انفصلت عن حد ولسه بتحبه؟ ولا الوقت فعلاً بينسي؟

Question

قولنا عن تجربتك مع النسيان.. وهل فعلاً الوقت بيعالج كل حاجة؟

Pineapple_62201 🇪🇬 · Answer

كنت حبيت واحده كانت شغاله معانا في الشغل كانت طويله وجميله  وعليها ابتسامه كويسه اعترفت لها ان انا بحبها وهي كانت موافقه وفضلنا مع بعض على قصه حب لمده ست اشهر فقلت لها انا عايز ادخل البيت من بابه واتقدم لك قالت لي هفكر وبعدها باسبوع قالت لي انا بحبك بس انا صغيره على الجواز ولو هتجوز هيبقى بعد 10 سنين من دلوقتي.

Onion_54273 🇪🇬 · Answer

قبل اي حاجه يا اخواتي انا شخص طبعي ان عمري ما بزعل علي حد ولا علي حاجه ايا كانت لدرجة ممكن يبقي حد زعلان ليا اكتر مني فالمهم عرفت واحده معايا في الكليه وقبل ما نرتبط كنا اصحاب جامد فكنا بنهزر ان احنا حبينا و كده فالمهم هي بقت تهتم بطريقه غير مبرره و ساعتها حبيتها جدا حبيت عينيها كلامها شخصيتها كل حاجه بس جت فتره و المهم بدأت هي متتكلمش اوي متسمعش الكلام تحاول تضايقني فحسيت انها عايزه تسيبني فلما بعدت عنها هي قربت و قالتلي انا محتجالك و رجعنا مع بعض تاني ورجعت لنفس الموضوع كنت معاها بحبها فشخ بس مش طايق ابص في وشها فاهمني لحد ما سيبنا بعض وعدت سنتين كاملين مش عارف انساها بحبها بطريقة محدش يعلم بيها و بفتكرها طول الوقت ومش عارف اتخطي نهائي عملت كل حاجه عشان اعرف اتخطي شربت مخدرات و بطلت  كلمت بعدها بنات كتير و لعبت ببنات كتير و عارف ان دي وساخه  عملت كل حاجه يمكن انساها نسيت نقسي و منستهاش و الغريبة بجد يعني انك لما تبقي توكسيك و تلعب بيهم يتمنو يرجعو

Sugar_62148 🇪🇬 · Answer

ياعموووو وقت ايه اللي بينسي بس كبرنا علي الكلام دا 
لو فضلت مستني الوقت ينسيني فا مش بعيد انا انا نفسي 
الحاجه الوحيده اللي تنسيني هي نفسي انا هي اللي تقرر انسه مين وامته وازاي و مش كل الناس عندها النفس دي 
هي موجوده عندنا كلنا بس الاغلب دفنها و نسي نفسه 
و انا الحمد الله نفسي عزيزه عليا فا همو نفسكم كدا واللي مش قادر يقوم لوحد خلي حد ثقه يساعدك علي انك ترجع نفسك علي شان تتاكل عليها بعد كده

Ice Cream_58839 🇪🇬 · Answer

بعد ٤سنين تعافيت تماما
من علاقة عافرت فيها وكنت متقبلة كل ظروفه بس هو متقبلش ١%من اللي انا تقبلته
وبقيت شايفة سلبيات الشخص والعلاقة
واكتشفت اني كتير عليه وعمره ماهيعوضني
سبحان الله مغير القلوب 
التعافي جه متأخر بس الحمد لله انه جه

Tofu_21517 🇪🇬 · Answer

الموضوع صعب فعلا و أنا عارفه إن أنا مش هقدر انساه، بس أنا شايفه الوقت مش بينسي، و الوقت ملوش علاقة بالنسيان، و اللي حب بجد عمره ما يقدر ينسى، حتى العلاقات العابرة مبتتنساش.

bhshsjsjnsnsnsnsnsnsmsmammama

Coffee_62749 🇪🇬 · Answer

أنا مش بعرف احب كالإنسان العادي عشان يكون في أحد انفصلت عنه أو حتى علاقة حب ابوي أو حب بالأم لأني مش عارف أولا ابويا لما كنت لسا صغير طلق امي عشان هو مش عايز يحمل مسؤولية وامي من شده الضرب الي ضربتني كنت أفقد النطق لساعات وحصل ليا تلف في الجهاز العصبى الي في المقام الأول سبب عدم وجود حب او شعور طبيعي بشكل طبيعي

Chocolate_62747 🇪🇬 · Answer

انصلت عنه بس لسه بحبه رغم اني هتخطب لحد تاني غيره بس معرفتش انساه ومعرفتش انسا ولا لحظة بينا ولا كلمة ولا ضحكة بينا بقالي 7 شهور منفصلة عنه بس بشوفه كل يوم لان هو معايا في نفس الشغل كل مرة بشوفه قلبي بيدق وبيسال سؤال من تلات حروف وهو ليه 
حتي ان انا حاولت اسيب الشغل واشتغلت في شغل تاني بس الفلوس كانت بتاثر معايا جامد لان انا بجهز نفسي مبقتش عارفة اعمل ايه كل مرة بشوفه فيها لاقي دقات قلبي ذادت جامد ومش عارفة الوقت بينسي ولا لا بس بجد في حاجات بتعلم في قلوبنا وبيبقي صعب انها تتنسي

Coffee_62833 🇪🇬 · Answer

مش ممكن أكون لسه بحبها لأني لو لسه كنت هحن إنها ترجع بس أنا مش عاوزها لأنها أذتني

المشكلة ف اني سمحت ل ده يحصل
أنا كنت لاغي الاوبشن ده من طريقي وقافل على قلبي من ناحية الحب
عامل حدود لأي تعامل وكتير كنت بصد
او اخد الخطوة التانية إني احسس البنت الي قدامي إني مش شايفها أصلآ ف كتير منهم كان بيبعد عشان بيبقي عايز منك رد فعل عشان يفضلوا وانا مكنتش بعمل كده
ولو بنتكلم ف بقول اني لا يمكن احب تاني
بس المره دي وقعت ف عز احتياجي لحد يطبطب وهي كانت من النتس القريبة ليا
مكنش فيه اي مشاعر من ناحيتي ليها أبدآ بس ف يوم حصل موضوع غير حياتي وكانت هي جمبي وقريبة أوي
احتوتني وقت م كنت محتاج حد يطبطب عليا ويقولي أنا جمبك
من يومها اتغيرت كل حاجة
بقيت بحس اني لوحدي لو مبكلمهاش وبفكر فيها كتير وبستني الوقت الي اكون فاضي فيه علشان نتكلم
كنت بحب كلامنا وهزارنا وطريقتها معايا
الإحساس الي كانت بتدهوني وساعتها عرفت ان انا وقعت وزي كل القصص الي بتبتدي بانك بتحس إن هو ده بتخلص بعدها
بس كانت درس حقيقي الحمدلله اني اتعلمت منه ❤️

Mango_62882 🇪🇬 · Answer

فعلا الوقت ممكن ينسي فالذكرة تتلاشى و الحب دائم لا يموت إن كان صادقاً.
اااااااااااااااااااااااااااااااااااااااا اااااااااااااااااااااااااااااااااااااااا
اااااااااااااااااااااااااااااااااااااااا

Mango_63091 🇪🇬 · Answer

هو مش الوقت اللي بينسي بس تصرفاته ممكن تخليني اكره مش بس انساه واكيد مع الوقت هنسي واكيد ربنا هيعوضني عن الشخص ده وهنساه خالص بشخص احسن منه وميجرحنيش بشخص يكون حنين عليا ويهمه كل حاجه تخصني

Coffee_62965 🇪🇬 · Answer

آه وموضوع عديتو بعد فتره طويلة ودنيا بتمشي دلوقتي بقي معنتش حاسس بي حب  لي اي بنت معرفش لي هل ده مني وله من إلي بشوفو اليومين دول

يعني نصب اشتغلالت استغلال تضيع وقت كلو بياخد إلي ينقصهم بس مش يضيف

Banana_63178 🇪🇬 · Answer

الوقت عمره مخلاني انسها بلعكس كل يوم بيمر بيفكرني بيها اكتر واتمني من ربنا يسعدها ويفرحها ف حيتها وتكون بخير وراحه بال ديما .
كانت ولاذالت اجمل حد قبلته وعرفته فحياتي والحمد الله ربنا يسعدها

Coffee_53949 🇪🇬 · Answer

هو الوقت اللى بتتكلموا عليه ده قد ايه ؟ بس الموضوع مش وقت ابداً متهيالى الموضوع مرتبط بان يجى حد يكون فعلاً امين عليك كشخص ساعتها متهيالى هتنسى اللى قبله انا حبيت وخطبت واتجوزت وبعد علاقه ١٢ سنه انفصلنا وباقلى ٣ سنين يمكن مفيش مشاعر الحب الاولى بس برضو مفيش نسيان اصل هتنسى ١٢ سنه ما بين مواقف وشوارع واماكن واغانى وغيره ازاى …

Chilli_63827 🇪🇬 · Answer

محتاج حد يدعمني ويفهمنبي محتاج طاقه ايجابيه اشتغل بيها علي الموقف دي

عندي مشكله كبيره وتعبت من كتر التفكير ومش عارف انسا الموضوع بدأ معايا اني كلمت وحدا من 6سنين مثلا وكان مبينا كل احترم وتقدير ومن ساعت أما عرفتها ونا نيتي من ناحيتها خير وعاوز اروح اخطبها بس كان سني صغير وهيا اصغر وكل أما اجي اروح هتكلم يحصل حاجه والموضوع بدأ يبقا في حاجه غريبه او ربنا عاوز يوضحلي حاجه أنها من الاول مش نصيبي بس كنت بضحك علي نفسي علشان الحب ولحد أما جيت اخر مره اتخنقنا عادي زي كل مره بس المرادي مكملنتش فتره صغيره مش زي كل مره بنطول وبنرجع عادي المرادي حصل اللي عمري مكنت اتخيلو كنت برن عليها علشان اكلم ابوها وعد معاه وكلمتها ونا رايح بس مكنش عندها الشجاعه أنها تقولي الو حتي وقفلت ف وشي بفتح الاكوت بتاعها علشان ابعتلها لقتها بتقرا الفتحه وهنا خت اكبر صدمه ومن سعتها ونا الدنيا معايا مش متظبطه وكل شويه افتكر حاجه من الزكرايات توجعني عمال اهرب من الواقع بس مش لقي حل الموضوع اثر عليا تأثير وحش وخلاني  اكره الناس وحب العزله والجاء للمخدرات و كل تفكيري سلبي ف اي حاجه حتي لو ملهاش علاقه بمشكلتي والحمد لله يعني اخر حاجه وصلتها اني قاعد بتكلم علي ابلكيشن عمري مكنت اتخيل أن ممكن توصل بيا الحاله لكدا بس الحمد لله.

Biscuit_54330 🇪🇬 · Answer

الوقت عمره ما كان بيعالج ( كل ) حاجه .. بس بيساعد
بعد ما كنت اجمد حد اكتشفت اني مش جامده ولا حاجه وجه الشخص اللي يوقعني ودمرني نفسياً بقيت بقعد بالايام مبعرفش انا بقالي ٧ شهور ولسه مش قادره اعيش .. بس بقيت مرتاحه من غيره اكتر

Coffee_64139 🇪🇬 · Answer

هو الوقت مبينسيش
بس كل واحد عارف بينسى ازاي بس هو اللى مش عايز عشان عنده امل 
لو الشخصل اللى قدامك كان سىء اوي معاك لدرجه الخيانه او الشك الزائد عن حده او حاجه كتير جدا مبتتغيرش في الإنسان 
يبقى لازم تواجه نفسك ب عيوب الانسان ده و تقول لنفسك ده

انا حبيت واحد في سن صغير كنت لسه مش فاهمه حاجه و طايشه اوي 
 
حبيت واحد جدا بشكل جنوني و خاني مع اقرب واحده من صحابي
قعدت تلت سنين عشان اتخطاه 
طول السنين دي اللى حوليا يقولولي ازا بتحبه ده بيعمل و فيه و فيه و انا اقول محدش عارفه قدي هو احسن من كل ده بس الدنيا غيرته
بعد تلت سنين رجعنا اتكلمنا و حقيقي لما ابقى عارفه حاجه عنه و هو يكذب قدامي و يعرف دي و دي و انا ابقى عارفه كويس اوي و هو فاكرني عبيطه و بيحاول يضحك عليا بكلمتين

شوفت قد ايه هو قذر و مقزز قد ايه هو مش شبهي و هو انسان مش كويس
اتخطيته تماما بقيت بقرف منه من كل قلبي 
ده حصل لما شوفت عيوبه كويس و عرفت اني كنت معميه

Avocado_64142 🇪🇬 · Answer

لاول مرة اتكلم عن الموضوع دا من فترة بس للاسف دا الموضوع اللي موقفني بقاله كتير هي اللي سابتني للاسف بس الموضوع مكنش كدا لاني ولاول مره اتكسر بالشكل دا عدي عليا بنات كتيرة بس دي كانت اكتر واحده حبيتها أو ممكن تكون الوحيده اللي حبيتها الحكايه بدت لما اتعرفنا ع بعض ف نفس الشغل المهم كنت بعملها شادوينج للشغل وكدا وبعرفها ع الشغل مع الوقت مكنتش حاسس بحاجه نحيتها بس تصرفاتها معايا وكلامنا كل يوم لدرجه ان ف مره كلمتني وقعدنا ست ساعات بنتكلم كل شويه بتبين قد ايه هي معجبه ومع الوقت اعجبت بيها مش هكدب كانت حلوة و دمها خفيف يعني الفتاة اللي مناسبه ليا فكرنا مش شبه بعض بس اهو ممكن التغيير هو اللي يخلينا منملش من بعض اعترفتلها مش هكدب انا الاول لاني حسيتها مش هياخد الفيرست ستيب و بما اني حاسس نفس احساسها قولت ليه لا انا اللي اتكلم مع الوقت كانت ايامنا سوا حلوة خروجات وكلام وشات كل حاجه تقول أننا هنكمل بس لحد ما كل لما اكلمها ع حاجه إذا كان طريقه كلامها مع الولاد أو اي حاجه تقولي دي طريقتي ودي عيشتي مع انها العكس وانا محترم دا لوحدي اصلا قطعت كل علاقتي باي بنت ف حياتي عشانها مع الوقت واحنا بنتكلم كلامها عن الاكس بتاعها وخروجاتهم حتي الصور اللي ما بينهم والشات كله لسه موجود لما سالت قالتلي انت بتفتش ورايا مع اني شوفت كل دا صدفه لما كنا بنشوف حاجه ف تليفونها سوا ظهرت مره واحده عديت كل حاجه وعديت مره واثنين وتلاته معرفش ايه جرالي بس بحبها لحد ما جات قالتلي نسيب بعض طب انا غلط في ايه معاها بتقولي تستاهل حد احسن طب انا عايزك ملكيش فيه عايزك مش عارف اختفت مره واحده وبعدها كل شويه لما تحب تخرج تكلمني المشكله اني كنت المفروض اقول لا بس أخرج معاها من غير ما افكر بقت ضامنه اني مستنيها في أي وقت عارفه اني مستحيل ابص لحد غيرها ومع الوقت قولت خلاص لازم اخرج اشوف ناس اقابل بنات احلي واحسن كمقياس اللي صحابي بيقولهولي ومش يرضي اخد قرار ف علاقه تانيه دايما مبرراتي انا اسف مش حاطط الموضوع في دماغي انتي زي اختي انا والله عايز اركز ف مستقبلي بس انا بضحك ع نفسي انا مستنيها هي لحد من شهر رنت عليا سته الصبح ورديت قالت عرفت انك هترد وقعدت تتكلم ولما حست انها مش عايزاني قفلت ومبقتش تكلمني من وقتها عارف اني في منظور ناس معنديش كرامه بس بجد بحبها كل شويه اشوف صور ليها خروجات أو مثلا شلتها واشوف ناس بتتكلم معاها طب انا عملت ايه طيب ايه خلاني ابقي ف الزووون دي ليه مش عارف اطلع انا كنت واعد نفسي مكتبش حاجه ومع اني واخد جوايز من وانا صغير ف الكتابه هي الوحيده اللي خلتني اخاف الوعد دا واكتب ولاول مره اكتب لحد من قلبي ليه الشخص اللي رجعني اكتب يبقي السبب اني حتي مكسل اقول حرف أو اتكلم جربت ادخل علاقه تانيه بس تاني يوم قولتلها اني مش قادر وبجد هظلمك جربت ادخل عالم خاص بيا اروح الجيم العب اونلاين مفيش فايده دايما ف بالي ودا مش حتي واحد ع مليون من اللي عايزه هل هي مستغلاني ولا انا ظالمه وبجد مينفعش نبقي سوا مش عارف حاجه ومش عارف ارد ع حاجه

Avocado_64171 🇪🇬 · Answer

هو الوقت بيلهيك عن الحب ده ويتهيالك انك نسيت بس في لحظه كدة تخليك تفتكر كأنه امبارح بس هنقول ايه يعتبر ماتبقي منه غير ذكريات حلوة لأن النصيب غلاب والقدر بيحكم والفراق كان صعب بس كان لازم بتاخد القرار لأن ضاع  في الحب دة سنين واحداث كتير توجع

Pineapple_64179 🇪🇬 · Answer

بص هو الوقت مش بينسي مهما كان الوقت طويل قد ايه بس عمرك ما هتنسى بس انت هتفتكر بس هتفتكر الحوار وهيبقى عادي بالنسبه لك فتره من حياتك وعدت ليه فتره طبيعيه من حياتك ما عدتش فارقه بقى الفتره دي عدت ازاي ولا ايه اللي حصل في الفتره دي

Strawberry_64306 🇪🇬 · Answer

النسيان النهائي ده مصطلح صعب تطبيقه ف حياتنا العملية لأن مهما هيحصل بيفضل في ذكريات، والانسان بطبيعته بيحن..بس ممكن ننشغل وساعتها تفكيرنا ف الموضوع بيقف..بس بمجرد م هتقعد لوحدك هتفتكر تاني..وده خصوصا في حالة التروما و (التروما) اللي اقصدها هنا  هي الصدمة..ان تحصل حاجات مكنتش متخيلها فجأة و ورا بعض من شخص مكنتش متخيل انه ممكن يعمل كل ده فيك..

Coffee_64429 🇪🇬 · Answer

الموضوع ده بيختلف من شخص ل اخر بس من وجهة نظري وعن تجربة شخصية، ف عادي حتى لو كنت فاكر مستحيل تعيش من غيره ف لا هتنسى وتعيش عادي
انا كنت مرتبطة بشخص قبل خطيبي وقعدنا سنتين اول ما سيبته كنت منهارة وازاي هكمل حياتي وقعدت مش عارفه اتخطي حوالي 4 شهور 
بس اول م خطيبي جه واتعرفنا على بعض وحبيته انا نسيت اني كان في حد فحياتي أصلاً بقى هو حبي الاول خلاص حرفيّا بقيت لما حد يجيب سيرته بحس ال هو انا ازاي كنت معاه بجد يجماعة واقرف من نفسي اني كنت عاملة دراما !!! 
ف صدقوني اي انسان قادر انه ينسى متفتكرش ام الشخص ده خلاص عشان عملت معاه ذكريات حلوة يبقى انت مستحيل تتخطى لا بالعكس اول م ييجي اللي يعوضك هتنسى الدنيا  ، 
ونصيحة برا الموضوع يجماعة لما تطلعوا من علاقة صعبة متروحوش لحد تاني وانتوا لسة متعلقين بالقديم، عشان ممكن تفشل تحب الجديد وتظلمه معاك لما تعيدوا بناء نفسكوا الاول لكن متتخطوش بحد

Ice Cream_63883 🇪🇬 · Answer

يقولون إن الوقت ينسينا… لكن الحقيقة؟ الوقت لا ينسينا أحدًا… هو فقط يُعلمنا كيف نُخفي الذكرى بشكلٍ أنيق.
الوقت لا يمحو، هو فقط يُخدر، يهذب الوجع، يُخفف حدته، لكنه لا يقتلع جذوره.
نضحك، نتحرك، ننجز، ونظن أننا نسينا، لكننا في الحقيقة فقط تعلمنا أن نحيا رغم ما في القلب.
أحيانًا تمر لحظة بسيطة، رائحة، صوت، كلمة، فتوقظ كل شيء دفعة واحدة، فتكتشف أن ما ظننته نسيانًا… كان هدنة فقط.
النسيان؟ ربما يحدث… لكن ليس للقلوب التي أحبت بصدق. تلك القلوب لا تنسى… بل تتعايش، تتجاوز، وتُجيد التمثيل.
أنا؟ لم أنسَ… لكني تعلمت أن أبتسم رغم كل ما بقلبي، لأنني أدركت أن بعض الذكريات لا تموت… بل تنام بداخلنا، وتصحو كلما أغلقتِ عينيكِ وحدك.

Sugar_65376 🇪🇬 · Answer

الوقت مش بينسي بس فيه شخص بيمحي اسر شخص 
لو صادفت شخص اسوأ من شخص مش أتصدق حد وهتعيش خايف 
علشان كدا القلب للمرة التانيه لازم يصدق بحرص قلبك اهم مليون مرة 
في زمن كله بيدور علي مصلحته فيه بجد  محدش يستاهل

Banana_66785 🇪🇬 · Answer

مش عارف الكلمات هتكفى ولا لا بس حقيقه الوقت استحالت ينسي انا كنت بحب حد من 2010 لحد 2015 و اتجوزت ولسه لحد دلوقتى بحبها كانت كل حاجه ليا وبرغم أنى ارتبط و عشت حياتى بس منستهاش أبدا ولا قادر إنسي أصلا لأنها كانت كل حاجه ليا فى حياتى بكل معنى الكلمة

Cherry_55017 🇪🇬 · Answer

انا مش قادرة اتخطاه خالص ولسه بحبه  ومش قادرة اتخيل نفسي مع حد غيره ده كان حب ٨ سنين حصلت بينا مشاكل وكان عليه ضغط كبير لانه كان متغرب والله لحد دلوقتي مش فاهمة سبنا بعض ليه بقانا ١٢ شهر مش بنتكلم ومن حوالي شهر كلمني فجأة وقال ان عنده مشاكل كتير بيحاول يحلها وانه هيكلمني تاني بعد فترة علشان يشرحلي كل حاجة وقال انه هيحترم قراري ايا كان من وقتها ما اتكلمناش تاني وانا فعلا مش عارفة اعمل ايه ساعات بقعد افكر هل لو رجعنا تاني حياتنا هتكون سعيدة هل انا فعلا هكون مرتاحة معاه مش قادرة اجاوب على الاسئلة دي والمشكلة ان في حد جديد دخل حياتي خلال الفترة دي بس مافيش بينا اي حاجة ومع كده من اول ما هو كلمني وانا حاسة اني اتلخبطت جدا وكأني مستنياه رغم اني في نفس الوقت نفسي اتخطى الموضوع وارتاح

Coffee_68284 🇪🇬 · Answer

أنا عاوز أنفصل لإنى شايف كل حاجه أنا عاوزها مش بتعملها ولا بتحاول تغيرها ولو حاولت مره تغير مش بكون حاسسها من جوايه ووصلت لمرحلة إن لو حصل أى تغيير فى يوم من الايام مش هكون حابب التغيير ده لأن كثرة الطلبات وعدم التقدير لطلباتى خلتنى أكره الاستمرار فى هذه العلاقة . إيه الحل ؟

Apple_68304 🇪🇬 · Answer

انفصلت عنها علشان كذا سبب والمشترك بين كل الاسباب دى انها دايما شايفانى الغلطان وهى صح ودايما كنت بعتذر وباجى على نفسى فى حجات مش انا السبب فيها حتى ومكنتش بتقدر نهائى انما نسيتها دى صعبه الموضوع عدى عليه شهور بس رغم كده ورغم انى مستحيل ارجع تانى مازلت فاكر كل تفصيله حلوه كانت بيننا ولو ربنى كرمنى وبقا فى حد احسن فى حياتى فا هتفضل موجوده بس كمجرد علامه مش اكتر

Sugar_60263 🇸🇦 · Answer

الوقت مش بينسي؛ الوقت بيمحي  الشخص دا نهائي ؛ بس لو انت عوزت كدا ؛ مفيش مشكلة نتعب شوي  نتألم شويه ؛ الوقت بجد بيداوي  جراح كتير 💖 ولزم الواحد   يوكل حبو ديما لربنا واصبرو  ديما والله بعد صبر جبر ❤️‍🩹 وادعو ربنا كتير ومتستعجلوش في الاستجابه ؛كل ما الخير اتأخر اعرف ان الخير بقا احسن واحلي وبقا فيه بركه

Pistachio_69020 🇪🇬 · Answer

مفيش حد بيتنسي ولا في حد بياخد مكان حد
كل حد بنحبه بيبقي ليه مكان معين فجوانا ومبيتنسيش
بس الفكرة ان الوقت بس بياخدنا والمشاكل والحياة بتلهينا
وهنفضل فاكرين الذمريات اللي كانت بيننا
لكن مفيش حد بيتنسي

Strawberry_68964 🇪🇬 · Answer

الوقت مش بينسي هو الوقت بيداوي انت عادي بتفضل فاكر الشخص بلحظاتكو بضحككو بهزاركو بمشاوريكو بالاماكن اللي روحتوها بالاغاني اللي كنتو بتسمعوها بتفضل فاكره بكل حاجه حصلت بينكم بس من غير مشاعرمن غير زعل من غير افتقاد وده بالنسبالي النسيان الحقيقي عشان مفيش حاجه اسمها ان فلان اتمسح من ذاكرتي بس في حاجه اسمها ان مشاعره اتشالت من جوايا ف اه الوقت بيداوي

Marshmallow_69067 🇪🇬 · Answer

عندي مشكله اني موصلتش لمرحلة الحب عندي تصور للراجل الحقيقي في دماغي ومقابلتهوش ..من تجارب ناس كتير حوليا بحس ان قليل اوي تلاقي علاقة فيها مشاعر حقيقية ديما بيكون فيه حيرة انا في مكاني الصح ولاامشي..
 بالنسبالي بتمنى الطبيعي بس الشئ الطبيعي مبقاش موجود فكرة انك تقابلي راجل حقيقي 
واي واحد يدعي ويقولك انا جامد وانا كويس ويفضل يمدح في نفسه متصدقهوش الي بيتكلم عن نفسه كتير دا بيكون شخص مدعى فاضي من جواه بيحاول يرسم لنفسه صورة هو مش مصدقها وعايز الناس تصدقها عشان يحس بالانتصار جواه 
الراجل الحقيقي كلامه قليل افعاله اكتر انسان واضح بيحترم نفسه عارف هو بيعمل ايه كويس 
ودا مش موجود كتير لذلك انا عمرى ما حسيت ان حد لفت نظرى فاوصل لدرجة الحب ..الحب دا شئ معقد جدا مش بيجي بسهوله .. ناس كتير عندها تعلق وبتعتقد ان دا حب وبيأثر على حياتهم بعد كدا

Nutella_67175 🇪🇬 · Answer

الوقت بينسي أكيد وكله بيطلع في الغسيل 😂 محدش بيموت ورا حد الحياة بتكمل والمشاعر بتتغير ومن نعم ربنا علينا النسيان.🙏🏻🙏🏻
كام واحد حب وانفصل والحياة بتكمل علشان كده مضيعش وقت فالحزن وفوق نفسك بسرعة الحياة صغيرة افرح ومتسيبش الحزن ياخد وقت طويل.
عيش وانبسط وانسى إللي نساك 😉.