اوعى تفتكر إنك شايف النسخة الأصلية قبل الجواز!

Apple_62938 🇪🇬

منذ شهر واحد

وانت بتخطب أو بترتبط عموما اوعى تفتكر انك شايف النسخة الأصلية من الشخص اللى قدامك اوعى تحاول توهم الطرف الآخر أن دى طبيعتك خليك متاكد انك بتخرج دلوقتى احسن ما فيك وكذلك الطرف الآخر افرح بحلاوة البدايات وجمال الحب بس بعد كده ارجوك ركز ارجوك ركز انت بتحب السهر وهى بتنام بعد العشاء حاجة بسيطة اوى بس اتاكد أن لازم واحد فيكم يتغير فهل انت حتقدر تتغير بلاش فرضية أنها هى اللى حتتغير بعد الزواج انتى عارفة نفسك عصبية واكتشفتى أنه عصبى طيب وبعدين، الحب حيعملكوا ايه ف الحكاية دى حتظهر الشخصية الحقيقة وقت الخلاف حتكتشف أنها بتحكى مثلا بصحبتها أدق التفاصيل وده شى مش مناسب ليك فاعرف أنه حيتكرر بعد الزواج حضرتك لقيته بيشتم وبيقول ألفاظ مش لذيذة بعد الجواز اوعى تتخيلى أنه وقت عصبيته حيخش يتوضأ ويصلي ، اوعى قيس على كده كل حاجة فحدد وحددى الخطوط الحمرا بتاعتكم عشان بقية الخطوط كلها حتتداخل مع بعضها بعد الجواز

هل كانت هذه المعلومات مفيدة؟

0

0