حاسة إني مكبلة بمشاعر كتير جدًا جوايا هي الي مانعاني اتحرك! عايزة أسأل الاول هل التعبير والكتاب مؤثرة؟ والموضوع بيجيب نتيجة ايجابية؟ للأسف تحولت شخصيتي اخر سنتين تمامًا، كل الحاجات والذنوب الي قولت مستحيل اعملها عملتها، تركت الصلاة بقيت بصلي فرض ف اليوم بالعافيك! بحس اوي بالذنب ناحية نفسي والي عملته فيها وف نفس الوقت مش قادرة ابطل، بدمر كل ايامي بالبطيء يوم ورا التاني … مش قادرة احاول مش قادة اخد خطوة واحدة ف المحاولة يمكن حاسة من جوايا بالغضب من نفسي، او من الناس ودا طلع في صورة نفسي، بعاقب نفسي بالوقوع في مشاكل اكتر وبعد اكتر عن كل شيء كويس طفولتي بالنسبالي كابوس، بكره افتكرها وافتكر مشاعري فيها مش قادرة اتحمل التفكير واني ممكن ارجع اعيش في بيتنا تاني مع مرات بابا الموضوع صعب اوي ومخنوقة اوي من التفكير في كل الي حصلي بسببها كنت فاكره اني لما هبعد هتعافى وهقدر اعالج نفسي من كل السلوكيات الوحشة الي كنت بعملها هروبا منها انا بقيت تلقائي افضل ادور ع اي حد يديني اي حب ولو مؤقت هروبًا من كلامها الوحش الي كانت بتقولوهرلي وهروبا من زعيقها لحد ما دا تحول اسلوب حياة حياتي فاضية تقريبا ومع ذلك بيجيلي نفس الشعور انا بقيت احس اني محتاجة حد جنبي طول الوقت يحب فيها ف تعددت علاقاتي وبحثي وللاسف محدش بيكمل معايا يوميين والكلام يقف دخلت دوامة الصحوبية دي رغم اني يبان عليا بنت عقلانية جدا وشطورة ورقيقة ومحترمة بس انا بحسني مش كدا بسبب شعوري ورغبتي الدايمة دي الي بتوقعني في علاقاات دلوقتي شعور الكره تجاه نفسي بيكبر، وبتكبر معاه الرغبة في المبالغة في الأخطاء، زيادة الكره لنفسي وشكلي بالتالي اليأس من الارتباط والحب والزواج بشكل طبيعي انا تعبانة جدا من نفسي ونفسي اقدر اساعدها وافوقها واداويها

1

8