مظلوم من اخواتي وبيتهمني اهلي

Question

يا جدعان بسبب أن أنا عصبي ( واخواتي الصغيرين بيضايقوني وبضربهم لاني مش بستحمل ) امي بتقول لابويا ان أنا مجنون وعايز مصحى ( وهم مش عارفين ان اخواتي هم اللي بيبدأوا ويضايقوني ) أنا بجد مظلوم ولما بقول لأي حد أنا بكرههم بيقولولي انت مش كويس ومش عارف ايه ( يا جدعان أنا بعاني وربنا اكتئاب وظلم وكل حاجه ) هو أنا عملت ايه

Mango_29955 🇪🇬 · Accepted Answer

مهما يضايقوك افتكر انك الكبير وانك لازم تستحمل حاول تصاحبهم وتقرب منهم احسن ليك

Hazelnut_74439 🇪🇬 · Answer

الضرب مش حل مينفعش لما حد يضايقك تقوم تضربه وبعدين بما انك الكبير خلي عندك طول بال واصبر ولما يضايقوك قول لامك او ابوك او حتي سبيهم وروح اي حته بعيد عنهم ومتقولش بكرههم بكرا تبقوا سند لبعض
هتكبر ومش هتلاقي غيرهم جنبك بس انت ازرع فيهم حنية عشان تحصدها لما تكبر ونصيحة مني حاول تبعد فكرة انك تضرب حد دي من دماغك خااالص لا اخواتك ولا اصحابك ولا حد ضايقك في الشارع عشان متعودش نفسك ان ده حل

Apple_56874 🇪🇬 · Answer

كل ما بحاول اهدأ يعملوا حجات أسوء بكتير مره يكسرولي حجاتي مره يعملوا الحجات اللي مش بحبها أنا تعبت

Apple_56874 🇪🇬 · Answer

حتى لو اخواتي عملوا مشكله امي بتروح تقول لابويا عليا أنا بس ومش بتحكي اي حاجه عنهم

Coconut_20625 🇲🇦 · Answer

طب ما انت بجد محتاج تتعالج و ده مش عيب العصبية المفرطة دي اللي توصلك تضرب حد خصوصا لو اصغر و اضعف منك دي مش حاجة عادية ده مرض و دول مش اي حد دول اخواتك انت عادي تروح لطبيب نفسي و تحاول تتعالج دي مش حاجة وحشة او عيب بالعكس العيب هو انك تفضل كده ظالم نفسك و بتظلم ناس معاك