نقطة نور الحلقه اسمها "كيف تصبح أفضل صديق لنفسك"  اسمعيه وهيفرق معاكي اوووي اوووي بجد🤍

French Fries_26975 🇪🇬 · Answer

شكرا ليكي بجد

French Fries_26975 🇪🇬 · Answer

حاضر شكرا

Biscuit_30461 🇮🇶 · Answer

بالاضافة لكلام الاخوة 
fake it until you make it

Apple_42577 🇪🇬 · Answer

حاولي تكتبي كل الحاجات اللي بتحبيها في نفسك حتى لو كانت حاجات بسيطة ، اتقبلى عيوبك و اشتغلى على تحسنها ، خدى وقت لنفسك تسترحى فيه و اعتنى بنفسك  و اعملى حاجه بتحبيها ،لو  في ناس بتأذيك بكلامها او بتقلل من تقديرك لنفسك حاولي تقللي من التعامل معاهم وقربي من الناس اللي بيدعموكي وبيقدروكي، كلمى نفسك بلطف و باسلوب ايجابى و سامحى نفسك احنا بشر وكلنا بنغلط.اتعلمي من أخطائك بدون قسوة حاولى تحسنيها

Apple_42577 🇪🇬 · Answer

ربنا يوفقك فى حياتك و يكتبلك الى فيه الخير .

French Fries_26975 🇪🇬 · Answer

thanks

French Fries_26975 🇪🇬 · Answer

اسامحها ازاي

French Fries_26975 🇪🇬 · Answer

آمين يارب

Apple_42577 🇪🇬 · Answer

عشان تسامحي نفسك اول حاجة تقبلي مشاعرك واعترفي بيها حاسة بذنب او زعل؟ عيشي الشعور ده عادي. بعد كده فكري بهدوء في اللي حصل واتعلمي منه. كلنا بنغلط و ده طبيعي .حاولي ما تقسيش على نفسك يعني عاملي نفسك زي ما بتعاملي حد بتحبيه لو عمل نفس الغلط. ابدئي من جديد ومتفضليش تلومي نفسك على اللي فات.
خدي وقتك المسامحة بتاخد وقت كوني صبورة. ادعي ربنا يساعدك و اعرفى ان ربنا غفور رحيم بيغفر لعباده فاغفرى لنفسك.

French Fries_26975 🇪🇬 · Answer

اوكي شكرا

French Fries_26975 🇪🇬 · Answer

شكرا

Apple_42577 🇪🇬 · Answer

العفو 🙏🏻

Coffee_42966 🇪🇬 · Answer

اقراء كتاب علقات خطره لدكتور محمد طه