Nutella_86155 🇪🇬's فكرة

سر الزواج الناجح ومبدأ التضحية مع الشيخ محمد خيري

Nutella_86155 🇪🇬

منذ 5 أيام

كنت بسمع محاضرة النهاردة للشيخ محمد خيري عن معايير إختيار الزوج كان بيقول انه المعايير مش حاجه ثابته وانه كل واحد حر يختار و يقرر معياره زي ما هو عايز بس لازم يكون مستعد لمبدا التضحيه انه قصاد كل معيار هيضحى و يتنازل عن حاجه تانيه ف أنك تتقبل التضحيه ده اللى بيخلى زواج ناجح و زواج فاشل حقيقي الشيخ محمد خيري حد عنده خبره و علم كبير جدا بحس في كل مرة بحضر له حاجه انى مش عايزة اطلع من المحاضرة وانى محتاجه اسمعها مرة و اتنين و عشرة جزاه الله عنا خيرا و بارك في عمره ❤️

تمت كتابة هذا المحتوى بواسطة Nutella_86155 🇪🇬 ويعبر عن آرائه الشخصية فقط. نحن غير مسؤولين عن أي معلومات أو أفكار أو معتقدات غير صحيحة واردة فيه.

هل كانت هذه المعلومات مفيدة؟

Strawberry_62095 🇪🇬

الزواج مش مشكلة فلوس.. ده اختبار رجولة ومبادئ!

معظم مشاكل الشباب حاليا (خاصة الرجال) من أفضل وأهم حلولها هي الزواج بشريك حياة صالح، ولما حد يُنصَح بالزواج بيكون أكبر عائق له هو: الفلوس والماديات وما يتعلق بهما - هقولك نصيحة من أخ بيحبك وحريص على مصلحتك، ومش كتير هيقولك الكلام ده: أكبر مشكلة هتواجهك في الزواج ليست الفلوس! لأن مشروع الزواج الله متدخل فيه بشكل مباشر، ومش محتاج أقولك يعني ايه (الله متدخل فيه) بالمعونة المباشرة! قال رسول الله ﷺ: ثلاثةٌ حقٌّ على اللَّهِ عونُهُم: المُجاهدُ في سبيلِ اللَّهِ، والمُكاتِبُ الَّذي يريدُ الأداءَ، والنَّاكحُ الَّذي يريدُ العفافَ. - أكبر مشكلة هتواجهك هي أنك تكون راجل وعندك موقف وشخصية ومبادئ ومتقبلش حد يحملك ما لا تستطيع وترضى بحجة أن كل الناس بتعمل كده ولازم أقبل! إياك تعمل كده في نفسك مهما حصل أنت بتعرِض نفسك (بظروفك الحقيقية) دون أي تجميل، وصدقني صراحتك ووضوحك دي رجولة وشخصية ودلالة على أنك رجل صادق مع نفسك ومع الناس ومتحمل لمسئولية فعلا، واللي مش هتقبل غيرها هيقبل كتير، ف متحجرش أفكارك ودماغك - الزواج إيجاب وقبول عادي ظروفك تكون مش مناسبة لبنت معينة، بس الأكيد أن غيرها هيتقبل، ف أنت دورك تبحث ومتملّش وتسعى وتستعين بالله، لكن متكونش قافل دماغك على واحدة معينة ليها شروط فوق طاقتك وتقبل شروطها وشروط أهلها وترجع تشكي من الظروف وتقول مش قادر وصعب وكتير! فيصيبك إحباط وتعزِف عن الزواج والحياة تسود في وشك لو سمحت خليك راجل وشخصية ولا تجعل أحد يجبرك على شيئ فوق طاقتك، واللي مش هتقبلك عادي من حقها، ومن حقك انت كمان تدور على واحدة قابلة ظروفك وسعيك الحالي والله يبني الدنيا مليانة بنات عاوزة تعيش وهتقبل، بس دوّر ومتقلقش، والعملية نسبة وتناسب، وكل واحدة حرة هي وأهلها، وطالما أنك بتشتغل وبتسعى ومحترم وبتتقي الله وعاوز العفة، فاللي ترفضك هي الخسرانة - وكلمة لكل بنت وأهلها أنكم تستلفوا عشان تجيبوا غسالة بالشيئ الفلاني وتلاجة ١٨ قدم ماركة معرفش ايه، وبوتجاز وسخان وغسالة طباق واير فراير ومطبخ وسجاد ونجف وادوات مطبخ كتير ومتعددة بأرقام خزعبلية وكبيرة أوي عليكم، والله العظيم ده كله ولا له أي لزمة، أنتم مش محتاجين إلا الأساسيات اللي كل بيت بيستخدمها، أساسيات وبس لكن محاولة تقليد الناس بشكل أعمى وتحميل نفسكم فوق الطاقة ده غلط وضغط كبير عليكم بلا سبب واضح، ومتتكسفوش من ظروفكم، وبرضو زي ما فيه ناس مش هتقبل، فيه ألف راجل هيقبل عادي، متحملوش نفسكم فوق الطاقة بسبب ضغط المجتمع وتأخروا زواج بناتكم ((فقط لأجل الفلوس)) وتتداينوا بمئات الآلاف للناس وتعيشوا في كرب مش فرح! عيشوا عيشتكم يا جماعة بدون خجل، لأن محدش بيختار رزقه ولا ظروفه، والحمد لله على كل حال، بلاش تحطوا ضغط على نفسكم وتصعبوا السهل وترجعوا تزعلوا أنه صعب! لأنه احنا اللي صعبناه على نفسنا وللمرة العشرتلاف: اللي مش هيقبل غيره هيقبل، بس احنا ندور ومنزهقش، اللي عاوزين يعيشوا كتير، والزواج (ماديا) فعلا من أسهل المشاريع، واسأل المتجوزين صح يقولولك! - اللي ننشغل بيه فعلا هو: التأهيل للزواج نفسيا وفكريا سواء بسماع محاضرات أو قراءة كتب عن ده أو اشتراك في دورات تعلم، هو ده اللي ينبغي العمل عليه والاجتهاد فيه، مش أي حاجة تانية، وده اللي بينجّح الزواج مش أي حاجة تانية، واسمع من أخوك تكسب ...عرض المزيد

Apple_62938 🇪🇬

اوعى تفتكر إنك شايف النسخة الأصلية قبل الجواز!

وانت بتخطب أو بترتبط عموما اوعى تفتكر انك شايف النسخة الأصلية من الشخص اللى قدامك اوعى تحاول توهم الطرف الآخر أن دى طبيعتك خليك متاكد انك بتخرج دلوقتى احسن ما فيك وكذلك الطرف الآخر افرح بحلاوة البدايات وجمال الحب بس بعد كده ارجوك ركز ارجوك ركز انت بتحب السهر وهى بتنام بعد العشاء حاجة بسيطة اوى بس اتاكد أن لازم واحد فيكم يتغير فهل انت حتقدر تتغير بلاش فرضية أنها هى اللى حتتغير بعد الزواج انتى عارفة نفسك عصبية واكتشفتى أنه عصبى طيب وبعدين، الحب حيعملكوا ايه ف الحكاية دى حتظهر الشخصية الحقيقة وقت الخلاف حتكتشف أنها بتحكى مثلا بصحبتها أدق التفاصيل وده شى مش مناسب ليك فاعرف أنه حيتكرر بعد الزواج حضرتك لقيته بيشتم وبيقول ألفاظ مش لذيذة بعد الجواز اوعى تتخيلى أنه وقت عصبيته حيخش يتوضأ ويصلي ، اوعى قيس على كده كل حاجة فحدد وحددى الخطوط الحمرا بتاعتكم عشان بقية الخطوط كلها حتتداخل مع بعضها بعد الجواز ...عرض المزيد

Coffee_56100 🇪🇬

اختار الشخص اللي يضحي عشانك مش اللي بيبيعك

لـما تـختار حد يـبـقى فى حـياتـك اخـتار صـح إخـتار الإنـسان بروحـه الحلوة مش اللـى شـكله حـلو وعـاجـبك إخـتار اللـى يـبيـع ويـضـحى عـشانـك مش اللـى يـبـيعك ويـضـحى بـيك إخـتار اللـى يـسـندك لـما تـقع وتـقوى بـيه مش اللـي يـشـيل منك طـول الـوقـت إخـتار اللـى بـيـحبـك لـشخـصك مش لـمـصلحـته هـو وبـس إخـتار الصـاحـب إللـى بـجـد شـاريـك وبـيخـاف عـليـك مش اللـى بـيعـامـلك حسب رغـبـته إخـتار اللـى يـهـون عـلـيك وجـعك وتـعبـك مش اللـى يـهـون عـلـيه زعـلك إخـتار الإنـسان إللـى يبـقـالـك أب وأخ وقـت النـصـيحـة مش اللـى غـرضـه يـسعـد نـفسـه ويـنسـاك إخـتار الإنـسان إللـى مـش بيـمل مـنـك وعـاوزك مـعاه طـول الـوقـت مش إنـسان متـقلب المـزاج ...عرض المزيد

التجربة أفضل عبر التطبيق

حمّل تطبيق توهيل على هاتفك لتجربة أسرع