مظلوم

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

السلام عليكم .... صباح الخير 
انا عندى اخ اصغر منى عنده 14 سنة فى تالتة اعدادى 
هو بيشتغل من وهو فى اولى اعدادى تقريبا وبيصرف على نفسه اللى يقدر عليه من الفلوس اللى بياخدها يعنى مش بياخد مصروف من ابى ومصروفه من شغله هدومه من فلوسه بردو وساعات بيدفع بسيط فى فلوس دروسه يقريبا هو فى البيت بياكل وينام بس 
وهو حنين خااالص والله مش وحش بس للاسف ابى وامى بيتعاملوا معاه وحش اوووى بالذات ابى وللامانة بيفرق بينا انا واخويا الصغير خالص وبينه بيشد عليه جامد اوووى ،يمكن نااادراا خاالص لو شوفته بيضحك فى وشه وطول الوقت نقد برغم انه مش كدة معايا مثلا وحتى مش ببقدر خاالص نقطة انه تقريبا بيصرف على نفسه دى ... طول الوقت مصر يعاامله انه راجل كبيير عارف مصلحة نفسه وبيحاسبه على هذا الاساس من غير ما ينصحه او يوجهه ، مفيش لغة حوار بينهم خاالص .
امى اتكلمت معاه كتيير فى نقطه انه يصاحبه وكدة عشان سنه حرج ومحتاج رعاية وبردو فى الفاضى خالص وللامانة مفيش امل لان علاقة ابى بجدو  كانت مش كويسة اووى وكان جدو بردو بيفرق بينه وبين اخوه يعنى هو مجرب بس مفيش فايدة ......
وكمان هو بيتلككله جاامد اووى فى حوار تعليمه وانه يدخل ثانوى عام وكدة وتيتة وعمتو بيشجعوه وعايزينه يشتغل مع ابى وخلاص برغم ان تقريبا ابى مجال شغله بينقرض خلاص .

من الناحية التانية امى بتحاول تكون كويسة معااه لكن بردو كتييير بتضربه برغم ان الاسباب والله بتكون تافهة لكن هى بتحاول وهو بردو بيحكيلها كل حاجة بس بحس لو جتله فرصة يخبى بعدين هيخبى وساعات بتقسى عليه جاامد اووى وهى بنفسها اللى بتقول كدة لان ناس كتير بتشبهه بخالو فى صفاته وكلامه وهى مش عايزاه شبهه وفاكرة مرة كان رجع من شغله تعبان ومكنش عايز يروح تانى فى اليوم دة ولما زعقتله عيط ساعتها ضربته وقعدت تقوله اسلوب خااالك دة لو شوفته فيك اموتك بايديا ..

وعلاقته باخوه الصغير عادية لكن طول الوقت بيحاولوا يفتنوا على بعض فى اى غلطة لان امى عودتهم بتضربهم قدام بعض للاسف فبقوا كانهم بينتقموا من بعض .

من ناحيتى انا علاقتنا واحنا صغيرين كانت مش احسن حاجة وبنتخانق كتير وبصراحة كنت بحاول اسيطر عليه واثبت نفسى بس مكنتش فاهمة والله ،لما كبرت حاولت اصلح الوضع شوية والعلاقة اتحسنت لكن بردو مش اصحاب يعنى مش القرب اللى يخليه يحكيلى او كدة ...هو بجد حنين ومن اول ما اشتغل مفيش اسبوع يعدى غير وهو لازم يجيبلى اى حاجة من فلوس شغله ، هل فى طريقة احاول اقرب بيها منه اكتر غير الخروج مع بعض لان مش مسموح من غير ما العيلة كلها تبقى معانا .
 وهل فيه حل عشاان بجد مش عايزة الموضوع ياثر على شخصيته خصوصا انه بيحب يصاحب شوية الاكبر منه والبيئة اللى احنا فيها مش كويسة وهيجروه لحاجات كتيير غلط ،
حاجة كمان اسفة انى طولت كل دة بس لو حد فاهم اكتر ازااى اقدر اوجهله نصيحه ويقبلها من غير ما يحس انها محاضرات لانه اول ما احاول انصحه يقعد يتريق ومش بياخد ولا حرف جد .
لو حد كمل وعنده نصيحة ياريت يقولها ولو مفيش ادعوله ربنا يهديه ويحنن قلب ابى عليه ويحفظه من البلاء اللى هو فيه لانه بجد مظلوم جامد وحاسة انه بدا يبعد عن ربنا وشخصيته بتميل للعصبية والعنف لانه مكبوت .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_56874 🇪🇬

منذ شهر واحد

شعور متعب

يا جدعان بسبب أن أنا عصبي ( واخواتي الصغيرين بيضايقوني وبضربهم لاني مش بستحمل ) امي بتقول لابويا ان أنا مجنون وعايز مصحى ( وهم مش عارفين ان اخواتي هم اللي بيبدأوا ويضايقوني ) أنا بجد مظلوم ولما بقول لأي حد أنا بكرههم بيقولولي انت مش كويس ومش عارف ايه ( يا جدعان أنا بعاني وربنا اكتئاب وظلم وكل حاجه )

Mango_29955 🇪🇬 مهما يضايقوك افتكر انك الكبير وانك لازم تستحمل حاول تصاحبهم وتقرب منهم احسن ليك

عرض الكل 5 نصيحة

Cherry_71804 🇪🇬

منذ شهر واحد

شعور محبط

جماعه حل سريع بجد انا بحب واحد وكنت مخطوبالو وبسبب اهلي رفضوه 3 مرات وكنا بنتكلم وهوا كان بيحاول يظبط الدنيا ويجي الرابعه وواحنا بنتكلم رن قريبي وقلتلو ان قريبي رن كان الوقت اتاخر راح قالي هو بيرن ليه وافتكر ان قريبي دا علي طول بيرن عليا متاخر واني مقضياها معاه ونا والله مظلومه قريبي دا بيحكيلي مشاك

French Fries_62992 🇪🇬

منذ شهرين

شعور مكسور القلب

السلام عليكم انا حاسس بقالي فترة منهار و محدش بيدعمني و حاسس اني مليش لازمة و كل الناس حتى عيلتي بتعملي على أقل حاجه و تزعلني ده خصوصا ان النهاردة اخويا رايح يحجز جيم علشان يخس كنت طالب من امي تحجزلي بس مردتش لان معهاش فلوس و فهمتني ان الحاجه غليت و كده فأنا زعلت و قعدت لوحدي و المشكلة اني الوحيد في

Watermelon_27203 🇪🇬

منذ 3 أشهر

شعور مستنزف

كنت مرتبط ببنت وسبنا بعض ووحشاني بطريقة مش طبيعية يعلم الله اني حبتها من كل قلبي مع انها كانت شخصية ساعات كتير مكنتش بتقدر المشاعر دي او بتقلل من مجهود اللي ببذله علشانها هي شافت من شخصيتي جزء عمر ماحد من اهلي حتي شافوه جزء بيحب الشخص نفسه يمكن اكتر من نفسه جزء ممكن يعدي اي اساءة منها ويخلق اي عذر ل

Croissant_60799 🇪🇬 كنت استبن فوق ياحبيبي محدش بيموت من الحب هي محبتكش انت بس علقت نفسك واديت بدون مقابل بزياده درس ليك ربنا يهون عليك يارب ويخرج حبها وتعلقك بيها من قلبك اشتغل علي نفسك جسديا وماديا علشان تبقي قوي وعندك ال تقدمه ومتعلقش قللبك اوي بالشكل ده غير بال تستاهلك وال تلاقي منها مقابل ف المشاعر والافعال

عرض الكل 3 نصيحة

Onion_50139 🇪🇬

منذ 4 أشهر

شعور محبط

موضوع:

عمرك حسيت انك بديل او مش كفاية؟

عبّر عن شعورك بشكل مجهول

مش بالظبط بس دايما بحث اني الشخص الثانوي اخر الاولويات ده لو كنت على القايمة اهلي بيحبوني وانا عارف كده كويس وبحبهم بس دايما لو فيه حد لازم يجوا عليه علشان يمشوا راحتهم بيبقا انا علشان اصغر اخواتي والحلقة الاضعف دايما لو محتاجين يضحوا بحد علشان حاجة بيكون انا مش حاجات كبيرة حاجات صغيرة وتبان تافهة بس فكرة ان دايما إعمل كذا علشان اخوك او  اختك الكبار دايما كل مره فكرة وحشة ده غير مقدرش اقول اني مهمش بس مباخدش نفس معاملة اخواتي ولا نفس التقدير ولا نفس الاولوية في كل حاجة
ده كوم و العلاقة الي كنت فيها كوم تاني حرفيا كانت بتعمل كل حاجة انا مبحبهاش كأني مش موجود بتدي كل حاجة لكل الناس الا انا دي حتى كانت بتبخل عليا حتى في اني اسمع صوتها اني اكلمها فون (ولا الي مانعها مش التزامها الديني) كل ما احاول معاها تقول اصل اهلي حواليا (مكلم اهلها و كنا هنتخطب) اصل معايا صحابي اصلي مش قادرة اتكلم في المواصلات اي حاجة وخلاص وعلى الرغم من كده بتقضي وقت مع صحابها و بتكلمهم فون كتير عادي دي ابسط حاجة غير حاجات كتير تانية قيس على كده كمان اقرب صحابي الي قطعت معاهم لما كنت بحتاجهم مش بلاقيهم ولا في مشوار ولا في زنقة ولا حتى في عزاء رغم اني مكنتش بفوت ابسط حاجة معاهم وبقف معاهم في كل حاجة والله من اولها ل اخرها بس مش عارف ليه بيحصل كده معايا معرفش العيب ف ايه ولا في مين لكن تعبت من كوني دايما الحمولة الزايدة الي لازم تترمي في البحر علشان المركب تمشي

Avocado_52301 🇪🇬

منذ 6 أشهر

شعور لا مبالٍ

كرامتك أهم من إنك تكون مع حد يقربك ويبعدك بمزاجه، عزه النفس أغلى من أي علاقة انت مظلوم فيها متجريش ورا حد مسترخصك، اللي عاوزك بجد هيكون موجود من غير ما تفضل تثبتله نفسك. احترم نفسك وابعد عن أي حد بيقلل منك، الوحدة بكرامتك أشرف مليون مرة من وجودك مع حد بيكسرك، حياتك قصيرة متضيعهاش على ناس متستاهلش مت

Marshmallow_28253 🇪🇬

منذ 9 أشهر

شعور مستنزف

بنسبالي أسوأ شخص ممكن تقابله في حياتك هو الأناني ، مش عاوز يخسرك بس في نفس الوقت مش عاوز يتعب نفسه في إنه يحافظ عليك ، مش عاوزك تمشي و مش عاوز يمسك إيدك ، بيطلب منك تكون مهتم طول الوقت و يقابل إهتمامك بالإهمال إحساس وكأنه عايزه كل الناس حواليه ويكونوا كويسين معاه حتي ولو هم مش كده.

Marshmallow_34368 🇪🇬

منذ 10 أشهر

شعور محبط

انا وصحبتي كنا قريبين من بعض جداً وبنتكلم علطول وببعتلها كل حاجه بعملها وهي نفس الكلام لحد من فتره بقت تتجنبني ومبنتكلمش غير كل فين وفين واتخانقنا وفضلنا اسبوعين مبنتكلمش ولما دخلت صالحتها وقولتلها محاولتيش تصالحيني ليه قالتلي كنت لسه هبعتلك ، لما باجي احكي لها اي حاجه دلوقتي بتقابلها ببرود ومبتدنيش

Sugar_44986 🇪🇬

منذ 10 أشهر

شعور محبط

راجع من برا الكل باصصلى انى انا الشرير اللى مبحسش اللى معنديش مشاعر اللى ظالمهم كلهم وان هما الملايكه اللى مفيش زيهم اللى كلهم مشاعر ومش عارفين ان انا اكتر واحده مظلومه ومحتاجه اللى يحتوينى وانى عايزه رضاهم وفى نفس الوقت لازم يكون عندى كرامه وبعدين ترجع لأهلك يشوفوك انك مستريح وانهم بيدوك تاكل وتشرب

Tofu_33766 🇪🇬

منذ 11 شهرًا

شعور متعب

مش بعرف اعبر عن مشاعري بخاف من كل حاجه و بتوتر دايما بخاف ابدا كلام مع حد بخاف اتعرف ع حد دايما لوحدي و في المواقف اللي بكون معايا فيها الحق وبكون مظلومه مبعرفش اتكلم بعيط وبس مش عارفه اعمل اي

Chocolate_40188 🇪🇬 حاولي الاول انك تكوني صحاب عشان انتي كل شويه هاتتنقلي من مرحله لمرحله وتتعرفي علي صحاب جداد وتحاولي وتخلي شخصيتك قويه وتحاولي ماتعيطيش علي اي حاجه لازم تقوي قلبك وتبيني لهم انك مظلومه

عرض الكل 4 نصيحة

Potato_31970 🇪🇬

منذ 11 شهرًا

شعور محبط

موضوع:

ازاي ضغوطات الأهل وتوقعاتهم بتأثر عليك نفسياً

وحاجه كمان ان انا مامتي مش حنينه علينا مش عارفه ليه نفسي تاخدني ف حضنها دايما بتقلل من المشاكل بتاعتي انا واختي يعني مره كنت بقولها علي اني متخانقه انا وصاحبتي ردها فعلا صدمني بتقولي ادي اللي بيجيلنا من ورا البنات وخلفتهم انا مش بحب البنات وحوارتهم انا فعلا الرد صدمني جامد ومره تانيه كنت خارجه انا و

Croissant_21508 🇪🇬

منذ سنة واحدة

شعور مكسور القلب

بابايامش كويس في معملته معايا هو وماما منفصلين من وانا ٦ شهور ومن ساعتها مش بيصرف عليا ولا بيسال عليا وكل ما ابدا اتكلم معاه يقولي انا مش اب وانا مخلفتش حد واعتبريني ميت ف هو كل مره بحاول اني اتكلم معاه فيها بيقفلني منه عايزه بس رايكو اني فعلا متكلمش تاني معاه ولا كدا يبقا حرام عليا

Apple_16191 🇪🇬

منذ سنة واحدة

شعور Good 😁

الوجع لا يناقش ... النبي صلي الله عليه وسلم وهو بيساوي صفوف جيشه في، يوم بدر حرك أحد الجنوده لورا بعصايه كده في بطنه يعني ذي ما بيزقه كده ،بس براحه الجندي قال له اي؟ قال له أوجعتني يا رسول اللّٰه هنا سيدنا محمد متردتش وكشف عن بطنه وقال له بدون تردد اقتص ،منقشوش بقي وقال له لا، دي مبتوجعش،دي بسيط

Banana_4961

منذ سنة واحدة

شعور Okay 😐

ولابد من يوم محتوم تترد فيه المظالم ابيض على كل مظلوم اسود على كل ظالم✨️

Strawberry_76847 🇪🇬

ليه دايما بحس إني قليلة ومش مستحقة؟

أنا مش عارفة ليه دايمًا حاسة إني قليلة... بحس إني مش زي غيري، بحس إني مش بستحق حاجة حلوة. يمكن عشان في حاجة قديمة عملتها ومحدش عرفها غيري، بس أنا عمري ما نسيتها. كل مرة أحاول أفرح أو أفتخر بنفسي، الصوت اللي جوايا بيقولي: انتي نسيتي؟ نسيتي عملتي إيه؟ بصراحة بقيت دايمًا حاسة إني أقل من البنات اللي في سني، وهما بيتكلموا عن نفسهم بثقة كأنهم عمرهم ما غلطوا. اللي بيستفزني أكتر إن في منهم بيقعدوا يقولوا: "أنا المفروض كنت أبقى أحسن من كده" أو "أنا أستاهل أحسن بكتير"، وأنا أقعد ساعتها ساكتة مش عارفة ده الصح ولا الغلط. نفسي بس أهرب من الإحساس ده… نفسي أسكت صوت الذنب اللي مش سايبني أعيش ...عرض المزيد

5 الدعم

37 نصيحة

Apple_74635 🇪🇬

تعبانه ومخنوقه ومش عارفة أتكلم مع حد

صباح الخير عليكم جميعا انا صاحية مرهقة و تعبانة و مخنوقة او مش هقول صاحية لان عندي ارق و يادوب نمت ساعة ولا اتنين كل دا طبعا من كتر التفكير و الخنقة و الهم الي انا فيه مش قادرة احكي لحد خالص عن الي جوايا وفي تصرفات كتير غلط بحاول ابطلها بس مش عارفة بحاول على قد م اقدر اساعد نفسي بس اوقات مبينفعش و بحس نفسي بفقد الامل و فجأة بلاقي نفسي بدور على حاجات انا عنري مكنت متخيلة اني فيوم هعملها حتى اهلي مش قادرة احكيلهم مفيش حد يسمع مني و حتى لو هيسمعوا مني الي حصلي مش هينفع احكيه لحد و حاسة اني شايلة هم كبير اوي و عاوزة اطلع كل دا من جوايا بس مش قادرة ...عرض المزيد

5 الدعم

33 نصيحة

Pineapple_77988 🇪🇬

متجوزة من 14 سنة وحاسة إني عايشة مع جد

متجوزة بقالي ١٤ سنة مش عن حب ولا صالونات .. هو أكبر مني ب٧ سنين للأسف من اول اسبوع جواز وانا حسيت إن فرق السن كبير عكس ايام الخطوبة كان محسسني إنه الواد التت الفت بعد الجواز حسيت اني متحوزة راجل كبير انا مش مجنونة في تصرفاتي بس بحب الخروج السفر المغامرات فرفوشة بحب انكش ف اللي قاعد معايا ف الرايحة والجاية هو عكسي تماماً هادي ولما ااعملاي حاجة يحسسني اني مجنونة الحقيقة بطلت اعمل حاجات كتير كنت بعملها لمحتله كذا مرة نفسي اعمل حاجة جديدة هو روتيني فوق الوصف بيتوتي درجة أولى .. مطلبتش حاجة فوق المقدرة خالص بس خلاص تأقلمت بس بقاله ٤ سنين كده بقيت حاسة حرفياً اني عايشة مع واحد عنده ٧٠ سنة شايل الهم عالطول ودائما مكشر زعيق ف الولاد ليل نهار عارفة أن الضغوطات والمسؤوليات ع عيني وراسي بس مش عالطول مش طول الوقت مش بشوفه بيضحك لو ضحك تبقى الضحكة قالبة بايموشن قرفان تعبت اوي غير حاجات كتير مستحملاها وبتغاضى عنها لكن الحاجة دي مأثرة نفسياً عليا وع ولادي مابقوش يحبوا قعدته بس لو غاب شوية يفضلوا يسألوا عليه .. عايزة اتكلم ف حاجات كتير ومش عارفة اقول ايه ولا ايه بس دي اكتر حاجة تعباني ...عرض المزيد

5 الدعم

32 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع