واقعية

Coffee_33837 🇦🇪

منذ شهر واحد

شعور ضائع

بحب واحده وهي كمان بتحبني، بس انا عارف كويس اننا مينفعش نتجوز لاسباب كتير منها اجتماعيه ومنها مستوى ومنها اهل ومنها ومنها ومنها امبارح لظروف معينه اتحطينا مع بعض انا وهي وكنا بنتناقش ف ان كل واحد بيفكر ازاي ف الارتباط وكانت هي اللي فتحت الموضوع وانا اكدتلها ان الارتباط مش ف دماغي الفتره دي خالص عشا

Avocado_51186 🇧🇭 أنا من رأيي انك كنت فهمتها وجهه نظرك واعتقد هي كانت هتحترم قرارك جدا لأنك خايف عليها ومش هتخليها تستني علي الفاضي

عرض الكل 9 نصيحة

Coffee_32018 🇪🇬

منذ شهرين

شعور لا مبالٍ

الثاني والاخير (اللي عايزها كامله عشان لو بوست اتحذف او حاجه يبعت نقطه) قال اه وهما داخلين بقا كنا احنا اطفال انا الكبير ٦ سنين وفي توام ٤ وبنت ٢ ابويا بيقول قومت حاطط ايدي على باب الاوضه اللي كنتوا فيها وقعدت اكرر (وجعلنا من بين ايديهم سدا ومن خلفهم سدا فاغشيناهم فهم لا يبصرون) وعدوا ولا شافونا ك

عبّر عن شعورك بشكل مجهول

الثاني والاخير (اللي عايزها كامله عشان لو بوست اتحذف او حاجه يبعت نقطه)

قال اه وهما داخلين بقا كنا احنا اطفال انا الكبير ٦ سنين وفي توام ٤ وبنت ٢ ابويا بيقول قومت حاطط ايدي على باب الاوضه اللي كنتوا فيها وقعدت اكرر (وجعلنا من بين ايديهم سدا ومن خلفهم سدا فاغشيناهم فهم لا يبصرون)  وعدوا ولا شافونا كل دا وهو مش فاهم اي حاجه ولا عارف سبب دا كله ومستغرب انه مشافش رؤيه بدا قبل كدا 
ابويا كثير جدا يشوف رؤيا للحاجه قبل ما تحصل بس رجع افتكر انه شاف من اسبوعين ما علينا نكمل 
خدوه وطبعا هو مش فاهم حاجه والبلد كلها اتقلبت قالوا انه ارHابي وبيقول في واحد حلف بالطلاق انهم لقوا sواريخ ع السطح عندنا وطبعا كل دا كدب 
ويقوموا ياخدوه ويتسجن ولحد دلوقتي هو مش عارف حاجه ومغميين عينه ومش فاهم اي حاجه دخل سجن وبيقول فحته محدش بيطلع منها ومسجون بدون ورق ولا اي حاجه رسميه (حاجه زي sدnايا كدا)  وقعد هناك تحقيقات في تحقيقات لحد ما عرفوا انه هو والتلاته ملهومش فاي حاجه 
طبعا شخصيات خطر زيهم كل واحد في زنزانه والواحده فيها ٧٤ بني ادم كانوا بيصلوا هناك وبتاع وبعدين وسط التحقيقات قال لابويا انت كدا كدا طالع واللي معاك برضو بس الصبر وطبعا كلهم بدون ورق ولا اثبات انهم هنا اصلا واكنت الزنزانه معروفه بعدد لا اسم ولا شخص هما ٧٤ وخلاص وكان واحد مع ابويا هناك وله ابن عم في الزنزانه اللي فيها واحد من اللي مع ابويا قام ابويا بدل معاه بالليل وراح طمن اللي معاه انهم طالعين 
وقعدوا بقا هناك ابويا دارس تجويد كويس جدا وكان بيحفظ مع شيخ سنده ال ٣٦ او ٢٦ بعد النبي صلى الله عليه وسلم يعني لو كان اجاز ابويا كان زمانه سنده ٣٧او ٢٧ بس مات قبل ما يجيزه 
المهم يسيدي كانوا في الزنزانه بيصلوا وبتاع وسعات من غير وضوء يتيمموا وحاجه كرب فكان معاهم شيخ كبير كان زي ريسهم كدا وكان في واحد من سن ابويا قارئ بس ابويا اكتشف عنده غلطه وطبعا لو راح قاله هيقول انت بتتلامض عليا والكلام دا قام ابويا استاذن الشيخ الكبير انه يقوله هو قاله انت مين وقراءتك ايه فابويا حكاله وقرأ قدامه وظبط الدنيا قام مسك ابويا وقالهم يجماعه اح مد هيصلي بينا المغرب النهارده ابويا بيتهرب من الامامه معرفش ليه لحد النهاردة بس هساله المهم قاله تمام ودا كان اليوم ال ٢٦ ليهم او ٢٥ وقام ابويا قعد يدعي ويقول يارب اقسمنا عليك ان نبيت في بيوتنا الليله ويكررها واللي يعيط واللي واللي خلصوا صلاه وبعد ٥ دقايق دخلهم الظ ابط ونده اسامي الاربعه وقال برائه الظابط دا بييجي ينده على تحقيق ترحيل اول مره ينده برائه يقوموا ال ٦٥٠ اللي محبوسين يكبروا ويباركوا واللي يديه ارقام عشان يطمن اهلهم واللي واللي المهم طلعوه وراح خد تليفونه من الامانات ورن على البيت امه اللي ردت قالها انا راجع الليلادي وبتاع وفرحوا قام طلع ورن على كل ارقام الناس اللي ادوهاله وجاب كيس فاكهه وروح البيت فنص الليل كدا 
والبلد كلها كانت مستنياه وكانوا بيقولوا انه مات او مش هيوصلوله لان اللي بيروح هناك مبيطلعش 
رجع يعم البيت واداين وغرقان فالديون الحمدلله 
الشاهد من القصه ان الدعاء عباده مهمه جدا جدا جدا واحنا غافلين 
ابويا شاف فحياته كتير اوي اوي ولسه بيشوف عشان يربينا بالحلال 
لو كملت قرايه ادعي لابويا بالرزق وادعيلي ربنا يوفقني واجيب المجموع اللي نفسي فيه واريحه هو وامي عشان شافوا كتير ربنا يعفو عنهم ويرزقهم الفردوس 
(ممكن الكلام ميكون دقيق ١٠٠٪ فانا ببرأ نفسي حتى لا تحسب كذبه) 
دمتم في امان الله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_25909 🇸🇦

منذ 3 أشهر

شعور لا مبالٍ

عبّر عن شعورك بشكل مجهول

نتكلم في الحجاب
الحجاب فرض و كلنا عارفين كده من غير كلام و جنه و نار طبعاً 
تخيلي وانتي واقفه و اتلسعتي بتتوجعي و تفضلي تبصي عليها كل شويه و مش مرتاحه 
هل انتي هتستحملي نار الاخره الواحد بيفتح الفرن بيقول يارب ارحمني من عذاب النار تخيلي بقا كل بصه ليكي وانتي بلبس ضيق بتاخدي عليها سيه تخيلي انتي ماشيه في الشارع و في شابين قدامك و بنت قدام خالص 
البت دي لبسه بنطلون جينز ضيق و تيشرت مظبط وسطها و الطرحة لفه عادي رقبتها باينه 
في ناس هتقول في ناس بتلبس كده هقول اكتر من كده المهم البت طالعه حلوه في الطقم ده و كل حاجه الشبين الي قدام عكسوها و رموا كلام عليها طبعاً في بنات بتفرح بكلمه انها حلوه و في بنات بتزعل الي تزعل دي هتكون غريبه بصراحه انتي لبسه كده و زعلانه؟ 
لو مش عاوزه تسمعي كلمه زي دي كنتي هتبصي في المراية قبل ما تنزلي 
المهم الشب بيسال التاني بيقوله حرام عليك يعم دي شكلها حلو بيقول يعم ادينا بنتفرج و منها بنجبر بخاطرها 
و ضحكوا و مشيوا 
المهم البت الي ماشيه وره اتكسفت جدا ازاي بيبصوا كده اصلا لينا و جت في دماغه حاجات كتيره منها هل فعلاً لما الواحدة بتلبس كده بتكون رخيصة! 
 القصة دي حقيقه علي فكره و البت دي لبست الخمار بعد الموقف ده اصلا مكنتش مستحمله ان حد يقول عليها كلمه المهم الي حابه اقوله انا بنت زي زيك 
و جسم الواحد بيكون غالي عليه تخيلي كامل زينتك يشوفها كل النااس اي حد معدي من جنبك 
ولا لما تكوني غاليه و الغالي مش بيطلع غير لي الغالين 
ربنا خلاكي غاليه بحجابك و بدينك اي حد يشوفك بخمارك او نقاب هيوسع ليكي احترام ليكي و لي شكلك 
طبعا كلمه لي الشباب الي بتقعد تبصبص و تقولك محدش قالها تنزل كده 
والله مهمه الواحدة بتلبس في ناس استغفرالله عايزين تربيه طبعا لازم تغض بصرك مش هقولك عشان هوا فرض عليك و غصب عنك لازم تعمل كده  (قل للمؤمنين يغضوا من ابصارهم) (وقل للمؤمنات يغضضن من ابصارهن) 
بس حط اختك او امك او مراتك او اي حد من عيلتك في الموقف ده هيكون ايه احساسك؟

ربنا يهدينا كلنا يارب 
من (H) 🎀

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_11554 🇪🇬

منذ 3 أشهر

شعور مرتبك

انا عندي مشاعر لشخص من زمان وانا ليا فتره بحاول اتخلص منها بطلت اروح اي تجمعات هو فيها بس هو هيجي معانا مشوار لان مينفعش نروح لوحدينا انا من وقت معرفته وانا متوتره جدا وفي انبساط انا مش حباه اعمل اي اي حد ليه نصيحه واقعيه بالله

Coffee_26801 🇪🇬

منذ 3 أشهر

شعور مكسور القلب

أنا مش زعلانه أنا الفترة دي خلتني بقيت واقعية مبقاش فارق معايا أي حاجة ومش معنى كده إني بارده ومبحسش، بس كل موقف اتعرضت فيه لخذلان أو قلة تقدير أو عدم إهتمام كان بياخد من طاقتي لحد ما خلصت ومبقتش منتظره حاجة من أي حد، اللي عايز يعمل حاجة يعملها مش فارقة يعني مع الوقت هتفهم إن مش ضروري أو من الحاج

Strawberry_11964 🇪🇬

منذ 3 أشهر

شعور آسف

" كتاب ذا أثر علي النفس " 💗 وأنا بشتري الكتاب دا من سنة بالظبط مكنتش أعرف إنه يأثر فيا كدا لدرجة إني اتعلقت بيه جامد ول سبب دا كنت بقرأ منه حرفيا كل يوم صفحة عشان ميخلصش عشان كدا لسه مكملة نهايته من يومين ورغم دا مش مستوعبة النهاية ولا متقبلاه نهائي كأني لما أفتح الكتاب كمان شوية ألاقي نهاية غير مأ

Apple_51983 🇪🇬

منذ 3 أشهر

شعور خجول

عبّر عن شعورك بشكل مجهول

بما إن اغلب الآراء كانت استوري تايم فيها عيرة فاستوري تايم بس مش بتتكلم عني بل عن حد مقرب  مني وخلينا نقول إن إسم الشخصية دي منال مثلا 
و الاستوري فيها عبر كتير اوي 
هنرجع12  سنة لي وراء وقت ما اتجوزت منال عن حب واكتشفت بعد الجواز أن جوزها كان لي علاقات سابقة كتير واكتشفت خيانتو اكتر من مره و علاقتو بالستات دي مكانتيش مجرد كلام وغزل بل هدايا وكان بيصرف عليهم كمان مابين كان بيمثل علي منال انو مش معاه فلوس وشغلو مش احسن حاجة لدرجة إنو طلب منها تبيع دهبها وطبعا عملت كده استمرت خيانتو أول تالت سنين من جوزهم  ومقدرتش تسكت و واجهتو و رمي يمين الطلاق وهي راحت عند أهلها و حكت كل حاجة كانت منال واقتها معاها ولد صغير و حاول جوزها يرجعها وبعد كلام كتير بينو وبين أهلها اختارت ترجع 
عاشت منال وجوزها تالت  سنين زي الفل وجابوا ولد تاني لحد ما شغل جوزها مبقاش أحسن حاجة لانو كان بيشتغل في السياحة فمنال طلبت تنزل شغل وهو رفض وكانوا أهل جوزها بيساعدها لحد بعد سنه من الازمه دي جوزها شاف شغل تآني وكان كويس اوي اشتغل في الشغل ده سنه وبعدها اتطرد بتهمة سرقة فضل جوزها سنه من غير شغل والمفاجأة إن منال كانت حامل في الولد التالت فضطرت تقول لاهلها وزي اي أهل حبو المراكب تمشي وبيقيو هما كمان بيصرفوا عليهم لحد ما جوزها لقي شغل محترم اوي فضل فيه سنتين و اوضعهم كانت زي الفل لحد ما جوزها بدأ يتغيب عن الشغل كتير واتطرد منال دورت وراء الموضوع واكتشفت أن جوزها مكانش بيروح الشغل عشان أتعرف علي شلة بيضربوا مخدرات و واجهتو و رمي عليها يمين الطلاق لتاني مره 
وهي راحت لأهلها وبعد تالت شهور فكر يرجعها وقال بطل مخدرات ولقي شغل تآني رجعت منال 
واكتشفت بعد رجعوها إنو اشتغل مع شلة اللي بيضرب معاهم بس سكتت المره دي وجيس وات كان بيجيب الشلة دي و بيضربوا في بيتهم !! 
بس سكتت برضو وبعد كام شهر بقا بيضرب أيس وده نوع واحش قلب معاه بشك في منال وأنها بتخونو وخنقات وضرب كل يوم قدام اولادهم!!!
لحد ما شكت لاهلها و واقتها أهلها قرارو انو خلاص لازم تطلق نهائي لانو اتعدي عليها كتير بس منال رفضت الطلاق وفضلت وبعد مده يواجها جوزها بانو رمي اليمين التالت يعني بقيت مطلقة خلاص وانهم الفتره اللي عدت كانوا عيشين سوي وهو مطلقها!!
وقالها انو هيمشي ومتطلبش منو مصاريف لانو مش معاه واهلها يصرفوا عليها وده إللي حصل فعلا أهل منال وقفو جمبها وعملولها مشروع وفتحت بيدج اون لاين للحلويات والاكل البيتي وبتصرف علي أولادها التلاته منو وبس 
دي منال نموذج من نماذج كتير في المجتمع منال لقيت اللي يسندها ويقومها بس في ناس كتير لا 
فاحسنوا اختياركم عشان متمروش باي حاجة من إللي مرت بيها منال.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_26909 🇪🇬

منذ 4 أشهر

شعور عاطفي

عبّر عن شعورك بشكل مجهول

البوست ده هيبقي طويل شويتين تلاته لاني حاكي مشكله من قبل ما تحصل ف هنزلها علي اجزاء وارجو الافاده ... في سنه ٢٠٢١ اتعرفت علي بنت كانت بسبب مشكله كانت المشكله دي مشكله إلكترونيه ف application تبع وزاره التربيه والتعليم خاص بالثانوية العامة كنا وقتها لسه سنه أولي المهم هي كانت في المشكله دي في جروب في شباب وبنات ضحكو عليها واخدو بياناتها وصورها وكانو عاوزين يبتوزها بس مكنوش هيعملو حاجه لانهم مش هيعرفو اصلا بس كانو بيلعبو علي نقطه الخوف من الابتزاز وان حد يشوف صورها وبيناتها ويحصلها مشاكل مع اهلها المهم انا لقيت المشكله دي وانا ساعتها مكنتش مهتم باي حاجه بتحصل بس اللي لفت نظري وخلاني اهتم ان البنت دي من نفس بلدي ف ادخلت وحليت المشكله دي وطمنتها وعرفتها ان محدش هيقدر يعملها حاجه بصوره ٤×٦ وتحتها الاسم في استماره اولي ثانوي مش عارف هي كانت خايفه ليه 😂 ماعلينا بعد ما الحوار خلص فهمتها وخليتها تعرف تتعامل ومتوثقش في اي حد كده وخلاص وحكتلي المشكله باستفاضه و قولتها لو حد كلمك او حاول يترعضلك انا الي هوقفلو المهم تقمست شخصيه السقا من بدايه المشكله 😅 ولحد ما الدنيا هديت وانا استغليت الفرصه وقولت اتعرف عليها بما انها من نفس بلدي ف المهم اتعرفنا علي بعض وطلعت من نفس بلدي بس دي طلعت معايا في المدرسه كمان وده شجعنا شويه اننا نعترف علي بعض اكتر وحصل واتعرفنا وبقينا صحاب وكل ده كان ف ال application ده مشوفناش بعض لسه ولا اي حاجه عدي يوم والتاني وكام يوم واحنا بنعرف بعض اكتر وطلبت منها اني اشوفها هي رفضت بس اصرت وحاولت معاها وهي برضو كانت بترفض ده قولت تمام بما انها معايا ف نفس المدرسه ف كده كده هعرفها دلوقتي بكره السنه الجايه هعرفها المهم انها مكملتش يومين ووافقت بعتلها صوره ليا عشان تعرفني وشوفنا بعض بحجه عبيطه كده بس عجبتني 😂😂 وشوفتها وكانت زي القمر خطفتني واتكلمنا شويه مع بعض ومشينا رجعنا كملنا كلامنا ع ال application وانا مبسوط وحاسس اني معجب بيها وهي برضو حسيت ده منها من ساعه ما بدانا كلام بعد ماحليتلها المشكله المهم تعدي أيام وشهور منها فتره الامتحانات وكنا بنفابل بعض يوميا ف المدرسه وبرا المدرسه ولحد الاجازه بقي كلامنا كلو ع ال application ده بسبب انها مش هتعرف تخرج في الاجازه ف تقبلت ده لحد بدايه السنه الجديده واحنا علاقتنا بتطور كل يوم وحتي ف المدرسه بقينا نشوف بعض اكتر من اي حاجه واي حد وكنت بروح المدرسه عشانها كنت كل ما بشوفها عيني بتطلع قلوب 😍😂 شكلي حبيتها ولا اي ده صحاب وكنا بقينا بيست فريند بس 🤦 بس الظاهر أيوه حبيتها، عدي فتره وانا متردد اعترفلها اني بحبها ولا لا وانا بفكر في رده فعلها هتكون عامله ازاي المهم بعد كام يوم اتشجعت واعترفت وقلبي كانو هينفجر من كتر ما بيدق  وبالذات اني مكنتش لاقي منها رد وكنت قولت خلاص كل حاجه باظت وانا عكيت الدنيا ودماغي موفقتش تفكير عدي وقت يمكن اسبوعين او اكتر واحنا بنتعامل كصحاب عادي بس فاجأتني بردها لما قالتلي وانا كمان والدنيا احلوت وبدل ماكنا صحاب وبيست فريند بقينا اتنين مرتبطين وقربنا من بعض اكتر وعرفنا عن بعض اكتر وعلاقتنا اتطورت اكتر بس الحلو مبيكملش الظاهر اننا قربنا وعرفنا بعض اكتر زياده عن اللزوم فـ بدات سلسه من المشاكل .. "١"

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.