ايه تجربتك مع أصحاب السوء ؟

Question

احكيلنا تجربتك مع ناس لبسه وش و هي وش تاني خالص و ايه شعورك بعض فراقهم ؟هل مبسوط او زعلان أو ارتحت أو تعبت ؟

Potato_41206 🇪🇬 · Answer

كنا 3 اصحاب وانا كنت ملتزمة و بروح دروسي و البس واسع وطرحتي من غير ما ابين شعري المهم كان واحدة منهم كانت بتكتب روايات واتباد +18 و كانت في سكة شمال ربنا يهديها بدأ تشجعني انا وصحبتي اننا نزوغ وصحبتي بدأت تبين شعرها بس انا رفضت و انحرفنا شويتين وبعدين انا فوقت و قطعت علاقتي معاهم و دلوقتي البنت دي بتحتقرني بس انا مش ندمانة على قراري

Croissant_40518 🇪🇬 · Answer

كنت زمان معنديش صحاب مكنتش اعرف ليه كنت كل ما اقرب منهم كنت بتقابل بالرفض  حولت معاهم كتير غيرت من نفسي وألفت عليهم أنني بحب وارتبط بس علشان أعجبهم او ابقي زيهم وبردوا كنت بترفض في كل مره يعني مره كده كانوا كلهم متجمعين زي العاده يلعبوا في الفصل لعبه الصراحه فا كل مره كنت بقرب منهم أو اجي اقعد معاهم علشان نلعب كانوا يا يقولي قومي أو يقوموا هما يقولوا مش لاعبين عرفت بعدين أن في حد كان قايل اني بنقل الكلام فا علشان كده مكنوش بيحبنوا أو يلعبوا معايا فا كنت تقريبا يعاني من الحوار ده من أولي ابتدائي لحد 6تقريبا نفس المعامله نفس الرفض ده كمان كانوا بيتمروا عليا يعني علي شكلي علي اني مثلا مش هتحب أو أن عمر ما حد هيبصلي ومره تقريبا رضيوا عني فا جيبت اقعد معاهم علشان يلعبوا الصراحه ام في واحد من صحابي الي كان  قاعدين قال خلاص سبوها حرام وفعلا قعدت ولما قعدت سألتهم سؤال واحد بس انتم مش بتحبوني ليه عارفين كان الرد فظيع لطفله يعني في ابتدائي6المفروض قال واحد فيهم علشان انتي بارده والتاني قالت علشان انتي وشتمت والتالت قال رخمه تقريبا محدش قال إني شخص كويس مع اني كنت في حالي ولا عمري اتكلمت عن حد ولا اي حاجه بس كنت محترمه وفي حالي ممكن ده الي معجبهم وبس لو عايزين تعرفوا انا عملت اي علشان اكون انسانه احسن ومبقوش يهموني وزوت ثقتي بنفسي ابعتوا

Sugar_25534 🇪🇬 · Answer

صاحبت واحدة من سنتين ظنا مني انها حد محترم وهيي كانت دايما تقولي انها من عيلة متدينة وان اخواتها الولاد مركزين معاها والكلام ده خدت بالي في بداية صحوبيتي ليها انها كانت بتشتم من تحت لتحت وتجاهلت الموضوع لاني كنت بحبها وخدت بالي كمان ان نظرة الناس ليها انها الحد الضايع اللي مش فارق معاه حاجة وتجاهلت ده برضو لحد ما جه يوم عرفت انها وصحابها سمعتهم وحشة انهم الشلة الضايعة البلطجية وضربت بنت قبل كده وقعدوا يتنمروا عليها ويقولولها يا ام ضب وسمعتها بتشتمها بأهلها شتيمة ولا مرة سمعتها بتشتمها (بالاهل) وانا كمت واقفة في مكاني مش مصدقة انها قالت كده المهم جت اجازة السنة ومكلمتهاش خالص رغم اننا كنا بنتكلم ٢٤ ساعة وجيت قبل ما تبدأ سنة جديدة كلمتها وقطعت علاقتي بيها وكتبتلها كلام كتير وردت عليه بكلمة واحدة بس(ماشي) بعد ما بعدت عن البنت دي عرفت بعدها بفترة انها فضلت سنة كاملة تقريبا هي وصحابها بيتكلموا عليا وعرفت انها اتكلمت عليا في بيت واحدة صاحبتنا تانية قدام اهلها وقالتلها فلانة دي( اللي هي انا) خبيثة وبتحب تظهر وبس(لاني كنت بذاكر وهي لا وكان مستوايا اعلى منها دراسيا فكانت شايفاني بذاكر لمجرد اني ابان جامدة) وشتمتني بأهلي واهل صاحبتي كانوا سامعين وكل ده انا لما سمعته اتصدمت ازاي اتقلبت ١٨٠ درجة لمجرد اني بعدت عنها وطلعت شخص تاني وبمجرد اني نهيت علاقتي بيها طلعت كل الوحش اللي جواها من ناحيتي هل انا ندمانة اني قطعت علاقتي بيها؟ لا ولكن احيانا بفتكر صحوبيتنا كانت جامدة ازاي وازعل اني بعدت عنها بس بمجرد ما بفتكر كلامها عليا بتأكد ان اللي عملته كان الصح دي قصة واحدة من قصتين
القصة التانية ان صاحبتي اللي كتبت فوق ان البنت اتكلمت عليا في بيتها كانت صاحبتي جدا بعد ما قطعنا مع البنت دي وكنا قريبين اوي رغم الحاجات اللي كانت بتضايقني فيها وكنت بتجاهلها لان محدش كامل كده كده ولكن مع الوقت وان شخصيتها واسلوبها الحقيقي بدأ يظهر بقيت فعلا اتضايق واتخنق منها ومن الحاجات اللي كانت بتضايقني انها طلعت حد بيشتم كتير لما خدت راحتها في الكلام معايا وكانت بتشتم بالاهل وتقعد تقولي شوفتي فلانة بنت الكذا عملت فولو لفلان وهي صوتها عالي ولما بتشتم الناس بتاخد بالها وبيبصولنا وببقى انا في شبهة اني مش محترمة لاني معاها علطول وكانت حد كثير التعليق على كل حاجة بتحصل كل ما مدرس يشرح حاجة تتريق عليه او على اللي قاله او ايا كان بس مينفعش تفضل ساكتة زي باقي الناس وكانت بتتكلم على ناس انهاردة وبكرة تاخدهم بالحضن وكانت حاجة لاحظتها فيها جدا وسبب تاني وده كانت اكتر حاجة بتخنقني منها انها دايما حاطة نفسها في سباق ومقارنة معايا وتضايق جدا لو كنت اعلى منها في درجاتي مثلا وتقولي عاش وبصتها كلها انها متضايقة جدا وتقعد تسألني جبتي كام وهي متقولش درجتها وصلتي فين في المادة الفلانية وهي متقولش برضو هي وصلت فين بتداري على شمعتها بس انا لا ازاي واختها واختي كانوا ثانوية السنة اللي فاتت فسألتني على نتيجة اختي وقولتلها وسالتها على نتيجة اختها توهت وبعدها قالتلي لا لا بس حلو فقولتلها اعلى من ٨٠ اكيد (قولت كده لانها كانت قايلة كتير ان اختها شاطرة جدا) فقالتلي اه اعلى من ٨٠ المهم بعدها عرفت من واحدة تانية ان اختها جايبه اقل من ٨٠ وكده كده الموضوع ميفرقليش في شيء ولكن مكنش ليه داعي التحوير لانه فعلا ميهمنيش وغيرها من المواقف الكتير اللي بتضايقني منها فبعدت عنها من غير ما ابرر لان لما بررت قبل كده دافعت عن نفسها وبس فبعدت بهدوء المرة دي جت سألت عن السبب وبعتتلها وقعدت تتكلم كتير وتقولي انتي بتطلعيني فيا عيوب وانتي لا ومش عارفة ايه فقولتلها انت سألتي عن السبب وانا قولت مش اكتر ولا اقل فقالتلي اني متكبرة وانا بنقي الناس اللي من مستوايا وكلام كتير كده المهم جت في مرة عرفت انها كانت بتتكلم عليا مع واحدة صاحبتي ولما جينا نمشي اخدتني بالحضن وسلمت عليا واستغربت جدا ازاي الانسان ممكن يكون بوشين للدرجة ؟ لسة كانت جوا بتتكلم عليا مع واحدة ولما طلعنا خدتني بالحضن؟!!! 
وكانت بتبعت لواحدة صاحبتي كلام كتير عني وتقولها انا ممكن امسح بيها الارض(بيا انا يعني) وفي نفس ذات اللحظة بتبعتلي انا ده انا كنت بحبك ومش عارفة ايه !! 
ولحد الان الموضوع مخلصش ولكن خلاصة الموضوعين اوعوا تقربوا من حد لدرجة كبيرة لان معظمهم الا من رحم الله هيطلعوا دروس يعلموك متثقش في الناس تاني وابسط مثال هما الاتنين دول كانوا معايا بوش واول ما اديتهم ضهري كان ليهم وش تاني

Coffee_38515 🇪🇬 · Answer

و انا كنت فى تالتة اعدادى كنت ماشى مع شلة مكونة من 8 اصحاب و كدة و كنا زى ماتقول شلة مكونة من رئيس والرئيس ده كان بيشرب veb و كان كل يوم لازم يدى حد ال veb شوية ويشفط منها و كان بيزعل منى اوى لما مبرضاش و كل يوم كان بيعمل نفس الموضوع لحد مبوظ صحابى كلهم و باظت اخلأهم و دلوقتى هم بيشربوا سجاير وحاجات كدة و انا الحمدلله بعدت عنهم و ربنا يهديهم

Strawberry_41793 🇪🇬 · Answer

طول عمرك كنت بخاف احتك بأي ولد لأن والدتى دايما مش بتخلينا نختلط بأى حد من قرايبنا لأننا بنات ومعنداش اخوات ولاد كانت بتخاف علينا اوى لحد موصلت ثانوى انا لقيت عالم تانى خالص غير اللى كنت عايشه فيه سوشيال ميديا وقرفها ولما صاحبت ناس كانوا كلهم اللى بتكلم شاب واللى بتعمل كذا فى شكلها علشان تعجب الولد الفلانى وانا كنت الغريبه فى وسطهم مكنتش بتعامل مع اى ولد تحت اى مسمي لحد ملقيت إن كله حواليا كده ليه انا مش كده ف الشيطان عمانى وبعتت لولد وكلمته وبعدين مسحته من عندى علشان كنت خايفه من ماما وبابا وبعدين فى شاب دخل كلمنى للأسف زى اى واحده عبيطه عجبها الاهتمام شاركته فى الكلام واتكلمنا فتره مكنتش بقول اى كلام وحش كله عن الحب والكلام الفاضي ده وصحابى بقوا مبسوطين انى مبقستش مقفله ولا غريبه وسطهم مكنتش بقول ألفاظ نهائي بقيت بقول ألفاظ مش كويسه عملت حاحات غلط كتير ولما أدركت أن ايه اللى انا بعمله ده مسحت كل حاجه غلط وصحابى عرفتهم انى مش هبقى كده وليست الحجاب الشرعى وبقيت قريبه من ربنا مبقيتش بقول كلام وحش عرفتهم أن اللى هتقولى اى كلمه وحشه مش هكلمها تانى وبطلت اسمع اغاني وربنا هدانى بس كنت يجاهد علشان مرجعش ولو رجعت لحاحه من دول كنت يتوب عنها ويتمنى ربنا يقبل توبتى انا عملت كده لأنى مكنتش اعرف غير اللى بيعملوا الغلط مصاحبتش ناس صح كل اللى صاحبتهم كانوا غلط لو رجع بيا الزمن عمرى معمل كده تانى لأنى ندمانه لحد دلوقتى

Mushroom_37399 🇪🇬 · Answer

كانت تجربة صعبه لانى صحبت بنت كانت ليها علقات مع شباب كتير وكانت دايما عيزانى اعمل زيها ولو  فى ولد كان يدخل يكلمنى وقلها كانت تقلى كلمى وعادي والكل كده انا طبعاً كنت برفض وفى مره اقنعتى بكده لحد مكلمت معاه بس بعد كده ركزت فى الى عملته ولومت نفسي جامد والحمدلله محصلش الكلام ده تانى المشكله انى بحبها مبثقش فى حد كدها فى نفس الوقت خايفه ابقا زيها دا غير انى بقيت جريئه شويه وصوتى بقا يعني منغير مقصد تنصحونى بايه اكمل معاها اولا؟

Cherry_33009 🇰🇼 · Answer

درست سنة بتركيا، و خلال وجودي هونيك تعرفت على بنتين عرب من جنسية معينة، سكنوا معي لمدة شهر واحد بس، بقدر احكي انه كان اسوأ شهر مر علي اطلاقاً، كانوا وسخين و قذرين و اكتشفت انهم كانوا يشربوا بالبيت بالوقت اللي انا بكون فيه بالجامعة، بس الطامة الكبرى كانت انهم كانوا ملحدين، و كانت وحدة فيهم حافظة ١٥ جزء من القرآن الكريم، كانت بتتمشى بالبيت و تقرأ قرآن بصوت عالي بس بطريقة ما كانت مريحة بالمرة، كانت مرعبة، و كانوا دايماً بيحاولوا يناقشوني بأمور الدين و يثبتولي انه مافي اله (استغفر الله العظيم) حتى لما كنت بعصب و بحكيلهم خلاص لا تناقشوني وانه انا ما بدي احكي بهيك موضوع كانوا يتخانقوا معي و يسبوا الدين و الرسول (استغفر الله العظيم) و كنت كل ما بطردهم بيحكولي عطينا يومين بس نضب اغراضنا و ننتقل و اليومين يقلبوا ثلاثة و اربعة و اسبوع، لحد ما قلتلهم معاكم ساعتين تضبوا اغراضكم و تنقلعوا ولا راح اتصل بالشرطة، دخلت غرفتي و سكرت الباب و بعد ساعتين سمعتهم طالعين فطلعت من الغرفة و اتفاجأت انهم مغرقين البيت ماي، حرفياً البيت كله ماي السجاد و الكنب و الاثاث، و سارقين بنطلون و جاكيت و فلوس و اواني مطبخ، حرفياً لاعنين ابو خير البيت، حسبي الله و نعم الوكيل، عدت ٣ سنوات على هالحادثة بس احس لهلأ مش قادرة اتخطى

Ice Cream_30319 🇪🇬 · Answer

كنت مصاحبه بنات مش كويس مع أن انا بنت معرف عني أن انا حد كويس وكنت بحاول احسن منهم بس للاسف اكتشفت أن هما بيعملوا نفسهم كويس قدامي ومن ورايا هما اسوء بنات في الدفعه بتعوت ولاد وبيكلموا ولاد وانا عرفت وبعدت عنهم دلوقتي مليش علاقه بيهم اصلا ولا بشوفهم حتي .

Coconut_43331 🇸🇦 · Answer

انا كنت اعرف واحد وكنت مفكره صاحبي ومحترم وكانو اهلي مفكرين انو محترم واهلو كمان واكتشفت انه بيشرب سجائر وبقيت ببعد عنه من غير مايحس يعني هو يقولي تعالي نخرج اقولو انا تعبان او يذاكر وبتوه منه واهلي لو عرفوا انو بيشرب سجائر هيضربوني ويقلولي انت كنت بتشرب معاه وساعتا مش هيسدقوني اعمل ايه 💕

Tofu_49479 🇪🇬 · Answer

كان عندي صحبه نرجسيه جدا هى مكنتش كده بس مش عارفه لما صحبته جامد بانت شخصيتها الحقيقه والله العظيم كانت ندله بمعنى الكلمه ديما والله كنت بعمل معاه مواقف تدل على جدعتنى وحبى ليه لدرجه ف مره قلتلى انتي طيبه وهبله مش جدعنه  دى  من يومهابقيت ببعد عنه والله انا ندمت انى عرفت انسانه اسغلاليه زيه الحمدلله بعدت عنها وحياتى احسن بكتير عشان حرفيا الصاحب ساحب ديما اختارو صحابكم بعنايه ولو مش لقيتو ال يشبهكم والله لو قعدتوا بدون اصحاب احسن من العلاقات السامه دى