ممكن الواحد يحب حد اكتر من نفسه ؟

Plum_26593 🇪🇬's موضوع

احكي عن شخص معين حبيته اكتر من نفسك أو درجه عميقه اوي من الحب ومش شرط يبقى حب ارتباط قصدي حب مودة عمتا مع اي حد .

Coffee_85613 🇪🇬

منذ 4 ثوانٍ

شعور وحيد

عاوز ابدأ علاقه مع بنت تشاركني نفس التوجه والاهتمامات نسمع بعض ونحتوي بعض ونمتع بعض بسدلها احتياجها العاطفي والنفسي بشررط نكتفي ببعض انا بس لواحده وهي كمان تكون زيي الي حاسه انها محتاجه فرصه جدید تعيش تجربة جديدة زيي تكلمني عن اهتماماتها وعن ميولها ونشوف إذا هتكون مرتاحه ولا لا ويارييت الاقي واحدة ت

Strawberry_86551 🇪🇬

منذ 15 دقيقة

شعور مستنزف

عبّر عن شعورك بشكل مجهول

حصل معايا موقف معايا ومش عارفه اعمل ايه اخد حقي ولا اسيبه ل ربنا وربنا هو اللي يجيبلي حقي انا عرفته من ابلكشين  وعرفنا بعض سنة أو سنتين وكنا بنتقابل وكنا صحاب وكدا معرفش اعجبت بيه أو حبيته علي ايه  ممكن اكون كنت داخلة في حالة حب اني هحبه والحمدلله جت من عند ربنا 
وغريب بقا أن بيتاخر في الرد كان ممكن يقعد ب الاسبوع مش يرد ويجي يرد الكلام علي القد وانا اكره الرد المتاخر 
ولي واحدة صحبته اكبر منه عندها ٣٦ وكدا كنا بنتخانق بسبها وغريب شوية كلام حلو وشوية كلام زفت وخرا ومعاملة غريب شوية تحسه حلو وتحس يرمي كلام زي الزفت
ف كنا بنتخانق ونرجع وانا مش فاهمة انا ايه في حياته اصلا وكدا . شوية بحبك وحشتيني وشوية كلام علي القد 
وخرجنا مع بعض من قريب يعني بعد بحبك وحشتيني والكلام بتاع الحب ده وعادي 
ف كان بقاله كام يوم مش بيرد وانا حاسة ب حاجة رنيت عليه كذا مرة ينكسل قول ياترا اييه بقا طالع خارج مع واحدة تانية ومرتبط بيها وهيخطبها ولما قولته انت بتفكر فيا  ك خطوبة قالي مش جاهز والبنت تقولي هو كلم مامته عليها وكلم ابن خالتها ومامتها وانا لما قولتله كلمت حد عليا مامتك حد من أهلك كدا قالي لا . ف حقيقي حسبنت عليه بجد حسبنت عليه.ف سبحان الله هي جت من عند ربنا كنت اتعقلت سيكا  بس اشطا بعرف اتخطي علطول بس حسبنت عليه كتير حرفيا
لا وانا ايه بقا علشان جابلي هدية في عيد ميلادي لما كنا صحاب وكدا
انا بقا عيد ميلاده الشهر الجاي عاملة اسال صحابي علي هدية حلوة لي واختار مكان علشان افجاه وكدا ف سبحان الله حقيقي 
والحمد لله واه البنت اللي مرتبط بيها كلمتني وكلمتها وطلع ملحد وهم اتعرفوا علي بعض في حاجة اسمها جروب الانجابين يعني اللي هم مش هيخلفوا للابد وهي طلعت ملحدة زيه ومش هتخلف للابد بتقولي كدا بقولها يعني انتي ملحدة زيه هي قالتلي حاجة زي  كدا  ف الحمدلله بجد 
انا خدت الصدمة بقا أنا مكنتش اعرف كل ده وعرفت من البنت 
وهو كان غريب بجد يعني هادي وساكت وانا كل شوية أقوله يابني خليك جد وهادي مع الناس وتافه معايا  ف كنت مستغربه حقيقي ووحياتك كنت مش عارفة احنا مرتبطين ولا انا في حيااااته شوية حلو وشوية غريب والله ما كنت فاهمة اناااا ايه في حياته لا وانا بقولها بس مامته محجبة واخته كانت بشعرها بس اتحجبت  ف بتقولي ملهاش علاقة طب اززززززي ياجدعان 
والهدية اللي كان يجيبلي في عيد ميلادي برفان وانا لما كنا بنتخانق ونرجع كنت بقوله هرجعها مع صحبتي وهو عارف صحبتي وانا بعد اللي حصل عايزة ارجعها أو كسرها أو اولع فيها
لا يعني الواحد بقا عنده تروما أو اترست يشوز زي ما بتقولوا 🙂😂😂😂😂😂 جاه هو قفلها بقا 
اللي هو علي راي ايمان العاصي في مسلسل  جعفر العمدة لا تتقفل كبيرة قافلة تليق بيا😂😂😂😂😂😂😂😂
ف أنا مكنتش فاهمة انا في حياته مرتبطين ولا صحاب ف الحمد لله على كل حال ف مش عارفة ايه هو مش فارق معايا بس زعلانة علي نفسي وعلي اللي عمله فيا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_55656 🇪🇬

منذ 35 دقيقة

شعور مستنزف

انا اكتشفت اكتشاف صعب اوي اني عمري ماحد اختارني عمري ماكنت الخيار الاول ف حياة حد ولا صاحبة اختارتني ولا زوج اختارني ولا حتى حبيب اختارني أنا اللي كنت يا اما بفرض نفسي على الشخص يااما برمي نفسي عليه يااما بصعبه عليا وعلى حالي يااما ليه عندي مصلحه أنا عمري ماحد اختارني علشان شخصيتي ولا شكلي أنا وحي

Ice Cream_61082 🇪🇬

منذ 41 دقيقة

شعور شاعر بالملل

انا بخلص الشغل وبطلع على القهوة يلاقي واحد قاعد فى التربيزة إلى جنبي يوم فى التاني بقينا اصدقاء قهوة وينقيم الناس الجديدة إلى بشتغل فى المكان عادي يعني المهم انا بروح القهوة بليل وبفضل قاعد للصبح وهو نفس الموضوع كنت فاكر انوا من سني ولكن اكتشفت انوا اكبر مني ب ١٤ سنه وطبعا احنا علاقتنا سطحية ب

Coffee_85613 🇪🇬

منذ ساعة واحدة

شعور خجول

عاوز ابدأ علاقه مع بنت تشاركني نفس التوجه والاهتمامات نسمع بعض ونحتوي بعض ونمتع بعض بسدلها احتياجها العاطفي والنفسي بشررط نكتفي ببعض انا بس لواحده وهي كمان تكون زيي الي حاسه انها محتاحه فرصه جديد تعيش تجربة جديدة زيي تكلمني عن اهتماماتها وعن ميولها ونشوف إذا هتكون مرتاحه ولا لا ويارييت الاقي واحدة ت

Lemon_61865 🇪🇬

منذ ساعة واحدة

شعور مذنب

عبّر عن شعورك بشكل مجهول

انهارده هحكيلكم حكايه حصلت في حياتي و يعني عاوز تحكموا فيها هي ممكن تكون طويله شويه بس حابب احكيها عشان اكون خرجت كل الي جوايا و استريحت انا واحد عمره ما حب ولا جرب الحب عايش في وسط جيل كله بيحب و بيرتيطوا ممكن كانت كل فكرتي عن الحب اتنين بيحبوا بعض كدا و خلاص حسيت اني عاوز اجرب الموضوع الارتباط و كدا بس قولت يعني فكره الحب دي بعيده شويه ف خليني يعني اجرب اكلم بنت علي الاقل ف دخلت برنامج من البرامج بتاعت الديت دي و التعارف برنامج عادي يعني زي الفيس و كدا ف كان البرنامج تقريبا معظمه ناس كبيره يعني أقل حاجه ١٨ مثلا و انا ١٥ ف الي هو محدش هيرضى يكلمني حتى لو صحاب هيقولك لسه صغير و كدا ف قلت احط صوره حد مشهور انا و اسم حد مش انا كمان دينه مسيحي مش مسلم بس قلت عادي مش هتفرق يعني انا هروح بس اجرب كدا اكلم بنت صحاب و خلاص المهم بعت ل اربع بنات بظبط بنت واحده هي الي ردت المهم ادخل صفحتها الاقيها مسيحيه ف عادي مهتمتش اوي يعني المهم نبدأ نتكلم و نتعرف عادي زي اي اتنين بيتعرفوا اكتشفت انها ١٥ سنه زيي برضوا ف اتصدمت بقى و قلت ما اقولها ان ده مش انا و خلاص و اكلمها ف قولتلها لنفسي مش مهم يعني مش هتفرق اوي لو قولت او لا كدا كدا نص ساعه و هتزهق و هتنام ده كان كله كدا الساعه ٦ الصبح المهم اكلمها كدا ساعه ساعتين و اقفل معاها و عادي بس عندي احساس غريب اول مره اجرب اكلم بنت و البنت بتتكلم معايا و بتعرف و كدا حاجه جديده عليا بقى و كدا ف كان احساس حلو اوي المهم يوم اتنين تلاته كل يوم بنتكلم مده اطول بقى و بنعرف بعض اكثر كنت بعرفها عن حياتي الطبيعيه بس بشخصيه الشخص الي انا منتحله و بقول منتحله عشان انا باكد من الاول كدا ان ده غلط مش صح يعني المهم بجي اليوم الرابع علي الساعه ٩ بليل كدا كانت بتحكيلي عن حاجه في حياتها مزعلاها و كدا ف كانت لقتني عمال بشجعها و بسمعها و بديها حلول ف قامت سألتني كدا هو انت بتعمل معايا ليه كدا او يعني ليه حابب تشجعني هي لقت حد بيدعمها و كدا ف لقيت نفسي كدا سكت فجأه و مش عارف اجاوب طب هو انا فعلا بعمل ليه كدا لقيت نفسي حاسس بيكي يعتبر انجذاب كدا بسيط اويي او مش عارف ده ايه بصراحه بس عادي الي هو متقبل اوي اسمعها و اكلمها منغير ما ازهق ف ترجمته في حب بما اني حاسس بانجذاب خفيف كدا و بقولها خفيف عشان حرفيا يعتبر حبي ليها ده ميتقارنش بال الي جاي خالص المهم قولتلها بعمل كدا عشان حاجه هقولهالك بعدين ف قولت يعني ممكن بعدين لو حسيت اكثر بحب اكثر او انجذاب اكثر اني اقولها ف قالتلي عندي فضول بصراحه اعرف ف بس مسكت في كلمه فضول دي و اتشجعت و اديتها واحده بصي انا بحبك ازاي و ليه معرفش حتى بقالنا فتره قصيره اربع ايام ف هي كمان اعترفت انها بتحبنيو علفكره البدايه دي كان حبنا لبعض يمكن أقل بكثير من المرحله الي جايه لان فعلا كل ما كان الوقت بيعدي اكثر كان تعلقنا و حبنا بيزيدوا المهم يعدي يوم و التاني و انا ايه بقى عايش اللحظه و مش بفكر ف اي حاجه طب عادي تكمل مع مسيحيه طب و الشخصيه الي منتحلها نكمل شهر و انا بس عايش اللحظه اهتمام بقى و حب و مجهود بقى في كتابه رسايل حلوه تفرحها في اول شهر ده بدات بقى اكتشف شويه من شخصيتها غلطاتها عماله تبدأ تدريجيا و بتكتر بس انا كنت عادي مكمل و بسامح و معمي هو حرفيا كنت معمي انا واحد بيضيع طاقته في حاجه محدش ضامنها اصلا المهم اول شهر يعدي فوقت بقى لقيت نفسي منتحل شخصيه حد و ده حاجه لو عرفتها ممكن اكسرها و اخسرها و انا والله الموت كان ارحملي من اني اكسرها برغم انها في اول شهر زعلتني كثير المهم يعني اخترت معترفش و اخترت اني اخبي و افضل اكدب بس مش بنيه اني بتسلى بنيه اني خايف اكسرها و اخسرها و عشم بقى عشم زياده ممكن نهايه حلوه ممكن اي حاجه تحصل تغير كل ده المهم يجي تاني شهر و الموضوع بقى زي مسؤلية بقى لازم اخلي بالي لحسن تكشفني ف تتكسر و كمان كانت هي بتغلط كثير مش هذكر كل الغلطات بس فعلا انا والله محدش يقدر يستحمل الغلطات دي كانت بتكسر جامد اوي حاجات مفيش راجل يقبل بيها اساسا لدرجه الحوارات وصلت ان بقى فيها شباب بس انا بقيت بعدي و بستحمل بستحمل حاجتين اني اتوجع بدالها عشان مكسرهاش لان اكيد اني احبها في شكل حد غيري ده حاجه تزعلني و كمان بقى انها بتكسرني قبلت غلطاتها و ادتها فرص مش عشان عبيط عشان بحبها فضلت بقى استهلك في طاقتي جامد و كل ده انا قاعد بحلم بقى بحلم اني الاقي في الاخر حاجه ترضيني يمكن حاولت تتخلى عني كثير كانت بتزعلني كثير اوي لدرجه مره نمت معيط بسببها و مش مكسوف و انا بقول كدا انا بس بوريكم اني فعلا والله استحملت كثير طبعا ممكن حد يقولي و فضلت مستحمل ليه كل ده ايه جبرك علي كل ده غلطات و كمان بتتوجع بدالها طب ما تقولها و توجعها مثلا زي ما وجعتك كثير لا مكنتش عاوز كدا كنت بحبها و خايف اني اكسرها رغم اني كنت بتكسر منها كثير و مش هقول اني مشفتش معاها يوم حلو بالعكس كانت يمكن اغلب أيامنا حلوه بس كانت بتبوظهم بتصرفاتها بقى زعلي عادي و الغلطات عاديه و كلمه اسفه بقت زي اللبانه في بقها كل شويه اسفه اسفه خلاص هي عارفه انا هغلط هو هيسامحني هو ملهوش غيري طب اقولكوا حاجه والله مره كانت عاوزه تسيبني عشان بتغلط كثير يعني يدل ما تعدل من نفسها عاوزه تسيبني و انا زي العبيط اروح امسك فيها و اتحايل بقى لا و خلينا مع بعض و اتأسف و اتأسف كثير و انا الي اصلا عاوز حد يتاسفلي بحاول امسك فيها بكل الطرق مثلا مره قرت رساله و احنا في مكالمه رساله كانت بعتاها للاكس بتاعها و قد ايه بتحبه و عديتها برضوا كنت عبيط اوي بجد و فضلت كدا ٣ شهور كاملين بحاول احافظ عليها و احبها في نفسها قدرت اكون بالنسبالها احسن من ابوها والله يعني انا فعليا عملت حاجات محدش عملها معاها قبل كدا هي نفسها كانت بتسألني بتحبني كدا ازاي من كثر ما هي عارفه ان محدش حبها الحب ده قبل كدا بالشكل الغبي ده و بقول غبي عشان كانت هي بتقابله بالسوء و انا كننت مصمم اكمل حتى و انا عارف ان ممكن النهايه تبقى وحشه عشان كدبت مع اني كنت بحاول مكسرهاش و بضيع في طاقتي كملت برضوا و اكيد مفيش حد بيتسلى او بيلعب هيصيع في طاقته و يعلق نفسه بحد ٣ شهور و يبقى بيحب الكلام معاه اوي و بيفضيله وقت و ببوس علي كرامته عشانه و بيحاول بدل المره الف عشانه عشان بيتسلى لان الي بيتسلى عاوز يطلع منغير خساير هو اسمه بيتسلى تسليه يعني مش هتخسر حاجه منها اما انا فعلا خسرت كثير في حاجه مكنتش ضامنها حاجه كنت بحبها اوي بجد يوم ٣ اكتوبر الساعه ٢ ادتها باسورد الاكونت بتاع التيك توك بتاعي و و هي بتقلب ظهر قدامها صفحه الشخص الي كنت منتحل شخصيته ف فكرت اني مشهور و مخبي عنها ف كان قدامي اكمل تاني في الكدبه ولا اعترف و خلاص ف خلاص قلت هي قفلت اوي كدا و انت مفيش حاجه ف ايدك تاني روح اعترف بقى و شوف هيحصل ايه صدمه بقى و مش عاوزه اعرفك تاني و انت زباله و بلوك و بليل راحت بقى فتحت الاكونت بتاعها خدته عام و نزلت فديو فيه بلبس البيت و الحساب بقى مملي ولاد و الفديو ظهرلي والله و انا قاعد بقلب كدا حاولت بقى تاني بس بشخصيتي بقى الحقيقيه حاولت افهمها عملت ليه كدا و لما بدأت بقى تستوعب شويه كانت في مشكله تانيه و هي الدين هي مسيحيه و انا مسلم فف انا تقريبا في الفتره دي حاولت انا بتكلم بجد يمكن ٤٠ او ٥٠ محاوله بكيت طريقه عشان اطلب منها تحاول عشاني و تتنازل و لو لمره عشاني تتنازل تتنازل يعني قصدي تسامح برضوا هي كمان و تدي فرصه لان فعلا هي كانت بتاخد مني فرص بالهبل فرص متحلمش بيها ولا حد كان ممكن يديها لحد والله لو انا الي كنت بعمل معاها نفس الي هي كانت بتعمله معايا كانت كرهتني و قالت الحقيقه و كسرتني و مهمهاش بس انا برضوا عبيط و كملت ف قولتلها اتنازلي ادتني رد والله يحرق الدم اتنازل؟ اتننازل عن كرامتي ف الي هو اومال انا عمال اعمل ايه بقالي ٣ شهور بجد والله كميه الغلطات الي عملتها محدش يستحملها دي دخلتني في مشكله مليش دعوه بيها عشان خبت عليا انا واحد كنت بحرق مشاعري و طاقتي يمكن صغير علي الكلام ده بس انا انسان و بحس عادي و فعلا نفسيتي باظت بجد انا محاولتش مع حد في الدنيا دي قد ما حاولت معاها ف قعدت احاول مره و اتنين و تلاته و برضوا مش موافقه جت كدا بعدها ب يومين و وافقت نحاول والله معملناش يزم اتلككت عشان متحاولش و قالت هنفشل و عملتلي بلوك يجي اليوم الي بعده عملنا مكالمه و قالت خلاص هحاول بجد نقفل المكالمه الاقيها في الشات تقولي انا خايفه لا هنفشل و لا مش هحاول طب بتعشميني ليه بجد يعني انا لما قولتلها اني بحبها او وعدتها اني مش هسيبها انا فعلا وعدتها بجد مكنتش بستهبل لان فعلا انا عمري ما قولتلها نسيب بعض عمري ما اتخليت عنها دايما كنت بعمل بالوعد دايما كنت افتكر اني وعدتها اني مش هسيبها مهما حصل قعدت بقى تقول النصيب و تدي مبررات للوعد و ايه بقى تكتفي بكدا بعدها ب ١٤ يوم والله ١٤ يوم تطلع كلمت ولد ف جيت اواجهها انا اه مليش دعوه و ميخصنيش بس يعني هي قدرت ازاي لا بجد جالها طاقه ازاي ده الواحد بيموف اون في شهور و دي ١٤ يوم قالتلي لا عشان اثبت لنفسي اني اقدر اعيش منغيرك يعني بدل ما تحاولي تثبتي لنفسك انه عادي ف خلاص اعتبرتها ماتت بالنسبالي يمكن وجعتها و برضوا انا الي عملته مش قليل اني كدبت و الكدب وحش و اني خبيت بس فعلا كل تصرفاتي معاها كانت تشهد اني مكنتش بكدب كدا من فراغ ولا بقى فضلت تعمل ريبوستات بقى اني وحش و عمرها ما شافت يوم حلو معايا و اني خلفت الوعد و هي سيباني و اني مطمرش فيا و انا الي كنت بقدمها الحلو و هي الي كانت بتنيمني زعلان ها واخدين بالكوا مطمرش فيا و بس فضلت بقى تنزل صورها و فديوهات و تقبل شباب و تكلم شباب والله من اول يوم سبنا بعض قامت نزلت صوره و فتحت الاكونت و كل حاجه كنت قايلها عليها لا عملتها و بس يعني انا بس كل الي كان نفسي فيه بجد والله حتى لو كانت حاولت عشاني محاوله فاشله زي ما هي بتقول اننا هنفشل انا كنت محتاج المحاوله دي علي الاقل تحسسني ان تعبي الي كنت بعمله عشان اخليها تفضل معايا اكتر فتره و احافظ عليها طلع له فايده كان نفسي بس تكون باقيه عليا و لو لمره واحده ده كفايه اني كنت بقولها اني مليش غيرها و برضوا سابتني و بس دي قصتي قولولي انتوا بقى ايه رايكو فيها و احكموا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_86476 🇪🇬

منذ ساعة واحدة

شعور مرتبك

انا شاب ٢٨ سنه متزوج واعمل في شركة خاصه مندوب مبيعات والحمدلله كنت بفكر في موضوع السفر ولاكن حولت واتنصب عليه ومش عارف احاول تانى ولا مع العلم انا بردك نقاش وشاطر فيها يعنى ما عنديش مشكله اسافر واشتغل مندوب او فى العماله بس مش لاقى حالى عقد تنصحوني اسافر ولا افضل مستمر جمب زوجتى ولو تنصحوني اسافر ه

Almond_59874 🇪🇬

منذ ساعتين

شعور مرهق

كل ما بدخل فـ علاقة حب أو حتى بحاول أتعرف على ناس جديدة، بلاقي الناس بتستغربني. بحس إن في فرق فـ الأسلوب، فـ التفكير، فـ طريقة الإحساس نفسها. الناس بتبدأ معايا بحماس… حماس يخوفني. وبمجرد ما فضولهم مني يخلص، بيختفوا بهدوء كأنهم ما كانوش موجودين أصلاً. كل مرة بحاول أفتح قلبي، بحس بالقهر، بخاف، وبعيط م

Sugar_52521 🇪🇬

منذ ساعتين

شعور منزعج

عبّر عن شعورك بشكل مجهول

انا نزلت البوست ده تاني عشان محدش رد عليا بحاجه فعلا تساعدني 
في حاجه بتحصل بتعصبني اوي عايز حد يقولي اتصرف ازاي ولا اعمل ابه عشان بجد الموضوع بقى بيخنقني وبيخليني مش مرتاحه انا نومي متلغبط اوي وساعات بنام في نص اليوم وبصحى بليل او انام الصبح واصح بليل كده يعني المهم انا وقت النوم بكون ساعات حرانه ومش عايزه اللبس يعني يكون خانقني فبخفف اللبس شويه و انا عادي قافله الباب عليا زي اي حد بيدخل ينام او يقعد في اوضته المشكله فين بقى المشكله ان ولاد خالتي هو احنا عايشين في بيت عيله فهما ساعات بيجوا عندنا فانا لما ساعات بنام الصبح بلاقيهم بيدخلوا عليا الاوضه وانا بتوتر و بتكسف و غصب عني بتعصب عليهم وبتعصب ان مفيش حد من اهلى بيقولهم لا وانا قولتهم كذا مره بلاش تخليهم يدخلولي وانا نايمه عشان عيب اصلا و انا ذات نفسي قولتهم بلاش تدخلوا وانا نايمه ولما جيت مره قفلت الباب بالمفتاح لما عرفت انهم هيجوا وكنت عايزه انام بابا فضل يزعقلي ويقولي هو انتي بتعملي ايه في الاوضه ومفيش حاجه اسمها تقفلي الباب بالمفتاح وايه يعني ما يدخلوا هما هيعملولك ايه يعني وانا لحد دلوقتي مش لاقيه اصلا سبب انه يتعصب عليا في الموضوع ده كل ده عشان قفلت الباب بالمفتاح يعني بس مش ده موضوعنا انا مش عارفه اعمل ايه بقى حد يرد عليا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.