بحب نفسي واتطور عشان احقق حلمي

Cookies_84620 🇪🇬

منذ 4 ساعات

شعور مليء بالحياة

موضوع:

هل بتحب نفسك...ولا بتحب الصورة الي عايز توصلها؟

بحب الصورة الي عايز اوصلها، عشان هو دا الي بيخليني احب نفسي و اتطور دايما، على سبيل المثال، حلمي اني اكون مبرمج كبير شغال في شركة محترمة و شكلي كويس و جسمي كويس، عشان كدا انا شغال على الموضوع دا، ويوم عن يوم حبي لنفسي بيزيد

عندي 25 سنة ولسه حاسس إني ضعيف الشخصية

رغم إن عندي ٢٥ سنة، لسه حاسس إني ضعيف الشخصية. أي كلمة صغيرة بتأثر فيا، أي رفض بسيط بيكسرني، وباخد الموضوع على قلبي بسرعة. ساعات بحس إني مش قادر أعيش زي باقي الناس، اللي بيتعاملوا مع الدنيا بعادي كده، وأنا جوايا حساس زيادة. يمكن اللي بيوجعني أكتر إني ببص حواليّ وألاقي غيري متقدّم، بيفكر في شغل، جواز، مستقبل… وأنا واقف في نفس مكاني. بحس إني مش نافع، ومش هعرف أكون زوج أو أب أو حتى شخص يعتمد عليه. بس الصراحة، مش كل الحكاية يأس. جوايا أمل صغير، حتى لو ضعيف، إن ممكن أغيّر. نفسي أتعلم أكون أقوى، أواجه الدنيا من غير ما أخاف من الرفض أو من كلام الناس. نفسي أبص لنفسي وأقول "أنا كويس زي ما أنا"، من غير ما أفضل أقارن روحي باللي حواليّ. أنا عارف إن ٢٥ سنة مش نهاية الدنيا، ولسه عندي وقت أتعلم وأطوّر نفسي. يمكن أضعف النهارده، بس بكرة ممكن أبقى أقوى. ويمكن الضعف اللي شايفه عيب فيا، يطلع في يوم ميزة تخلي قلبي أحن وأقرب للناس. أنا باعترف إني يائس ساعات، بس كمان باعترف إني مش عايز أفضل كده. نفسي أدي نفسي فرصة أبدأ من جديد، يمكن ألاقي في الطريق قوة أنا عمري ما توقعت إني أملكها. ...عرض المزيد

0 الدعم

8 نصيحة

خايف ماخدش نصيبي وألاقيش اللي تستاهلني

انا خايف اني ماخدش نصيبي خايف ملقاش اللي تستاهلني رغم النقص الكبير جوايا اللي محستهوش بسبب اهلي انا راضي وبرجع اقول اكيد ربنا هيعوضني بس برجع اخاف تاني وميحصلش اللي نفسي فيه انا لما حطيت هدف جديد في دماغي ونويت احققه وهو اني اتجوز معملتش زي الباقي وقعدت ادور علي البنت لا انا ركزت علي نفسي اكتر وبصيت لنفسي اكتر وعارف وواثق اني دماغي حلوة فالشغل بالذات. بس سعات بتيجي عليا اوقات وباحبط ومش بقدر اكمل هي اه الفترات الصعبة مش كتير بس صعبة وطويلة فمش عارف ايه اللي يخليني اكمل ،دايما بكلم نفسي واشجع نفسي + حاولت اني اقرب من ربنا برضو بس مش عارف المفروض اعمل ايه تاني واكمل ازاي 💔 ...عرض المزيد

1 الدعم

1 نصيحة