ازيكو يجماعه دي تاني مره ليا استخدم الابلكيشن ده انا واحد مخلص دراستي وجيشي بقيت في مرحلة اللي الناس الكبيره بيقولو عليها موسم التزاوج ومرحلة انزل اشتغل والكلام ده كله انا بدات شغل فريلانس من زمان واعتمدته لما بقا يجيبلي دخل شهري كويس وميزته انه ملهوش ليميت ف انت ممكن تطلع فوق في الفلوس عادي دلوقتي ياجماعه رغم ان معايا ده الا اني متحاوط بضلمه من كل ناحيه اهلي ضاغطين عليا جدا وان ده مسمهوش شغل وان ده مينفعش يبقا شغل وانك لازم تشتغل زي باقي الناس وتنزل وتشتغل رغم ان دخلي الشهري من الفريلانس ماشاء الله بيبقا افضل من مجالي الاساسي ياجماعه يمكن المشكله تبان تافهه بس انا بقالي فتره ضايع بسبب الكلام ده بقالي ايام كتيره سايب نفسي للاكتئاب وان كل حاجه بعملها ملهاش لازمه وتافهه كل حاجه بقت مايعه في نظري وملهاش اي قيمه وحاسس اني مليش هدف في الدنيا ولا عارف انا عايز ايه اطلع ازاي من الحاله دي ياجماعه لو حد عنده تجربه مماثله او حل؟ بجانب ده كله انا الحمدلله بصلي وبدعي ربنا دايما وبقرا قرآن كل فتره الحمدلله ياريت الاقي كلام فيه حلول واقعيه

0

10