Blueberry_69403 🇪🇬's فكرة

مشاكل جيل 2004 مع الأهل والمصروف

Blueberry_69403 🇪🇬

منذ يوم واحد

في مشكله أنا ديما بشوفها هنا في الابلكشين دا و في الواقع لم اتكلم مع مثلا ويفتح ليا قلبوا شويه هو جيلنا 2004 بجد شباب وبنات كلنا عندنا مشاكل مع اهلنا ومش فاهمني ولو فاهمنهم و اهلنا ديما شايفين اننا بنخرج ونروح كليه وعندنا رفيهات الذهاب للكليه و الخروج و ديما عندنا مشاكل معهم من الناحيه الماديا خصوصا مع الاسعار دي ونفسنا نصرف ع نفسنا جنب الكليه ونترحم من كلمهم ومش عارفين هما مش فاهمني ولا احنا فاهمينهم و كمان لي الخروج مع واحده صحبتي يبقي من وراء اهلي عشان كدا كدا هيرفضوا و بالنسبه ليهم رافيهه فوق الرفاهيه بجد كلنا بنتشارك مشكله واحده وبنعيش نفس الحياه بشخصيات مختلفه مع ناس مختلفه

تمت كتابة هذا المحتوى بواسطة Blueberry_69403 🇪🇬 ويعبر عن آرائه الشخصية فقط. نحن غير مسؤولين عن أي معلومات أو أفكار أو معتقدات غير صحيحة واردة فيه.

هل كانت هذه المعلومات مفيدة؟

Strawberry_62095 🇪🇬

الزواج مش مشكلة فلوس.. ده اختبار رجولة ومبادئ!

معظم مشاكل الشباب حاليا (خاصة الرجال) من أفضل وأهم حلولها هي الزواج بشريك حياة صالح، ولما حد يُنصَح بالزواج بيكون أكبر عائق له هو: الفلوس والماديات وما يتعلق بهما - هقولك نصيحة من أخ بيحبك وحريص على مصلحتك، ومش كتير هيقولك الكلام ده: أكبر مشكلة هتواجهك في الزواج ليست الفلوس! لأن مشروع الزواج الله متدخل فيه بشكل مباشر، ومش محتاج أقولك يعني ايه (الله متدخل فيه) بالمعونة المباشرة! قال رسول الله ﷺ: ثلاثةٌ حقٌّ على اللَّهِ عونُهُم: المُجاهدُ في سبيلِ اللَّهِ، والمُكاتِبُ الَّذي يريدُ الأداءَ، والنَّاكحُ الَّذي يريدُ العفافَ. - أكبر مشكلة هتواجهك هي أنك تكون راجل وعندك موقف وشخصية ومبادئ ومتقبلش حد يحملك ما لا تستطيع وترضى بحجة أن كل الناس بتعمل كده ولازم أقبل! إياك تعمل كده في نفسك مهما حصل أنت بتعرِض نفسك (بظروفك الحقيقية) دون أي تجميل، وصدقني صراحتك ووضوحك دي رجولة وشخصية ودلالة على أنك رجل صادق مع نفسك ومع الناس ومتحمل لمسئولية فعلا، واللي مش هتقبل غيرها هيقبل كتير، ف متحجرش أفكارك ودماغك - الزواج إيجاب وقبول عادي ظروفك تكون مش مناسبة لبنت معينة، بس الأكيد أن غيرها هيتقبل، ف أنت دورك تبحث ومتملّش وتسعى وتستعين بالله، لكن متكونش قافل دماغك على واحدة معينة ليها شروط فوق طاقتك وتقبل شروطها وشروط أهلها وترجع تشكي من الظروف وتقول مش قادر وصعب وكتير! فيصيبك إحباط وتعزِف عن الزواج والحياة تسود في وشك لو سمحت خليك راجل وشخصية ولا تجعل أحد يجبرك على شيئ فوق طاقتك، واللي مش هتقبلك عادي من حقها، ومن حقك انت كمان تدور على واحدة قابلة ظروفك وسعيك الحالي والله يبني الدنيا مليانة بنات عاوزة تعيش وهتقبل، بس دوّر ومتقلقش، والعملية نسبة وتناسب، وكل واحدة حرة هي وأهلها، وطالما أنك بتشتغل وبتسعى ومحترم وبتتقي الله وعاوز العفة، فاللي ترفضك هي الخسرانة - وكلمة لكل بنت وأهلها أنكم تستلفوا عشان تجيبوا غسالة بالشيئ الفلاني وتلاجة ١٨ قدم ماركة معرفش ايه، وبوتجاز وسخان وغسالة طباق واير فراير ومطبخ وسجاد ونجف وادوات مطبخ كتير ومتعددة بأرقام خزعبلية وكبيرة أوي عليكم، والله العظيم ده كله ولا له أي لزمة، أنتم مش محتاجين إلا الأساسيات اللي كل بيت بيستخدمها، أساسيات وبس لكن محاولة تقليد الناس بشكل أعمى وتحميل نفسكم فوق الطاقة ده غلط وضغط كبير عليكم بلا سبب واضح، ومتتكسفوش من ظروفكم، وبرضو زي ما فيه ناس مش هتقبل، فيه ألف راجل هيقبل عادي، متحملوش نفسكم فوق الطاقة بسبب ضغط المجتمع وتأخروا زواج بناتكم ((فقط لأجل الفلوس)) وتتداينوا بمئات الآلاف للناس وتعيشوا في كرب مش فرح! عيشوا عيشتكم يا جماعة بدون خجل، لأن محدش بيختار رزقه ولا ظروفه، والحمد لله على كل حال، بلاش تحطوا ضغط على نفسكم وتصعبوا السهل وترجعوا تزعلوا أنه صعب! لأنه احنا اللي صعبناه على نفسنا وللمرة العشرتلاف: اللي مش هيقبل غيره هيقبل، بس احنا ندور ومنزهقش، اللي عاوزين يعيشوا كتير، والزواج (ماديا) فعلا من أسهل المشاريع، واسأل المتجوزين صح يقولولك! - اللي ننشغل بيه فعلا هو: التأهيل للزواج نفسيا وفكريا سواء بسماع محاضرات أو قراءة كتب عن ده أو اشتراك في دورات تعلم، هو ده اللي ينبغي العمل عليه والاجتهاد فيه، مش أي حاجة تانية، وده اللي بينجّح الزواج مش أي حاجة تانية، واسمع من أخوك تكسب ...عرض المزيد

Blueberry_61513 🇪🇬

أهالي بيعاملونا كملكية خاصة! دي مش حكايتنا

رسالة مهمه للكل ويمكن تفرغ غضبكم... ولو حد عنده اي كلمه يكتبها عادي بس اتمنى تفهموا منظوري للأمور لإني سبق وبصيت في اتجاهات كتيرة بس بسبب ان البوست كبير اوي هيبقى صعب اغطي كل الجوانب... هو ليه بقيت أشوف أهالي كتير بيعاملوا ابناؤهم على انهم ملكية خاصه؟ حضراتكم دي مش ملكية خاصة، دي روح ربنا نفخ فيها علشان نحافظ عليها مش علشان حضرتك تتحكم فيها وتقول تعمل ايه ومتعملش ايه! على عيني وعلى راسي ان كل أب وأم عايزين الأفضل لأولادهم، ودا مش موضوعي ومش اعتراضي... بس لما التحكم يزيد عن حدة لدرجة يختارولك تتجوز امتى ومين وفين ويختارولك تخصصك الدراسي او حتى تقرأ ايه ومتقرأش ايه ونتعلم ايه ومتتعلمش ايه، بل وتاخد الناس مرجع ليك والناس قالت ومقالتش والناس هتقول علينا ايه وميقولوش ايه...دي مش حكايتنا، ربنا مفرضش علينا تخصص معين او دراسة معينه ربنا والرسول حثونا على العلم مش الاجبار اني اتعلم وكمان حاجه انت مش حاببها! كدا لازم نعمل وقفه ونشوف دماغنا وعقليتنا مش كلامنا وكلام الناس! الكلام دا اتمنى اقوله لأهلي قبل ما أنشره بس حقيقي مبيسمعوش! او بيسمعوا بهدف الرد لا اكتر! ولما الأولاد ييجوا يحاولوا يطوروا من علاقتهم بيكم وميلاقوش نتايج بل وتلاقي أولاد هربوا من أهل زي الأجانب، كدا تبقى فيه مشكله، ومش المشكله كلها على الأولاد ومش المشكلة كلها على الأهل، بس حقيقي انا مشوفتش حاجه تستفزني اكتر من التحكم والسيطرة... معلشي لو دا كان خوف فهم كدا مش هيتعلموا حاجه! امتى تسيب ابنك يخرج الدرس او المدرسة لوحده، او حتى يشتغل علشان يعتمد على نفسه امتى هاا؟ وامتى تثقوا في بناتكم ومتحسسوهومش انهم بس مجرد أداة للبيت مش اكتر بعد الجواز! بجد مجرد ذكري للي سمعته وللي بعانيه ميخلينيش اخرج كل إلي عايزه اقوله! بجد دا قهر! تعرفوا ان معظم أخطاء الشباب بيبقى بسبب الأهل! مش علشان مجربوش بل لإنهم محسسينهم انه لو معملتش كذا او لو عملت كذا هبهدلك وهبهدل كرامتك! طب ليه يا حبايبي، الواحد شاف ايه علشان يعمل في عياله كدا؟ ولو عانى مينفعش حاجه تطلع للعيال! احنا ذنبنا ايه؟!! ولازم يحطوا في اعتبارهم اننا في عصر الفتن والتكنولوجيا...يعني متحطش ذنب على ابنك قبل ما تعرف هو بيمر في يومه ايه! دا خلى فيه فجوة محدش شايفها غير الابن! وبالنسبة للأمهات والأبهات إلي بيجيبوا تلفون لطفل عنده سنه علشان ميعيطش ويتلهى... معلشي، انت دلوقتي مدمن فون وشوف وقت الشاشه عندك وهتعرف او انتِ يا طنط يا إلي بتعملي كدا علشان شغل البيت وبرنامج طبخ الشربيني، حضرتك لو اهتمامك متركز على اطفالك ولو بيعيطوا بس بدون شاشات هتلاقيهم بيحسوا بيكم وبيهدوا لما بيكونوا معاكم... انا وتعاملت مع اطفال كتيرة وناس اكتر رغم انطوائيتي وشفت بلاوي بسبب حتة الحديده إلي في ايدك دي... بالله متلومش طفل على الادمان او الطريق الغلط او متابعة الترندات زي الخرفان وسوء أخلاقه بسبب وسائل التواصل وانت اصلا السبب الاساسي في دا! آسفه اني انفعلت بس والله الموضوع مستفز، وفكرة ان معظم جيلنا عنده اضطرابات وامراض نفسية بسببكم وبسبب البيئة وترجعوا تقولوا صغيرين على الإكتئاب و مش عارفه ايه، حبايبي الموضوع موجه لما تلاقوا ناس في نفس سنكم او اصغر بيقول نفسه او يرتكب جريمة قتل او تحرش... وكمان انتم مينفعش حتى تسيبوا دا كله يأثر فيكم لدرجة انكم تعملوا كدا... فيه امراض فيه تحكم فيها ومش معنى انك عندك اكتئاب تروح تتحرش او تموت حد علشان تطلع كبتك فيه! ...عرض المزيد

Apple_62938 🇪🇬

حاول تفهم والدك.. عمرك ما حتشوف الصورة الكبيرة زيه

حاول تحسن علاقتك بوالدك حاول تفهم أن الحياة عبارة عن صور صغيرة جنب بعض بتكون صور اكبر فانت كل ما تكبر حنشوف صور صغيرة اكتر فتقدر تشوف صور كبيرة اكتر بس عمرك ما حتشوف الصورة الكبيرة اللى والدك قدر يشوفها فحاول تسمع كلامه واسمع منه مش حيتعوض والدنيا حتدوسك بعده مهما كنت قوى حرفيا حتتداس صدقنى ...عرض المزيد

التجربة أفضل عبر التطبيق

حمّل تطبيق توهيل على هاتفك لتجربة أسرع