من 3 شهور ارسلت طلب صداقه لحد شفت حسابه بالصدفة على فايسبوك ، ارسلت رساله بالغلط له ، لما دخلت عشان احذف الرسالة كان هو رد عليا ، طلع ولد ، في الحقيقة و بحكم أن عمري ما كلمت اولاد كنت ناويه اعمله بلوك ، بس هو كان لطيف جدا و بينا شبه كبير ، عده الوقت و كان بنتكلم كثير و ده كان من غير علم اهلي بده، كنا اصدقاء و مع الوقت بدأ يحكلي على كل شيء تقريباً ، عرفت أنه كان خاطب قبل كده بس ماتت قبل الجواز ، و هو لسه بيحبها، من أسبوع قالي بالصدفة أنه بيحبني ، مكنتش متوقع ده رغم أنه كان بين كل فترة و التانيه بيلمح ، و منكرش اني كنت معجبه بيه ، لكني حاسه ان دي علاقة مستحيل تنتهي بجواز ، هو مغربي و انا مصريه ، و في فرق 9 سنوات بينا ، و زي ما قلت هو لسه مانسيش خاطبته الميته لكن مع كده بيقول انه بيحبني اوي و باين من كلامه معايا ، انا مش عارفه اقول لي اهلي بده ، و حاسه بذنب ، انا مش عايزه اظلمه أو اتظلم ، رغم كده مش قادره اسيبه و انا عارفه أن اهلي مش هيوفقو بشكل كبير .

8

7