عمرك حسيت انك بديل او مش كفاية؟

Question

احكيلنا هل عمرك حسيت بالاحساس دا وانك ماكنتش عنصر اساسي في حياة حد

Biscuit_31702 🇪🇬 · Answer

انا وصحبتي ديما بنتكلم واتساب ودروسنا وكل حاجه مع بعض وبنروح ديما ونيجي مع بعض يس لما بيجي حد تاني احنا نعرفو بتتجاهلني تمام ولا كئني موجوده انا دي اكتر حاجه بتعصبني وبتستفذني منها وبجد ديما ديما بتبقي متجاهلنا زي ما قولت لو في طرف تالت او رابع حتي لو عشرين بتبقي مع العشرين وانا الوحيده ال بحس اني مليش لزمه ومفيش اي كلام بيتوجهلي ولما بتكلم او احاول ادخل ف الموضوع صوتي مش بيبقي مسموع من صوتهم او يقولولي اه اه ويكملو موضوعهم وبذات بقي لو باقي الناس ال معانا دول مش صحابي اوي او معرفهمش بيبقي كميه تجاهل رهيبه وانا اصلا معنديش معارف كتير وبنسبه لل صحاب معنديش صحاب غيرها لو بعت عنها هبقي بجد لوحدي هروح واجي بعد كدا لوحدي وهبقي لوحدي في كل حاجه وحاولت بيني وبين نفسي كتير اني اقولها ان الحاجه دي بضايقني بس مقدرتش بحس اني جبانه ومش بحب اواجه حد ولة اقول حاجه مضيقاني وقولت برضو لما اقولها يعني اني بضايق. وبعدين هتقولي انا لاء مش بعمل كدا انا. مش عارف ايه ف بقول خلاص ملهاش لزمه يعني وبرضو لما بيبقي في حد انا اعرفو وبقابلو بخليهم يتعرفو علي بعض ويبقو عارفين بعض وبتكلمو كدا وبحاول علي قد ما اقدر مخليها ولا هي ولا الحد التاني يبقي طرف تالت

Coffee_52367 🇪🇬 · Answer

🙂ولله انا نفسي في نسخه مني في حياتي بس النسخه القديمه لأن النسخه بتاعت دلوقتي يعني عادي بس مش عارفه ترجع زي زمان 
ولله كان في حد بيحبني بس كان شايف إني مش كفايا لمجرد إني بحاول أحافظ علي حدودي و ماذيش حد مع إني في وضع ميسمحش بس تمام يعني حل خير بكره هبقى أحسن

Corn_40481 🇶🇦 · Answer

جدااااااا، مكنش بيفرق معايا الموضوع فالاول لان محدش منهم مهم ليا ولا التوب اصلا عشان ازعل اني بديل عنده، يعني بديل اصلا فطبيعي مزعلش اني بديل، الا لما حبيت حد بجد، مكنتش من النوع الي احب ولا اهتم كده بس بجد اعمل ايه عسل تتحبببب، فبقينا اقرب لبعض من اي حد فالدنيا واجمل شعور ان كل واحد عارف ان منزلته عند الشخص المقابل هي بالزبط منزلته عنده، حاجة مريحة جدا ولطيفة ومش بتخليك تفكر كنير ولا تشغل بالك بأي حاجة ممكن تحصل لان مفيش حاجة هتاثر بينكم.
بس طبعا الحجات بتحصل ومنقدرش نغير كده، ولسه من قريب حسيت بشعور البديل ده واول مره يوجع كده لاني المرادي بجد مهتم وبحبها وكانت الاولوية عندي دايما.
الموضوع بدا لما واحد صاحبي او كان صاحبي، كنا اصحاب احنا التلاتة حتى قبل منرتبط انا وهي فطبيعي مقطعتش معاه وانا على اساس واثق فيه والخ، بس خرب الثقة وراح اعترفلها، هي رفضته اكيد بس حاسس ان المشكلة فيا من ساعتها وانا حاسس ان مكانتي عندها مش زي مكانتها عندي، لو واحده اعترفتلي وهي عارفة اني مرتبط هقطعها معاها على طول لان وساخة اصلا ان الواحد يعترف لحد عنده حد.
لما اعترفلها مطلبتش منها تقطعها معاه ولا حاجة لانه قرارها وبراحتها، وهي اكيد عارفة الصح وانا بثق فيها تماما بجد، ف هي كانت عاوزة متخربش صداقتها معاه ويكملو حتى بعد مرفضته، مقلتش لا وكلمه، بس صاحبي ده طلع واحد ازبل من الي اتوقعته، انا اصلا مكنتش متوقع ابدا انه يعترفلها وانا معاها، لغاية دلوقتي مصدوم من كده، بس هو لسه بيقعد يلمحلها انه احسن وتكون معاه وكده وهي بتحط حدود شوية بشوية معاه.
وفوق كده هو فاكر اني معرفش انه اعترف، هو اعترفلها فاتصال وهي بعتتلي رسايل فوقتها بتقلي انه قاعد يعترف وقالتلي كل الي بيحصل عموما، بس بعد مخلص وكده قلتلها اني عاوز اكلمه فالموضوع عشان كنت مصدوم بجد، بس كانت متوترة ومش عاوزاه يعرف انها قالت عشان متحصلش مشاكل، انا عارف ان الصح اكلمه بس مش عاوز اعمل حاجة تضايقها فقلت حاضر. 
هي بتقلي كل حاجة كل رسايلهم وكله، بس انا معرفش ليه حاسس ان الموضوع كله حسسني  ان مكانتي مش زي مكنت فاكر.
بس متاكد انه كله هيتحسن مع الوقت ونعديها زي مبنعدي حجات اصعب.

Biscuit_50330 🇮🇹 · Answer

اه اول مره احسن اني مش فرقه ف حيات شخص معرفش ليه رغم ان كان في محولات كتير ف الأول بس بعد ما الموضوع خلص مبقاش في محولات تاني خالص ف الحاله دي الواحد بيحس انك مش فارق معاه أو انت كنت فتره معينه و بعد كده خلاص تضيع وقت يعني الموضوع كان صعب اووووي بجد

Avocado_46262 🇪🇬 · Answer

علي طول انا البديل عمري ما كنت الشخصيه الاساسيه في كل حاجه 
حتي في الحاجات اللي المفروض تكون الشخص الرئيسي فيها أو اللي بعمل مجهود فيها جبار و اكون رقم واحد فيها يجي شخص تاني و ياخد الفضل بتاعي و ياخد هو الشو كله ف عمرها مكنت رقم واحد في أي حاجه علي طول بديل سواء في عائلتي بين اصحابي في كليتي في شغلي في كل حاجه و عمر ما حد اكتفي بيا

Apple_15642 🇪🇬 · Answer

انا كنت دايما البديل عمري ما كنت الصاحبة المفضلة بجد لحد حتي لو كانوا بيقولوا كده بس افعالهم كانت بتبين العكس. كل ما احب حد و افتكر ان خلاص كده دي الbest friend بتاعتي اطلع ان انا بالنسبة ليها زي اي حد تاني و ان عندها صاحبة مفضلة

Apple_52997 🇪🇬 · Answer

انا طول عمري البديل وعمري ما كنت الشخص الصح لحد وكل لما بتعلق وبمسك بكل قوتي بلاقط الطرف التاني سايب ايدو واتهريت خذلان ومش بس كنت بديل في علاقه او صحوبية كنت بديل عند اهلي عمري ما كنت رقم واحد عن حد ولا حتي عن اهلي دايما انا مش الشخص المفضل المخذول من اهله لا يشفي ابدا اتمني يجي اليوم والاقي الشخص الا يقدرني بجد واكون عندو رقم واحد

Guava_53495 🇪🇬 · Answer

كنت مرتبط وطلعت فعلا البديل الاقل كمان واختارته هو وانا من الصدمة معرفتش اتصرف خالص ولغاية دلوقتي مش مترجم مشاعري ومش عارف ايه اللي انا عملته غلط رغم انه بيعاملها وحش جدا وكنت انا الطرف الاكثر حماسا بس القلب له احكام

Onion_50139 🇪🇬 · Answer

مش بالظبط بس دايما بحث اني الشخص الثانوي اخر الاولويات ده لو كنت على القايمة اهلي بيحبوني وانا عارف كده كويس وبحبهم بس دايما لو فيه حد لازم يجوا عليه علشان يمشوا راحتهم بيبقا انا علشان اصغر اخواتي والحلقة الاضعف دايما لو محتاجين يضحوا بحد علشان حاجة بيكون انا مش حاجات كبيرة حاجات صغيرة وتبان تافهة بس فكرة ان دايما إعمل كذا علشان اخوك او  اختك الكبار دايما كل مره فكرة وحشة ده غير مقدرش اقول اني مهمش بس مباخدش نفس معاملة اخواتي ولا نفس التقدير ولا نفس الاولوية في كل حاجة
ده كوم و العلاقة الي كنت فيها كوم تاني حرفيا كانت بتعمل كل حاجة انا مبحبهاش كأني مش موجود بتدي كل حاجة لكل الناس الا انا دي حتى كانت بتبخل عليا حتى في اني اسمع صوتها اني اكلمها فون (ولا الي مانعها مش التزامها الديني) كل ما احاول معاها تقول اصل اهلي حواليا (مكلم اهلها و كنا هنتخطب) اصل معايا صحابي اصلي مش قادرة اتكلم في المواصلات اي حاجة وخلاص وعلى الرغم من كده بتقضي وقت مع صحابها و بتكلمهم فون كتير عادي دي ابسط حاجة غير حاجات كتير تانية قيس على كده كمان اقرب صحابي الي قطعت معاهم لما كنت بحتاجهم مش بلاقيهم ولا في مشوار ولا في زنقة ولا حتى في عزاء رغم اني مكنتش بفوت ابسط حاجة معاهم وبقف معاهم في كل حاجة والله من اولها ل اخرها بس مش عارف ليه بيحصل كده معايا معرفش العيب ف ايه ولا في مين لكن تعبت من كوني دايما الحمولة الزايدة الي لازم تترمي في البحر علشان المركب تمشي

Avocado_50926 🇪🇬 · Answer

للاسف انا مش غرور مني بس انا عرفت متاخر انه المفروض امشي من بدري ومكملمش بس عرفت متاخر بعد ما اتقلبت عليا التربيزه ممكن يبقي قله نضح مني او سني مكنش ناضح في وقت دا بس دلوقتي بحمد ربنا علي نعمه عليا الحمدلله

Carrot_54258 🇪🇬 · Answer

كتتتتيييير مع اني كنت بعمل المستحيل علشان ارضي الشخص الي قدامي وفي الاخر اكتشف اني غلط وانو الشخص ده شايفني غير ما انا شايفو وبيكون احساس زباله لما عقلك بصورك انك ملكاش لازم في حيات الشخص ده ووجدك زي عدم وجودك

Coconut_58424 🇪🇬 · Answer

الموضوع المضحك ان اكتر حد بتبذل مجهود عشانه بيرميك ورا الشمس حرفيا في حين ان فيه ناس ممكن تمشي خطوه واحده وتلاقي ناس بتمشيلها اميال وبلاد كمان.
الدنيا دي عجيبه مهما الواحد حاول يوصل لرضا حد بيلاقي نفسه في الاخر بيفقد نفسه في محاولة ارضاء اللي قدامه لمجرد انه محدش يستبدل وجوده او يتجاهله، بطلناها اللعبه دي اللي عايز يستبدل تمام واللي عايز يبقي موجود اهلا وسهلا بذل المجهود انتهى.