قوة داخلية

Ice Cream_70019 🇪🇬

منذ 3 أسابيع

شعور فخور

موضوع:

تجربة غيرتك 180 درجة

رحلة بنت صغيرة نحو القوة بابا وماما اطلقوا وكل واحد فيهم راح لحياته الجديدة أنا كان عندي أخ وأخت… وأختي كانت صغيرة جدًا، لدرجة إنها لسه ما راحتش الحضانة من يومها وأنا بقيت أم وأخت… وأحيانًا زوجة كمان. كنت أنا اللي أصحي أختي الصبح، أعمل لها اللانش بوكس، أنزلها الحضانة، وأرجع أطبخ، وأروّق، وأغسل،

Coffee_70641 🇪🇬 إنتي مش مجرد بنت شالت مسؤولية، إنتي مصنع إنسان. كبرتي قبل وقتك، ودي مش خسارة… ده وسام. كل لحظة تعب عشتيها، بتبني فيك عمق مش موجود عند غيرك. إنتي دلوقتي مش بس “بتعملي أكل حلو”، إنتي بتزرعي أمان، بتعملي حياة. ‏اللي واجهتيه في أولى إعدادي، ناس في التلاتينات متعرفش تشيله. فما تستهينيش بنفسك… إنتي مش محتاجة جايزة، وجودك بالشكل ده هو الجايزة

عرض الكل 11 نصيحة

عبّر عن شعورك بشكل مجهول

رحلة بنت صغيرة نحو القوة

بابا وماما اطلقوا وكل واحد فيهم راح لحياته الجديدة 
أنا كان عندي أخ وأخت… وأختي كانت صغيرة جدًا، لدرجة إنها لسه ما راحتش الحضانة

من يومها وأنا بقيت أم وأخت… وأحيانًا زوجة كمان.
كنت أنا اللي أصحي أختي الصبح، أعمل لها اللانش بوكس، أنزلها الحضانة، وأرجع أطبخ، وأروّق، وأغسل، وأكنس.

ومع بابا… كنت بعمل له كل حاجة 
أكوي له لبسه، أرتب هدومه، أظبط طلباته، وأتأكد إن الأكل جاهز قبل ما يرجع من الشغل.

كنت لسه في أولى إعدادي… سن المفروض أكون فيه بتعلّم، بتدلع، وباخد من الدنيا أكتر ما بديها 
لكن أنا كنت بدّي كل حاجة، وباخد الصبر من ربنا.

كنت محتاجة حب واحتواء، لكن ما لقيتش… فادّيت أنا الحب ده لإخواتي.
التجربة دي كانت قاسية، الأيام فيها كانت تقيلة، لكنها صنعت مني إنسانة جديدة.
علمتني إزاي أكون صامدة، حتى لو جوايا مكسورة.

كبرت وأنا بعرف أعمل كل حاجة، وأطبخ أكل يخلي كل اللي حواليَّ يقولوا:
"يا بخت عيالك وجوزك… هتطبخيلهم كل يوم."
تعلمت إزاي أتصرف في مصاريف البيت، وأدبر الموجود مهما كان قليل.

حتى بعد ما ماما وبابا رجعوا لبعض… أحيانًا بابا بيعتمد عليا أنا في مصاريف البيت، ويديني أنا الفلوس، عشان عارف إني بعرف أظبط كل حاجة وأحسبها صح.

لسه بيحبوا أكلي، ولسه أختي الصغيرة بتعمل فرح في البيت لو عرفت إني أنا اللي هطبخ.

يمكن لو ما كنتش مريت بالرحلة دي، ما كنتش هطلع بالقوة والشطارة دي 
الحمد لله… على الابتلاءات اللي بتكشف جوانا أجمل الحاجات ❤️‍🩹

Kiwi_69907 🇪🇬

منذ 3 أسابيع

شعور آسف

مفيش حد ما بيعديش على أيام تخبطه وتهزه، بس الحقيقة إن كل أزمة بنمر بيها بتشكّل فينا حاجة، بتعلّمنا، بتقوّينا، وبتورينا إحنا مين بجد. أوقات كتير بنفتكر إن الدنيا بتعاندنا، بس يمكن هي بتحاول تخلينا نبص جوانا، نكتشف قوتنا اللي كنا ناسيينها. المشاكل مش دايمًا علشان تكسرنا، ساعات بتكون علشان تغيّرنا، تب

Marshmallow_69067 🇪🇬

منذ 3 أسابيع

شعور محبط

موضوع:

إيه أكتر حاجة بتحاول تبينها للناس بس مش حقيقية؟

اني قوية ! انا بكرهه فكرة اني قوية بس انا في مرحلة لازم اكون فيها كدا والا كل حاجة هتبوظ واني فاهمة ان القوة ظي نعمة من ربنا اني شخصية بيبان عليا الجمود ودا عشان احمي نفسي من الناس انا جواية طفلة لما بتطمن مبتتكسفش تعيش طفولتها بقالي فترة كبيرة بين القوة والجمود حاسة ان روحي بقت منهكة بس الحمد ل

Apple_69450 🇪🇬 لازم تبينى القوة لأن محدش بيرحم حد

عرض الكل 3 نصيحة

Chocolate_63079 🇪🇬

منذ شهر واحد

شعور مرهق

تايهه مابين الواقع واللى انا عليه وبطمح له احلامي انجح واكبر واعيش في بيئة صحية بس اهلى مش كدا وشايفيني غبيه ومش بفهم وكلامي دا اوهام اني بغلط طول الوقت ومستحقش حاجه كويسه عاوزة اكبر واحقق احلامي بس مقيضه وحاسه بضغط طول الوقت لازم اتجوز وخلاص، لازم افكس لاحلامي، اصلا مش بقابل حد مناسب ولا اللي هحبه

Tomato_62425 🇪🇬 عن أبي هريرة رضي الله عنه قال: قال رسول الله ﷺ: > "ينزل ربنا تبارك وتعالى كل ليلة إلى السماء الدنيا، حين يبقى ثلث الليل الآخر، فيقول: من يدعوني فأستجيب له؟ من يسألني فأعطيه؟ من يستغفرني فأغفر له؟" 📚 رواه البخاري (1145)، ومسلم (758)

عرض الكل 4 نصيحة

Avocado_61444 🇪🇬

منذ شهر واحد

شعور لا مبالٍ

عبّر عن شعورك بشكل مجهول

الرسالة طويلة شوية بس ممكن تفيدكو بمعلومة صغيرة كل واحد فينا فيه قوة داخلية بمقدار معين للتحمل وربنا عمره ما هيزود عن طاقتنا ديه كل واحد ليه قصة فيها إلى تدل على شجاعته على إحسانه وعلى حزنه وضعفه وانهزامه كلمة انسان ديه حاجة تشمل حجات كتير اوى واهمها أنه عنده عقل يمكن لما تسمع الكلمة ديه تبقى ردك اه مهو ده العادى ايه الغريب أو تفتكر أن ديه حاجة كويسة احب اقولك معنى العقل حجات كتيير اوى ولاء مش شرط تبقى إيجابية ممكن يبقى وجود العقل حاجة سلبية وأنه انحرف عن الطبيعى وسعات بيحتاج تعديل افكار استغربت أن الحياة مش حلوة زى ما كنت فاكرة ولا وحشة زى ما كنت فاكرة برضو الحياة غريبة فيها شوية حلو وشوية وحش وازاى تقدر تخليها بأفكارك وحشة وانت برضو إلى تقدر تخليها بأفكارك حلوة احنا هنا فى الدنيا ضيوف احنا مش هفضل فيها علطول مسيرنا نمشى ونسيبها بس سيبها وانت مش طمعان فيها وعايز تقعد اكتر فيها تفضل تدبدب فى الارض وتقول أنا عايز افضل فيها شوية زى ما العيال الصغيرة بتعمل ومفيش حاجة ملهاش نهاية كل حاجة فى الحياة بيبقى ليها نهاية احنا بس محتاجين نصبر اكتر عمرى ما كنت أتخيل أن ممكن نفسى تبقى اكبر عدو ليا مكنتش عمرى ممكن أتخيل انى ابقى اكبر مؤذية لنفسى مكنتش عارفة ايه هى قيمة الكلمة واد ايه ممكن تموت او ممكن ترفع مكنتش متخيل أن ممكن أقرب الناس ليك ممكن يكونو بياذوك وحتى لو مش شايف ده الاول كنت فاكرة أن الناس كلها طيبة وبعدها اكتشفت أن الناس كلها مش كويسة وأنهم فى أقرب فرصة هيطلعو الجانب الوحش ده وبعدها اكتشفت أن لاء فى ناس كويسة زى ما فى ناس مش كويسة بس هما مبيظهروش مستنيين احنا إلى ندور عليهم مستنيين احنا إلى نلاقيهم هما مش بيظهرو بسهولة قدام الناس هما مستخبيين بس موجودين انت وشطارتك انك تلاقيهم واكتشفت أن اسمى واحسن صورة مننا هى واحنا اطفال وان فعليا لو راقبنا الاطفال وتاملنا فيهم هنكتشف حجات مش اى حد شايفها هنكتشف اد ايه هما اقويا ومش همهم حاجة غير فرحهم وسعادتهم اولى من اى شئ فى الدنيا تحس انهم جايين الدنيا صفحة بيضاء روح من ربنا نقية ملوثتهاش الدنيا وانت إلى بتقرر تكتب ايه فى الورقة البيضاء ديه كأب وكأم واه الاب بيكتب برضو فى الورقة ديه حتى لو انت مش واخد بالك دورك انك تبقى ايه إلى هيتكتب فى الورقة ديه بكل وعى علشان مترجعش تندم لما يكبر اعتبر ابنك او بنتك هو سور ابنيه باقوى حاجة عندك علشان لما تكبر يسندك مش يقع فوقك

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Broccoli_47609 🇪🇬

منذ شهرين

شعور متعب

"قرار منتصف الليل" كانت الساعة يمكن 2 ونص بالليل، وأنا قاعدة في سريري، حاسة إني تايهة. النور الخفيف اللي طالع من الموبايل على وشي مش بيغطي على الإحساس اللي جوايا… إحساس بالذنب، بالحزن، بالضعف. أنا عارفة إني مش مرتاحة، كل مرة بقول "دي آخر مرة"، وبرجع. بحس إني في دايرة مش عارفة أخرج منها. العادة الس

عبّر عن شعورك بشكل مجهول

"قرار منتصف الليل"

كانت الساعة يمكن 2 ونص بالليل، وأنا قاعدة في سريري، حاسة إني تايهة. النور الخفيف اللي طالع من الموبايل على وشي مش بيغطي على الإحساس اللي جوايا… إحساس بالذنب، بالحزن، بالضعف.

أنا عارفة إني مش مرتاحة، كل مرة بقول "دي آخر مرة"، وبرجع. بحس إني في دايرة مش عارفة أخرج منها. العادة السرية بقت حاجة بتلاحقني، مش بس فعل جسدي… لأ، دي بقت هروب. كل مرة بعمل كده، بحس إني بهرب من مشاعري، من وحدتي، من فراغي، من كبت سنين.

بس أنا تعبت. تعبت من الشعور اللي بعد كده… تأنيب الضمير، إني مش على طبيعتي، إني بخبي حاجة حتى عن نفسي.

وقفت يومها قدام المراية، بصيت في عيني وقلت لنفسي: "أنا مش ضعيفة. أنا بس محتاجة أكون حقيقية مع نفسي."

كتبت في ورقة، وأول مرة أكتب بصدق:

أنا عايزة أبطل علشان أرتاح.

علشان أحس إني أقرب لربنا من غير ما أهرب من نظرة نفسي في المراية.

علشان أحب جسمي وأحترمه.

علشان أعيش حرة، مش مقيّدة بشيء بيخليني أضعف قدام نفسي.

بدأت ألاحظ إيه اللي بيخليني أوصل للحظة دي: أوقات الفراغ، المحتوى اللي بتابعه، الملل، أو حتى لما ببقى متضايقة ومش قادرة أتكلم مع حد. فقررت أغير. خطوة صغيرة كل يوم. أقلل الوقت على السوشيال ميديا، أخرج من أوضتي وقت ما أحس إني هضعف، أتكلم مع ربنا حتى لو بكلمات بسيطة.

أنا لسه في أول الطريق، ولسه بتعثر… بس في فرق كبير بين إني أقع وأنا بحاول أقوم، وبين إني أستسلم وأنا عارفة إن ده مش اللي أنا عايزاه.

أنا قررت… قررت أختار نفسي.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_52197 🇪🇬

منذ 4 أشهر

شعور وحيد

هو انا لو والدى وولدتى منفصلين وانا عايش مع والدتى ومع اخواتى بنات معنديش اخوات ولاد أكبر منى انا راجل الاسره يعتبر لو فى حد عاوز يعمل معايا مشكله او مع أهلى وانا مش عاوز اعمل حاجه علشان خايف على امى واخواتى بس هو بيشوف كده ضعف وانا حتى لو عملت حاجه هو أكبر سنا انا 20 سنه هو كبير بتاع فوق 30 وشويه

Tomato_35323 🇪🇬

منذ 9 أشهر

شعور رائع

موضوع:

ازاي عرفت تتغير للأحسن؟

لما اقتنعت ان الالم والوجع و التعب و الجهد الي بعمله دا هيكون ليا مهما حاولت اثبت لناس لا في الاخر انا الي بعمل لنفسي مش لناس انا استحق اكثر واكثر مش ان اوري لناس اني شاطرة لا اثبت لنفسي ان انا الي شاطرة واقدر

Cherry_33009 🇰🇼 و انتي قدها!! هاد هو الطريق الصح لحتى تغيري حياتك

عرض الكل 2 نصيحة

Potato_11214 🇪🇬

منذ سنة واحدة

شعور Okay 😐

ما هي إنجازاتك بالحياة؟! لوحتُ كثيرًا للأطفال، وابتسمتُ للعَابرين، أحببت أمي فوق التَصورات، سهرتُ الليالي وأنا أصارع أفكاري وأهرب منها، هجرني ألف صديق، وعشتُ صراعاتٍ أزليّة مع ذاتي، تم خداعي! صُعقت ونهضت بكامل قواي، تلقّيت خيبات كثيرة وعدتُ أقوى مما سبق..'🌻

Mango_15684 🇪🇬

منذ سنة واحدة

شعور Good 😁

كل ما حبك لنفسك بيزيد كل ما كنت اقوي و تقدر تحل كل مشاكلك بنفسك و تتعامل مع كل المشاعر اللي جواك و هتكون اكتر شخص حنين عليك و بيطبطب عليك و مش هتكون محتاج احد ، بالتالي اختيارك للناس اللي حواليك بيكون افضل و بكونوا اضافة في حياتك بس من غيرهم حياتك مستمرة و صحية و كلها سلام نفسي. عن تجربة لسنين ❤️

Banana_10711 🇪🇬

منذ سنة واحدة

شعور Great 🤩

كنت فاكره نفسي ضعيفه بس اكتشفت ان انا اقوى مما كنت اتخيل وقوتي فأني مبسبش نفسي للزعل ومبسبش نفسي تحت وبصحى كل يوم احاول واكتشفت انا كل ده من عند ربنا هو اللي بيقويني وبيساعدني وربنا بردو هو اللي بيخليني اروحله فكل مره بكون محتجاله فيها ومش بيسمحلي اني اروح لحد غيره الحمدلله بجد

Plum_13900 🇪🇬

منذ سنة واحدة

شعور Good 😁

مش عايزه ارجع للشخصية بتاعت زمان اه والله اتغيرات وكتير كمان كان لزم التغير دا يحصل من زمان بقيت احسن بكتير لما اتغيرت للاحسن ونا الي سعت نفسي علي كدا مش لزم يكون حد جمبنا عشان نتغير

Avocado_13020 🇪🇬

منذ سنة واحدة

شعور Okay 😐

في عز الاوقات الصعبة اللي انت بتعدي بيها و التقلبات النفسية و حتى عد الشعور بالقبول لذاتك أو للي حواليك إفتكر انك شخص جميل و إفتكر انك شخص قوي ان ربتا اختارك انت بالذات عشان يحصلك المواقف دي و افتخؤ ب ده بينك و بين نفسك و اوعا تحسس حد بضعفك انا عارفة ان الفضفضة جميلة و بتريح بس صدقني مجرد ما بتتكلم

Cherry_14898 🇱🇧 🤍🤍🤍

عرض الكل 1 نصيحة

Apple_13643 🇪🇬

منذ سنة واحدة

شعور Great 🤩

بجد يتعافي الانسان بمدة قربه من ربنا و ثقته في كرمهو دا بيديله قوج داخلية و تشجيع لنفسه انه قادر يبقي احسن و ان كل اللي جاي هيبقي احسن واجمل بكتير أن شاء الله 😍♥️🌹

Watermelon_56753 🇪🇬

امتى بقا جاهز للجواز مادياً؟ أسألكم بشكل واضح

أمتي ك بنات بتقولوا الولد دا جاهز للجواز، مقصدش معنويا أو نفسيا، انا اقصد ماديا! لاني مسحول ف شقة واكتر من شغل بس حاسس اني لسة ممكن مبقاش هيرو ف عين حد، أو لسة مش مناسب. لما فكرت اكتر لقيت اني مش عارف يعني اية اصلا ابقى مناسب ماديا، والكلمة دي مطاطة جدا, ونسبية! علشان كدا انا حبيت اسأل، بشكل واضح، اي هي الإمكانيات ال لو مع الولد وكان مناسب كشكل وطبع واخلاق مش هيترفض؟ ...عرض المزيد

0 الدعم

0 نصيحة

Ice Cream_61082 🇪🇬

أنا فاشل في عيون أهلي وبهرب منهم

انا عملت اغبي حاجة ممكن تتعمل مش عارف دة صح ولا غلط بس الواحد في عيون أهله فاشل بس انا مش كدة ويحاول اغير دة بحاول اشتري حب اخواتى ب اى طريقة بس دايما ب شوف في عيونهم احساس انى فاشل المهم مش دا الموضوع انا بقيت بهرب منوا لدرجة اني ممكن افضل اسبوع من غير ما اشوفهم بس فكرة انك عاوز اخواتك احسن منك دى حاجة أكيده بس هما بقوا مهملين فقدوا الأمل تقريبا لدرجة أنهم مكسلين يحجزوا دروس اخويا الى فى ثانوي غير الاخواتى التانين فى معهد ازهري خاص ومش مهتمين بالدورس ف عملت خناقة فى البيت لما شوفت الوضع كدا وفي الاخر قالولى هنتعب معاهم وفى الاخر هيطلعوا زيك يعنى اى فشل بجد محصلش نصيب ل حاجة ودخلت معهد وفضلت اتطحن نفسي فى الشغل وفى الاخر جبت تقدير فين الفشل روحت اشتغلت فى مكان والناس احترموني وشلت مسؤليه قولى فين الفشل أحيانا بخاف من فكرة الجواز علشان بخاف ل افشل انا بقيت فى نقطة الصفر ...عرض المزيد

1 الدعم

3 نصيحة

Apple_67253 🇪🇬

مش عارف أبدأ كلام مع بنت للجواز

انا عندي مشكلة دايما اني اتعرف على حد سواء زميل او بنت او اي حد. حتى لو عاوز اشارك برأيي مش يبقا عارف. مع اني بشتغل كويس وبعرف اعبر عن نفسي فشغلي فالشركة كويس جدا جدا, وكمان عندي شغل تاني خاص ومرتاح الحمدلله. بس المشكلة اجتماعية اكتر، يعني أنا مش اجتماعي. الفكرة أني بدأت أحس بيها لما وصلت لسن مناسب للجواز، وعاوز ارتبط واتجوز، مش بعرف ابدأ كلام ، وانا مسيحي يعني عادي اتكلم مع حد لطالما باحترام وكدا. بس اجتماعيا مش عارف ابدأ منين أو ازاي الكلام مع اي بنت. هل فية حد مسيحي هنا يقولي مر ب دا وعمل اية؟ او بنت مثلا طريقة عجبتها فالكلام وكدا وتشاركها معايا ؟ ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع