لو كنت حد عصبي وعرفت تسيطر على الموضوع احكي ازاي؟ وازاي نسيطر ان احنا منعبرش عنها بعنف؟

بطبيعتي معروف عنى ان انفاعليه زياده عن اللزوم هى مكنتش عصبيه قد م هى انفعال لما اتكلم مع حد واحسه بدأ يستفزنى او كدا من غير اى مشاكل لكن بدأت تزيد من اول الدراسه مع الضغط والتعب النفسي وان م لاقيه حد احكيله او كدا والكتمان او تراكمات زادت عن الاول فبدأت كل م حد يتكلم معايا انفعل عليه واتعصب وصوتى بيعلي غصب عنى ودى حاجه غير مريحه بالنسبه ليا لأن بكره الصوت العالى اصلا ف ابقا انا مصدر ازعاج لنفسي غير مريح ليا طبعا بما ان بدأت عصبيتي تزيد الفتره دى بالذات ف بدأت انفعل ع اتفه الاسباب سواء ف البيت مع صحابى مع خواتى وكل م انفعل بحاول اهدى نفسي ودا اثر عليا بشكل ان ايدى بدأت تترعش لوحدها وهكذا رجلى فجأه ف بجد اى حد حاول تتخلص من تراكماتك بأى طريقه متعملش زى لان هتعرف بعد كدا ان دا كان غلط متخبيش شوف حد قريب ليك واحكيله لكن ف حالتى انا بكتم زياده ف م بحب احكى ابدا لأن شايفه ان مهما حكيت محدش هيهتم ودا فعلا واكتشفت كدا ان فعلا محدش هيسمعنى وان ملقتش الى يسمعك قرب من ربنا وصلي واشكيله هو ارحم بيك من العباد محدش هيحس بوجعك وتعبك مهما حكيت محدش هيفهم شعورك غيره

ممكن تشوفوها حاجه متتصدقش بس انا عمري م اتعصبت. اه بجد عمري م اتعصبت ولا خدت حاجه بجديه ابدا احيانا بيكون نفسي اتعصب اجرب الشعور ده واحيانا بردو بحمد ربنا علي النعمه الي ان فيها دي ده لدرجه صحابي بيقعدوا يستفزوني ويعملوا اي حاجه عشان يعصبوني بجد ده انا بقيت تلاجه متحركه

الموضوع ده كان بقالي سنين بعاني منه لحد ما لقيت الحل من فترة قريبة اني اروح اعمل رياضة لما دورت لقيت ان العصبية بتيجي من كتمان في المشاعر الي بتالي بيبقي عندك طاقة غضب كبيرة بتطلع ف الحل ان الطاقة دي تتوجه لمكان تاني يكون بياخد طاقة الي هي تعتبر سلبية بجانب الهرمونات الي بيتم افرازها بحيث ترجع البيت مثلا مش قادر حتي تتعصب من المجهود الي تم بذله في الرياضة و هكذا كل يوم هتلاقي نفسك لوحدك كده بقيت احسن ان شاء الله

بستعيذ بالله من الشيطان وبحاول ابعد عن المصدر اللي مخليني متعصبه .. وساعات بسمع قرآن عشان اهدى شويه او اتوضى بجد الوضوء بيفرق اوي في الموضوع دا .. ومتنسوش ان إلا بذكر الله تطمئن القلوب اذكرو ربنا استغفروا سبحوا حولقوا ولا ارادي العصبيه هتروح منكم عن تجربه وحاولو على قد ما تقدرو متاخدوش اي تصرف او تقولو اي شيء اثناء عصبيتكم لأنو دا بيبقى اكبر وقت هتندم بعده على اي حاجه هتعملها .. انا كنت دايما بزعق لـ اهلي وبرجع فعلا اندم على دا لأنه كبيره من الكبائر .. فـ نصيحه متتصرفوش وانتو متعصبين

ازاي بتتعاملوا مع العصبية اللي بتأثر عليكم نفسيا؟

Coffee_26413 🇪🇬

منذ 8 أشهر

شعور محبط

مؤخراً بقي عندي anger issues بجد صعبه اوي و اقل حاجه بتعصبني و تخليني عايزه اكسر اي حاجه قدامي او اضرب اللي قدامي حرفياً و بحس اني مجنونه وقتها و لو حد اتكلم معايا بحس ان خلاص نهايه العالم و هتجنن اكتر و للاسف مش عارفه ازاي اسيطر عليها بقالي سنه ونص في الحاله دي و مش عارفه اخرج منها ولا ابطل ابقي ع

Coffee_27371 🇪🇬 فالاغلب انتى سكتى كتير وعديتى مواقف صعبه وجيتى ع نفسك فجه الانفجار ده من كتر التحمل حاولى تكتبى كل مشاعرك واى موقف واقعد شويع مع نفسك وخلى دايرتك فيه ناس مريحه متضغطكيش الفترة ديه شوفى هوايه بتحبى تعمليها طلعى فيها طاقتك حاولى تتمشى كل يوم فيه تمارين تنفس عاليوتيوب اعمليها

عرض الكل 1 نصيحة