انا وصحبتي كنا قريبين من بعض جداً وبنتكلم علطول وببعتلها كل حاجه بعملها وهي نفس الكلام لحد من فتره بقت تتجنبني ومبنتكلمش غير كل فين وفين واتخانقنا وفضلنا اسبوعين مبنتكلمش ولما دخلت صالحتها وقولتلها محاولتيش تصالحيني ليه قالتلي كنت لسه هبعتلك ، لما باجي احكي لها اي حاجه دلوقتي بتقابلها ببرود ومبتدنيش رد الفعل اللي كنت مستنياه ، يعني ممكن ترد ب استيكر ولا حاجه😆 ومبقتش تشوف استوريهاتي ولا تتفاعل عندي زي الاول كانت دايما بتعمل كومنتات على كل بوست ، بس انا والله متغيرتش من ناحيتها ولسه بحبها زي الأول وعلطول بدعيلها الفكرة كلها إن كرامتي متسمحليش اتكلم مع حد انا حاسه طول الوقت إني تقيله عليه ، تشوف المسدجات ومتردش او ترد بعد كام يوم في حين إني بشوفها مش سايبه بوست لبنت مشتركه عندنا هي من محافظة تانيه بس عرفناها سوشيال وهي اكبر مننا بقت عندها هي علطول ، شوفت بوست بيتكلم عن العلاقات اللي مبتتأثرش بالخناق ولسه داخله امنشن لها اتلاقيتها ممنشنه للبنت التانيه دي صدقاً قلبي وجعني لما شوفت الكومنت بتاعها السؤال بس ، هو ليه؟ اصل انا متغيرتش معاكي في اي شئ ومستاهلش منك كدا

6

0