هل من العادي أن أحب شخص أصغر مني بسنة؟

Question

عادي أحب شخص أصغر مني بسنة؟
هو بجد بيحبني جدا وبيحاول دايما يعمل أي حاجة عشان يرضيني ومثقف وعاقل ومش بحس خالص إن في فرق سن بينا وهو فعلا حد محترم أوي ومش بيفوت صلاة في الجامع وأهله ناس محترمين أوي هو مقتدر ماديا الحمد لله وعايز يجي يتقدم بس أنا خايفة أفاتح أهلي في الموضوع يرفضوا بالمناسبة هو في 3 طب بشري يعني لسة قدامه وقت على ما يخلص دة عادي ولا مش مناسب ليا يعني هو عايز نقرا فاتحة ونعمل خطوبة ونتجوز لما يخلص
عايزة أعرف هل فرق السن دة هيعمل مشاكل بعدين ولا عادي يكون أصغر مني

Peanut_28647 🇪🇬 · Accepted Answer

اللي بيحب بجد مش هيبص للسن
الرسول اتجوز السيدة عائشة وكانت اكبر منه ب ١٥ سنة

Grape_55150 🇪🇬 · Answer

فرق السن اخر حاجة تشيلي همها
فكرة انه لسه قدامه سنين.. بتموت اي علاقة 
الموضوع لازم يبقي فيه نضج وجاهزية عشان يتم

Coffee_41372 🇪🇬 · Answer

انا معجب بواحده اكبر مني بسنة بردو وخايف اروح افاتحها 😅 
بس من وجهه نظري يعنى مش بالسن خااالص السن مجرد رقم وده بجد والله في ناس سنها كبير وهبله😂 وفيه ناس سنها صغنن وعقلها يوزن بلد

Apple_55747 🇪🇬 · Answer

اهم شي يكون في توافق فكري السن مش مهم في ناس كبيره وعقله صغير والعكس ، ولكن اهم شي انه ملتزم واخلاق وعيلته محترمه والاهم انه يكون محترم بجد ، ولو عايزه تتأكدي بجد صلي صلاة استخاره واهم شي اهم شي اخلاقه وميكونش حبك ليه حب تعلق لان ده كله بينتهي بعد اول سنه جواز وبعدين بتفضل الأخلاق  يعني عصبي مش عصبي او بينقد كل شي حوليه ومش عاجبه حد  بس معاكي حلو وتمام  لان ده كله هايتغير بعد اول سنه سنتين جواز

Apple_55747 🇪🇬 · Answer

تكملة كلام 
شوفيه ازاي بيتعامل مع امه وابوه 
مع اللي حوليه  اهم شي الاخلاق
وده لكل حد مقبل علي جواز 
ربنا يوفقك ويوفق الجميع

Mango_56683 🇪🇬 · Answer

سيدنا محدم تزوك من تكبره بـ ٢٥ سنة 
فشرعا لا مشكلة في ذلك 
ولكن المشكلة عندك هل هينتحي الحب بالزواج فلا مانع في ذلك 
ولا هيكون مجرد حب من باب الحب و بس !؟

Tofu_56692 🇪🇬 · Answer

بصى هو الموضوع منقسم لكذا حاجه السن واهلك وانه لسه ما خلصش تعليمه نبدا بموضوع السن انت شايفاه ان هو ما فيش فرق في التفكير غير كده انت قلتي ان هي سنه واحده ما يعتبرش فرق اصلا وطالما انت شايفاه مناسب ومحترم فليه لا واهلك اكيد لو قبله وشافوا ان هو كده ما اعتقدش ان هم هيرفضوا غير كده هو عاوز يكمل معاكي بحلال مش عاوز يكلمك من ورا اهلك فانت توكلي على الله وصلي استخاره وفتحي اهلك في الموضوع

Banana_55545 🇪🇬 · Answer

السيدة خديجة هى التى كانت أكبر من الرسول صل الله عليه وسلم وليست السيدة عائشة

Mushroom_56839 🇪🇬 · Answer

عادي جدا ومفيش مشكلة طالما مناسب اجتماعيا و ماديا  وثقافيا و فكريا 
و مفيش حاجة تقلق او تخوف في الموضوع بس انا شايفة انكم تستنو لما تخلصو دراسة افضل ساعتها مشاعركم و قراركم هيبقى احسن

Strawberry_56357 🇪🇬 · Answer

أكيد كلنا عارفين ان الرسول اتجوز السيدة خديجه وكانت اكبر منه بس الفكرة في نظرة الناس بقىٰ والأهل وازاي ابني يتجوز واحده اكبر منه وازاي بنتي جوزها يبقى أصغر منها 
انا بردو بسأل في ان عادي نتخطب الفتره دي على ما يخلص ولا سنين كتير كده ويحصل مشاكل؟
احنا مش عايزين ندخل مسمى علاقة حرام بس عشان كده عايزين نعمل خطوبة

Strawberry_56357 🇪🇬 · Answer

طب ما هو احنا بنحب بعض بقالنا 3 سنين ومش عايزين العلاقة تكون حرام عشان كده عايزين نعمل خطوبة ايه الحل طيب؟

Strawberry_56357 🇪🇬 · Answer

هو فعلا مش بحس انه أصغر مني سنا خالص😂
انا بس خايفه من وقت الخطوبه هيكون كبير

Strawberry_56357 🇪🇬 · Answer

والله هو خلقيا ما شاء الله عليه وعيلته محترمه جدا وبار بأهله
 ومش حب تعلق لا 
مش عصبي خالص وتعامله كويس مع الكل 
الفكره في سنين الخطوبه هتكون كتير مش عارفه ده صح ولا غلط

Strawberry_56357 🇪🇬 · Answer

انا دي اخر سنه ليا وهو لسه قدامه 4 سنين كتير اوي

Strawberry_56357 🇪🇬 · Answer

تمام إن شاء الله

Strawberry_56357 🇪🇬 · Answer

عليه الصلاه والسلام
بنحب بعض من سنين

Coffee_41372 🇪🇬 · Answer

الوقت هيكون كبير فعلا 
بس طالما داخل البيت من بابه يبقي احسن من لما تتكلمي معاه من ورا اهلك 
بس بردو فرضنا ان بعد كل ده محصلش نصيب يبقي انتي فضلتي مستنيه جمبه وضيعتي فرص كتير مناسبه عشان اي 
بصي عندك حق تحتاري بس انتي بتتكلمي في ٤ سنين خطوبه 
كتييير اوي وخصوصا انه اكيد هيحتاج فتره نقاها بقا عشان يجهز شقه وعفش وبتاع والله اعلم ليه جيش ولا لا

لا المدة كبيره اوي بصراحة 🫥

Grape_55150 🇪🇬 · Answer

الحب الحقيقي هو اللي ينفع يتحول لواقع ..غير كدا يبقي اشباع احتياج عاطفي