ضياع حلمي بعد الثانوية ومش عارف أطلب مساعدة

Question

فاكر تفاصيلها، قلقها، مشاعرها، و حتى الضغط اللي كان ساعتها بالنسبالي حاجة صعبة... مكنتش مدرك ان بعدها هتغير التغير اللي اتغيرته بالشكل ده.... غيرت احساسي، مشاعري، تفكيري، حتى علاقتي باللي حواليا... كل حاجه تقريبا 
سنة كاملة تعبت و الظروف كانت ضدي بكل ما تحمله الكلمة من اهل بقا، مشاكل غيرهم، او نفسيا... كنت مستحمل و مصر على حلمي... و بعدين... فين حلمي؟؟ ضاع..... المجموع مش قليل لكن ف عيني كان قليل اللي كنت اقوله على مجموعي يقول ما شاءلله د انت كنت متفوق و دحيح والخ... و اكتفي بابتسامة كدابة تبين اني راضي بالنتيجة و باللي انا فيه..... انا مش مرتاح.. و مش قادر اطلب مساعدة... و عارف اني بضيع و ادي اول سنة تعدي بعد الثانوية و انا متغير في كل شيء 180 درجة حتى مستوايا الدراسي..... كل حاجه اتقلبت و الايام دي بداية امتحانت الثانويه و بتفكرني ب احساسي تاني و برجع لنفس الدوامة تاني

Hazelnut_60459 🇪🇬 · Answer

مش عارف الكلام هيفيدك يا صاحبي ولا لا بس انتا عملت اللي عليك ومن كلامك عن مجموعة ف واضح انك عملت اللي عليك وزيادة كمان ف كبر مخك وسيب جمرة النار اللي انتا شايلها في ايدك بدل ما تحرك اكتر من كدا

كلنا مرينا بموقف أو بآخر من فترة الثانوية بسبب ضغطها وصعوباتها ومع الوقت نسينا كل ده عشان نقدر نعيش الباقي من حياتنا من غير تروما وتجاوزناها بشيء من الرضا لأن الله عز وجل العليم بنا وبتعبنا وبما هو صالح

Hazelnut_60459 🇪🇬 · Answer

بما هو صالح لينا وقال الله عز وجل إن الله لا يضيع اجر من احسن عملا ومش معنى إن مجموعك مش عاجبك أو مش مكافئ لتعبك ان كدا خلاص المسألة انتهت لا بالعكس انتا توفيق ربنا هتشوفه مع الايام تعويضا لتعبك والله اعلى واعلم وحاول فعلا ترضى بشكل أو بآخر لأن في الاول وفي الآخر الموضوع زمنيا عدى خلاص ومهما زعلت أو فرحت كدا كدا الموقف عدى ولا المجموع هيزيد ولا كليتك هتتغير (غير لو نقلت نفسك) ولا اي تغيير هيحصل

Hazelnut_60459 🇪🇬 · Answer

لذلك بنصحك يخويا
let it go

Pineapple_40254 🇪🇬 · Answer

لو مدخلتش الكليه اللى حاببها روح ليبيا رخيصه وهتدخل اللى حابه بمجموع اقل بشري 85% جامعات حكوميه وفيه 75% بس جامعه طرابلس