ازاى وقفتم إباحية وعادة سرية ؟!

Cherry_70990 🇪🇬's موضوع

تحدى صعب جدا بس نقدر عليه، احكولنا قصصكم وازاى بدأت اصلا

Pineapple_62162 🇪🇬

منذ 32 ثانية

شعور قلق

هاي يا جماعه ممكن تقولولي رأيكم في اللي هاقوله من فتره يعني عشر شهور إحدى عشر شهر كده يعني اتجوزت و اللي اتجوزته ده كان اخو صاحبتي اصلا يعني هو غني و شكله حلو المهم اتجوزنا و عدت الاحدى عشر شهر دول يعني و اصلا مكانش في اي خلافات أو لو كان في هو يعني كان بيهديني حتى لو انا اللي غلطانه و كنا بنحل مش

Watermelon_65497 🇪🇬

منذ دقيقة واحدة

شعور منزعج

انا منهار😭 انهرضا كان اسوئ يوم استغفر الله 😞😩 اكتشفت بي الصدقه أن حبيبي بيخوني علي مواقع التواصل الاجتماعي وفيديوهات وصور وانا كنت واثق فيه بس حاسس ان الثقه راحت لما عرفت الموضوع😫 هو كان ليه ماضي وقالي واحنا بنرتبط أن الماضي انتهاء ون انا الأولي والاخيره قالي ايه الي يرضيني قلتله اقفل حساباتك كل

Nutella_58637 🇪🇬

منذ دقيقة واحدة

شعور محبط

أنا محتاجه اتكلم مع حد وأفضفض ويسمعني ويقولى اعمل ايه وهل فعلا انا صح ولا غلط حاسة ان بعد العمر ده كله ان غلط او افكاري غلط او يمكن انا اللي مافورة مش عارفة بجد بس كل اللي عاوزة اقوله يمكن انا تايهة وحيرانه ومش عارفة بجد انا بعمل ايه وعاوزة ايه حتى او يمكن عاوزة وعارفة بس فقدت الشغف

Coffee_68646 🇪🇬

منذ 7 دقائق

شعور محبط

عارفين ايه مشكلتي ال مش عارف احلها التفكير ف ال جاي والفراغ بتاع بليل يعني بفكر مثلا هل المشاريع بتاعتي هتنجح ولا لا هل الماديات هتساعدني اعيش كويس ولا لا مع ان الحمدلله شريك ف مشروعين والدنيا ماشيه انما التفكير صعب والفراغ بتاع بليل صعب هل الواحد يتكلم مع حد هنا او يفضل لوحده او يسكت او يعيش نفسه خ

Strawberry_74100 🇪🇬

منذ 12 دقيقة

شعور عاطفي

بخاف جدًا إني أبان فاشلة قدام أهلي، طول عمري بحاول أكون في نظرهم البنت الشاطر المجتهدة العاقلة، مع إني ساعات بحس إن كل دا مش كافي بالنسبة ليهم، و إنهم دايمًا بيقارنوني بأشخاص تانية، حاولت أتجاهل الموضوع بس الموضوع بقى مؤذي بالنسبة ليا بشكل كبير...

Avocado_74118 🇪🇬

منذ 25 دقيقة

شعور محبط

جماعه انا لسه محمل الابلكيشن حالا مش عارف بس لقيت كله بيحكي عن مشاكله ف هقول انا كمان لو حد مهتم انا وبنت بنحب بعض من واحنا كنا أطفال لحد دلوقتي ف الجامعه وتفاصيل كتير جدا جدا ف الكلمتين دول بس المهم اني مش حالتي ماديه كويسه زيهم فيي فرق كبير وهي متمسكه بيا ف مش عارف بقي لاني زهقت من الوقت ده كله م

Jackfruit_74119 🇪🇬

منذ 27 دقيقة

شعور مكسور القلب

عبّر عن شعورك بشكل مجهول

حكايتي زي ما هي، من غير تجميل"
أنا بنت، أهلي منفصلين من زمان. بعد الانفصال، والدتي اتجوزت، وحصلت مشاكل مع زوجها. وقتها اضطريت أسيب بيتها وأروح أعيش مع أبويا، وكنت فاكرة إني رايحة لمكان آمن، رايحة لحد ممكن يحميني ويقف في ضهري. وأنا ماشية من بيت أمي قلت لكل الناس إن أبويا هو أحسن راجل في الدنيا، وإنه هيكون سندي الحقيقي.
أبويا جابلي تليفون وقتها من فلوس النفقة، اللي هي كانت ٢٠٠ جنيه في الشهر، وجمعتها من سنين متراكمة عليه. كنت فخورة بالهدية دي، حسيت إنه بيحبني وعاوز يعوضني. بس الحقيقة كانت غير كده تمامًا.
لما رحت عنده، اتحولت لوحدة بتخدم في البيت. مراته، بنتها الصغيرة، وولادها، كلهم كنت أخدمهم، وكأن ده دوري الطبيعي. مع إني ماكنتش شايفة مشكلة في الخدمة وقتها، كنت بس نفسي في بيت أعيش فيه بكرامة. مراته كانت ست مش كويسة، وكنت أعرف عنها حاجات مش محترمة، بس كنت ساكتة.
قبل ما يبدأ يتحرش بيا، هو ومراته سرقوا تليفوني، علشان مايبقاش عندي وسيلة أتكلم بيها أو أطلب مساعدة. وبعدها بدأ يتصرف تصرفات غريبة: يقولي كلام مش محترم، يطلب مني أقعد على رجله، يلمّح تلميحات جارحة. ووقتها كنت داخلة على ١٨ سنة، مش فاهمة إن اللي بيحصل ده اسمه تحرش.
وبدأت الوقائع تحصل فعلًا. اتحرش بيا كذا مرة، وأنا ساكتة، مش عارفة أعمل إيه. مش قادرة أرجع عند أمي، ومش قادرة أحكي لحد، لأن اللي بيعمل كده مش غريب... ده أبويا.
فكرت أهرب، أختفي من حياتهم، وأبدأ من أول وجديد في مكان ما حدش يعرفني فيه. فعلاً حاولت، لكن مراته جابتني، وبدل ما تحاول تفهمني، فضلت تحكيلي في مواعظ وكلام فاضي. ورجعت تاني، مضطرة أعيش وسط القهر.
جيه وقت كنت داخلة ثانوي عام لغات، بس هو كان رافض، وعاوز يدخلني تجاري. حصلت خناقة كبيرة، وكنا قاعدين قدام ناس من أهل مراته، وفجأة قال كلام كذب، ولما قلتله "أنت كداب"، ضربني بالقلم مرة ورا التانية ورا التالتة.
ساعتها، أنا ما سكتش، وقلتله: "قسم بالله ما هتشوفني تاني بعد اللي عملته ده". أمي حسّت إن في حاجة غلط، كلمتني، حاولت تفهمني، وفعلاً صدقتني، وطلبت أروح لها. روحت، بس الكل كان شايفني كأني بكذب، أو بألف أفلام. بس لو كنت هألف، هألف على أبويا؟
كنت مقررة أسكت، وأدفن الموضوع، خصوصًا إني كل ما أجي أتخطب وأقول الحقيقة، الشخص بيمشي. فقلت هتعامل معاه كأنه عادي، يمكن أعيش بسلام.
في ٢٠٢٣، وأنا بقدم في جامعة، كنت عند عمتي، وقالتلي جربي تكلميه يساعدك في المصاريف. رحت له في محل البقالة بتاعه، وفعلاً دفع لي ٢٠٠٠ جنيه من أصل ١٦ ألف، بس ماقدرتش أكمل، لأن ما كانش معايا الباقي.
في السنة اللي بعدها قدمت في جامعة في العريش، وقاللي "هديكي"، وسافرت.  وبعد فتره طلبت فلوس كنت مش معايا ولا جنيه بعتلي بعد خمس أيام من المحاولات،  بعتلي ٥٠٠ جنيه، وبعدها قاللي وبعد كام يوم كنت تعبانه وواخد علاج وكلمته عشان كنت عاوزه فلوس انزل قالي إن أخويا بعتلي كمان ٥٠٠. وسكت. ولما خلصوا الفلوس، وبكلمه، قالي: "مفيش، وهتصرفلك كذا يوم" بسببه اضرطدت م السكن . اضطردت  في الشارع الساعة ٩ بليل، في محافظة تانية، لا معايا أكل، ولا مكان أرجع له، ولا فلوس.
رجعت، وهو ما سألش فيا، ولا حتى كلمني. ولا حتي حاول يعتذر ولا اي حاجه  وعرفت إنه عنده فلوس، بيشتري شقتين، محلين، وبيأمن مستقبل مراته وولادها، لكن أنا… أنا ماكنش ليا حاجة.
فضلت ساكتة، بس في ٢٠٢٥ قررت أتكلم، وأرفع قضية "نفقة أقارب". مش بس علشان الفلوس، لكن علشان أقول لنفسي إني مش ضعيفة، ومش لازم أعيش في خوف وسكوت. هو دلوقتي موكّل محاميه وماشي في حياته، كأن ماعملش حاجة، بس أنا مش هسكت.
البجح بيعيش على حساب اللي بيتكسف، وأنا قررت أتكلم... علشان أعيش بكرامتي. المشكله قلبي في نار وحرقه محدش حاسس بيها ومش عارفه اي اللي هيطفيهاا حقيقي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_59813 🇪🇬

منذ 28 دقيقة

شعور غبي

الحقيقه ان انا شخصيه مش عايز صراعات ولا وجع دماغ ولا اي نوع من انواع المناقشات الحاده اللى ممكن تستغرق اكتر من ١٠ دقائق ولا ازعل من حد ولا حد يزعل منى ونعيش ف سلام كده نعيش ونتعايش و نفرح باليومين اللى عايشين فيهم اصل لى بجد ادخل فى نقاش عشان اقنعك أو تقنعنى انت صح و انا صح و عمو محمد بتاع سوبرمارك

Watermelon_73560 🇪🇬

منذ 38 دقيقة

شعور متوتر

عندي طاقه كبيره جدا عايز اطلعها ف علاقه بس مش عايز اطلعها فالحرام و بردو مش عارف اطلعها فالحلال لان الدنيا زي مانتوا شايفين نازل نفخ ف شباب و بنات محدش عارف يلم نفسه اللي كان ف تجربة زي دي يقدر ينصحني اعمل ايه يكون نجح فيها بجد الموضوع ده بيخليني افكر كتير ف حاجات غلط بس مستحرم اي حاجه

Tofu_74115 🇪🇬

منذ 47 دقيقة

شعور مكسور القلب

عبّر عن شعورك بشكل مجهول

انا مش عارفه احكي ازاي بس هختصر كل المعاناة اللي عشتها اتجوزت اللي بحبه اول راجل اتشد ليه واكلمه وكان باين عيوب كتيرة فيه لكن مكنتش اعرف انه مدمن هيروين عرفت بعد مااتجوزته وخلفت منه بنتي وكنت حامل في بنتي التانيه اهله ناس بشعه محدش وقف جنبي وانا بعالجه وكنت كل مرة اقف جنبه وعملتله مشروع بالفلوس استلفتها من والدي وابويا كمان كان بيعتبرة ابنه وصعبان عليه ظروفه لكن قلة ادبه منتهتش لكده كان بيتهمني في شرفي عادي اسهل حاجه عنده  واتاريني ال٤ سنين دول عندي اكتئاب حاد وانا معرفش كنت لاعارفه اخد بالي من بناتي ولا من بيتي مش قادرة انضف حتى المكان اللي بقعد فيه وكنت بسامحه عشان مش عايزة طلاق وعندي امل يتغير لحد ماربنا قفل قلبي من ناحيته كنت اتطلقت منه على الابراء وتاني يوم مهانش عليا اسيبه في الشارع جبته عشان يبطل الهيروين تاني لكن رجع يشرب عرفت انه خاني وقررت اسامحه بردو وكنت جالي عقد عمل للسعودية قولت هسافر وابعتله ويجيلي هو والبنات ويدور على شغل ونبدأ من جديد لكن ربنا خلاه يضربني من قبل ماافكر ارجع على ذمته تاني بكام يوم واتهمني بشرفي تاني وغلط في امي وكانت قصه المهم اني اتقفلت منه واخته كمان كلمتني قالتلي يعني ايه تسافري وتسيبي بناتك هنا ٣ شهور قولتلها انتي قاعدة برا واخوكي برا واخواتي دكاترة ومهندسين وانا مترجمة عايزاني اقعد في مصر بعد ماصرفت على اخوكي كل اللي حيلتي اشحت قالتلي لو مكانك امسح سلالم ولا اسيب بناتي طب اصرفوا على العيال واخدهم لا هي أمهم مش المفروض تطلب مننا وكأنهم بيمنوا عليا مش هخوض بقا في قله ادب حمايا معايا واني بقوله ابنك خاني يقولي يعني انتي معرفتيش حد وانهم كانوا بيذلوني كل ماابنهم ياخد منهم فلوس واسمع انتوا بتشحتوا مننا وكلام كده المهم ان والدي قالهم البنات ياتدفعوا مصاريفهم ياتخلوهم معاكم وبقالهم دلوقتي ٨ شهور مع حماتي والناس اللي انا مغلطش في واحد فيهم وهما بهدلوني تلقيح. ووقاحه وبجاحه كل اللي عملوه انهم بيلقحوا عليا انا مش عايزة اتذل تاني ولا احتاج لحد ولا اخد فلوس من حد ومأجله سفري لحد النهاردة من ٧ شهور ومش عارفه المفروض اعمل ايه لسه بتعالج من الاكتئاب لسه مش قادرة استوعب القرف اللي شوفته ولا هقدر اخد بناتي انا مش قادرة اعيش اي معاناة تاني خالص

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Waffle_72527 🇪🇬

منذ ساعة واحدة

شعور شاعر بالملل

ال boy problems حوارتها كترت لكن هنعمل ايه🙏🏻 في ولد عرفته و كان هو عارف بنت بعدي و ارتبطتوا لما أنا وهو سيبنا بعض ، و بعد كده كان دايما يسيبها و يرجع و يسببها و يرجع في الاخر خالص لما كنت أنا وهو رجعنا تاني نتكلم ، في يوم he ghosted me و شالني من كل حته ،لكن كان معاه الايميل بتاعي ودخل بعتلي بي

عبّر عن شعورك بشكل مجهول

ال boy problems حوارتها كترت لكن هنعمل ايه🙏🏻

في ولد عرفته و كان هو عارف بنت بعدي و ارتبطتوا لما أنا وهو سيبنا بعض ، و بعد كده كان دايما يسيبها و يرجع و يسببها و يرجع 
في الاخر خالص لما كنت أنا وهو رجعنا تاني نتكلم ، في يوم he ghosted me و شالني من كل حته ،لكن كان معاه الايميل بتاعي ودخل بعتلي بيقولي انا اسف لكن حصل حاجه مش هقدر اكلمك لفتره ، يعني مقالش مش هيكلمني خالص ، بيحب يحط احتياطاته😆
و عرفت أنه رجع للبنت دي ، وهي رجعتله ، اتعصبت و دخلت بعتلها سكرينات لما كان بيشتمها معايا ، وكان بيقول أنها replacement ليا ، وأنه صاحبها عشان شايفني فيها و الكلام ده 
المهم بعتهولها ،و الموضوع كبر و أنا وهو وهي اتكلمنا و طبعا هلفتناه
و الفكره هو دخل صاحبه في الموضوع ، وصاحبه غلط فيها بكلام مقرف ، و الولد ده ذات نفسه غلط فيها بردو و شتمها بشتايم قذره غير اللي كان قالها معايا عليها
المهم ، أنهم لسه مرتبطين ، مش عارفه هي ليه بصراحه بعد كل اللي شافته و سمعته عنه لسه مش مصدقه أنه وحش
من رايكم هي ليه لسه بتعمل كده، الموضوع مشتتني الحقيقه ، كان في دماغي أنها بتنتقم منه زي ما هي قالتلي بس حاسه ان الموضوع عبط منها لانها حاليا بتنزل عن أنها بتحبه وهما علاقتهم كويسه وهو الولد المحترم اللي ميقبلش كلمه عليها و الكلام ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_74112 🇪🇬

منذ ساعة واحدة

شعور رائع

انا شخص معنديش اهم و اغلى من مستقبلي فكنت ديما بحس اني لو أديت اهتمام كبير ل شخص لدرجة اني ادايق و ازعل و اجي ع نفسي هميل اكتر للاكتئاب ف انا بدي لمستقبلي اهمية 98 و اي علاقة سواء توكسيك او غيرها اهمية 2

Cookies_63766 🇪🇬

منذ ساعة واحدة

شعور وحيد

انا شخصيه لما بحب حد ببقى علطول متحمسه كده معاه وبتكلم كتير وببقى شبه طفله ولو الشخص اللي قدامي مكانش معايا بنفس الطريقه بحس أن انا تقيله عليه وأن ممكن يشوفني مدلوقه وكده وممكن يكون مش حابب اني بتكلم بخاف فعلا اني اكون تقيله على حد أو كده

Watermelon_74069 🇪🇬

منذ ساعة واحدة

شعور محبط

عبّر عن شعورك بشكل مجهول

......بسم الله نبدا الحكايه......
انا كنت بصاحب تالت اصحاب بس كانو زي اخواتي وكان في واحد اقرب لقلبي اوي يعني سري معه اكتر بقعد معه اكتر بروح عندو البيت اكتر وصحبي التاني ده جدع وبحبه لاكن بعز الاول  اكتر المهم 
صحبي ده الحال عنده كويس بس هوا شيفنا احنا الاتنين اننا اغنا منه وكل واحد فينا عنده شقه بتعته وبيت كبير والحاجات دي انما هوا لا واحنا عمرنا ما حسسنا بكده وبل بلعكس كنا بنسعده كتير وادينا في ايد بعض واي حاجه يحتجها بنحاول اننا نعملهالو حته لو بلمجهود مش مديه يعني 
لو كان بيحتجني في حاجه ببقا موجود معه من غير ما يقول
وكل حاجه تحت يحتجها 
جه يوم واحتجته عشان بنشطب البيت بتعنا كلو والوجه بتاعت البيت كنت بغيب من الشغل وهوا في نفس الشغل بتاعي اقوله اعملي كلم المدير عرفه الدنيا اللي عندي وانا مشغول وكده يقولي ماشي حاضر وبعد كده يقولي نسيت
وقوله تعاله عندي في البيت في شويه حاجات هنعملها ييقولي حاضر وميجيش قاعد كده لحد لما خلصنا توضيب البيت وبقا بسم الله مشاء الله جميل اللهم بارك 
وهوا لحد دلوقتي مجاش ولما جه مقلش حته اللهم بارك ولا قال اي حاجه غير اني شايف في عينه الحقد عليا 
ومن سعتها وانا مقطعه
هل كده انا غلطان ولا ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.