فرق السن

Strawberry_56357 🇪🇬

منذ 3 أيام

شعور مرتبك

عادي أحب شخص أصغر مني بسنة؟ هو بجد بيحبني جدا وبيحاول دايما يعمل أي حاجة عشان يرضيني ومثقف وعاقل ومش بحس خالص إن في فرق سن بينا وهو فعلا حد محترم أوي ومش بيفوت صلاة في الجامع وأهله ناس محترمين أوي هو مقتدر ماديا الحمد لله وعايز يجي يتقدم بس أنا خايفة أفاتح أهلي في الموضوع يرفضوا بالمناسبة هو في 3 طب

Peanut_28647 🇪🇬 اللي بيحب بجد مش هيبص للسن الرسول اتجوز السيدة عائشة وكانت اكبر منه ب ١٥ سنة

عرض الكل 18 نصيحة

Strawberry_42567 🇰🇼

منذ شهر واحد

شعور ضاق ذرعًا

يعني ايه يقولي انتي زي أختي الصغيره، هو عشان هو بيدرسني أونلاين استمر نفسه ولا ايه فيها ايه 10 و 9 سنين فرق ولا حاجه والله ده حتى حلو يعني ايه بجد هو اتهبل... أصل انا مش هحب من طرف واحد ده يبقى اتجنن بقى !

Mango_30835 🇹🇷

منذ شهرين

شعور مرهق

Sugar_44866 🇪🇬 بصي هقولك روحي واقعدي جمبو وبرفق وحنيه كدا قليلو انت بتعملني كدا ليه هو انو مش اختك وخلي قلبك هو اللي يتكلم وتقوليو للدرجتي مليش غلاوه عندك يعني لو حد عاكسني في شارع ملقيش ليا ضهر انا بحبك علي فكره وانت غالي عندي قوي واحضنيه وقليلو متزعلنيش منك حرفيا هو هيعيط وربنا يهديهولك

عرض الكل 6 نصيحة

عبّر عن شعورك بشكل مجهول

عندي مشكله  مش عارفه احكيها لحد عموما وحاسه الشباب هم الي هيفهموها اكتر فمحتاجه رد منهم أو بنات بيعرفو يحتو كويس جدا..احنا تمن اخوات بس كل واحد راح لحال سبيله ومتبقاش غيري أنا واخويه من زمان وهو أكبر مني بست سنين ففاهمين فرق السن ده كنت مثلا صغيره لسه مش واعيه ولا فاهمه فلساني كان  بيفلت أوقات عن سبيل الهزار بغلط اوقات الي هو الغبي ده معرفش ايه بس مش كلام قبيح لا سمح الله المهم احنا كنا مع ذلك يعتبر كويسين أو خلينا نقول زي اي اخوات لكن حصلت نقله فحياتنا واضطريتا نقعد في بيت اوضتين فبقينا لازم نقسم ايام الاوضه وبتاع ويعني حصل تاتش كتير واتخانقنا لاسباب مختلفه كتير بس بسبب الحوار ده المهم هو بدأ يتغير ويتعامل بأسلوب سيء وبعد فتره أنا رحت وصالحته وقلتله أنا اسفه وجايز اوقات مكنتش بحترمك ومش هيتعاد والدنيا بقيت بيس بعدها بمده من لا سبب بقى يتعامل باسوء الطرق وكاني عدوته وبقى يعمل اي حاجه تكرهني فيه لو بموت قدامه ميعبرنيش ويتكبر فكل حاجه ويجيب لكل الي حواليه حاجات الا أنا وفمره والدتي طلبت منه يحطني فحته فطريقه قال بصريح العباره أنا مليش علاقه بيها وفمره مثلا صحابو جايبنلو اكل كتير وانا صايمه قال ولا هتلمسيه ولو شايفني ميته كده وشغاله طول اليوم في البيت يقولي اقعي من طولك مش هقعدك ترتاحي فالاوضه وانا تعبت بجد وفمره والدي بيقولو معلش سبيلها الاوضه علشان عندها فاينل وانا الاولى اصلا في الدفعه قال لو اي حد غيرها كان وافقت والنهار ده وفمرات كتير يدفع للكل الا أنا ولو حد قال ابعت حاجه ليه يبعتها مع اي حد تاني وهكذا مثلا ابسط مثال مرتحتش دقيقه علشان اريح ماما وفي عزومة لقرايبنا ونضفت وعملت كل حاجه ومش متسحره جيت عايزه اكمل اكل بقولو هقع من طولي معلش خليك بس سبني اكل  ومفيش مكان تاني قال اقعي مش موافق وبصيتلو لاول مره فعينو قلتلو انا مستاهلش المعامله ديه قال لا تستاهلي قلتلو أنا لحد امبارح كنت بفوت من النهارده أنا مش هسامح ولا حتى فرق معاه ولا أننا فاوقات فضيله فأنا تعبت ونفسيتي تعبت ومش هقدر احكي المشكله ديه لاي حد فياريت تقولولي ليه بيعمل كده بقالو شهور وايه الحل أنا فاهمه أن ربنا هيحاسبه ولازم اكون انا قدام ربي كويسه بس الموضوع متعببب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_35494 🇴🇲

منذ 4 أشهر

شعور متعب

انا لاقيت فتاة احلامي بالظبط يعني زي copy من دماغي و اتعملها paste فالحقيقه بس في مشكلة ان انا لسه صغير عندي 15 وهي16 ف خايف انها مش تحبني عشان اصغر منها بس و مايف انها تكون بتكلمني عشان تستغلني او كده بس اعتقد لا هي محترمه و بنت ناس و مش هتعمل كده اكيد ف عايز اعرف من حد عنده خبره اعمل ايه عشان احس

Avocado_48876 🇪🇬

منذ 6 أشهر

شعور محبط

كنت معجب جدًا بصديقتي اللي عمرها 27 سنة، وأنا عندي 20 سنة. كنت دايمًا بحس إن في حاجة مميزة جدًا فيها، طريقة كلامها، تفكيرها، ونضجها اللي مختلف تمامًا عن البنات اللي في سني. كنا بنتكلم كتير ونتشارك أفكارنا وأحلامنا، وكنت بحس إن في بيننا تفاهم عميق رغم فرق السن. لكن، كل مرة أفكر أقولها عن مشاعري، أرج

Banana_39939 🇦🇪

منذ 7 أشهر

شعور آسف

علي فكره يا جماعه فرق السن بيفرق كتير ، أنا فرحت لما لقيت المشاكل هنا كبرت وتطورت بعيدا عن مشاكل الصغيرين لأني بدأت أحس بالانتماء هنا اكتر ، الاول كان كله تحت العشرين أما دلوقتي في ناس كبيره نقدر نسمعهم ونفهمهم لكن حقيقي بعد ما سني كبر بقيت حاسس بفجوة كبيرة بيني وبين الجيل الحالي في التواصل مهما كان

Marshmallow_34335 🇪🇬

منذ 7 أشهر

شعور ضائع

Cherry_25637 🇪🇬 بصي طالما فرق ٧ سنين فهوه المفروض انو جاهز ان يتقدم لمحي قوليلو مثلا في حد متقدملي وأهلي عاوزين اقبل وشوفي رد فعلو وكدا وهتعرفي هوه ناوي ع ايه

عرض الكل 6 نصيحة

عبّر عن شعورك بشكل مجهول

مش عارفة ابدأ منين بس هحاول ماطولش
من فترة كبيرة معدية السنتين عرفت واحد وبقينا صحاب وحبيته بيني وبين نفسي ومقولتلوش ع اللي في نفسي💃
احم نكمل .. حبيته وهو حد كويس من كل الجوانب ماعرفش انا لوحدي اللي شايفه كدا ولا لا بس هو بجد كويس اوي بيصلي مركز في شغله مركز مع اهله حاطت حدود بيني وبينه عمره ما تجاوزها في الهزار ️ عمري ما كان عندي مشكلة الا وكان جمبي ومساندني فيها من ساعة ما عرفته وهو بيدعمني وواقف جمبي دايما يمدحني ويحسسني اني احسن حد وانا كل ده ساكتة مقولتش اني بحبه .. مهو انا ماقدرش اقول
معنديش استعداد اخسره .. فرق السن بيني وبينه 7 سنين ومش عارفة المفروض اعمل ايه او اتصرف ازاي مهو انا مينفعش ابادر واقول😅 وبردو مش عارفة سكوتي هيودينا لفين طب افرضوا حب واحدة وخطبها؟ انا محلي ايه من الاعراب خصوصاً انه بحكم شغله الكتير مبقيناش نتكلم الا كل فين وفين احنا بنبعد وانا بتعذ*ب انا بجد تايهه ولا ادري كيف السبيل .. حتى عارفة ان مفيش حلول بس حبيت افضفض اي حد عنده رأي يتفضل♥
للعلم انا حاولت كتير ابعد وادي مساحة لنفسي انساه بس معرفتش وهو كدا كدا زي ما قولتلكوا بحكم شغله باعد ومش بنتكلم الا كل فين ولا فين لا برتاح ولا بنساه ومش لاقية نهاية لكل ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_29969 🇪🇬

منذ 7 أشهر

شعور مذنب

من 3 شهور ارسلت طلب صداقه لحد شفت حسابه بالصدفة على فايسبوك ، ارسلت رساله بالغلط له ، لما دخلت عشان احذف الرسالة كان هو رد عليا ، طلع ولد ، في الحقيقة و بحكم أن عمري ما كلمت اولاد كنت ناويه اعمله بلوك ، بس هو كان لطيف جدا و بينا شبه كبير ، عده الوقت و كان بنتكلم كثير و ده كان من غير علم اهلي بده، ك

Potato_30046 🇪🇬 اتبعي قلبك و بس ، لو مقتنعه انك لما تتجوزيه هيحبك بجد و يراعيكي ، و عشان تعرفي حاجة هو اكيد علاقته بخطيبته اللي ماتت كبيرة اوي و كان بينهم وعود كتير بس الدنيا خلت وعودهم متكملش ،هو باينله طيب اوي و كلامه عن خطيبته دا دليل انه وفي لانها ماتت و لحد الان مش ناسيها ، الحته بقى في انك بطريقتك و شخصيتك تقدري تمليله الحب اللي فقده من خطيبته و تطلعيه من المود و اوعي في يوم تغيري عليه من البنت اللي ماتت

عرض الكل 7 نصيحة

Coffee_29700 🇪🇬

منذ 7 أشهر

شعور متعب

طيب دلوقتي انا عندي25سنة وبحب واحدة عندها30 سنة ودا مسببلنا مشاكل ان لا اهلي ولا اهلها موافقين بجوازنا خالص انا اهلي مقدور عليهم شوية وهقنعهم لانها حياتي انا بس اهلها رافضين خالص انها تتجوز حد اصغر منها وبخمس سنين كمان مش عارف اعمل اي بعدونا عن بعض كتير وبرضو بنرجع لاننا بنحب بعض وعايز اتجوزها والله

Strawberry_20657 🇪🇬

منذ 8 أشهر

شعور منزعج

عبّر عن شعورك بشكل مجهول

م فاهمه يعنى اى العيب ف ان اكون معارضه تمام لحوار الارتباط او حوار انها تتجوز حد اصغر منها ولو بشهر برضو يجماعه دا شئ انا م متقبلاه 
اولا هو راجل ف المفروض او دا الطبيعي انه يكون هو الى ممشي الدنيا وهو الى عليه اكبر قدر من المسؤليه 
يعنى لازم يكون شخص واعى فاهم متفهم يقدر يعدى وكدا 
م واحد اصغر منى بسنتين ولا كام شهر حبيبتي دا يعتبر ابنك يغاليه دا تجوزيه عيالك دا 
ف يقلبي م ناقصه هبل وان تيجي تقولى انك مرتبطه بالعيل دا ومفكره انه هيتجوزك وهو قدك والمستر لسه ضاربه ع قفاه من شويه 
بلاش احلام تافهه ونصحى شويه لطريق الدين وم معنى ان العالم كله بقا بيعمل كدا ودا بقا شئ عادى ف المجتمع نروح نعمله وننسي الدين قال اى 
وبعيدا عن انه حرام حتى لو اتقدم ليكى حد اصغر منك ووافقتى ف وجه نظرى انك عبيطه
لان الحوار ومافيه فرق السن ليه عامل كبير بينكم ف نرجع لدينا شويه وبلاش كل حاجه تبقا تقليد للغرب وخساره للدين

للتوضيح بس عشان والله تعبت اقرأو صح ياريت انا هنا م بقول انها تتجوز اصغر منها حرام ثانيا م بتكلم عن الناس الكبيره الواعيه الى قادره تشيل مسؤليه اظن انا كتبتها فوق انه لازم يكون واعى ومسؤل 
انا بتكلم عن البنات الصغيره وبوضح فكره ان الارتباط ف سنها غلط وهى بتخلص مشعرها 
ف قبل م تدخل تهاجم وتكلم اى كلمه ملهاش لازمه اقرأ صح او متتكلمش وتكتم عادى دى وجه نظرى وانا حره م مستنيه رائيك فيها رائيك لنفسك اختلفت معايا عادى يعنى م نهايه العالم 
ثالثا ايوه فرق السن بيعمل فرق كبير ف العلاقه يعنى م هجوز بنت 22 لواكد 37 واقول انهم كويسين كدا 
ولا بنت 22 لواحد 22 
ولا لواحد 18 مثلا تختلف من حيث الشخص لشخص لتانى واظن يعنى احنا شايفين معظم الشباب دلوقتي ازاى وبتفكر ازاى وان معظمهم لا فارق مسؤليه معاه ولا غيره 
ان اتكلمت ف نقطه واحده هى ان الارتباط برابط غير شرعى حرام وان الراجل لازم يكون مسؤول وم عيل ف ثانوى ونرجع لكلامى فوق عادى 
ف الاخر متجيش تقولى سيدنا محمد وسيده خديجه

هى البنت لاهى السيده خديجه ولا هو سيدنا محمد يعنى استغفر الله 
ومتجبش حد ع كوكب الارض وتشبه علاقتهم بدول ولا تشبه ان شباب دلوقتي نفس قدر مسؤوليه سيدنا محمد 
سيدنا محمد كان مسؤل عن امه كامله

دا م ملاك عشان يكون هو زيه لا

ونقرأ صح يجماعه ونفهم الخوار م نقرأ اول اربع سطور ونتكلم زى الحمار الاهوج كدا ها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.