ازاي عرفت او حددت هدفك أو حلمك؟

Question

عرفتو ازاي احلامك ولا حددتو هدفكم ازاي؟ يعني هتستسلمو زيي للكلية اللي دخلتها وتجتهد في قسم انت متعرفش بتحبه ولا لا

Coffee_21153 🇪🇬 · Answer

انا اختار حلمي والعياذ بالله
انا نازل من بطن امي وختموا على جبهتي اني هطلع دكتور عافيه 😂
السنه اللي فاتت بقول خالي انا عايز اخش رياضه بيقولي هتعمل اي هتطلع مهندس
انا المهندس بديك درس اهو
اقنعني بصراحة 😂
المهم بعيدا عن الهزار انا اللي حابب الهدف محدش جابرني عليه
وراضي باي حاجه تحصل وواثق بالله وعندي يقين انه هيراضيني
ثانويه عامه 2025 ادعولي ولكم المثل ❤️

Mango_15394 🇶🇦 · Answer

أنا دايما ماما بتقلل مني و شايفه اني قليله في كل حاجه واني مليش هدف ولا عارفه أنا عايزه ابقا اي لان بابا عايزني ابقا مهندسه و دايما حاطط في عقلي النقطه دي من وانا صغيره 
بس أنا دايما شايفه اني بحب الرياضيات و الفيزياء واني ننفع في هندسه و بدخل كلام والدتي من هنا وأخرجه من هنا لاني فعلا دورت و بحثت و لقيت ان انسب مجال ليا هو المدني 
بس محتاره بينها و بين الحاسوب عشان ال💸💸

Ice Cream_20764 🇪🇬 · Answer

طول عمري مكانش ليا هدف ولا حلم نفسي اوصلو، حتي لما دخلت ثانويه عامه والمفروض ابقي محدده حلمي قدامي عشان اسعي اني اوصلو وكدا مكنتش عارفه نفسي ادخل ايه، لغايه ما ف يوم عديت علي مستر الابتدائي بتاعي كنت بحبو اوي المهم انو فضل يشجعني ويقولي كلام كتير كدا ولما سألني نفسك تدخلي ايه قولتلو والله معرفش اللي كاتبو ربنا خير بس المهم اجيب مجموع حلو قالي مينفعش لازم تحطي هدف قدامك وانا عن نفسي شايفك ي دكتوره اسنان ي صيدلانيه، لما روحت فضلت افكر ازاي انا لغايه دلوقتي مفيش كليه معينه نفسي فيها واشمعني كل الناس بيقولو ان لايق عليا طب اسنان او صيدله، و بما اني بكره اسنان عشان عندنا دكتور أسنان فالعيله خلاني مبقيتش حباها ف بدأت افكر ف صيدله وابحث عنها واتعرف عليها وكدا وعشان بحب الاحياء والكيميا جدًا ف سبحان الله ف يوم وليله حلمي بقي صيدله وكل ما اتعب او ايأس اتخيلني وانا فالمعمل وبخلط المواد وبشوف التفاعلات ف بتشجع بقي اني اوصل للحلم دا وكان نفسي اقولكم اني ف صيدله حاليًا بس للأسف انا لسه ثانويه عامه وطبعًا عارفه ان فيها مرمطه غير متعه العملي بس اهو اي حاجه تشجعني وخلاص، وبإذن الله بإذن الله بعد سنه من دلوقتي هاجي واقولكم اني بقيت ف صيدله وبقيت بعمل التفاعلات اللي كنت بتخيلها😂💗
ادعولي بقي ربنا يستركم عشان جايبه اخري الفتره دي وطالع عيني عالاخر🥹🥹🥹

Apple_27567 🇪🇬 · Answer

عرفت هدفي بعد وقعات كتييير اوي بجد، وهدفي هو بجد اني ادخل الجنة،بذات ان الدنيا دي فانية، هعمل الي احبه فيها لو مكتوبلي لكن دي مش حياتنا الاساسية، يعني في اية في القرأن الكريم {يَقُولُ يَٰلَيْتَنِى قَدَّمْتُ لِحَيَاتِى] 
يعني حياتنا دي فانية بنعمل فيها الي هينفعنا في اخرتنا، مفيش حاجة اسمها عادي وخليكم Open minded، ومتجيش تقولي ما كل الناس بتعمل كدا، مهما انتشر الحرام هيفضل حرام حتي لو فضلت انت او انتِ بس الي تعملوه، هو حرام، حتي لو لوحدكم، 
وإِذا خَلَوتَ بِرِيبَةٍ في ظُلمَةٍ
والنَفسُ داعيَةٌ إلى الطُغيانِ
فاِستَحِ مِن نَظَرِ الإِلَهِ وقل لها
إنَّ الَّذي خَلَقَ الظَلامَ يَراني♡"

Watermelon_27719 🇲🇦 · Answer

ضيعت3 سنين من حياتي فتخصص مبحبهوش و مكنش مستوعبة ده و كنت فاكر اني غبية بس و فاشلة في الدراسة و ده لي خلاني اسيب التعليم و أقعد في البيت سنتين مبعملش حاجة غير شغل البيت. 
نفسيتي بقت في النازل. 
في السنة التانية من قعدتي في البيت فكرت ان انا احسن الإنجليزي بتاعي الي ماشتغلتش عليه من 4 سنين من أيام الثانوي ( في المغرب الدراسة بعد الثانوي بتبقا بالفرنسي مش الإنجليزي ) 
فأخدت كورسات من النت و بدأت أتعلم و كنت بحب الوقت ده من يومي جدا. 
و لما اكون مع اهلي و تطلع أخبار او وثائقي او برنامج بالإنجليزي كان بابا يقولي ترجمي . و كنت بعمل كدة و أقعد أترجم و انا جوايا فرشات .
في مرة كنت بسكرول على التيك توك و لقيت واحد بيقول " لو عايز تعرف شغفك و تلاقي حلمك . إسأل نفسك . ايه الحاجة لي شايف نفسك قادر تعملها كل يوم للآخر يوم فحياتك حتى لو بلا مقابل "
و أول حاجة جت فبالي وقتها قعدتي جنب بابا و انا بترجملو الأخبار 
قفلت بعدها الموبايل و بدأت ادور
-ايه هي الترجمة و انواعها 
- ازاي ابقا مترجم
-فين اقدر ادرس الترجمة .....
دورت لساعات و انا جوايا فرحة متتوصفش 
زي لما تبقا تايه فصحرا كل لي حوليك رمال و مش عارف فين الشرق من الغرب من الشمال من الجنوب .. الإتجاهات كلها داخلة فبعضها 
فجأة تلاقي صوت عربيات جاي من بعيد و طريق ظهر قدامك ...
لقيت عوائق كتير بس زي العسل على قلبي 💗 
اولها ان لازمني شهادة بكالوريا ( ثانوية عامة) أدبي بدل العلمي . أضطريت اني اعدي إمتحان الثانوي تاني .. عديتو و نجحت 
و عملت كلية لغات و دلوقتي انا بدرس فيها عشان احصل بكالوريوس أدب إنجليزي و أعمل ماستر ترجمة فورية 
أدعولي ❤️❤️❤️

Coffee_27700 🇪🇬 · Answer

بالتجربة، درست حاجة مش حاببها وكنت داخلها عشان مجموعي عالي ولازم أدخلها بناء على رغبة الأهل والمجتمع. بس وقت الدراسة شاركت في جمعيات خيرية وأنشطة طلابية كتير جربت فيها التسويق والتصميم والإدارة وال hr و pr وحاجات كتير خلتني اكتشف شغفي وموهبتي والحاجة اللي بحبها. وبعد التخرج الحمد لله عمل شيفت للكارير

Potato_28208 🇴🇲 · Answer

انا انسانه احب القطط جداااا ولكن ما اتعامل معهم كثير لان امي ما ترضى نجيب قطط وفي مره جاتنا قطوه صغيره يمكن عمرها شهر تقريبا واول يوم جاتنا فيه كان يصادف يوم الجمعه ٧/ يناير. كنت مستانسه عليهاااا مره وكنت طول اليوم جالسه عندها واليوم اللي بعده ما رحت لها لاني نسيتها وتذكرتها العصر ولما رحت لها شفت منظر جمدني بمكاني وبكيت بحرقه (كان بطنها مشقوق وامعائها طالعه وكانت تحاول تمشي لكنها مو قاده وكانت ترجف )صارلها كذا بسبب قطاوه الحاره . هذا المنظر خلاني اشعر بعجز شديييييد جدا جدا بسبب اني ما كنت قادره اساعدها واهلي ما كانوا راضين ياخذونها العياده هذاك اليوم كرهت اهلي وكرهتني وكرهت الحيوانات. انغرس في عقلي هذا الموقف حتى إني إلى الآن اتذكر الريحة اللي كنت اشمها وقتها وكل ما اشم ريحة مشابهه لها ابكي وانهار صحيح اني ما قعدت معها غير يوم واحد إلا ان منظرها وهيه عاجزه وترجف بمكانها كان محزن جدا . 
ومن هذا اليوم وعدت نفسي اني ادخل طب بيطري وماراح اتراجع بأذن الله مع اني شفت قد ايش الموضوع صعب ومافي غير جامعه وحده في دولتنا فيها هذا التخصص إلا اني راح احاول جاهده إني ادخله دعواتكم لي…