وسواس قهري

Apple_72958 🇪🇬

منذ يوم واحد

شعور متعب

هل في حد هنا عنده تجربه مع الوسواس القهري وراح لدكتور نفسي وبيتعمل معاه ازاي وهل بياخد علاج وكلام وبس عشان أنا عندي من صغري وزهقت منه وعايز اروح لدكتور نفسي بس قلقان من الخطوه لان انتو عارفين المجتمع بيبص للشخص اللي بيروح لدكتور نفسي يبقي مجنون ياريت اللي عنده تجربه يقول ضروري

Toast_62844 🇪🇬

منذ 3 أيام

شعور مريض

محتاج ارووح لدكتور نفسي بس فيه اسباب كتير تمنعني حاليا من ده...لاني جربت كل حاجة اني احل مشاكلي واظبط دماغي مش عارف حرفيا دماغي اتقلبت 180 درجة من حوالي خمس سنين وسواس قهري وعدم تركيز بعد ما مكنتش بفوت تفصيلة بقيت مش حاضر ذهنيا مع الناس حتى ومهما بيتكلمو معاياا ولا حاضر ذهنيا ف اي حاجة بعملها خصوصا

Apple_72445 🇪🇬

منذ 5 أيام

شعور محبط

عبّر عن شعورك بشكل مجهول

انا متشخص اني عندي (إدمان ـ وسواس قهري ومعاه قلق وتوتر ونوبات هلع - مع ADHD)
يمكن انا حالتي مختلفه شويه يعني بدات الحكايه باني كنت طول عمري وحيد دايما بحكم اني كنت الصغير في اخواتي الولد على ثلاث بنات المهم اني كنت الصغير في كلا العائلتين كمان ما كانش في ترابط جامد قوي بينا وبين العائلتين يعني ما كانش في تجمعات عائليه وان اخواتي البنات كانوا معظم الوقت بيحبوا يكونوا مع بعض ما محتضنونيش المهم يعني على كلامهم زي ما اتقال لي منهم مره احنا بنات في وسط الكلام أنهم بنات في وسط بعض  كمان ابويا وامي ما كانوش يعني المرتبطين بيا قوي بالعكس المهم اللي كان البيت كله كان بينام بدري وانا كنت بحب اسهر المهم كانوا يسيبوني لوحدي في الاوضه بدون اي وسيله تسليه فين وفين على معرفه ان في راديو في البيت ولحد الان الكلام ده موجود يعني كل اللي حكيته ده موجود لحد النهارده كمان كنت شقي شويه او بحب او فراك شويه فكنت دايما احب الهزار واحب انكش في كل اللي قاعدين ماشي فكانوا شايفينني الشقي جامد وودوني لدكتور نفسي اداني علاج نفسي ده كله غير اسلوب التربيه اللي ربوني بيه زي التحكم حتى لحد الان وانا كبير واني لازم اعمل اللي على مزاجهم ويتدخلوا في كل حاجه حتى لو هعمل كوبايه شاي ولو عايز اعمل حاجه على مزاجي افضل اعمل خناقه كبيره واتعب بعدها وده ملخص بسيط لسبب انا هنا ليه دلوقتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_63739 🇪🇬

منذ 6 أيام

شعور متعب

انا اتخنقت والله انا بقالي خمس سنين بعاني من الوسواس القهري في اخر اربع سنين اتغلبت على معظم الوسواس بس السنه الخامسة دي عندي وسواس صعب جدا انه ممكت قطة تخربشني وانا مش واخد بالي اي حاجة تخبط في رجلي اقعد ابص في كل الشارع واي حد يخربشني ب ضوافره اقول ضوافره دي كان فيها لعاب كلب او قطة انا اتخقنت وال

Jackfruit_65540 🇪🇬 لو فيه مقدره انك تروح ل دكتور مختص يبقى ياريت جدا عشان ممكن يكون وسواس قهري شديد ولو مفيش ف فيه حاجه ممكن تساعدك جدا تقلل من الوسواس متحاربش الفكره المتكرره عن النظافه الشديده أو الخوف من السعار حاول تمسك مثلا قطه لو عندك اي حاجه عندك ف البيت انت بتشوفها ملوثه وتحس أن هي ممكن تسبب لك قلق و متغسلش ايدك بعدها(متسمعش كلام الإلحاح) ف البدايات حتحس ب قلق و القلق ده حيخف بالتدريج اهم حاجه متستجيبش

عرض الكل 2 نصيحة

French Fries_72297 🇪🇬

منذ 6 أيام

شعور غاضب

السلام عليكم ، مش عاوز اطول عليكم ، أنا طالب جامعي مغترب ، ومتي طالب جامعي بيستأجر بيت مع زملائه وكل واحد يحاسب على غرفته ، المهم ، أنا وزميل ليا استأجرنا شقه غرفتين بدون تكييف وأثاث مقبول نوعا ما لكن السعر مبالغ فيها لكن لم نكن نعلم سعر السعر وكنا مضطرين نظراء لضيق الوقت ، فيد باك بسيط : صاحب الش

Onion_61988 🇪🇬 معنديش اجابه للقصه غير حصل خير و متشغلش بالك هتشرب كوبايه شاي ع القصه دي و تنساها ...بعد كدا لما تيجي تاجر شقه تتفق على كل حاجة ما تمضي و ربنا يكرمك ف اللي جاي

عرض الكل 2 نصيحة

عبّر عن شعورك بشكل مجهول

فيد باك بسيط : صاحب الشقه هو عجوز كبير في السن هو وزوجته

في البدايه كل شيء مشي على ما يرام ، لكن كان هنالك شيء مزعج نوعا ما ، وهو بان العجوزين كانوا يزورونا من اجل اثاث غرفتهم المغلقه ( الغرفه الثالثه الذي ليست في الايجار ) ، ففي البدايه لم اعر اهتمام بالأمر طالما مش مطولين

لكن الأمور من بعدها بدات تسوء ، كان هنالك كاميرا في المنزل ، حرفيا ذلونا بيها ( اصل بتحميكم اصل مش عارف ايه إلى آخره. ) لكن لم اعر اهتمام تجاه هذه الشيء

بعدها زميلي غادر بسبب ان ألسنه الدراسيه انتهت لكن أنا لم أغادر بسبب الصيفيه، فبعد مناقشه طويله قال لي صاحبه المنزل بان تأتي هي وزوجها إلى غرفه زميلي وأحسب أنا فقط على غرفتي مقابل ان ياتوا بالقليل من الأثاث ( ضعوا تحتها ألف خط ) في البدايه الأمور كانت تسير بشكل طبيعي إلى ان في يوم فجاه قرروا ان يحددوا البيت كامل دون ما اتفقاه عليه ، ( عامل دهان ونجار وسباك ) ، والذي زاد الطين بله هو أنهم وضعوا أثاثهم في غرفتي الشخصيه ؟ وضعوا ثلاجه ووضعوا أشياء اخرى وخلعوا الستاره

لكن لم أغير اهتمام وقلت : كلها مجرد أسبوعان وتنتهي الأمور ، إلى ان قرب موعد انتهاء العقد ، بكل اندفاعيه أتت لتتهمني بانني أتلفت كل من ( مكيف الاسبلت في الصاله - البوتوجاز - اثاث الصاله - السرير - المنزل - وأنني أيضا كنت أستضيف بعض من زملائي - قعده التوليت- الشفاط - النيش- الفرش ) وفوق كل هذه تمننت علي وقالت : احمد ربك جبت لك التامين ، هنا أنا غضبت جدا وخاصه بانني كان لدي ( اكتئاب واستخدم له أدويه وكذلك وسواس قهري - امتحانات صيفيه ورسوب في اول سنه - ضغط الغربه لأول مره - الكتمان عشان عمري لم أتحدث إلى اهلي عن مشاكلي التي حصلت لي في الغربه - ضغوط نفسيه ودراسيه )

بعدها حدثت نوبه غضب بيني وبينها لدرجه بانها قالت بانني مطرود ( وغداء لدي امتحان )

فرميت فلوس التامين في الأرض وقلت لهم بان يصلحوا اثاث الذي يدعون بانني أنا من دمرته

لكن بعدها من لطف الله بي بان زميلي الذي يقابل شقتي سمع الشجار وقال لي بان ائتي الى منزله

لكن مع المناقشه معاه قال لي بانني غلطت بسبب انني رميت الفلوس في الأرض نظرا باسلوبهم الوقح

السوال هو هل أنا مخطى ؟ 🤷

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_63739 🇪🇬

منذ أسبوع واحد

شعور لا مبالٍ

عايز اتكلم عايز شيء بيعاني منه معظم الشباب خصوصا الوطن العربي، حد لاحظ انك لما تتوقف عن العادة السرية تفكيرك المنطقي بيتحسن؟ وخصوصا اللي عندهم OCD او وسواس قهري، لو حد يعني حس بالحاجة دي ياريت يقولنا ولا انا لوحدي بس

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Marshmallow_64480 🇪🇬

منذ شهر واحد

شعور وحيد

انا مش عارفه اعيش مفيش حاجه بتفرحني عندي وسواس قهري بقالي ٣ سنين وخايفه اقول لأهلي محدش هيسدقني او هيفكروا اني مجنونه وانا محتاجه اتعالج لأني قربت اتجنن فعلا وظول الوقت لوحدي مفيش حد بيسمعلي ومفيش اصحاب ولا حبيب ولا دعم انا لوحدي واتخنقت والله😭😭

Mango_64484 🇪🇬 عارف ان الوسواس القهري صعب، لان بعاني منه من وانا عندي ١٠ سنين دلوقتي انا عندي ٣٧ سنه. متحكيش لأهلك لأن مش كل الأهل هيفهموا الى بنمر بيه وهيعاملونا كمجانين لو عرفوا ان بناخد ادويه نفسية، اهم حاجه تروحي لدكتور نفسي وتبدأي علاج دوائي عشان وسواس يقل وتعرفي تعيشي. انا كانت اجمل سنين حياتي هما السنتين الى كنت باخد ادويه للوسواس فيهم.

عرض الكل 9 نصيحة

Apple_52938 🇪🇬

منذ شهر واحد

شعور متوتر

أنا عندي ١٩ سنه كنت في علاقه مع بنت وكنت بحبها اوي المهم ان يا جماعه انا مريض وسواس قهري في كل حاجة في حياتي مش بعرف اعمل اي حاجة في حياتي خالص المهم بدا يجيلي افكار وسواسيه غريبه عن انها بتخوني مثلا او كده وافكار ملحه جدا انا اصلا عارف انها افكار مش حقيقيه بس مش عارف اعمل ايه فا من كتر الضغط التفسي

Almond_59558 🇪🇬

منذ شهر واحد

شعور محبط

هو لازم اكتب هنا بوست طويييل فشخ المهم يعني اللي عاوز اقوله اني زهقت من كوني بتوتر دايما زهقت من كوني من طبيعي زي باقي الناس عمال بحاول اخرج نفسي من دايرة التوتر دي بس خلاص جبت أخرى بقالي ٢٢ سنة عايش بحاول اتجاوز الموضوع دا انا حرفيا بخاف وبتوتر من اي حاجة واي حد مش بعرف اخد حقي مش بعرف اتكلم زي الن

Potato_60111 🇺🇸

منذ شهرين

شعور سعيد

موضوع:

اتغلبتو ازاي علي الوسواس القهري الخاصة بالنظافة

انا كنت بعاني من الوسواس القهري الخاص بالنظافة والترتيب لكن اتغلبت عليه عن طريق اني كنت اشوف الحاجة مش مترتبة واسيبها قاصد حتى لو كان الموضوع يضايقني وده اللي خلاني اتغلب عليه من غير ما اروح لاي دكتور

Banana_58230 🇪🇬

منذ شهرين

شعور لا مبالٍ

حل الوسواس القهري الفكري ايهههههه وازاي تغرف انك صوي نفسيا ازاي اعرف و لو فيه دايما مشاعر خوف من ان حاجه زباله تحصل او حلجه مش حلوه او يعني فو مسمعتش كلام الحاجه البحسها مش دايما يعني يبق حاجه خرا هتحصل ولو مسمعتش الكلام البحسه دماغي تفضل تفشلني واحس بمشاعر زفت فتره طويله مش مجرد يوم او اتنين وبفضل

Coffee_58158 🇪🇬

منذ شهرين

شعور مرتبك

Orange_58220 🇪🇬 نفس الشيء بنسبة ميه فالميه وخصوصا ف قصة المثالية ونفس المثال بتاع انك تتأكدي من تظليلك للدواير وتراجعي كذا مره انك مظلله ف الدواير الصح وبعد دا كله ف الاخر بعد م تخلصي بتراجعي ع ده مره كمان وغيره امثله كتير اوي (يا دا طبيعي عند اغلب الناس يا انا وانتي محتاجين نروح ل ثيرابي) مع اني ولد بس بمر بنفس حالتك

عرض الكل 5 نصيحة

عبّر عن شعورك بشكل مجهول

مش قادره اعرف ايه مشكلتي بالظبط ومعنديش المقدره او الشجاعه اني اروح لثيرابست مش عارفه مشكلتي anxiety ولا ocd ولا اني اصلا ده طبيعي ولا. لا بس انا بحس انه لا بطلع من الامتحانات اخر حد مع اني بكون مخلصه قبل كده بس بقت اظل دايره دايره واراجع واكون خايفه اني فوت حاجه عندي هوس بالمثاليه مع اني ساعات في حاجات تانيه عادي بكبر دماغي ، ده مجرد مثال لكن عمتا كل شويه اتاكد من مكان موبايلي ، قبل منزل اتاكد اني قفلت الباب والنور ومعايا المفتاح ، عامله زي نمط في مخي كل يوم اتاكد اني عملته قبل منزل ودايما عندي احساس اني ناسيه حاجه مش عارفه بس انا بقيت اضايق اوي وحاسه اني بحط نفسي في ضغط واوهام مع العلم اني والله ساعات بتغلب ع الموضوع وبكون عادي بس برجع اoverthink كتير اوي ده مشكله تانيه
مشكله تانيه اني ساعات بحس اني فعلا مش احسن حاجه نفسيا ومضايقه او زعلانه وانا شخص كتوم جدا واوقات اكون فعلا مكشره ومش بتكلم او بتكلم وبضحك بالعافيه واوقات اضحك واتكلم كتير واكون عادي مش قادره احدد ان فعلا عندي مشكله ولا لا وان ممكن يكون عندي فعلا اكتئاب مثلا ولا لا
حاجه كمان ان بالنسبة للocd مش حاسه ان عندي مشكله مع النضافه اوي يعني بحب انضف الحاجه كويس ولكن لو حواليا كركبه ساعات بكون عادي  سيباها لحد ماحي انضفها يعني معنديش هوس ان لازم كل حاجه طول الوقت تكون بيرفكت ومظبوطه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pumpkin_56117 🇪🇬

منذ شهرين

شعور ضاق ذرعًا

انا عندي وسواس قهري شديد وعرفت امبارح ان اللي بيرتكب اي معصية قدام الناس يبقى مجاهر زي التبرج او نشر صوري وفي ناس بتقول تبع النية لو مع صحابك والحديث بيقول "كل أمتي معافى إلا المجاهرون" وحرفيا في كرب من امبارح لان كلنا بنرتكب ذنوب يعني احيانا بحط ميكب انا بحاول امنع والله واحسن في لبسي وكل حاجة فانا

Carrot_56149 🇪🇬 "يا عبادي الذين أسرفوا على أنفسهم لا تقنطوا من رحمه إن الله يغفر الذنوب جميعا" كونك بتجاهدي معناها أن ربنا بيحبك وبيختصك ب الابتلاء ده بيشوف هترجعيله وهتجاهدي نفسك ولا هتتمادي احساس الندم اللي عندك لوحده كفيل يخليكي تتحسني بالوقت.. كملي يا جميل انتي كويسه جدا ومفيش مشكله الحياه سقطات بس الشاطره اللي تقوم اقوى

عرض الكل 12 نصيحة

Avocado_49071 🇪🇬

نصيحة من أخوك: بلاش تضيع وقتك وارجع لربنا

السلام عليكم يارب تكوني بخير كنت حابب اكلمك ف حاجه هي مش عارف هتفيدك ولا لا بس انا اخوك او اخوكي وبنصحك لاني بحبك انا شخص ما مش مهم انا مين المهم انا جربت الابليشكن هنا وجربت وسائل التواصل كتير وجربت تيك توك وكل حاجه ممكن تتجرب انا عملتها بعد لف زهري كتير انا بقولك بلاش بلاش وحيات احلي حاجه عندك امسح يعم انظف نظف كل حاجه امسح كلو امسحهم كلهم اقعد زاكر اشتغل طور من نفسك قرب من ربنا امسح البتاع اللي يكلمك منه دا امسح كل حاجه ارجع لربنا توب وقرب منه افتكر انت هنا لي انت بتعمل اي بضيع وقتك ف اي ياسطا فوق بالله عليك مفيش وقت بطل العاده بطل اسكرول غض بصرك بطلو علاقات محرمه بطلو زنا بطلو سجائر بطل كل حاجه وارجع لربك ملكش غيره مفيش وقت صدقني ...عرض المزيد

0 الدعم

0 نصيحة

Sugar_62755 🇪🇬

محتاجة اتكلم مع حد شوية

السلام عليكم عامليين اي؟ عساكم بخير معلش محتاااجة اتكلم مع حد شويةةة ....... ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...عرض المزيد

1 الدعم

18 نصيحة

Marshmallow_73514 🇪🇬

ايه العيوب الجسدية اللي ترفضوا بنت بسببها؟

سؤال للشباب ايه شكل فتاة احلامكم؟ انا واحدة مش عايزة اتجوز علشان مش واثقة ف نفسي ولا جسمي من كتر الكلام والكومنتس السلبية بتاعت الشباب على البنات وبنات كتير زيي يعني ايه العيوب الجسدية اللي ممكن ترفضوا بنت بسببها حتى لو هي شخصية حلوة؟ ...عرض المزيد

1 الدعم

6 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع